رواية صعيدي في قلبي بقلم حنين عبد الرحيم

* مين ده اللي اسلوبه وحش يا بت انتي…. بس ثانية.. انتي قولتي عني وسيم مش كدة…..
وقرب منها وهي بتبعد
ميرا بلجلجة في كلامها: يعني مش قصدي.. ابعد بس……
وبيقرّب منها وهي بتبعد……
ميرا: مكنش قصدي.. ابعد لو سمحت…..
مهران: ايوة يعني ولو مبعدتش….
ميرا: يعني بليز امشي من هنا …..
وفضل يقرب اكتر….
وبعد كدة بعد عنها وقال: خلاص انتي خفتي مني…. جرا ايه عاد…. ما كنتي عاملة فيها سبع رجالة في بعض… يااااا اسمك ايه قولتيلي يا فتاة انتي….
ميرا: اسمي ميرا يا عم الحاج…..
مهران: ماشي يا ميرا….. بس متجربيش بعد كدة تلعبي معايا واصل….. لانك مش خابرة انا ممكن اعمل ايه !
ميرا: لا مش عارفة هتعمل ايه يعني
مهران: جولتلك بلاش….
ميرا خافت سيكا وقالت: خلاص بقا يا استاذ مهران …. سيبني اخلص تصوير…..
مهران: طب هو انا ماسكك يا فتاة انتي….. امشي اتفضلـي..

مهران مشي وهو جواه شعور غريب وقال: فيه ايه يا مهران….. مش حتة فتاة اسكندرانية…… هتحرك شعور جواك…… بس ايه اللي انا حاسه ده……. مش خابر…… لا يا مهران …..انت قفلت قلبك من زمان…….. واوعي تفتحه والبت دي تتعامل معاها بجمود من هنا ورايح…..

ميرا بتصور وبتعمل لقاءات وهو قاعد من بعيد وبيتفرج عليها….. ويقول: انا بس مراقبها علشان هبقي اعلمها الادب…. من امتى وفتاة تتحدث معايا كدة….

المهم ميرا كانت عايزة تعمل حوار معاه لان هو أساسا صاحب فكرة المشروع ولازم..

المهم راحت عنده وهي مقلقة بساطة وقالت: بعد اذنك يا استاذ مهران…..

* نعم يا…. ميرا…..
ميرا اول ما سمعته بيقول اسمها دقات قلبها عليت جدا مش عارفة ليه وردت وقالت: انا يعني…… انا بس كنت…….
مهران: من امتى القلق البسيط ده.. هو انا للدرجة دي قمر وقلق بسيط كمان….. علشان كدة مش جادرة تتحدثي معاي…..
ميرا: قمر ايه وبتاع ايه !…….. المهم كنت جاية وعايزة اعمل لقاء معاك كدة وأسألك كام سؤال بس وخلاص…….
مهران ببرود: لع….. انا مش فاضي للحديث الماسخ ده…..
ميرا: يا عم الناس قولتلك هما 5 دقائق بس……
مهران ببرود اكتر: أولا مسميش عم الناس اسمي مهران….. ثانيا بقى جولتلك يا فتاة انتي مش فاضي……
ميرا فكرت تجيبه من حتة العاطفة جايز يبقي عنده دم….
ميرا بعياط ودموع مصطنعة: معلش اصل بصراحة…. انا كدة ممكن اترفض من شغلي هو لقاء بس ومش هطول على حضرتك…….
مهران مش عارف ليه اول ما شاف دموعه قلبه وجعه مع انه المفروض قفل قلبه من زمان
بس قال: بس هما كام سؤال علشان مشغول ….. اجلسي هنا يا ميرا……
ميرا بخبث: حاضر يا …..استاذ مهران……
والمهم عملت لقاء وخلصته وهي خارجة قالت:
علشان تبقي عارف بس يا استاذ مهران…… انا عمري ما بعيط والدموع اللي شوفتها دي كانت شوية تمثيل……… كنت بستفز إحساسك علشان اعمل اللقاء ونجحت…… طب والله انا ممثلة شاطرة……. شوفت بقي…….
مهران: انتي كنتي بتلعبي عليا يا فتاة انتي……… طب والله راح أوريك وأجيب خبرك…….
ميرا طبعا مش فاهمة حاجة: ايوة يعني دي حاجة حلوة ولا حاجة وحشة مش فاهمة…..
مهران قرب منها وقال: باللغة بتاعتك يعنى هتصرف بأسلوب تاني..
ميرا سابته وطلعت تجري…..
مهران: اجري دلوقت.. بس هتشوفي مهران هيعمل ايه يا ست ميرا……. هعلمك الادب…….

ميرا جرت وبعدين رنت على محمود

ميرا: حودة فينك !

محمود: انا طلعت اهو ومستنيكي برة……

ميرا: طب انا جاية…….

وراحت لمحمود

محمود: جرالك ايه يا ميرو !!…….. شكلك مخنوقة جوي….. ايه اللي حصل…..

ميرا: في واحد كدة….. غبي بعيد عنك…… نرفزني وبصراحة حاجة كده بارد ورخم……

محمود: اهدي بس مين ده !

ميرا: المسؤل عن المشروع

محمود: اباي عليكي……ايوة انهي واحد فيهم….

ميرا: اللي اسمه مهران ده…..

محمود: بتهزري مهران!…….. ده حبيبي واخوي….. ده قريبنا خلي بالك…..

ميرا: قريبنا !…….. نو واي….. يبقي واحد بالرخامة دي قريبنا……..

محمود: لع…. يا ميرو ……… جرا ايه عاد…… بعد اذنك اتحدثي عنو بطريقة احسن من كدة….. لانه اعز صاحب عندي واخوي وجريبنا انا وانتي……

ميرا: خلاص انا اسفة يا محمود لو ضايقتك معلش….

محمود: لع ولا يهمك مش عايزة تعرفي بجي هو يقرابلك ايه……

ميرا: قول ومن غير صدمات…..

محمود: هو يكون ابن عمك حامد…….

ميرا: ثانية ثانية……. بس عم حامد معندهوش غير سارة بس……

محمود: واه….. لا وعنديه مهران كمان يبجي اخونا الكبير…….

ميرا: بس انا مشفتهوش في البيت خالص…. هو متجوز يعني وعايش بعيد….

محمود: متجوز ايه لع طبعا……. بس علشان زي ما انتي شايفة عندو شغل في المشروع الجديد ربنا يوفقه….. هو صاحب الفكرة……..فهو بيبات هناك أساسا بقاله اسبوع……

ميرا: اه…..فهمت….. بص مش هتكلم عليه علشان انت بتزعل……..

محمود بضحك: لع…… والله يا ميرو هو جلبه طيب وحنين جوي بس…… من يوم اللي حصل بجي…..

ميرا: ايه اللي حصل

محمود: سيبك….. جوليلي عملتي ايه… !

ميرا: فهمت انه مش عايز يقولها.. الحمد لله…… صورت وكتبت مقالات وهروح تاني بكرة علشان فاضل شوية حاجات بس استني… بوص الصور دي اهي….. حلوة صح !

محمود: اه حلوة جوي…..

ميرا: والله يا ابني انت اللي رافع من معنوياتي….

محمود: لأ…. لأ….. والله كيف الجمر…..

ميرا: عارفة عارفة…. بس مبحبش التكبر……. انا قمر في نفسي…….

محمود بضحك: مش قصدي عليكي يا مجنونة…. قصدي على الصور……

ميرا: يا عم اضحك عليا حتي…..

محمود: واه….. انتي كمان كيف الجمر يا بت عمي….

ميرا: والله مش عارفة اودي جمايلك فين يا زميلي….

محمود: متقوليش يا زميلي علشان الحالة بتجيلي….

ميرا: انت بتعرف تقلش كمان…..

محمود: ايوة يا ميرو…. احنا مش قوالين في البلد…..

ميرا: يلا ادينا وصلنا……. مش قادرة….. عايزة ارتاح….

محمود: ارتاحي دلوقت.. وانا كمان مش جادر واصل……

ميرا: ولا انا والله يا ابني……

المهم دخلوا البيت

ميرا: هالو يا جدو……

الجد: بتجولي ايه يا بنيتي……

محمود: يعني بتجولك اهلا يا جدي……

ميرا: عامل ايه يا جدو…….

الجد: انا زين يا بنيتي طالما شوفتك

محمود راح باس ايد الجد و ميرا كمان

وميرا طلعت ترتاح لانها مش قادرة أساسا……..

الجد اترسمت على وشه ابتسامة…….

محمود: مالك يا جدي……

الجد: جعمز يا ولدي…. جعمز يعني قعد علشان تعرفوا ان انا بتعلم اهو.. تعرف يا محمود….. انا اكتر وقت ببجي فرحان فيه لما اشوفكم كلكم حواليا ومتجمعين هنا…. بحب اشوف ولادي و احفادي حواليا…..

محمود: ربنا يخليك لينا يا جدي….. ويديك طولة العمر…..

الجد: ربنا يديني طولة العمر واشوفكم احسن الناس. ربنا يحميك يا ولدي….. انت و ميرا و سارة و…..

فجأة دخل وقاطعهم وقال: اباي…… وانا يا جدي…. نسيتني ولا ايه…… لع كدة انا زعلان …

الجد بابتسامة: انت جلبي.. حبيبي يا مهران يا ولدي……

مهران راح يبوس ايد جده وسلم على محمود

مهران: معلش يا جدي هروح اتسبح وارتاح شوية وهقضي بقيت اليوم معاكوا…….

الجد: ماشي يا ولدي

مهران طلع اخد شاور كدة ولبس لبس صعيدي وارتتاح شوية وبعد كدة نزل على الغدا…..

سلم على حسام ومراته…..

مهران: اتوحشتك يا عمي…….

حسام: وانا والله يا ولدي…… ياااا…. يا مهران بقالي كتير اوي مشوفتكش كبرت يا ولدي……

مهران: ربنا يخليك يا عمي ويباركلنا في عمرك……

وفجأة وهما بيتكلموا ميرا كانت نازلة على السلم لابسة بيجامة بيتي بنص كم ورافعة شعرها ديل حصان

نزلت وقالت: مساء الخير يا جماعة…….

مهران: هو انتي….. انتي ايه اللي جابك هنا يا استاذة صحفية……

ميرا ببرود: انا قاعدة في بيتي زي ما هو بيتك يا استاذ عصبي……

مهران بعصبية: بيتك كيف يعني ده بيتي يا استاذة انتي وكمان اسمي مهران….. انتي فاهمة !

حسام: اهدوا يا ولاد…….. انتوا تعرفوا بعض…..