ميرا: ايوة يا بابا….. ده الانسان المغرور والمتكبر والعصبي…….
مهران بعصبية: مين ده اللي مغرور يا بت انتي….. انتي اللي قليلة الرباية…..
حسام: لا يا مهران متغلطش يا ولدي…….. دي تبقي بنتي ميرا…. صحفية……
مهران: دي بتك يا عمي….. والله ما تصدق.. يعني دي تبقي.. بت عمي……
ميرا ببرود: للاسف…….
وراحت قعدت وبدأت تأكل ….
مهران قاعد علي الأكل مش طايق نفسه ومتعصب اوي منها وعمال يبصلها بنظرة حادة
وقام من علي الاكل..
بعد ما خلص اكل والكل خلص……
شد ميرا من ايديها وقالها: تعالي معايا…….
حسام: واخدها علي فين يا مهران……..
محمود: واخد ميرو فين يا اخوي…….
مهران: متخافش يا اخوي انت وعمي هوريها حاجة بس…..
ومستناش حد يرد وشدها من ايديه وهي عمالة تقوله: انت بتعمل ايه يا مجنون…….. سيبني…. سيب ايدي كدة……. انا مش عايزة اجي معاك.
لحد ما وصل قدام باب اوضة كبير كدة وفتحه واخدها ودخل كانت اوضة كلها رسومات جميلة اوي
ميرا: انت جايبني هنا ليه…….يا متخلف…… وبعدين قالت في سرها: يعني المفروض في الروايات بيعذبوا البطلة في اوضة ضلمة أو عازلة للصوت وكلام من ده…….
مهران بعصبية: بصي يا بت عمي انا جاي اتكلم معاكي …..بكل هدوء وبعدين قال بصراخ في وجهها: علشان كدة اتكلمي زين…..يا اما هوريكي الوش التاني يا بت عمي……
ميرا خافت بس حاولت متبينش: ايه الوش التاني لأ يا كبير احنا منخفش من حد يا بيه.. انت فاهم يا برو……..
مهران وشه احمر جامد واللي هو فاضل شويه ويطلع نار من بوقه: انا مش هتعصب عليكي دلوقت يا بت عمي.. تعالي اقعدي احسنلك بهدوء كده …..اقعدي…….
ميرا اتفزعت وراحت قعدت علي الكرسي وهو قعد علي الكرسي الي قدامها وقال بهدوء ميرا مستغرباه جدا:
بصي يا بت عمي…..اللبس اللي انتي لابساه ده مينفعش معانا هنا…..افهمي احنا هنا في الصعيد…
ميرا ببرود: ايوة وايه تاني بقي..
مهران وهو بيتكلم اسكندراني عادي: انتي ايه البرود اللي فيكي ده……والله انا لو مش عامل حساب لعمي كنت علمتك دلوقتي الادب بجد…..
ميرا بضحك: يسلام على القمر وهو بيتكلم اسكندراني
مهران سرح شوية في ضحكتها وبعدين رجع اتكلم صعيدي وقال: يا بت عمي….. صبري بلاش تختبري صبري ….
ميرا: لأ انا بحب اختبره………….
مهران اتعصب وطلع أداة شخصية من جيبه: طب يا بت عمي….. انا هوريكي دلوقت ازاي تختبري صبري.
ميرا بقلق بسيط: انت هتعمل ايه يا مجنون…… هتتصرف باستهتار وتعمل مشاكل.. طب عيب عليك….. والله عيب عليك تعمل كدة مع ضيفة زيي……
مهران بيقرب من ميرا وهي بتكمل كلامها وتقول: يا ربي…… لا والنبي يا ربي متعملش فيا كدة…… بس اصبر يا مهران هيبقي خبر حلو….. شاهد قبل الحذف….. صحفية تتورط في مشكلة مع ابن عمها في الصعيد…. ومش بس كدة لأ…ده العرض عرضين…..ده كمان اسمه مهران يا جدعان……
مهران عمال يقرب منها: انتي ايه راديو… اتفتح…. اسكتي بقي…..
ميرا بقلق بسيط: طب والنبي ابعد…. ربنا يكرمك…. ويباركلك في عضلاتك يا شيخ روح…..
مهران أطلق إشارة تحذيرية في الهوا وقال: قولت بس اسكتي خلاص يا ميرا اسكتي خالص…..
مهران شدها من ايديها وقربها منه وقال: انا مبحبش اعيد كلامي مرتين…. واللي جولتلك عليه يتنفذ يا بت عمي…..
ميرا: ايوة يعني ولو منفذتش…..
مهران -اللي بيقرأ كتب علم النفس كتير وبدأ يفهم شخصيتها فحاول ان هو يكون هادي معاها- هدأ جدا وقال: ميرا…..
ميرا سرحت في جمال اسمها وهو بيقوله وبعدين ردت: نعم……
مهران بهدوء: اقعدي هنا…. ونتكلم شوية…….
ميرا استغربت للمرة التانية من هدوءه هي مش فاهمة شخصيته خالص……
مهران: بصي يا بت عمي انا اكيد مش هقولك حاجة تضرك…. علشان كدة بقولك بلاش اللبس ده هنا…… انا بخاف علي اهل بيتي وطول ما انتي هنا فأنتي واحدة منا ومينفعش طريقتك دي…….
ميرا بهدوء: انا مقدرة كل كلامك بس دي طريقتي وانا مش هقدر أغيرها…… بس علي الاقل ممكن احاول شوية البس حاجات بمواصفات أهدى بس انتوا هنا اساسا الجو حر جدا……..
مهران فقد اعصابه خلاص وقال: نعم يا اختي….. حر ايه وبتاع ايه….. انتي هتلبسي اللي انا قولتلك عليه وبس….. انتي هتلبسي لبس صعيدي….. انتي فاهمة……
ميرا: لا مش مش فاهمة……. وانا سمعت دلوقتي رسالتك ونصيحتك ليا واقبل بقي النصيحة دي او ارفضها دي حاجة ترجعلي….. وانت ملكش دعوة أساسا….. انت مين انت علشان تدخل ياااا…… مهران
وميرا قامت ماشية
مهران مسكها من ايديها وقال بعصبية: مش مهران اللي لما يكون بيكلم فتاة…. تمشي وتسيبه
وبعد كدة شدها ليه وهمس في ودنها وقال: كلامي لو متسمعش هتشوفي مهران ممكن يرذل عليكي ازاي يا قطة……
ميرا وبنفس الصوت اللي بيتكلم بيه مهران: وانا عايزة اشوف يا مهران…….
وطلعت تجري فتحت الباب وخرجت
مهران: ماشي يا بت عمي….. انا هوريكي……
المهم ميرا مشيت….. وحست انها فعلا لازم تحترم شوية عادات البلد دي طلعت وغيرت هدومها ولبست بجامة بكم اوفر سايز بس كانت عسولة ونزلت
ومهران بصالها وقال في نفسه: هي مسمعتش كلامي اوي……بس غيرت لبسها للبس محتشم شوية….. الناس اللي شخصياتهم زي شخصية ميرا كدة يبقي صعب جوي التعامل معاهم…… بس مش جوي يعني باين انها طيبة بس كلام على الفاضي… بس عموما انا بفكر فيها ليه عاد….. هي كدة كدة فترة وراجعة تاني لبلدها…..
ميرا بصلته وقالت في نفسها: انا معملتش كدة علشان خايفة منه بس حسيت ان ده الصح….. حبيت اوي شهامته دي مع اننا اول مرة نتقابل…… ميرا في ايه يا ميرا……. بطلي شغل الهبل والروايات ده مش ناقصين احنا…….
المهم ميرا طلعت اوضتها واخدت كوباية عصير وطلعت شرفة غرفتها وبدات تقرا رواية انت لي…… وڠرقت في الرواية….. وعاشت مع الاحداث
وهي بتقرا لفت انتباها جملة وليد البطل بيقولها:
“إن شمسا تشرق وتغرب دون أن تريني إياها هي ليست شمسا.. وإن قمرا يسهر في كبد السماء دون أن يعكس صورتها.. هو ليس قمرا وإن يوما يمر.. دون أن أطمئن عليها.. هو ليس محسوبا من أيام حياتي……”
ميرا: يا اخي تبا للرومانسية.. يلا اقوم بقي انام
بس لسه داخلة تنام تفاجات باللي شافته وهي واقفة في البلكونة…..
ميرا: ايه ده مش مصدقة مهران……
ميرا كانت مفكرة ان خلاص الكل نايم….. بس شافت مهران وهو بيرسم ومنسجم مع الالوان والرسمة
ميرا مش مصدقة…. يعني معقول الاوضة اللي احنا كنا فيها وكلها رسومات دي معقول…. يكون هو اللي راسمها…… معقول الإنسان العصبي القوي ده اللي عمري ما شفته بيضحك…… يكون فنان وبيرسم ومرهف الحس كدة…… يا ميرا وانتي مالك اصلا……. ادخلي نامي…….
علي الجانب الأخر………
مهران قاعد بيرسم كعادته ومنسجم جدا في الالوان والتفاصيل الصغيرة…… وفي الاخر جاي يشوف الرسمة لقي نفسه رسم منظر طبيعي……. رسمة بسيطة بس باين فيها الابداع الشديد……. وكالعادة خد اللوحة ودخلها اوضته المفضلة الاوضة اللي لما يبقي زعلان او مضايق او فرحان…… بيروح عليها بيحس بالراحة النفسية وسط رسوماته…..
المهم خرج وقفل الاوضة وراح يبات في سكن في المشروع……..
المهم كل ابطالنا الحلوين خلاص ناموا
وجاء الصباح بقي
صحيت ميرا علشان كانت ظابطة المنبه وكالعادة بتبدا يومها بضحكتها……اللي بتاخد العقل….. وقامت واخدت شاور
وكانت هتلبس جينز وتيشرت بس افتكرت انها لازم تلبس محتشم سيكا
قررت انها تلبس بدلة فورمال
بنطلون اسود مش ضيق اوي وشميز ابيض وبليزر اسود
ورفعت شعرها ديل حصان واخدت ادواتها والشنطة بتاعتها ونزلت….
وهي نازلة كان محمود كمان نازل……
محمود: اوباااا……..ايه الجمدان ده يا ميرو…… سيدة اعمال في نفسك كدة…..
ميرا: عارفة بس مبحبش التكبر يا برو….. بس ايه رأيك يا حودة هاخد رايك طبعا بما انك اخويا.. محتشم شوية صح!
محمود: ايوة انا من رأيي اللبس ده احسن من المفتوحة….. كدة شكلك احلي يا ميرو……..
ميرا: ميرسي….. ميرسي…… يا حودة……يلا بقي نفطر علشان نمشي يا برو…
محمود: يلا يا زميلي……
نزلوا لقوا الكل قاعد على السفرة…..
ميرا: صباح الفل على اجمل عايلة في مجرة درب التبانة……
جدو: صباح النور يا بنيتي……
حسام: وسعت منك اوي حكاية درب التبانة دي……
ميرا: علشان تعرف بس يا حسام اني مثقفة….. احم….. احم….. ولا ايه يا محمود……
محمود: احم…. احم…. اكيد طبعا هو انا اقدر اتكلم ممكن اتفاجأ…..
الكل ضحك
الجد: والله يا بنيتي….. من يوم ما جيتي هنا والضحكة ما فرقتناش واصل…….
ميرا بابتسامة: أساسا البيت منور وفيه البركة بوجودك يا جدي……. يلا انا خلصت……
محمود: يلا وانا كمان خلصت…..
المهم مشيوا ووصلوا الموقع
وميرا بدأت شغلها علشان تخلص اللي عليها وكدة واخدت الصور وعملت اخر اللقاءات وكدة……
ميرا: oh my God …..اخيراااااا…..كدة خلصت شغلي…..
اتصلت بمحمود: حودة انا خلصت….. ها انت خلصت ولا…….
محمود: والله يا ميرو مش خابر….. هخلص امتى….. لان لسه احتمال اتأخر…..
ميرا: طب خلاص انا هحاول اروح لوحدي…….
محمود: اباي….. انتي كيف هتعاودي لوحدك يا ميرو…. اخاف عليكي يا بت عمي…….
ميرا: متخافش يا محمود…… انا حفظت الطريق وعادي اقدر ارجع لوحدي متخافش……
جاء من وراها صوت وقال: انا هعاود معاكي عشان مينفعش تعاودي لوحدك يا بت عمي……
ميرا: مهران……
مهران شد الموبايل من ايد ميرا…… وكلم محمود: متخافش يا ابن عمي…. انا هعاود معاها وأنت كمل تدريبك……
محمود: ماشي يا اخوي….. سلام
مهران: سلام……
مهران: يلا يا ميرا……
ميرا: لأ شكرا….. انا اعرف ارجع لوحدي يا استاذ مهران……..
مهران: جرا ايه عاد!…… شكلك مش هتجيبيها لبر يا بت عمي……يلا اركبي علشان اوصلك عاد……
ميرا: ولو مركبش……
مهران: شكلي هضطر استعمل اسلوبي يا بت عمي…..
ميرا ببرود: استعمله يا برو…… احنا مبنخافش…..
مهران: انتي يا فتاة انتي…… اللي اعرفه ان البنت بتكون رقيقة وبتتكسف يعني….. المفروض البنات بطبعهم رقاق…..
ميرا: لا يا برو…. الرقاق ده اللي بتاكله وانت جعان….. اسكت مش دلوقتي الزمن اتغير…..
مهران: طب يلا اركبي يا بت عمي……
ميرا: قولت لأ……
مهران: انتي عاد اللي جبتيه لنفسك……
مهران شال ميرا وركبها العربية وركب هو كمان.. …..
ميرا: انت مجنون….. ازاي تعمل كدة……
مهران: جولتلك من الاول اركبي يا اما هستخدم طريقتي……
ميرا بعصبية: انسان مستفز……
مهران لما شافها متعصبة ضحك…..
ميرا ولاول مرة تشوف مهران بيضحك…… سرحت في ضحكته وقالت في نفسها: ما انت ضحكتك حلوة اهو امال مكشر ليه من ساعة ما شوفتك يا ساتر يا رب……. ما الصعيد فيها ناس حلوة واهي…….امال في ايه بقي……
مهران: هو انا ضحكتي حلوة لدرجة انك مش عارفة تشيلي عينك من عليا……
ميرا بدات تفكر بصوت عالي: يخربيت عيونك الخضرا يا شيخ….. امال انا معنديش العيون الخضرا دي ليه…… مع اني من العيلة….. ولا انت طلعت حاجة مختلفة كدة….. اشمعني يعني…..
مهران: ما انا العيون الخضرا مش واخدها منيكم…..
ميرا: احم…. احم….. معلش فكرت بصوت عالي شوية… امال واخدها منين يا استاذ عصبي….
مهران: جولتلك مليون مرة اسمي مهران…. معدتيش تجولي استاذ عصبي دي عاد…..
ميرا: متأسفة….. مقولتليش جايب العيون دي من مين!
مهران: مش مهم تعرفي يا بت عمي….
وفجأة موبايل ميرا رن
طلع مستر احمد
ميرا: هالو مستر احمد
احمد: هالو يا ميرا ايه الاخبار!
ميرا: الحمد لله تمام….. حضرتك عامل ايه !
احمد: الحمد لله….
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
