رواية صعيدي في قلبي بقلم حنين عبد الرحيم

محمود: ايوة اللي الدولة عملاه……..انا في تانية كلية زراعة وبتدرب هناك…..

ميرا: طب اشطا….. لو مش هتعبك بقي….. هبقي اروح معاك هناك اصور واعمل لقاءات وكدة……..

محمود: تؤمري يا بت عمي……

ميرا: شكرا……

الجد: اكيد متعبة يا بنيتي….. اطلعي ارتاحي….. وبعدين نكمل حديتنا….

ميرا: حاضر يا جدو…….

الجد: أم فوزي…. تعالي خدي ست ميرا لاوضتها…..

ام فوزي: حاضر يا جدي….. اتفضلي معايا يا ست مينا …..

ميرا: لا اسمي ميرا…..

ام فوزي: ميرا… دي اوضتك يا ست هانم…… لو احتاجتي اي حاجة انا هنا يا ست ميرا…..

ميرا: ممكن بليز تقولي ميرا بس انتي في مقام ماما…..

ام فوزي: يوووه….. ميصحش يا ست هانم…. قطع لساني…..

ميرا: لأ لأ انا بقولك…..

ام فوزي: اللي تؤمري بيه يا ست ميرا….

ميرا: قولنا ايه !

ام فوزي: حاضر يا ميرا…… ربنا يحفظك يا بنيتي……

ميرا: شكرا لذوقك…..

دخلت خدت دوش …..

ولبست بيجامة ووقفت كدة في الشباك شوية اتفرج على الزرع و حياة الريف الجميلة……

الزوجة اللي بتساعد زوجها وهو راجع من الشغل…. الحيوانات الكتيرة جدا…. الاطفال وهي بتلعب ببراءة……….

يااااا….. الحياة هنا بسيطة اوي كدة……

المهم وانا بتفرج لمحت شاب كدة راكب حصان وشكله كان متعصب الله أعلم من ايه…….

كان لابس لبس صعيدي بس كان حلو جدي …… وبصراحة مكنتش اعرف ان الصعيد فيها وسيمين كدة…… راكب على الحصان جنتل مان وجسم رياضي وبصراحة جذاب اوي ….. عامل زي الممثلين التركين كدة……

المهم كنت متعبة ….فيدوبك حطيت راسي على المخدة وعومت في بحر النوم.

صحيت على صوت ام فوزي وهي بتقول: جومي يا بنيتي الوكل جاهز……

ميرا: هي الساعة كام دلوقتي !!

ام فوزي: الساعة بقت 6……

ميرا: يااااا……. انا نمت كل ده……

ام فوزي: تلاقيكي يا حبة عيني من التعب….. جومي يلا يا بنيتي علشان تاكلي….

ميرا: ماشي يا ام فوزي…. روحي انتي وانا هأخد شاور كدة وجاية…..

ام فوزي: الا مين شاور ده يا ست ميرا !

ميرا بضحكة: يعني دش يا ام فوزي….

ام فوزي: ماشي اللي تؤمري بيه.

المهم ميرا اخدت شاور كدة ولبست جينز وتيشرت ونزلت

وهي نازلة كان الكل قاعد على السفرة وفجأة كل النظرات اتوجهت ليها……

ميرا: مساء الخير يا جماعة……..

محمود: مساء العسل والجمال…….

ميرا بصت لمحمود وابتسمت وقعدت على السفرة وبدأت تاكل……

وبعد ما خلصوا وأكلوا……

ميرا: محمود…..

محمود: نعم يا بت عمي….

ميرا: ممكن بس تقولي انت رايح امتي المشروع الجديد ده علشان اروح معاك يعني…..

محمود: رايح بكرة يا بت عمي.. اصحي بكرة ونروحوا مع بعض…..

ميرا: تمام OK…. شكرا

محمود: لأ مفيش شكر بين الصحاب ولا ايه….

ميرا بإبتسامة: أيوة اكيد….. ما انت بتتكلم زيي اهو اومال فيه ايه…..

محمود: اه عادي بس كل مكان لازم ليه كلامه…..

ميرا: OK…. نتقابل بكرة يا صاحبي……

محمود: ماشي يا زميلي…..

ميرا ضحكت: كمان يا زميلي !!……. لأ انت جامد اوي بقي…..

محمود بغرور مصطنع: عادي بس مبحبش التكبر…. ممكن اقولك يا اسطا كمان بس انتي اكبر مني برضه ولازم الاحترام…..

ميرا: كبيرة ايه يا عم عادي….. عموما ماشي يا عم التواضع….. تصبح على خير….

محمود: وانتي من أهله……

الجد: والله اتوحشتك جوي يا ولدي….

حسام: وانا والله يا بوي…..

حامد: امال فينك يا خوي كل دي كانت غيبة…..

حسام: انت عارف مشاغل بقي يا خوي….

حامد: ربنا يجويك…….

حسام: صح انا شوفت سارة…. امال فين ابنك مهران مشفتهوش من وهو عيل صغير……

حامد: هو كمان مشغول بالمشروع الجديد…. وشغله وكدة وبايت هناك بقاله اسبوع….

حسام: ربنا يوفقه يا رب…….

المهم طلع يوم جديد وجاء الصباح

محمود بيخبط على ميرا: ميرااا…. ميرااااا….. ميرا….. هي في غيبوبة دي ولا ايه….. ميراااااا

واخيرا بعد محاولات ميرا فتحت الباب

ميرا: ايوة يا محمود حرام عليك في حد يصحي دلوقتي……

ميرا طبعا كانت لابسة بيجامة بس كانت عادية بنطلون وتيشرت…..

محمود اول ما شافها فضل ساعة يضحك

ميرا: في ايه انا عارفة شكلي وانا صاحية من النوم يقلق بسيط صح !!!

محمود وهو مش قادر يمسك نفسه من الضحك: ايه بيجامة الاطفال اللي انتي لابساها دي….. وايه شعرك الي عملاه كعكتين ده….. لا مش جادر …. بجد….

ميرا نغزته في كتفه: اسكت بقي يا بارد بقي انا شكلي وحش….. ماشي يا محمود….

محمود: لا والله ما جراش حاجة يا بت عمي…. المهم البسي يلا علشان كدة هنتأخر…… يلا انا همشي

وبضحكة مكتومة بيقول: يا قطة….

ميرا: امشي من هنا يا ولا….. امشي…..

ميرا اخدت شاور ولبست دريس ابيض كات وعليه جاكيت جينز كات…. وكوتشي ابيض…. ورفعت شعرها كعكة مع بعض الخصل اللي نازلة من شعرها….. واخدت شنطة باك..

ونزلت وكانت في أبهى طلة…..

ميرا نزلت لقت الكل قاعد على السفرة….

ميرا: صباح الخير والفل والياسمين علي اجمل عايلة في المجرة……

الجد: صباح النور يا حبيبتي….

حسام: ها رايحة النهاردة يا حبيبتي

ميرا: اه يا بابي…. رايحة مع محمود….

حسام: ماشي يا بنتي ربنا يوفقك…..

ميرا: اهو يا أستاذ محمود جهزت بسرعة…. علشان متقولش انا اللي هأخرك….

محمود: خلاص يا بت عمي….. كدة معتتأخريش امال لو رايحة فرح كنتي اخدتي قد إيه…..

ميرا: ماشي يا حودة هنشوف الموضوع ده بعدين…. حسابك معايا عصير…. شايف يا جدي….

الجد: مالك ببت عمك يا محمود…. تتأخر كيف ما هي عايزة

ميرا: ربنا يخليك ليا يا جدي…. وطلعت لسانها لمحمود

محمود: بجي كدة يا جدي… تيجي معاها….

والكل ضحك…..

المهم خلصوا فطار ومحمود اخد ومشيوا، وهما ماشيين:

ميرا: بقي انا يا برو…..تقول عليا بتأخر وكمان تتريق عليا……

محمود: انتي مش شايفة نفسك جعدتي اد ايه….

ميرا: ايوة ما انا متأخرتش.

محمود: خلاص خلاص اهدي يا زميلي…..

ميرا: خلاص خلاص انا هادي يا صاحبي…..

محمود بضحك: ماشي يا بت عمي……

وبعدين محمود سرح……

ميرا: الحلو سرحان في ايه….. !

محمود: ها….. واكمل بحزن: تعرفي يا ميرا انا معنديش اخوات بنات طول عمرى كان نفسي يبجي عندي اخت زيك اكدة نتخانج انا وهي و تبجي اكبر مني وتذاكرلي ونبجي زي الجط والفار كدة.

ميرا: تعرف يا ولا يا حودة….. وانا كمان وحدانية معنديش اخوات خالص… بس ادينا فيها من النهاردة انت اخويا وانا اختك مهما حصل….. Ok

محمود: OK….يا بت عمي…. من النهاردة انتي اختي وانا اخوكي مهما حصل….

ميرا: مادام انت اخويا بقي يبقي بلاش بت عمي دي وقولي ميرو تمام…..

محمود: تمام يا ميرو….

ميرا بضحكة: ما أنت عسل اهو…..

محمود بكسوف شوية: احم…. شكرا…..

ميرا: ايه ده…. ايه ده…..مالك اتكسفت كدة ليه !!!

محمود: المهم ادينا وصلنا يا ميرو…..

ميرا: يااااا حلو اوي…..

وميرا استأذنت من المسؤلين وبدأت تصور….. ومحمود راح تدريبه….. بدأت تاخد صور وتعمل لقاءات صحفية….. وهكذا.

لحد ما وهي بتصور الزرع والمشروع وكدة ومنسجمة اوي في الصورة اللي بتاخدها لان زي ما انتوا عارفين التصوير ده هوايتها فاكتر وقت بتحبه وهي بتصور ………

حد جاه من وراها وقال: ايه اللي عم تعمليه ده…..

ميرا منسجمة وبتاخد الصورة وماخدتش بالها…..

اللي بيتكلم علي صوته وقال: ايه اللي عم تعمليه ده

ميرا اتفزعت والكاميرا كانت هتقع منها…..

وبعدين قالت وهي لسه مدياله ضهرها: بصور…..

قال: بصيلي هنا وانا بكلمك……

المهم ميرا لفت لقت الشاب الجميل اللي كان راكب على الحصان، جسم رياضي وعيون خضرا وحاجة كدة جذابة اوي بس مكنش لابس لبس صعيدي كان لابس عادي تيشرت و بنطلون …… وعيونهم التقت ببعض…..

وبعدين ميرا قالت: نعم يا استاذ….. انا صحفية وبصور المشروع الجديد…..

* ايوة اخدتي اذن من مين…. انتي يا حضرة الصحفية… علشان تصوري وانتي مين أصلا…. ايه اللبس اللي لابساها ديه….. وايه ده…… انتي منين يا حضرة الصحفية انتي…….
* أولا انا اسمي ميرا ثانيا انا من إسكندرية…. ثالثا ملكش دخل البس ايه او مالبسش ايه….. رابعا بقي والاهم ده الكارنيه بتاعي وواخدة اذن من اللي قاعدين في المكتب اللي هناك ده…. وبعدين انت مالك يا عم الجنتل انت!
* اتحدثي معايا بأسلوب احسن من كدة….. ومتعمليش نفسك علينا حاجة لاني اعرف اتكلم مصراوي زيك عادي، وانا بقى بكون مهران صاحب فكرة المشروع اللي حضرتك شايفاه ده……
* بجد انت مهران اللي بيقولوا عنه صاحب الفكرة…… بس هو صراحة انت handsome….بس اسلوبك مش حلو خالص……