ملك: ممكن تسبوها ترتاح شوية وبعدين نعرف حصل إيه.
علا بانهيار: عاوزة مروان، عاوزة ابني يا جدو، أرجوك يا بابا، عايزة ابني، عاوزة مروان، آه يا حبيبي يا ابني.
ظلت تبكي بانهيار.
طوال الطريق لم تتحدث طوال الطريق وهو يتطلع إليها من حين لآخر، بعد ما يقارب الساعتين وصل أمام فيلا العميري.
إياد: رانسي.
رانسي: اطمن، مش هحكي لحد على اللي انت عملته.
إياد بعصبية: مش قصدي كدة، بس مش مهم، نتكلم بعدين لما نشوف جدو عاوز إيه.
دخل الفيلا وتفاجأ من انهيار علا.
علا بانهيار: أنا اللي ضيعت ابني مني وجوزي بغبائي، أنا السبب، تربيتك ليا السبب، ودلعك في عمرو السبب، هو يضحك على بنات الناس، أهو اللي بيعملوه في البنات اترد لبنتك، داين تدان يا ماما، انتي السبب في كل حاجة، وكمان كنتي عايزة تهدمي حياة رانسي وإياد بعد ما ابنك سابها يوم فرحها، أنا سمعتك بتتكلمي معاه، أهو حياة بنتك هي اللي دمرت يا ماما، اللي كنتي عايزة تعمليه في رانسي ارتد لبنتك، يارب تقتنعي وتهدي بقى، شوفتي حصلي إيه؟ انتي السبب وابنك السبب، عمرك ماقولتي دة صح ودة غلط، شوفتي ابنك وصل لفين؟ وانتي هتدمرية كمان زي مادمرتيني.
إياد بصدمة: في إيه يا علا؟ حصل إيه؟
علا بدموع: إياد حبيبي، انت اللي هتجيبلي ابني، مش كدة يا إياد؟ انت اللي هترجع مروان لحضني يا إياد، صح؟
إياد: طب اهدي وفهميني، مروان مالو؟
علا بانهيار: خالد طلقني وخد مروان مني، أرجوك عشان خاطري رجعلي ابني.
إياد بصدمة: طلقك وخد ابنك؟ … يتبع للجزء الثالث.
