حور قالت …شوف يا باشمهندس انا اكتر حاجه بحبها في حياتي الصراحه مهما كانت عواقبها..انا عميه مش بشوف..وممكن ميكونش فيه امل اني اشوف..وحضرتك العريس العاشر الي يتقدملي ويمشي لان كل واحد اتقدملي جاي علشان حاجه معينه في دماغو ومنهم الي جاي وميعرفش اني مش بشوف اصلا ..واكيد حضرتك كمان ذيك زيهم ..ايه الي يخلي واحد في عز شبابو مهندس وناجح وقالولي كمان انك زي القمر..فانت مش مضطر تتجوز واحده في ظروفي الا اذا كنت جاي علشان حاجه معينه
وليد حس بالحزن عليها وقال ..احم..بس انتي مش ناقصك حاجه يا انسه حور..وموضوع نظرك ده امر ربنا
حور قالت …انا فعلا مش ناقصه حاجه يا باش مهندس بس الناس هيه الي ناقصها كتير..ولانك واحد من الناس دول مفيش داعي تضيع وقتك ووقتي وقولي بصراحه انت اتقدمتلي ليه طالما عارف اني عميه ومتقلقش الكلام ده هيكون بنا .. هقول مفيش نصيب وتاخد باقي الجاتو وتمشي
وليد ابتسم على كلامها اللطيف وبقى يبص لملامحها الكامله الهاديه وعيونها الجميله سود جدا وبيلمعو رغم انها مش بتشوف اتنهد وقال..الحلو ميكملش يا انسه حور
حور ابتسمت وقالت..اممم..مش عايز تتكلم..براحتك..كل حاجه هتتعرف مع الايام انت الي مصر تضيع وقت
وليد لسه هيرد دخل راشد وقال..ها اتعرفتو
وليد قال..اه..اتعرفنا…وممكن نتفق ونقري الفاتحه في اي وقت تحددوه
راشد فرح جدا عكس حور الي كانت متأكده ان وراه حاجه
راشد قال تمام يا ابني ممكن نستناك انت واهلك الجمعه الجايه و
بس قطع كلامهم دخول شاهر وقال…معلش اتأخرت عليكم يا جماعه
راشد قال لوليد..ده شاهر الضبع ابن اخويا
هنا وليد اتحولت ملامحو لڠضب رهيب حاول يسيطر عليه وسلم عليه بهدوء وقال..اهلا وسهلا..يا شاهر باشا..مبروك..سمعت انك اتجوزت
شاهر استغرب طريقتو وسلامو الجاف بس قال بابتسامه..الله يبارك فيك يا باشمهندس..انا كمان سمعت اننا شغالين سوا ..ده هيكون مشروع هايل باذن الله
وليد قال بغضب بيداريه بالعافيه..فعلا..هيكون مشروع هايل جدا
راشد قال..طيب اقعد يا ابني انتو هتفضلو واقفين كتير
وليد قال..لا معلش..انا ورايا مشاوير كتير لاني امبارح رجعت من السفر..بس المره الجايه هجيب اهلي وهنتعرف ونتكلم..لاني حابه اتكلم معاكم اكتر وبص لشاهر وقال..وحابب نتعرف اكتر
شاهر كان حاسس بشئ غريب في كلامو بس مهتمش وطلعو كلهم سوا
في الصاله كانت منى بتقول لغزال..انا امنيه حياتي اشوفها بتتجوز زي البنات ..اصل انتي مش غريبه يا غزال حور لانها مش بتشوف اتقدمت لها عرسان كتير وكلهم طفشو فيه الي مشي بعد ما عرف ظروفها وفيه الي مشي لانو داخل علي طمع اصلا و
بس قطعت كلامها لما طلعو الشباب وراشد قال..فرصه سعيده ياباشمهندس كلهم راحو سلمو على العريس الا غزال الي اتجمدت مكانها وكانت هتقع من طولها لما شافتو
وليد بصلها بنظره عتاب وااستفهام وڠضب نظره فيها كلام كتير وغزال سبقتها ابتسامه جميله وكانت حابه تسلم عليه بقالها كتير مشافتهوش حبيب قلبها وابن عمها وخطيبها الي كانت هتتجوزو نزلت دموعها وفضلت متجمده مكانها
الكل خد بالو لنظراتهم وشاهر اتحولت ملامحو لڠضب رهيييب والجو فجأه اتوتر راشد حب يهدي الاجواء قال..تعالي ياغزال يا بنتي سلمي على الباشمهندش وليد
بس وليد فاجأ الكل وقال…معلش ياجماعه اصلها اتفاجأت ..اصل احنا قرايب غزال تبقى…بنت عمي
الكل اتفاجأ… الا حور اول ماسمعتو قربت وهمستلو وقالت..بنت عمك..امممم..اجيب باقي الجاتو
وليد ضحك بخفه وهمس لها وقال…يوم ما احب اقطع علاقتنا يا انسه حور هجبلك علبه جاتو تانيه مش هاخد الي جبتها متقلقيش
حور ابتسمت بسخريه وراشد قال..خير يا ولاد فيه حاجه..وليد قال ..لا ابدا يا راشد بيه حور بتسأل ازاي غزال بنت عمي ومقلتش
منزر قال..اه صحيح يا وليد ليه مجبتش سيره يعني
وليد بص على شاهر وقال…اصل اناكنت بره البلد والغريب ان محدش قلي على جواز غزال انا لما كنت هناك كنت ناوي اتقدم لبنت راشد باشا على السمع ورجعت امبارح ولما رجعت وعرفت ان غزال اتجوزت والصدفه انها اتجوزت برضو من عيلتكم مرضتش اجيب سيره علشان لو هترفضو مأحرجهاش يعني
راشد ابتسم وقال..والله دي صدفه جميله
اماشاهر فهم انو جاي وعامل الحوار ده كلو علشان غزال قال…هي صدفه تجنن الصراحه..وأشار لغزال تقترب قاصد يضايقو وقال..تعالي سلمي على ابن عمك يا غزال متتكسفيش
وليد فضل باصص پغضب وغزال مدت ايدها سلمت عليه بتردد ودموعها حبساها بالعافيه ووليد قال…مبروك يا بنت عمي …
غزال مقدرتش ترد وهزت راسها بس ووليد سلم على الكل وبص لشاهر وقال …هشوفك تاني يا شاهر بيه لسه فيه بنا مواضيع كتييير نتكلم فيها
شاهر ابتسم وبصلو بتحدي وبص لغزال وقال..اكيد..وهستناك
وليد مشي واول ما طلع غزال أبعدت شاهر وطلعت جري على اوضتها
بقلمي..زهرة الربيع
والكل استغربو وهناء قالت..فيه ايه يا شاهر مراتك مالها يا ابني
شاهر قال پغضب وهو طالع وراها ..مفيش معدتها وجعاها من امبارح …وطلع وراها بعصبيه
منى قالت بهزار..معدتها وجعاها معقوله تكون حامل
سهام قالت پغضب…دول اتجوزو امبارح يا حماتي حرام عليكي بقى هو مفيش معاكي غير الموضوع ده..اووووف…وطلعت هيه كمان على اوضتها بعصبيه
منزر بص لامه بيأس وقال…يماما وبعدين بقى مش تاخدي بالك
منى قالت ..والله بهزر..روح وراها يا ابني
منزر طلع ورا سهام وهو بيقول..سهام ..يا بت استني
راشد قال ..سبكم من لعب العيال ده..خلينا في المهم لما نتفق مع العريس هنعمل خطوبه لحور خلينا نعمل فرح منزر في نفس اليوم ونخلص علسان نعزم كل الناس وبالمره يعرفو ان شاهر اتجوز ونبقى خلصنا من العك ده مش كل يوم هنعمل حفله
منى قالت بحزن .بس منزر مش عايز يعمل حفلات وكده عاشان مراتو وبعدين انا كمان كنت عايزه اجوزو سكيتي علشان سهام
راشد اتنهد وقال..بس البنت الي خطبها متجوزتش قبل كده وعايزه تعمل فرح كفايه اننا معملناش لهم خطوبه واحنا ماصدقنا انها توافق تعيش هنا في نفس البيت ..خلينا نخلص وبعدين سهام مقدور عليها
عند شاهر طلع ورا غزال وهو هيطق من الغضب وفتح الباب اتفاجأ بيها ماسكه قلم وبتبصله بعصبيه شديده
شاهر بصلها بسخريه وقال..ايه حابه تريحي نفسك وتريحيني
غزال بصتلو پغضب وقالت بطريقة حادة ..اناحابه اريحك فعلا بس لما ارتاح منك يا شاهر وهجمت عليه بالكلام وووووو
الفصل الخامس
هجمت عليه بالكلام وعايزه تواجهه وهي بتقول ..إنت عملت كده وإحنا عايشين واتجوزتني غصب …لازم تتحاسب ..هتحاسب يا شاهر
شاهر كان بيحاول يهديها بغضب وبيحاول يسيطر على الموقف وبصلها بغضب، وفضل يهديها لحد ما وقع القلم من إيدها ووقفها عند السرير
غزال فضلت مكانها على السرير وبقت تبكي بيأس وشاهر اتنهد بتعب وشال القلم وقال بغضب..انا عمري ما رفعت صوتي على بنت وانتي لتاني مره تستفزيني..مش هستحملك كتير على فكره
