هناء طلعت ومنى وقفت جمب منزر وهمستلو وقالت..براحه عليها…المسكينه موجوعه وانبي ما تزودش عليها
منزر هز راسو بحزن ومنى مشيت وهو قفل الباب وقال بمرح مصتنع ..سوسو…قلبي..انت لسه متعصب يا جميل
سهام بصتلو بضيق وقامت دخلت الحمام ودموعها محبوسه في عنيها….واول ما دخلت قفلت الباب وفتحت الميه وبقت تبكي جامد بقهر
منزر لقاها اتأخرت وصوت الميه شغاله عرف انها بتبكي وفاتحه الميه علشان ميسمعهاش اتنهد وفتح باب الحمام ودخل
سهام كانت بتبكي جامد واول ما دخل قالت ببكا..انت ازاي تدخل كده اطلع حالا يلا..سبني في حالي
بس منزر اتملت عيونه دموع على حالتها وقرب منها وقال بحزن …من امتي بتعيطي ..هو انا مزعلك لدرجادي ..
سهام اتخبت فيه اوي وبقت تبكي بالم شديد وتطلع كل الي جواها ومنزر قال…حقك عليا يا قلبي
سهام قالت ببكا ووجع..شوفتها يا منزر عجبتك قعدت معاها ومسكت ايدها.. انا..انا مش قادره اتخيل الحاجات البسيطه دي ازاي هستحمل تتجوزها وتبات معاها ..ازاي
منزر بقى يطبطب عليها ودموعو نزلت بالم وقال..اششش..مهما حصل بنا ومهمها اتطورت علاقتنا وحتى لو جابت الولد الي مستنينو..عمرها مهتاخد مكانك ولا هتكون زيك..القلب ميحبش اتنين يا سهام
في بيت غزال كان وليد واقف بصدمه بيسمع لعمه وقال بدهشة..يعني غزل غابت…. وغزال ..غزال خطبتي جوزتوها لغيري..وانا معنديش خبر..ازاي يا عمي
عدنان قال بحزن…ده نصيب يا ابني
وليد قال بزعيق… ايوه النصيب ده حصل ازاي …غزل غابت ازاي يا عمي وايه دخل غيابها بجواز غزال
عدنان ارتبك وقال …ملوش دخل يا بني ..غزال هيه الي وافقت على العريس و
وليد قال پغضب..وافقت ازاي وهيه مخطوبه ..ازاي وهيه لابسه دبلتي
عدنان سكت ووليد قال پغضب…انا هعرف منها كل حاجه..محدش هيجاوبني غيرها…غزال اتجوزت مين ياعمي
عدنان قال..ملوش لزوم المشاكل يا ابني و
بس وليد قال باصرار بقولك ..اتجوزت مين يا عمي
عدنان قال بقلق وقلق ..احم…شاهر..شاهر الضبع
وليد اتسعت عنيه بدهشة وقال..شاهر الضبع..صاحب شركات الضبع للمقاولات..
عدنان قال…ايوه يا ابني هو..شاهر صاحب المشروع الي انت مستلمو فأرجوك يا ابني ا
بس وليد مسمعهوش وطلع بغضب من البيت وهو مش شايف قدامو
عند شاهر كان قاعد في المكتب بتاعو بيفتكر غزال ملامحها وعيونها ونظراتها كل ما فيها يشبه غزل..كانها نسخه منها كسر الكوب الي في ايده بعصبيه وفضل يفكر في كل الي عدى لحظات مش قادر ينساها
فلاش باك
في بيت صغير جدا في مكان غريب كان شاهر واقف وفي ايده علبه و بيبص للبيت بدموع وڠضب و شرود متجاهل صوت البنت الي كانت باصه من الشباك الوحيد المفتوح وعليه قضبان حديد …وكانت بتصرخ وبتقول .. ابعد..ما تعملش كده وانبي يا شاهر ما تعمل كده حرام عليك …حرام..لا ..لا. وانبي لا
بس شاهر فتح العلبه وحطها على الارض بغضب شديد
البنت كانت بتبكي وتصرخ بس اتسعت عنيها واتدهشت لما فتح العلبة وحطها على الارض بقت تصرخ بكل صوتها وفي ثواني كانت الضباب عبت المكان وشاهر بص للمكان بغضب ودموع ومشي
بقلمي..زهرة الربيع
شاهر فاق من شروده على خبط على الباب وكانت هناء قالت..ايه يا ابني ساعه على ما تفتح
شاهر قال بضيق… خير يا امي فيه حاجه
هناء قالت..طبعا فيه انت ايه حكايتك انهارده استغربت لما عرفت انك هنا يا ابني اليله دخلتك ازاي سايب عروستك و
بس شاهر قال بتعب..ماما معلش والله انا تعبان جدا ومش قادر اتناقش..انتي عارفه ان الي فوق دي عمري ما هعتبرها مراتي فبلاش الكلام .ده لو سمحتي
هناء اتنهدت وقالت..تمام..اجبلك تاكل ولا مش عايز كمان
شاهر قال لا شكرا ..مش قادر
هناء مشيت بحزن وشاهر مدد على الكنبه الي في المكتب ونام
عند غزل هيه كمان خرجت من الحمام بحزن ودموع ونامت على السرير وفضلت وسط افكارها الشي الي بتوزلها انها تفكر في طريقة تخرج بيها من الموقف لحد ما نامت
في صباح يوم جديد شاهر خرج من المكتب وحس بحركه غريبه في البيت فنادي على مرات عمه وقال..فيه ايه يا منمون ايه الحكايه
منى قالت بفرحه..مش هتصدق يا شاهر..جيه عريس لحور..وعارف بظروفها..وموافق..وكمان مهندس و
شاهر قاطعها وقال..حيلك حيلك اهدي..لاحسن بفتكرنا مدلوقين عليه
منى قالت انت هتعملي زي عمك.. يا سيدي انا مدلوقه عيزاها تتجوز زي كل البنات…
شاهر ضحك وقال… طب يا ستي ربنا يتمم بخير هطلع اغير واجي اتعرف عليه
في الصالون كان راشد قاعد مع العريس وقال..وانت بقى اهلك فين يا وليد يا ابني
وليد قال..انا للاسف ابويا وامي غابوا في ظرف بس يعني لو اتفقنا هجيب عمي ومرات عمي
راشد لسه هيرد نزل منزر ومعاه حور وراشد قال..تعالي يا حور يا بنتي سلمي على الباشمهندس وليد
حور مدت ايدها وقالت بضيق مكبوت …اذيك..انا حور عاميه ومش بشوف ..خالص ووووووو
الفصل الرابع
مدت ايدها وقالت..انا حور عميه ومش بشوف خالص
وليد سلم عليها بدهشه وقال احم عارف..انا..انا وليد
ابوها ومنزر اتوترو لما قالت كده ومنزر قال .. احم .. نسبكم تتعرفو عن اذنكم
منزر وراشد طلعو وحور قعدت وقالت …جبت جاتو معاك
وليد استغرب وقال …ايوه..ايوه جبت ..ليه
حور قالت طب كويس ..افتح العلبه وهات حته
وليد قال في نفسو.. غريبة دي ولا ايه …وفتح العلبه ودالها قطعه
حور بقت تاكل الجاتو وقالت …اممم حلو …طبعا انت بتقول في بالك ايه البنت الغريبة دي
وليد قال ..الصراحه اه..مستغربك شويه
حور ضحكت وقالت ..لا متستغربش كل الحكايه اني مش عيزاك تروح ترجعها تاني..العامل الغلبان الي صدق ما باعها ملوش ذنب علشان ترجعها
عند شاهر طلع اوضتو علشان يستحمى ويغير فتح الباب ودخل وكانت غزال بتلبس واتخضت وقالت بزعيق…مش تخبط ..انت مبقتش لوحدك في الاوضه
شاهر بصلها من فوق لتحت كانت بفستان رقيق وردي ولسه هتلبسه بلع ريقه بتوتر من منظرها ..بس اصتنع الجمود وقال بسخريه…هقولك على معلومه …واحده زيك مستحيل تغريني..حتى لو وقفتي في أبهى صورة فمتتعبيش نفسك
شاهر لسه هيدخل الحمام قالت بغضب…واحد تافه زيك مش مستاهل اني اعمل كدا علشانه اصلا ..انت متاخدش معايا غلوه و انا لابسه ..بس طبعا الكلام ده لو كنت عايز تقربلي … بس ريح بالك انا مستحيل اخلي حد بتصرفاتك يقربلي
بقلمي..زهرة الربيع
شاهر بصلها بحدّة وقال بغضب رهيب…لمي كلامك ده..علشان تطلعي بيه من هنا ..لو كنتي عيزاه يعني وانا لو عايز اطولك مش محتاج اذن منك
ولسه هيمشي قالت بسرعه..طبعا..كنت هتعملها بالعافية ببساطه..ما دي عادتك
شاهر ضم اديه بغضب رهيب وكان هينفجر حرفيا بس حاول يهدي اعصابو بالعافيه وقال..معاكي حق..كنت هعمل كده…وبصلها باستحقار وقال. بس انتي متستاهليش التعب ولا المناهده.. قال كده ببرود عكس الي جواه ودخل على الحمام بغضب
غزال كانت هتتجنن من بروده وطريقتو وكلامو ..لبست هدومها ونزلت بضيق ولقت الستات متجمعين سوا… منى وهناء وسهام وقاعدين بتوتر مستنين يعرفو رأي العريس
غزال بصت لهم باستغراب وقاات..صباح الخير
هناء قالت..صباح العسل يا عروسه نزلتي ليه كنا هنجبلكم الفطار فوق
غزال قالت..مفيش داعي انا اصلا مش بحب قعده الاوض ..هو فيه حاجه ولا ايه..حاسه الاجواء متوتره
منى قالت ..ادعيلي …على وشك القمر في عريس كويس جدا اتقدم لحور بنتي..اه صحيح انتي متعرفيش انا معايا بنت وولد حور ومنزر حور مع عريسها جوه..وشاورت على منزر وكان بيتكلم مع راشد بعيد وقالت..وده منزر ابني ودي سهام مراتو
غزال ابتسمت وسلمت على سهام وقالت .اهلا وسهلا
سهام قالت بابتسامه..مبروك يا عروسه
غزال قعدت معاها وفضلو بتكلمو سوا
عند وليد كان مستغرب جدا كلام حور وخصوصا لما قالتلو انو هيرجع الجاتو وقال بدهشة….معلش مش فاهم ..وانا هرجعها ليه يعني هو انا جبتها علشان ارجعها
