غزالة بفم الضبع بقلم زهرة الربيع

في بيت عيله غزال كانت عليه قاعده پتبكي بحزن وعدنان كان بيحاول يخفف عنها بس هو كمان حابس دموعه بالعافيه بس سمعو خبط على الباب

عدنان راح فتح بس اتسعت عنيه پصدمه لما شاف وليد ابن اخوه قدامو وقال بارتباك..و..وليد ..

وليد بفرحه وقال..وحشتني يا عمي..ودخل بمرح عليه وقال..وحشتوني والله

عدنان قال بتوتر…احم..مقولتش يعني انك جاي

وليد قال بفرحه اصل المفروض انزل بكره علشان اتابع المشروع بس مقدرتش واخدت اول طياره وجيت علشان اشوفكم بجد وحشتوني وبص يمين وشمال وقال ..امال غزل وغزال فين

بقلمي…زهرة الربيع

عدنان ارتبك وقعد بيأس وقال…وليد يا ابني…فيه حجات كتير لازم تعرفها ..واهمها ..ان…ان غزال تجوزت وده نصيب يا ابني

عند شاهر وقف بعصبيه لما غزال قالتلو يقوم من على السرير وقال بعصبيه..لاخر مره هقولك استريحي على الكنبه الي هناك دي وقصري الكلام

غزال مردتش عليه وبقت تغير المفرش السرير ولا كانو بيتكلم

شاهر عنيه كانت بتطق شرار من الڠضب واتقدم عليها وقال بحدّة..الظاهر انك مش عايزه جوازنا يبقى شكلي..ونفسك نتفق ..مش كده..طب قوليلي مفيش داعي تتكسفي

غزال بصتلو بدهشه وقالت..نعم..

شاهر قرب اكتر وقال پغضب اكبر ..كلامي واضح… الاول مشيتي صوفيا ودلوقتي عايزانا نتفق على المكان ….يعني حابه نتفق..وانا معنديش مشكله اصلا بتعامل مع ناس كتير مش هتفرق ..

غزال الڠضب عماها ورفعت ايدها معترضة بس شاهر أوقفها وقال..مش شاهر الضبع الي حشره زيك تمد ايدها عليه

غزال قالت پغضب…انت اقل حتى من ان ايدي تتمد على واحد بتصرفاتك

وهنا شاهر رفع صوته وقال بغضب ..انا هوريكي على اصولها وفتح باب الغرفة وبصلها بغضب رهيب وتقدم منها وووووووو

الفصل الثالث

شاهر تقدم منها ووقف قدامها بس غزال متحركتش ولا حاولت تمنعو وفضلت ثابته بجمود زي التمثال وبتبصلو پغضب شديد

شاهر استغرب وبص في عنيها باستغراب وغزال قالت وقفت ليه..كمل…ما انت متعود على كده….كمل زي ما عملت مع غزل ..كمل

شاهر وقف بسرعه لما قالت كده وبقى يتنفس بقوه ويبصلها وهو بيحاول يسيطر على دموعه وسحب قميصه ونزل جري

غزال اول ما خرج بقت تبكي جامد وحست بغثيان شديد ودخلت جري على الحمام وبقت تتقيأ وهيه حاسه بقرف شديد منو ومن كل شيئ حواليها

شاهر اول ما طلع لبس قميصه على السلم ونزل جري ودموعه بتنزل على خدودو غصب عنه مسحهم بشده ومشي بسرعه ناحيه الباب ولسه هيطلع وقف على صوت بيقول…شاهر ….انت شاهر

شاهر اتنهد وبصلها وقال…ايوه انا …فيه حاجه يا حور ..

حور قالت بتوتر… كويس اني لقيتك ..ماما عيزاك..اصل سهام مصره تمشي ومنزر اتعصب عليها وكانت عيزاك تروح تاخده بسرعه

شاهر اتنهد وقال…هو في اوضتو

حور لسه هترد سمعو منزر بيقول بزعيق وڠضب..عليا الطلاق ما هتروحي في حتة ولو خرجتي بره البيت هتندمي يا سهام

شاهر جري بسرعه على اوضه منزر واول مادخل لقا راشد ماسك منزر الي كان بيزعق بعصببه وبيقول..مفيش خروج من البيت

سهام قالت بزعيق..انت ملكش كلام معايا بعد ما خلاص سمعتلهم وهتتجوز عليا ..طلقني يا منزر طلقني والله اخلعك

بقلمي..زهرة الربيع

منزر قال پغضب..طب اعمليها..اعمليها كده وفرجيني

هناء قالت بيأس..يا اولاد مش كده الناس سمعت صوتنا كفايه كده..اعقلي بقى يا سهام

سهام قالت بزعيق..والله وهي سهام الي اتجننت يا خالتي والي بيعملو ابنكم عادي مش كده

شاهر قال…تمام..اهدي يا سهام والي عيزاه هيحصل..تعالى معايا يا منزر..يلا وطلب منه يطلع معه

ومنى قعدت سهام وقالت بابتسامه جميله…يلا اقعدي كده وصلي على النبي بقى

سهام قالت پغضب وزعيق..عليه الصلاه والسلام بس برضو همشي يا حماتي مش هقعد دقيقه واحده تاني

عند شاهر طلع منزر وقعد بيه في الصالون وقال..فيه ايه يا عم منزر هو انت كل يوم هتتخانق معاها كده ..مش دي سهام حبيبه القلب..الي بتحبها ايه الي حصل بقى

منزر اتتهد وقال…نفس الحكايه ..عايزه تطلق علشان هتجوز..انا مبقتش مستحمل بقى هتجنن من الوضع ده

شاهر اتنهد وقعد وقال..الصراحه متزعلش مني هيه معزوره برضو

منزر قال بحزن..انا عارف….عارف بس هعمل ايه يا شاهر..انا مضايق اكتر منها …ياشاهر احنا بقالنا ٨ سنين متجوزين..حصل فيهم حمل اكتر من خمس مرات وكل مانقول المرادي ان شاء الله تكمل برضو ينزل..ومش لاقين اي حل كلو كان على ايدك روحنا لاحسن الدكاتره هنا وبره بس ربنا عايز كده مش كاتب لنا اولاد سوا اعمل ايه …من ناحيه هيه ومن ناحيه اهلي..امي بقالها تلت سنين على نفس الاسطوانه نفسي اشوف اولادك قبل ما اكبر يا منزر نفسي تفرحنا يا منزر اختك حور مش هتتجوز انت الوحيد الي ممكن تجبلنا احفاد.. وانا مقسوم بينهم واديك شايف كل الفيلم ده علشان قريت فاتحه مش عارف لما اتجوز هتعمل ايه

شاهر ضحك واتنهد بحزن وقال..مهيه معزوره كمان يعني هيه مش كفايه انها مش هتخلف كمان انت تكون لغيرها صعبه عليها..بس المهم انت عايز ايه

منزر قال..مش عارف… انا كمان نفسي ابقى اب واعيش الاحساس ده..بس اكيد عايز سهام معايا وهيه قبل اي حاجه انا بحبها يا شاهر ومقدرش اتخلى عنها

شاهر ابتسم وقال..تمام انت اهدي …دلوقتي منى تقولها كلمتين زي كل مره وتهدي انت بس متردش على كلامها لما تكون متعصبه

منزر لسه هيتكلم سمع سهام بتقول بزعيق..اقعد معاه واشوفو بعيني مع غيري اسأليه كده يقدر يشوفني متجوزه غيرو يا خالتي

منزر قال بزعيق قاصد يسمعها…تتجوزي مين يا بنت المضايقه..عدي ليلتك يا سهام ..اقسم بالل….

شاهر حط ايده على بق منزر وقال وهو بيضحك..احنا كنا بنقول ايه..مش لسه بقولك متردش عليها.. مبتفهمش

عند سهام كانت دموعها نازله بحزن وهناء قالت بحب..يا قلبي انتي ..احنا منقدرش نستغني عنك

منى قالت ..والله يا حببتي البيت كلو كفه وانتي كفه..يلا بقى امسحي دموعك..ومتزعليش نفسك..بكره تقولي حماتي قالت..والله الطفل ده كمان هيفرحك اكتر مننا كلنا ..ده برضو هيبقى ابن منزر حبيبك

سهام قالت بدموع ووجع..بس ابنو من واحده غيري يا خالتي …

منى قالت بابتسامه حزن..ربنا يهونها على قلبك يا حببتي …والله كل ده هيتنسي

سهام كانت مضايقه جدا وجواها نار ووجع شديد بس سكتت ومقدرتش تمشي بعد ما اتحايلو عليها كتير وسكتت وهيه بتتألم من جواها

هناء ومنى كانو بيهدوها وخبط منزر وقال بابتسامه جميله..احم..ادخل بقى ولا الف وارجع

سهام بصت بعيد بدموع ومنى ضحكت وقالت طبعا تدخل انتو ملكمش غير بعض ….يلا بقى اسبكم علشان تنامو الوقت اتأخر