أول حاجة لازم تبقو عارفين ان يوسف عمره ما هيشيل فلوسه في بنك يعني بنسبة كبيرة الفلوس هتكون معاه في البيت، انا هرجع البيت تاني بحجة اني ندمانة وعايزة ارجع اعيش معاه تاني، هخليه يطمنلي من الاخر، وفي الليلة دي انا هستنا ينام و انزل ادور على الفلوس واول ما هلاقيها هاخدها و اجيلكو علطول بس طبعا مننساش حقي = المهم اوعي يشوفك يا هند خافي على نفسك يا حبيبتي، انا ميتخافش عليا.
ساعتها هند مشيت و حسن مشي وراها، قومت اتسحبت بهدوء عشان اشوفهم يمكن هي تقوله حاجة او هو يقولها حاجة وفعلا احساسي كان صح، حسن رفع عليها أداة وحطها على رقبتها.
بقولك ايه يا بت، أنتي فاكرة الشوية اللي أنتي عملتيهم دول هيدخلو عليا انا، انا عارف دي دماغ مين، دي دماغ يوسف مش دماغك أنتي، جاية تلعبي أنتي ويوسف علينا صح = لا مش صح يا ناصح، اخوك طردني و مش عايز يديني حقي عشان كدا جيت هنا ونبقا كلنا مع بعض ورحمة ابويا لو ما قولتي الحقيقة يا هند، هخليكي تندمي على اليوم اللي فكرتي فيه إنك تأذيني.
= انت ليه مش مصدقني، قولتلك.. انا بقول تتشاهددي احسن.
الأداة كانت مقربة منها بشكل كبير جدا لدرجة انها عملت أثر بسيط في رقبتها خلاص خلاص، خلاص يا حسن انا هقول، يوسف هو اللي باعتني اه، هو اللي مخطط للموضوع دا = كدا احبك، طب بصي بقا أنتي من دلوقتي بقيتي معايا انا واسمعي مني، هتبقي معايا هتكسبي اكتر، الواد يوسف طماع وانا حافظه كويس، مش هيديكي مليم واحد، خليكي معايا وانتي هتلعبي بالفلوس لعب مطلوب مني ايه = امشي على الخطة بتاعته عادي خالص عشان ميحسش ب حاجة وأنا هقولك كل حاجة اول بأول، يلا امشي.
بقا عشان البت اللي جوا دي متحسش ب حاجة.
ساعتها رجعت بسرعة للسرير بتاعي تاني، ولما رجع هو من برا مجبليش اي سيرة عن اللي حصل بينهم وبعدها طبعا كان عايز يؤذيني بااك مصدقني يا يوسف = مصدقك..، انا دلوقتي هرجع البيت وهتعامل عادي وكأن مفيش حاجة حصلت عشان متحسش بأي حاجة، وبكرا الساعة 1 تبقي هنا في نفس المكان دا ناوي تعمل ايه = هقلب الترابيزة عليهم مش عايزاك تزعل مني، عارفة ان كلامي دلوقتي ملوش لازمة بس صدقني بعد اللي حصلي دا اكتشفت اني كنت غلط في حاجات كتير أوي، وغلطت في حقك أكتر من مرة بس انت احسن مني وهتسامحني، مش كدا؟
= خلي الكلام دا بعدين يا اسماء، مش وقته، يلا ارجعي بيتك وأنا هتصرف.
لما مشيت من عند اسماء، الراجل اللي بيخلصلي الورق كلمني وقالي انك روحتيله وطلبتي منه انه يعملك فيزا بإسم حسن عشان يسافر وطلبتي كمان منه انه ميجبليش سيرة باااااك
#بقلم : #عمرو راشد
