مرت الشهور، ونوار اشتغلت في عيادة أطفال، وقلبها موجود مع حرمانها من عيالها، وبتجمع القرش على القرش علشان ترفع قضية حضانة.
في نفس الوقت، كان عمدة البلد اتفق مع كبار البلد يرفعوا هما القضية ويتكلفوا بالمصاريف.
في نفس الوقت، هشام يدور على عروسة، بس محدش من البلد والبلاد اللي حواليها موافق يجوزه بنته بعد اللي عمله في مراته الأولى.
وفعلًا اترفعت القضايا وكسبتها نوار، وخدت الحضانة، وكانت بتشتغل علشان تصرف على أولادها. ورغم شباب كتير طلبوا الجواز منها، لكنها رفضت علشان تعيش لأولادها.
وهشام لسه بيدور على واحدة يتجوزها.
كانت مها في شقتها وفي الحمام، وفجأة حصل حادث في السخان، وتوفيت.
اتشلت أمها لما سمعت الخبر.
راحت عزة لبيت نوار وقالت بدموع: أنا عارفة إنك مظلومة، أنت طول عمرك قلبك طيب، سامحي مها، دي بين ربنا دلوقتي.
ابتسمت وقالت: طيب، وأحضر الدفنة كمان.
في المقابر، بعد الدفن بدأوا يدعو لها بالرحمة والمغفرة.
وقفت قدام القبر وقالت بصوت عالي مع الدموع: يارب، أنا اتظلمت وحقي مجاش في الدنيا، كنت بدعي حقي يجي في الدنيا قبل الآخرة، في كل صلاة وسجدة بقول يارب حقي عندك، وكان عندي ثقة كبيرة إنك تجيب حقي. وفعلًا مها توفيت. يارب أنا مش مسامحها، وعايزة حقي منها. والله العظيم مش هسامح مها وعزة وأمهم وأبوهم والراجل اللي كان جوزي، حسبي الله ونعم الوكيل فيهم.
ومشيت نوار وهي فرحانة.
جريت عزة وراءها وقالت: نوار استني.
وقفت نوار، نزلت عزة عند رجليها وقالت: حقك عليا، وغلاوة ولادك، سامحني.
هزت راسها بالرفض.
نزلت عند رجلها وباستها وقالت: سامحني، سامحني، خايفة يكون مصيري زي مها أو مشلولة زي أمي.
وكان مصيرها يجري عليها لما توفيت بسكتة قلبية، بصت ليها وقالت: يا كريم، يارب يا عدل يا حق، حقي عندك، حقي عندك.
ومشيت نوار، وحقها جه في يوم واحد.
وهشام ساب البلد وهرب من كلام الناس.
وفضل أبو هشام وأمه عايشين لوحدهم.
ونوار عايشة مبسوطة مع ولادها، ومش عايزة حاجة من الدنيا تاني.
وتمت حكاية هشام ونوار.
حكاية من حكايات زوج وزوجة.
للأسف القصة دي حقيقة، وأنا حاولت أجملها على قد ما أقدر، شيلت منها حاجات كتير صعبة. زي تعامل الأولاد بقسوة لما كلموا أمهم كان أصعب من كده بكتير، وكمان البنت خرجت الشارع.
وزي لحد الآن مر سنين، والأم محرومة من ولادها وقلبها محروقة عليهم، ولسه عيلة الزواج عايشين في راحة وسعادة.
لسه الدور مجاش.
ربنا يهمل ولا يمهل.
وعشان كده دايماً بقول: أحياناً الخيال أهون من الواقع.
حكايات_زوج_وزوجة
روايات_بقلم_منال_كريم
