فين وهنسافر ليه اصلا = لا خلينا هنا نستنا حسن و بالمرة نرجعله فلوسه وهو مفيش حل تاني غير السفر = ايوا يا هند مفيش حل غير السفر ثم أنتي ممانعة ليه، هو أنتي عندك ايه هنا عايزة تقعدي عشانه. معنديش حاجة بس انا مش محضرة نفسي = عموما احنا لسة معانا وقت، بالظبط معاكي يومين تجهزي فيهم كل حاجتك وحسن = اهو دا انا مخليه اخر حاجة اعملها قبل ما اسافر. هتعمل فيه ايه.
= مش لوحده، سواء كان هو أو الكل*بة التانية انت مالك ب أسماء = اسماء هي سبب كل المصايب دي، اسماء هي اللي وصلتنا للي احنا فيه دلوقتي وفي الاخر عايزاني اسيبها مقولتش تسيبها يس اقولك وتصدقني = ايه اسماء طيبة على فكرة، حسن هو اللي سايقها، البت دي غلبانة اوي، يمكن غلطت زمان ومش هنختلف ان غلطتها كبيرة وكبيرة جدا كمان بس لو فكرت معايا ثانية وهي بتحط شنطة الفلوس في العربية عندي هتعرف أنها هبلة أوي وعلى نياتها وكل اللي هي فيه دا بسبب حسن.
= اعملها ايه يعني، اروح اساعدها واقولها معلش يا حبيبتى انا عارف ان حسن هو اللي وحش مش قصدي كدا طبعا = قصدك ولا مش قصدك، الموضوع دا يتقفل يا يوسف بس… = مفيش بس، مالك يا هند هي صعبانة عليكي ولا ايه. لا بس مش عايزاها تدخل في حاجة هي ملهاش ذنب فيه = هي مش عبيطة يا هند، هي عارفة بتعمل ايه كويس، محدش مننا بيكون مجبور على حاجة، هي اختارت طريقها وانا كمان هختار.
#بقلم: #عمرو راشد
روحت البيت بس طبعا مش بيتي لانه اكيد هيكون عارف مكانه، روحت على بيت تاني كنت مأجره وطبعا كنت عامل حسابي و جيبت رجالة تبقا معايا وتحميني لحد ما امشي، و اساسا انا مش هقعد كتير، شوية وبعد كدا هسيب كل حاجة و اسافر، دخلت قعدت على الكنبة استريح، ماهو اللي حصل مش سهل برضو، طلعت شنطة الفلوس، فتحتها بس كان في مشكلة، وانا بدور في الشنطة بالصدفة لقيت جهاز صغير أوي، بصيت ل هند اللي كانت مستغربة دا ايه.
دا بتاع ايه دا = ممكن يكون بتاع اسماء وهو لو بتاع اسماء، ليه هتحطه في شنطة الفلوس. عشان اعرف اوصلك يا حبيبي.
الجملة دي سمعتها من ورايا، قومت بسرعة لإني كنت عارف مين صاحب الصوت دا، قومت وبصتله وبالفعل هو، حسن، كان واقف وماسك أداة وموجهها ناحيتنا. شوف يااخي البت اسماء دي ساعات بيطلع منها حاجات كدا، اه والله عبقرية، قال ايه بتحط جهاز چي بي اس في شنطة الفلوس، تخيل يا يوسف، النسوان دماغها بقت غريبة.
= اللي بتعمله دا يا حسن مش في صالحك تماما. وهو ايه اللي كان في صالحي قبل كدا يا چو = سيب الأداة، سيبه وهنتفاهم. مبقاش في تفاهم خلاص، طلع الفلوس وانا همشي بهدوء ومن غير ما حد يتأذي = انت فاكر هتقدر تأذي حد اساسا ايه رأيك تشوف بنفسك = طب ما تشوف انت اشوف انا ايه = وراك يا حبيبي.
لما بص وراه ملحقش يعمل حاجة لان حسن اتضرب بقوة، وقع على الارض والأداة اللي كان معاه وقعت بعيد عنه، لان كان واقف وراه واحد من رجالتي.
معملتش حساب دي يا حسن صح، طب بالعقل كدا في واحد هيكون معاه فلوس زي اللي معايا دي و ميأمنش نفسه برضو، بس عارف الغريب فين انك جاي لوحدك المرادي، لا بجد غريبة، اسماء فين يا حسن.
شاورت للراجل بتاعي اللي بالمناسبة اسمه سمير، شاورتله يمسك حسن ويشيله من على الأرض. اسماء خلاص، تقدر تقرأ الفاتحة عليها وانت مستريح = أذيتها!!!
فلاش باك
جايبة معاكي ب ايه يا اسماء؟ = اسمع الكلام ونكمل للاخر ولو مسمعتش، اخرك ايه.
في ثواني لقيتها طلعت الأداة من معاها و وجهتها ناحيتي. طب وكدا، ايه رأيك = بترفعي عليا أداة يا اسماء، لا عاش عجبتيني بصراحة، بس هو كان في حاجة كدا عايز اقولك عليها.
وفي لحظة كنت رافع عليها الأداة. اعتقد كدا هنعرف نتفق = متبقاش غبي يا حسن، انت كدا هتخليه يهرب بالفلوس. أنتي اللي عملتي فينا كدا يا حبيبتي مش انا.
= يا واد متبقاش حمار، احنا معانا فرصة نجيبه تاني، انا حاطة جهاز تتبع في شنطة الفلوس، يعني هنقدر نعرف مكانه، اسمع الكلام وخليك ورايا، احنا طول عمرنا ما بعض، مينفعش نيجي دلوقتي ونرفع أدواتنا في وش بعض، نزل أداتك يا حسن. نزلي أنتي الاول = مش مطمنلي يعني، طيب ماشي انا هنزله. وفعلا نزلت الأداة. يلا بينا بقا = يلا بس في تعديلة بسيطة. ايه هي.
= انتي مش هتكوني معايا المرادي. امال هبقا فين = مكان احسن بكتير. دا فين.
دوست على الزناد، الحركة خرجت و استقرت فيها، وقعت قدامي على الأرض عند ربنا، دا احسن مكان ليكي. بعدها خدت تليفونها ومشيت ورا الجهاز لحد وجيت وراك لحد هنا.
باك
انت ايه يااخي، انت شيطان، انت لا يمكن تكون بني آدم = طيب ولما ابقا انا شيطان، انت تبقا ايه يا يوسف؟ انا عمري ما ابقا زيك، انا عمري ما هكون بالوساخة دي.
= انت كدا، طول عمرك تحب تعيش دور الضحية بس عارف المشكلة فين يا يوسف، المشكلة انك عمرك ما كنت الضحية، يعني مثلا انت السبب في رحيل ريهام مراتك، انت السبب اللي خلتني أأذي اسماء، لو دورت على كل مصيبة حصلت هتلاقي نفسك مشترك فيها، بدايتها لما كنت بتسيب اسماء و تسافر ل مراتك ولا انا معرفش كنت بتروح فين، يعني انت السبب في خيانتها ليك، انت بداية الخيط في كل حاجة حصلت لحد دلوقتي.
الغضب خلاني مش شايف بس مسكت نفسي قبل ما اعمل فيه حاجة. سميير، خده واربطه جوا، انت مش هتطلع من هنا عايش يا حسن!!
يتبع.. الحلقة التاسعة
اسماء خلاص تقدر تقرأ الفاتحة عليها وانت مستريح = أذيتها!! كان لازم اريحها من غبائها ولا انت شايف ايه.
فلاش باك
جايبة معاكي ب ايه يا اسماء؟ = اسمع الكلام ونكمل للاخر ولو مسمعتش، اخرك ايه.
في ثواني لقيتها طلعت الأداة من معاها و وجهتها ناحيتي. طب وكدا، ايه رأيك = بترفعي عليا أداة يا اسماء، لا عاش عجبتيني بصراحة، بس هو كان في حاجة كدا عايز اقولك عليها.
وفي لحظة كنت رافع عليها الأداة. اعتقد كدا هنعرف نتفق = متبقاش غبي يا حسن، انت كدا هتخليه يهرب بالفلوس. أنتي اللي عملتي فينا كدا يا حبيبتي مش انا.
= يا واد متبقاش حمار، احنا معانا فرصة نجيبه تاني، انا حاطة جهاز تتبع في شنطة الفلوس، يعني هنقدر نعرف مكانه، اسمع الكلام وخليك ورايا، احنا طول عمرنا ما بعض، مينفعش نيجي دلوقتي ونرفع أدواتنا في وش بعض، نزل أداتك يا حسن.
نزلي أنتي الاول = مش مطمنلي يعني، طيب ماشي انا هنزله. وفعلا نزلت الأداة. يلا بينا بقا = يلا بس في تعديلة بسيطة. ايه هي = انتي مش هتكوني معايا المرادي. امال هبقا فين = مكان احسن بكتير. دا فين.
دوست على الزناد، الحركة خرجت و استقرت فيها، وقعت قدامي على الأرض عند ربنا، دا احسن مكان ليكي. بعدها خدت تليفونها ومشيت ورا الجهاز لحد وجيت وراك لحد هنا.
باك
جريت عليه ومسكته من الچاكيت اللي كان لابسه. انت ايه يااخي، انت شيطان، انت لا يمكن تكون بني آدم = طيب ولما ابقا انا شيطان، انت تبقا ايه يا يوسف؟ انا عمري ما ابقا زيك، انا عمري ما هكون بالوساخة دي.
= انت كدا، طول عمرك تحب تعيش دور الضحية بس عارف المشكلة فين يا يوسف، المشكلة انك عمرك ما كنت الضحية، يعني مثلا انت السبب في رحيل ريهام مراتك، انت السبب اللي خلتني أأذي اسماء، لو دورت على كل مصيبة حصلت هتلاقي نفسك مشترك فيها، بدايتها لما كنت بتسيب اسماء و تسافر ل مراتك ولا انا معرفش كنت بتروح فين، يعني انت السبب في خيانتها ليك، انت بداية الخيط في كل حاجة حصلت لحد دلوقتي.
الغضب خلاني مش شايف بس مسكت نفسي قبل ما اعمل فيه حاجة. سميير، خده واربطه جوا، انت مش هتطلع من هنا عايش يا حسن!!
مشي مع سمير ونفس النظرة في عنيه، نظرة تحدي وكأنه مش فارق معاه اللي هعمله فيه، سمير خرج ونزل من الشقة بعد ما ربط حسن في أوضة جوا. هتعمل ايه يا يوسف = هأذيه يا هند، معنديش حل تاني. لا طبعا انت كدا هتجيب لنفسك مصيبة تانية، كفاية أوي لحد كدا يا يوسف.
