هشام:انت عارف اننا اصحاب من واحنا عيال صغيره
زين:في اي ياجدع ليه المقدمات الطويله دى
حصل اي
هشام وهو بيفك رابطه عنقه :نيييره
زين:مالها
هشام: انا وهي هانتجوز
زين:الف مبروك ياصاحبي
هشام:مش هاتفهمني بس
زين:هشام مالك حصل اي
هشام كان حاسس بخنقه كبيره واتكلم :انا مبحبش نيره
يازين مش حاسس. باي شيء تجاها
حاسس اني في ورطه ومش عارف اطلع منه ازاى
زين: سيبها لا انت اول ولا اخر واحد يفركش
فيها اي
هشام بصله بحزن واتكلم :مينفعش
زين:ليه اوعي يكون حصل حاجه بينكم
هشام:انت اتجننت نيره بنت عمي وانا لايمكن اخونه
زين:اومال اي ياصاحبي مالك قلقتني عليك
هشام:كل المشكله انو عمي وهايكون صعب عليه ان ابن اخوه يرفض بنته والعلاقات مابينا هاتتاثر بعدين وانا مش عايز ازعله
زين: عشان متزعلهوش تيجي علي نفسك
اذا ماكنتش بتحبها بلاش تظلمها معاك بعدين
الحب هو الي بيخلي الطرفين يستحملوا بعض مهما واجهتهم مشاكل واعباء
لو اتجوزتها عشان عمك وقابلتها مشكله مش هاتقدر تواسيها ولا تساندها لانك هاتبقي حاسسها عبء عليك وواجب انك تتحمله مش هاتكون راضي وفي فرق انك تتحمل واحده عشان بتحبها وعايز تكون معاها بروحك وقلبك وعقلك
وواحده متحملها لانها عبء تقيل عليك وواجب انك تتحمله
والنصيبه الاكبر لو جبت منها عيال وانت مش بتحبها وحسين ان الحياه مستحيله ولازم تتطلقوا وقتها هاتظلمها وتظلم ولادك وبالطبع هاتظلم نفسك كمان
لسه هايتكلم هشام فونه رن
هشام:ايوااا خليك عندك هابعتلك حد ياخد الاكل
قفل الفون
زين:طالب اكل من غيري
هشام:لا دا لموده
زين:موده
السكرتيره
هشام:اه ياعم دى طلعت نكته بنت غريبه طول الوقت بتتكلم نفسها ولا لسانها مترين قدام
فظيعه
زين :وطالب اكل ليها ليه
هشام:اصل اكلت اكلها
زين رفع حاجبه :اي حركات العيال دى انت عمرك ماكنت كدا
هشام:بحب اعاندها واخوك في العند استاذ
زين:انت هاتقولي
بس حاسب لتقع انت
خرج هشام من عند زين وهو ييتكلم
هشام:لالا اقع اي انا جبت اكل بدل الي اكلته وبعدين انا عمال ابرر ليه عادى يعني
دخل هشام مكتبه
وكان بيبص علي موده وهي بتاخد اكياس الاكل ولقت فيهم ورقه مكتوب فيها
انتي مرتبطه؟!
موده استغربت من الورقه والاكل بس افتكرتهم لهشام ودخلتله بالاكياس
موده:اتفضل
هشام:دول عشانك
موده:عشاني انا بس انا
هشام قاطعها :نفس الساندوتشات الي كنتي جايباها والي اكلتهم منك والبيبسي الدايت
موده:بس انا مش هاخدهم
هشام:ولو ماخدتيهومش اعتبري ان صاحبتك سمر مرفوضه
موده:بس
هشام:الي عندى قولته
موده بغضب:طيب
كانت بتبرطم في سرها :احسن من عينك
هشام سمعها وضحك واتكلم :بتقولي حاجه
موده:بكح
كح كح كح
عن اذنك
هشام كان رايح جاي في المكتب
يعني مشافتش الورقه دى ولا اي
طب انا مالي اذا كانت مرتبطه ولا لاء
لالا مش موظفه عندى ولازم اعرف بردو احوالها الاجتماعيه اي
عادى يعني
دقايق ودخلت عليه موده بالايملات الي خلصتها
حطتها علي المكتب
موده:كدا انا خلصتهم اي اوامر تانيه
هشام:لا
لا اه
موده:نعم
هشام:انتي مرتبطه
موده : نعم
هشام بص في عيونها وقرب منها خطوه واتكلم
هشام:انتي مرتبطه
موده حست بلخبطه فجأه لكنها اتكلمت
موده:ودا يفرق اي في الشغل
هشام: عشان المتجوزين والي عندهم اولاد بنزودلهم في المرتبات
موده:لا مش مرتبطه
هشام:خالص
موده؛خالص
عن اذنك
….في منزل موده ….
كانت موده في اوضتها عماله تفكر
موده:انا ليه كدبت عليه
ليه مقولتلوش اني مخطوبه
لالا الكدب ملوش رجلين انا بكرا هاقوله اني مخطوبه وخلاص
بس هاطلع كدابه قدامه
لالا انا هاقعد شهرين معاه وخلاص مش ضرورة
ى يعرف اني مخطوبه
ايوا دا الصح
&____________________________&
في منزل هشام
اتكلم هشام مع نيره
هشام:نيره انا
نيره:مالك ياروحي
هشام:انا محتاج شويه وقت
نيره:كنت متاكده انك هاتسيبني اه بعد ماخدت غرضك نيره مبقاش ليها لزمه
بقيت واحده رخيصه في نظرك مش كدا
هشام :اي الي بتقوليه دا
لا طبعااا
نيره:اومال عايز وقت ليه
هشام: عشان ترتيبات الجواز عايز اعملك فرح يليق بيكي
نيره حضنته :ياحبيبي ي هشاااام
انا بموووووت فيك
&_____________________________&
اليوم التالي
………
في مكتب هشام
كان هشام في غرفه مكتبه وموده كانت بتجيب اوراق من الارشيف
دخلت نيره اوضه المكتب علي هشام
نيره:وحشتني
قربت نيره من هشام وجلست بجواره
دخلت موده المكتب لقت المنظر دا
نيره: انتي ازاي تدخلي كدا ياحيوانه انتي
ووووووووووووووو
اقتباس
في شقه يوسف
كانت موده تتحدث معه بحرارة
موده :بحبك
يوسف:بمووووت فيكي
Sabreena
