في شقه نور
اتكلمت نور بتريقه :تحية
اخدت منها ردًا مهذبًا بالعافيه
وعاملي فيها مان ودنجوان اي مالك خيبت ليه يااسدى
يوسف:ششش اسكتي انا كنت هارد عليها في الاول بس دلوقتي هاخلي امرها واضح
نور ضحكت :ازاااااى
يوسف: ازاااااى دى بتاعتي انا
انا ماشي
نور:علي فين
يوسف:النهارده عند خطيبتي انتي ناسيه
نور:روح ياخويا روح لخطيبه الغفله
&________________________________&
في شركه هشام
………
دخلت موده لهشام
موده:اتفضل انا عملت كل الي حضرتك قولت عليه وكتبت الايميل
هشام:اممم كويس خالص
كانت لسه موده هاتمشي نادى عليها هشام
هشام:موده
موده:نعم
هشام:انتي شكلك اول مره تشتغلي سكرتيره
موده:فالحقيقه اه
هشام:وياترى هاتستمرى معانا هنا
موده:لا انا هنا مؤقتا بس لحد ماسمر ربنا يقومها بالسلامه
عن اذنك
كانت لسه هاتخرج
هشام نادى عليها تاني
هشام:موده
موده:نعم
هشام بص لساعته واتكلم :الوقت اتاخر انتي لازم تروحي
موده بصت في ساعتها واتكلمت
موده:فعلا الوقت اتاخر جدا انا هامشي
هشام :تحبي اوصلك
موده :شكرا معايا عربيتي
&___________________________________&
في بيت نوح
………
عزيزه:الساعه بقت سبعه ونص والهانم لسه مشرفتش
يوسف :اهدى ياعمتو زمانها جايه
عزيزه:قولتلك ياسي نوح بلاش الشغلانه دى
نوح وهو يقرا الجريده: معلش الغايب حجته معاه وبعدين لسه بدرى ياعزيزه روحي حضري الاكل ليوسف
يوسف:تسلم ياعمي انا اكلت
دخلت موده الشقه
عزيزه بغضب:اهي شرفت الهانم
كنتي فين لحد دلوقتي
موده:اول ماخلصت شغل جيت علي طول ياماما
عزيزه :خطيبك بقالوا ساعه مستنيكي ياهانم
موده شافت يوسف وافتكرت الي عمله معاها
موده :عن اذنكم
وسابتهم ودخلت اوضتها
عزيزه بغضب دخلت وراها
في اوضه موده
عزيزه:اي الي انتي عملتيه دا الجدع بيحبك تروحي دايسه عليه بجذمتك
موده:ماما لو سمحتي انا مش قادره انسي الي عمله
عزيزه:ماكل الخطاب بيعملوا كدا ياختي هي جت عليه
بت انتي انا عارفه من الاول انتي عايزه تفركشي الجوازه
الجدع بيحبك وشاريكي والبطران عيشته قطران يابت نوح
غيري هدومك والبسي حلو واتمكيجي كدا والضحكه من الودن للودن عشان الواد ميطفش منك
فاهمه
موده: حاضر
خرجت موده ليوسف الي عينه كانت بتاكلها
قعدت علي الكرسي الي جمبه ساكته
نوح:عن اذنكم انا داخل انام
تصبحوا علي خير
يوسف:وحضرتك من اهله ياعمي
دخلت نوح الاوضه
اتكلمت عزيزه :وانا هاروح احضر الاكل زمانكم. جوعتوا
فضل يوسف وموده لوحدهم في الصالون
يوسف بص لموده ومسك ايديها
بعدت موده ايديها عنه
موده:اسمعني كويس لو فاكر اني سهله وطريه تعرف تضحك عليها تبقي غلطان مش معني اني سكتت ابقي راضيه بالي عملته
خف تعوم ومتكترش من ذنبك معايا
يوسف: انا الي عملته دا من حبي فيكي
موده: وبسبب الي عملته دا بدل مااحبك وافتحلك قلبي كرهتك
يوسف:انا اسف اوعدك مش هاعمل كدا تاني
موده بصتله وسكتت
يوسف مسك ايديها وحيّاها
موده بغضب قامت :عن اذنك انا تعبانه وعايزه انام
يوسف:خلاص خلاص متضايقش مني وبعدين دى لفتة بريئه
دخلت عزيزه عليهم
عزيزه:يلا السفره جاهزه
يوسف اتكلم : اي رائيك ياموده نطلع بكرا نسهر
موده :عندى شغل مش هاقدر
خليها بعدين
يوسف :وهو انتي هاتبطلي تروحي امته الشغل دا
موده:شهرين كدا وابطل
يوسف:امممم فين دبلتك
موده: اى وارمه ومش عارفه البسها
يوسف:البسيها في الايد التانيه
عزيزه:لا دا فال وحش ياابني الناس تقول عليها متجوزه وهي لسه مخطوبه لالا
يوسف:اي حاجه ي طنط عشان الناس تعرف انها مرتبطه
عزيزه:كلها يومين وايديها تخف وتلبسها
يوسف: تمام ي عمتو
&_______________________________&
في منزل هشام
دخل هشام لقي نيره بنت عمه مستنياه
هشام:فين الكل
نيره:ناموا
هشام:بدرى كدا
نيره: اه
هشام:عن اذنك انا طالع اوضتي
طلع هشام اوضته
في اوضه هشام
كان بيفتكر موده وكلامها والي عملته النهارده في المكتب
كان بيبتسم وهو بيقلع قميصه بس عيون نيره كانت مراقبه وواقفه قدام الباب
نيره اقتربت منه وبصت في عيونه
هشام تحدث معها بهدوء ودار بينهما حوار طويل
&_____________________________&
اليوم التالي
…………..
في اوضه هشام
…….
كانت نيره بجوار هشام
صحي هشام بدرى وصحي نيره
هشام:نيره
نيره
نيره:امممم اي
هشام:بسرعه قومي البسي وروحي اوضتك قبل ماحد يشوفنا سوا
نيره:هاتكلم بابا امته في موضوعنا
هشام:النهارده اول ماارجع من الشغل
نيره حيّت هشام في خده
و قامت اخدت هدومها لبستها وراحت اوضتها
:::::::::::::::::::::::::::::::
تحت بيت موده
يوسف جه واصر انو يوصل موده الشغل
موده :انا هاروح بالعربيه شكرا مش محتاجه توصيله
يوسف:لا لازم اوصلك
موده: ليه نسيت محفظتك وعايزني اطلعهالك شقتك
يوسف:موده مكنتش قاصد
موده سابته وركبت عربيتها وراحت الشغل
::::::::::::::::::::::::::
في شركه هشام
………
كانت موده لابسه سلوبيته جينز وعامله شعرها قطتين كانت شبه البنات الصغيره
قعدت علي مكتبها تكتب باقي الايملات وحست بالملل
طلعت مصاصه وحطتها في فمها تتلذذ بطعمها
دخل هشام مكتبه ولاحظ لبسها والمصاصه الي في بوقها
وضحك عليها
هشام:وانتي جايه لمين ياشاطره
موده بغيظ :نعم
هشام: اصلك عامله زى العيال الصغيره
دا مكان وليه واجهه وكل الي هنا لازم يلبسوا فورمال
وانتي سكرتيره المدير تبقي لازم تنتبهي كويس للبسك
انتي فاهمه
موده حطت المصاصه في بوقها واتكلمت
موده:فاهمه
هشام اخد منها المصاصه واتكلم
هشام:مفيش مصاصات هنا
دخل مكتبه وهو ماسك المصاصه وبيفتكر شكلها الطفولي وبيضحك رمي المصاصه في الباسكيت
قعد علي الكرسي وبدا يشتغل علي اللاب توب
تليفونه رن بااسم نيره
هشام :الووو
نيره :وحشتني
هشام:عامله اي
نيره: مش عارفه اعيش من غيرك انت نسمه الهوا الي بتنفسها حياتي ملهاش معني من غيرك
هشام بعد الفون عن ودنه شويه لحد ماخلصت كلام الغرام بتاعها
نيره:انت فين
هشام:معاكي بسمعك
نيره:هاتيجي امته
هشام:هاخلص بسرعه واجي
نيره:هتوحشني
هشام :وانتي كمان
نيره:سلام ياروحي
قفل هشام مع نيره وكان زهقان من الشغل
هشام طلع من المكتب لقي موده جايبه برجر وبتاكل فيه
هشام:انتي بتعملي اي
موده : بفطر
هشام اخد منها الاكل واتكلم
هشام:ابقي كلي في البريك دلوقتي لاء
موده حست بالظلم وطلعت البيبسي الدايت الي جايباه ولسه هاتفتحه
هشام: شايفك
هاتيها
موده:حرام اشرب كمان
هشام:اه
واخد منها البيبسي ودخل اوضه المكتب بتاعته
موده قعدت تبرطم
يكشي الاكل يقف في ظورك يابعيد
قعد هشام ياكل اكل موده والبيبسي الدايت بتاعها
هشام بضجر :بيبسي دايت قال كدا يعني هاتخس هي
طلع فونه وكلم زين
هشام:زين فينك
زين:مسحول في مكتبي
هشام:طب انا جاي
خرج من المكتب لقي. موده بتخبي حاجه تحت المكتب
هشام:شايفك
شايفك
هاتيهم
طلعت موده الشيكولاتات من تحت المكتب وعطيتهم لهشام
هشام:فاضل واحده
موده:اهي كانت واقعه
هشام وهو بيفتح الشيكولاته :قولتلك كلي وقت البريك بس
سابها هشام وراح لزين وهو سامع برطمتها وبيضحك من قلبه علي منظرها
……في مكتب زين …….
زين :احكي ياصاحبي مالك
