اطلعي برا انا مش طايقه اشوف وشك هنا تاني انتي يا حبيبتي لا معاكي لا عيل ولا تيل غوري بقا.
رهف بدموع: دي شقتي يا حماتي ومحدش ليه الحق انه يطردني منها.
حماتها بقسوة: لا يا روح امك دي شقة ابني الله يرحمه و تحمدي ربنا اني قعدتك فيها سنة بعد اما مات بسبب وشك الفقر.
رهف بعصبية و دموع: يعني انا اللي خليته يعمل الحادثة ؟ انا مليش ذنب في حاجه حصلت حرام عليكي اتقي الله دا ابنك لسه دمه مبردش وانتي جايه تطرديني من شقتي.
حماتها ببرود: خلصتي مشوفش وشك هنا تاني انتي فاهمه ولا لا.
رهف بدموع: حسبي الله ونعم الوكيل ربنا ينتقم من كل ظالم.
جاية تمشي حماتها وقفتها: استني عندك هاتي الشنطة دي.
رهف باستغراب: دي هدومي عاوزة اي منها.
شدتها حماتها بقوة: بفلوس ابني يا روح امك و بنتي اولى بيها و بقولك اي اقلعي الدهب دا كمان.
رهف بغضب: دا في احلامك ابنك مات مش طلقني جربي تقربي من هدومي اللي انا جايباها وبتقولي بتاعت ابنك ولا دهبي وانا قسما بالله ما هحترم سنك يا ولية يا عايبة انتي.
حماتها بغضب: انا ولية عايبة طب والله لربيكي يا بنت بياعة الجزم.
جاية تمد ايديها علي رهف ايد مسكتها: لا ايدك واختي يا حرمة انتي فاهمه انها ملهاش رجالة ولا اي.
رهف بفرحة وسط عياطها: يوسف.
يوسف زق حماة رهف وقعت قدمهم علي الارض.
يوسف ببرود: اختي انا جيت اخدها من بيتك الزباله دا ولولا انه هيا اللي صممت تتجوز ابنك اللي ميجوزش عليه غير الرحمة والله العظيم ما كانت هتعتبه يا بيت عرر.
سيدة بخوف و تمثيل القوة: احنا بيت عرر والله لهوريك انت واختك السنكوحه دي يا يوسف.
يوسف ببرود: اعلى ما في خيلك اركبيه.
مسك ايد رهف وشنطة هدومها و خدها ومشي..
سيدة بغل: ماشي يا يوسف ماشيي صبركم عليا.
بعد شويه..
دخل يوسف البيت و رمى شنطة الهدوم بلا مبالاة وقعد علي الكنبه..
رهف بكسوف: يوسف انا عارفه انك زعلان مني بس انا…
يوسف مقاطعا: انا مش عايز اسمع حاجه شايفه اخرة اختيارك كانت منيلة ازاي ياما حذرتك من الناس دي.
رهف بهدؤء: جمال مكنش زيهم وانت عارف وانا اتجوزته هو مش اتجوزت اهله.
يوسف بهدؤء: عارف ان جمال اه مش زيهم لكن انيل دا كان مطلع عينك خليني ساكت.
رهف بتوتر: لا مكنش مطلع عيني كان بيحبني وانا كنت بحبه و بعد اذنك كفايه نجيب في سيرتهم.
يوسف بحنان: ماشي يا رهف خشي اوضتك انا نضفتها لك لانه كنت حاسس انها هتعمل كده.
رهف راحت حضنته وانهارت في العياط.
يوسف بحنان: اهدي يا حبيبتي ادعي له بالرحمه.
رهف بدموع: كان منظره في المستشفى صعب اوي يا يوسف انا مش قادره انسى ليلتها لما الناس كلمونا و قالوا لينا انه عمل حادثة وانا روحي اتسحبت مني.
يوسف بحنان: نصيبه يا رهف يلا قومي نامي شويه وانا هنزل اروح الشغل.
رهف بحزن: ماشي.
يوسف بمرح: عاوز اجاي القي مكرونه بشاميل وبانيه و كل حاجه عندك وحشني اكلك يا شبر ونص انتي.
رهف بابتسامة: عيوني يا حبيب اختك.
باس راسها و مشي…
عند سيدة..
سيدة بحقد: انا لازم ابلغ عن اللي حصل دا اتهجم عليا وضربني انا هسجنه.
جوزها بخبث: انتي اه هتعملي محضر فيه انه اتهجم عليكي وكان عاوز يسرق فلوسك بس مش هنسجنه دا هنهددهم بيه.
سيدة باستغراب: في دماغك اي يا شفيق.
شفيق بمكر وطمع: الدهب يا ولية فتحي مخك و تنازل علي كل حاجه متنسيش انه هيا كدا صاحبة نص البيت لانه جمال كان كاتبه ليها.
سيدة بشهقة: نعمممم كتبه ليها امتي.
شفيق بتوتر: لما جه يتجوزها كتبه هديه ليها لانه كان جايب شقتين برا و قال عادي دي وعشان البت ترتاح له.
سيدة بغيظ: طول عمره اهبل زيك كدا بالظبط بس علي مين انا هرجع كل حاجه من عنيهم هي واخوها.
شفيق بخبث: يبقا يلا نروح القسم.
سيدة بمكر اكبر: يلا.
بليل..
كانت رهف واقفه في البلكونه الباب خبط راحت تفتح وبصت علي ايديهم اتصدمت رزعت الباب في وش اللي واقفين..
ياسين بصدمة: هو اي دا يا يوسف.
يوسف بتوتر: اهدا بس يا ياسين اتلاقيها اتخضت.
خبط تاني.
رهف من ورا الباب: مش هفتح الباب غير لما تطلع البضاعة.
ياسين باستغراب: بضاعة اي انا همشي يا يوسف اختك هبلة.
يوسف بضحك: جبتهالك اهي يا رهف وكنت حاططها في جيبي.
طلع شوكولاته من جيبه شافتها من الباب وفتحت خدتها جري.
يوسف بغيظ: كدا تكسفيني قدام سيادة المقدم.
رهف بصت للشاب اللي مع اخوها باحراج: احم اسفه مش أقصد والله.
ياسين بهدؤء: ولا يهمك انا يستحسن امشي.
يوسف مسكه: تمشي فين يا راجل تعالي انت هتتغدي معايا جهزتي الاكل يا رهف.
رهف باحراج: احم ايوا دقايق ويكون علي السفرة وبعتذر مرة تاني علي اني قفلت في وشكم اصلي متعودة انه يجي وفي ايده شوكولاته.
ياسين ببرود: تمام.
دخلت وهي بتلعن غباءها و يوسف قعد مع ياسين..
بعد شويه..
يوسف بابتسامة: دا ياسين صاحب عمري كان منقول في شغله ولسه جاي امبارح حبيت اعزمه.
رهف بهدؤء: تمام اتشرفت بيك
ياسين ببرود’ اوك.
رهف برفع حاجب وهمس ل يوسف: هو بيرد من مناخيره ليه ما يحمد ربنا انه في بيتنا.
يوسف بضحك: معلش هو مش بيعرف يتعامل مع الصنف الاخر و متعقد منهم.
رهف بهمس وردح: ياخويا علي نفسه مش عليا هو انا ناقصة واحد معقد دا طويل واهبل.
ياسين قام وقف: طب استاذن انا.
يوسف باستغراب: علي فين يا ياسين كمل اكلك.
ياسين بهدؤء: كلت انا لازم امشي عشان عندي شغل بدري شكرا علي الاكل يا استاذة رهف.
رهف تجاهلته و ياسين بص لها بغيظ انها ردت نفس حركته..
يوسف كتم ضحكته وراح يفتح الباب لاقي البوليس..
الظابط: فين يوسف عز الدين.
يوسف باستغراب: انا في اي.
الظابط بجمود: مطلوب القبض عليك بتهمة التعدي علي المدام سيدة احمد.
رعف بخضة: اي لا اكيد في حاجه غلط اخويا معملش حاجه.
الظابط ببرود: عمل وفي شهود والكاميرا جابته يلا هاتوه.
رهف مسكت اخوها: لا مش هييجي معاكم في حتة دول كدابين.
الظابط زق رهف كانت هتقع ياسين مسكها وبص للظابظ بغضب: دي مش اخلاق ظابط باي حق زقها.
الظابط بقرف: وانت مالك انت كمان.
ياسين ببرود: انا المقدم ياسين شاكر المحمدي يا بيه.
الظابط بخوف: ياسين المحمدي بذات نفسه هنا.
رهف بصت باستغراب ل خوف الظابط منه.
ياسين ببرود: مفيش ايد هتلمسهم روح واحنا هنحصلك بعربيتي.
الظابط بخوف: دي تعليمات يا باشا وحضرتك ادرا بيها.
ياسين ببرود: وعشان انا ادرا بيها بقولك هنحصلك وانا بنفسي هجيبه.
الظابط بخوف: تمام يا باشا يلا يا بني انت وهو.
يوسف بهدؤء: وانا جاهز اروح اي حتة انا معملتش حاجه.
ياسين بهدؤء: متقلقش انا جنبك وعارف انك مستحيل تعمل كدا يلا.
رهف بخوف: مش هيتحبس صح انا مليش غيره.
ياسين بهدؤء: متخفيش مش هيحصله حاجه.
رهف بدموع: هاجي معاكم مش هسيب اخويا.
ياسين: تمم يلا.
مشيوا علي القسم كلهم..
بعد شويه في القسم..
دخلت رهف وهي ماسكه في ايد اخوها.
يوسف بحنان: متخفيش يا بت انا جنبك.
رهف بتوتر: اخاف يسجنوك وافضل ادور اجيب لك عيش وحلاوة منين دلوقتي و الفرن بيفتح الصبح.
يوسف بغيظ: هاتي فينو انا هاكله مش هدقق يعني.
رهف بغيظ: لا متبوظش النظام هو عيش وحلاوة يعني عيش وحلاوة مفيش فينو يابا.
ياسين بذهول: انتو بتهزروا ولا بتتكلموا جد.
يوسف بمرح: طبعا جدا يرضيك متجيبش ليا عيش وحلاوة.
ياسين بغيظ: دا انتو عبط والله اتزفت ادخل خلينا نحل الموضوع دا.
رهف جاية تدخل ياسين وقفها: لا مينفعش تخشي مش عاوزين زحمة علي الفاضي.
رهف بغباء: خلاص متدخلش انت وادخل انا.
ياسين برفع حاجب: هتعرفي تخرجيه بدالي يعني ولا تهببي حاجه.
رهف ببرود: اه هعرف هشجعه.
ياسين بغيظ: هو داخل ماتش كورة يا ستي وسعي الله يرضي عنك بقي خنقتيني .
خد يوسف و دخل..
رهف بغيظ طفولي: ماشي يا بو طويلة انا هوريك لما تخرجي لي .
: انتي شرفتي انا كنت قادرة احبسك مع اخوكي بس عملت مردتش لانك كنتي مرات المرحوم الغالي ابني جمال .
رهف بصت وراها بغضب: انتي.
