اهم يا باشا البنتين اللي ضربو الولدين دول
ياسين بصدمة: نهاركم أسود رهف و نفين ؟.انتو اللي عملتوا كدا في جوز الشباب دول ؟
رهف ببرود: اه احنا اللي مسكناهم وضربناهم فيها حاجه دي.
ياسين بعصبية: انتي مجنونه اييي مستقوية نفسك علي مين ؟.
الشاب بخبث : يا باشا احنا كنا قاعدين في حالنا و بالغلط خبطت فيها لقيتها فجأة مسكت الكوباية ونزلت علي دماغي سببتلي جرح كبير اهو .
صحبه التاني: اه يا بيه احنا عاوزين نعمل فيها محضر وانا ابويا لو عرف مش هيرحمها لا هيا ولا اهلها.
يوسف بغضب: طب اركن يا حبيب بابي وماما عشان انا اهلها واختي مش مجنونة عشان تعمل كدا من الباب للطاق.
نفين بدموع : هم اللي ضايقونا بكلام سافل يا ابيه والله
رهف بزعيق ل نفين: بت انتي متعيطيش انا خدت حقك من الصنف القذر دول ووريني هيقدر يعملو اي
الشاب بغضب: ما تحترمي نفسك انا لو مسكتك هزعلك.
ياسين ببرود: جرب بس تقرب منها وقسما بالله لهروقك انت والبابي بتاعك.
الشاب بلع ريقه بخوف..
ياسين بهدؤء: احكي يا رهف حصل اي.
رهف ببرود: كانو بيعاكسونا و الحيوان دا مسك ايدي و التاني وهو معدي من جمب نيڤين لمس وسطها بس انا قومت بالواجب وسمحت بكرامتهم الأرض
يوسف بغيرة وغضب: نعممم يا روح امك لمست نفين منين.
نفين انهارت و يوسف اتجنن لما شاف دموعها هجم علي الشباب و مسكهم ضرب..
ياسين بيبعده: اهدا يا يوسف انت في زفت قسم مش خناقة في شارع وحقهم انا هاخده وسع.
يوسف بغضب اعمي: اوعي سبني عليهم اللي معندهمش ريحة الرجولة دول سيبني يا ياسين.
ياسين بعد يوسف ونادى للعسكري: يا عسكري خدهم ارميهم في الحجز دلوقتي يلا.
العسكري مسكهم..
الشاب وهو خارج بص ل رهف بغضب وزق العسكري ومسكها من شعرها: والله لوريكي و ايدي هتعلم عليكي مش احمد العزازي اللي بت تمد ايديها عليه.
ايد ضربته بالبوكس وقع علي الارض و رهف كانت هتقع سندها في حضنه..
ياسين وهو ساند رهف: انت هنا في مملكتي و قلة ادبك دي انا هدفعك تمنها ومش هخليك تشوف الشارع تاني خدههمممممم.
خدهم العسكري و رهف بصت ل ياسين و قلبها دق.
ياسين كان لسه محاوطها: ما تبعد ولا انت غاوي تلزيق.
ياسين زقها بهدؤء كانت هتقع مسكت نفسها: ما تحاسب هو يا كده يا كده
ياسين بذهول: مانتي اللي قولتي سبني جاية تقولي لا لما سابتك انتي عبيطة يابت انتي.
رهف بغيظ: لم لسانك اي سكتناله دخل ب حماره.
نفين وسط دموعها ضحكت: ههههه شكلكم حلو اوي وانتو بتتخانقوا.
رهف و ياسين بنفس واحد: اسكتي.
رهف ببرود: اسمع يا ياسين احنا هنعمل محضر للاتنين دول ولو معرفتش تربيهم قولي انا هقوم بالواجب.
ياسين بغيظ ل يوسف: خد اختك وامشي بدل ما ازعلها
يوسف بجمود: طيب يلا يا رهف.
مسك ايديها وبص علي نفين بغضب ومشي..
ياسين ابتسم: اقعدي يا نفين انا هخلص الشغل دا ونروح وحقكم هجيبه.
نفين بتوتر: هو يوسف ماله دا مسلمش عليا حتي.
ياسين بابتسامة: معلش انشغل في المصيبه اخته دي.
نفين بابتسامة: طيب يا ابيه الا صحيح هو انت ليه بتتخانق مع رهف كل لما تشوفها ومش طايقين بعض.
ياسين بغيظ: عشان لسانها اطول منها ده جوزها اتوفي وارتاح منها الصبر ونص دي
: علي فكرة انا مش شبر ونص.
بصوا للصوت بذهول..
رهف دخلت ببرود وراحت ل نفين: هاتي يا وليه التليفون بتاعي نسيته معاكي.
نفين بتذكر: اه صحيح خدي اهو.
خدته منها : أنا رايحه اكل كشري مع اخويا حبيبي تيجي معايا
ياسين بخبث: طب ما نيجي احنا الاتنين معاكم واهو نتسلى كلنا.
نفين بحماس: موافقة يلا.
رهف بابتسامة: ماشي يلا تعالي يا حبيبتي و خلي أخوكي اللي زي عمود النور ده يحصلنا.
خدتها ومشيت وهو ضحك: ماشي يا رهف..
في محل الكشري..
رهف بجوع: واحد تاني كمالة يا عم صابر.
ياسين بذهول: قصدك تالت انتي كل دا ومشبعتيش.
رهف بغيظ: يعم هو انا باكل من جيبك انت
ياسين ببرود: لا أنا بس خايفك تتخني اكتر منتي تخينة كده ومدورة شبه الكورة الكفر ومش باينه من الارض.
رهف بصدمة: قصدك ان انا تخينه ؟؟؟؟
يوسف كح بخوف : كح كح ما خلاص بقا صل علي النبي انت وهيا وبطلوا خناق بقا.
نفين بابتسامة: سيبهم يا أبيه يوسف شكلهم حلو اوي وهم كده
رهف بتبص ل ياسين ببرود وهو بيبادلها نفس النظرة..
يوسف بابتسامة: طب اي رايكم تعملوا معاهدة صلح بينكم وتبطلوا خناق.
رهف: لا مش عاوزة عشان بيقولي اني شبر ونص و تخينه عمود النور دا.
نفين بخبث: خلاص عندي تحدي هيعجبكم اللي يتخانق مع التاني الاول يدفع لاخوه 200 جنيه.
يوسف بضحك: أنا موافق كده هنلم كتير اوي.
ياسين بغيظ: بعينكم وانا قبلت التحدي دا.
رهف بثقة: وانا كمان قبلت.
نفين بابتسامة: طب الحمدلله هقوم اجيب عصير.
يوسف بتوتر: احم وانا هاجي معاكي لو ياسين وافق يعني.
ياسين بخبث: موافق روحوا بس متتأخروش
نفين ابتسمت وراحت مع يوسف..
