قالتها غرام لما لقيته فهد، حاولت تفلت منه بس…
فهد: مشيتي ليه…
غرام بضيق: مش هنعيد ونزيد في نفس الموضوع يا فهد بيه، سبنا نبقي جيران خفاف علي بعض…
فهد بسخرية: مش عارفه متنيل بحبك علي إي…
غرام: جرا إي يا محترم، متشوف نفسك…
قرب منها فهد وهمس: جرا إي…. قوليها تاني كده…
غرام بتوتر وهيا بتدفعه لورا: مقولتش حاجه وبعدين ابعد…
بعد فهد شوية وحط إيده في جيب بنطاله..
فهد بهدوء: شوفي يا غرام لما اكون بكلمك في الشارع أو غيره متمشيش وتسبيني، أنا مش بلف وراكي، ومش أول مرة تعملي الحركة دي… لما اكون بكلمك تقفي عدل وتسمعيني ولما أخلص كلامي تمشي….
غرام بنرفزه: أولا أنا مبحبش التحكمات تمام.. ثانياً بقي انت لا أخويا ولا جوزي ولا خطيبي ولا أبويا علشان تفرض سيطرتك عليا تمام… ثالثاً بقي لو عملت الحركة دي تاني صدقني رد فعلي مش هيعجبك….
فهد: هتعملي أي يعني…
غرام بتوتر: فهد ابعد لو سمحت… وقفتنا مش مناسبة.. لو سمحت ابعد…
أبتعد قليلا ليزفر بضيق: أنا قولت اللي عندي وانتي حُرّة…
غرام بعصبية: لو سمحت بقي ابعد وسبني أشوف رايحة فين…
فهد: هو انتي رايحة فين…
غرام: رايحة المكتبة.. وسع كده أشوف سكتي…
فهد بتجاهل: بعيدا عن طريقتك، بس رايحة فين…
غرام بصدمة: رايحة فين….
فهد: أيوه رايحة فين…
صرخت بعصبية: فهد متعصبنيش بقولك اهو….
فهد: وأنا عايزك تتعصبي… لما طريقتك تتعدل وقتها هتكلم معاكي كويس..
غرام بعصبية: أنا معدولة غصب عنك….
بصتله بضيق: انت عملت إي…
فهد: غرام أاااانااا….
غرام بغضب: أنت إي، أنا مشوفتش في طريقتك دي، واحد قليل الذوق… أنت لو اخر واحد في الدنيا مش هقبل بيك يا فهد سامعني… لو آخر واحد في الدنيا….
جريت غرام وطلعت بيتها… وضع فهد يديه وبص مكانها…
فهد: أنا هوريكي يا غرام هعرفك إزاي ترفضني.. عمال أدادي وأسايس فيكي وبتتمادي…
(تعريف بالشخصيات):
بطل روايتنا فهد البحيري خريج كلية تجارة قسم محاسبات عنده 30 سنة، الابن الوحيد لأدهم البحيري، وورث محل مجوهرات بعد موْت أبوه وتطور من شغله وبقي عنده سلسلة محلات مجوهرات في جميع المحافظات. فهد جسمه رياضي مهتم بيه، طوله 190، عينه لونها بني، شعره أسود وناعم، عنده غمزات بتظهر لما بيضحك، بيحب غرام من أول ما سكنت في عمارتهم. عنده أخت واحدة اسمها ندي البحيري تعتبر بنته لأن باباه لما ماْت كان عندها 10 سنين وهو اللي رباها، من نفس سن غرام ومعاها في نفس الكلية والاتنين صحاب.
دخلت غرام البيت ودخلت أوضتها واترمت علي السرير ودفنت رأسها في المخدة.
غرام: واحد غريب.. كل حياته ماشية بطريقة عجيبة.. أنا بكرهك يا فهد…
ضربت المخدة وقالت بعصبية: بكرهك يابن هدى… بكرهك..
تاني يوم صحيت غرام وجهزت نفسها، طلبت الأسانسير وفضلت مستنية حوالي تلات دقائق لأنه في الدور الرابع، اتفتح الأسانسير رفعت وشها لقيته في وشها…
بصتله بتجاهل..
قرب منها وقال: هنقول مثلا إني غلطان، انتي شايفه تصرفاتك عدلة.. شايفه نفسك مش غلطانة… غرام أنا خلقي ضيق شوية، أنا بحاول علي قد ما أقدر متعصبش عليكي…
غرام: أيوه أنا مالي بكل ده…
تساءل فهد: روحتي امبارح المكتبة…
غرام بضيق: ده علي أساس إنك مش بتشوف مين اللي خارج واللي داخل العمارة…
أبتسم ابتسامة هادئة…
قرب منها: نفسي تحنّي…
غرام بنرفزة: أما انت واحد صعب بصحيح…
غمز بعينيه: إنتي اللي دماغك بتفهم غلط…
غرام: فهد ابعد عن سكتي علشان إحنا مننفعش….
غرام في الكلية.. كانت قعدت مع أخت فهد ندى (معاها في نفس الكلية)…
ندى: وبعدين يا ست غرام في التوهان ده…
غرام بتوهان: هيجنني…
ياسمين بمرح: مين ده..
غرام باستوعاب: مفيش حد.. وبعدين ما تعرفوش تلموا أخوكم..
ياسمين بغرور: تصدقي يا بت إنتي مش وش نعمة.. بقي واحد زي فهد البحيري جمال ودلال وأناقة وشخصية وشياكة وخفة دم وغني وصاحب سلسلة محلات مجوهرات.. وغير ده كله بيحبك.. إنتي تطولي أصلا ده كفاية إن نص بنات الشارع هتموت عليه..
قاطع حديثها صوت شخص ما: القلب وما يريد….
بصت غرام لذلك الشخص بصدمة وووووو
_هو أنت جاي تاخدني؟
قالتها ندى لما لقيت فهد هو اللي كمل كلام صحبتهم ياسمين..
بص فهد لغرام: أه جيت أخدك، لو خلصتي محاضراتك يلا نمشي…
غرام قامت لمت حاجتها ولسه هتمشي وقف قدامها فهد..
فهد: علي فين يا جميل…
غرام باستغراب: في حاجه، مروحة…..
بصلها: ومتجيش معانا ليه…
غرام بقلة صبر: لو آخر واحد في الدنيا مش هركب معاك…..
ندي: يلا يا فهد.. تعالي معانا يا غرام ياسمين مشيت مع ابن عمتها…. وانتي هتروحي لوحدك واحنا موجودين….
فهد: أيوه يا ندي قوليها، مفكرانا بنتحرش بيهم! دا انا ابن ناس متربي، حتي هدهد تزعل مني يا غرامي اصلها بتعزك قوي…
قالها فهد بمكر ممتزج بالدراما…
أبتسمت غرام بهدوء وندى على كلامه…
وضع فهد يده مكان قلبه وتكلم: ضحكت يعني قلبها مال وخلاص الفرق ما بينا اتشال….
عدت غرام من جنبه بكسوف وسبقتهم علي العربية…
ندي بمرح: خف علي البت شوية….
ضربها بتهريج: هو أنا واحد بلعب معاكي في الشارع… وبعدين خليها كده أنا عرفت دواها إي، اللي زي غرام دي لازم تستوي علي نار هادية لحد ما تقول….
ندي بمرح: تطلبك إي.. هيا البنات بقت بتتقدم للولاد وانا معرفش…
ضربها فهد بمرح: مالكيش دعوة ده كلام كبار…..
ركب فهد العربية وجنبه أخته، وقعدت غرام في الكرسي اللي ورا كرسي فهد علطول… بتبص علي الطريق متجاهلة نظرات فهد الي في المراية…
أخيراً وصلوا، نزلت ندى و غرام وراها وبعدهم فهد….
بصت جارة غرام اللي في الشارع بغيظ وقالت: ما هيا لازم تقضيها…
فهد كان ماشي وسمعها، بص لغرام لقى عيونها مليانة دموع…
لف وبص للبنت دي وقالها: انتي بتتكلمي علي مين….
شجن بدلال: مبتكلمش علي حد ياسي فهد…
فهد: اتكلمي معايا عدل وبطلي الكلام ده…
كل الشارع خرج علي صوت فهد….
شجن بخوف: مكنش قصدي حاجه يا بيه…
فهد: اسمعي يا بت إنتي، غرام تحترمي نفسك معاها، أنا مش أطرش علشان أفاهم كلامك علي مين سامعني… اعرفي حدودك تمام…. مش حَرَم فهد البحيري اللي واحدة زيك تقول عليها كده…. هيا ست الستات وأي حد في الشارع هيفكر يمسها بكلمة…
بص فهد لأبو شجن وقال: لم بنتك يا عم محمد ولو فكرت تقرب من غرام تاني هزعلها…
بص الشارع كله لغرام.. الحاسد والحاقد واللي مبسوط من حب فهد ليها.. واللي نفسها فهد يحبها زي ما بيحب غرام…
بس غرام كانت في عالم تاني، أول مرة حد يدافع عنها.. حست إن ليها سند، مشاعرها اتلخبطت بعد الموقف ده بس فهد كبر في نظرها…
صحيت من أفكارها علي صوت فهد:
فهد بحنية: اطلعي يا غرام…
كانت عايزة تتخانق معه بس لسانها اتربط ومعرففتش تتخانق معه، هو ليه سحر خاص.. ليه بتبقي خرسة قدامه أحياناً.. مع أنها مش من طبعها بس شكلها وقعت في غرام فهد البحيري…
طلعت غرام بيتها وقلبها بيدق جامد…
دخلت أوضتها وحطت أيديها علي قلبها: لا متدقش كده إحنا مننفعش.. اوعي تحبه لأ….
دخل فهد هو وندي البيت لقي مامته بتحضر الأكل..
أبتسم وقال: عرفتي ازاي إنا جايين دلوقتي…
هدى: من صوتك اللي مسمع آخر الشارع علشان ست غرام…
قعد علي الكرسي وقال بتعب: وياريته نافع يا أمي…. شعري شاب وأنا بحاول أقنعها اني بحبها… بس عادي وماله حق الجميل يدلع…
أبستمت هدى علي حب ابنها لغرام، هيا بتحب غرام زي بنتها، أول ما سكنت كانت علطول تقولها ربنا يجعلك من نصيب الفهد يا بنت نور…
هدى بدعاء: ربنا يريح قلبك يا حبيبي وأشوفك أجمل عريس أنت وهيا وأشيل عيالكوا ياارب…
قبل يد والدته وقال: ربنا يخليكي ليا يا أمي، كَتِّري من الدعا ده كتير علشان أنا صبري خلص…
