_رايحه فين… كنت ماشية وخارج من باب العمارة لقيت حد بيقولي كده، الټفت وبصيت لقيته هو كالعاده كل يوم الصبح يجر شكل معايا… رديت بنرفزه: عايز اي.. رد بهدوء: عايزك في الحلال يابنت الناس.. أتكلمت غرام: وأنا قولتلك يا فهد احنا مننفعش مع بعض، شوف انت فين وأنا فين…. رد بهدوء: انتي اللي مش راضيه تفهمي إن ده كله ميفرقش معايا ومصصمه علي قرارك…
مردتش عليه ومشيت…
اعرفكوا بنفسي أنا غرام عندي 20 سنة في تانية كلية… ولدي ماْت وأنا عندي 15 سنة وقتها هربنا أنا وماما وجينا الاسكندرية علشان عمامي ميعرفوش مكانا… استجرنا شقة، آه بالمناسبة الشقة دي في عمارة فهد مهو صاحب العمارة أصلا، من وقت لما جيت وهو بيعاملني بطريقة غريبة بس معترفش انه بيحبني غير من سنة… مش عارفه بس أنا شايفه إنا بعاد عن بعض، هو ابن بشوات صاحب سلسلة محلات مجوهرات غير العماير اللي عندهم متأجرة.. مفيش حد من عائلته هتقبل بيا، إحنا مننفعش حتي لو بنحب بعض في حاجات هتمنعنا.
راحت غرام الكلية وسابت فهد مكانه.
فضل واقف مكانه اتكلم: ربنا يهديكي…
طلع علي بيته لقا اخته ومامته بيجهزوا السفرا.
_السلام عليكم..
ردت هدى والدة فهد: وعليكم السلام يا حبيبي نورت البيت.
قبل جبين والدته ليقول بأبتسامه هادئه: منوره بيكي يا ست الكل…
قعد فهد وهدى واخته ندي… بعدها بشويه خلص فهد الفطار وخرج علي المحل بتاعه، دخل محل الإدارة ولقي صاحبه أياد قاعد مستنيه في المكتب.
اتكلم أياد بمرح: إي يعم كل ده فين..
بصله فهد بهدوء فسكت أياد…
فهد بجدية: أخبار الشغل إي…
أياد: كل حاجه تمام بس محلات فرع القاهره عليها ضغط شغل، تابعت الحسابات بس في لخبطة ياريت تروح في أسرع وقت تعمله….
فهد: روح انت شوف الدنيا هناك إي… وغيره…
أياد: البضاعه الجديدة وصلت مستنيه تعيينك بس…
أومأ له بهدوء. قعد فهد وإياد يتكلموا حوالين الشغل.
رجعت غرام من الجامعة وهيا طالعة علي شقتهم اللي في الدور التاني لقت بنت عم فهد، داليا…. عدت غرام من جنبها بتجاهل..
داليا: بقي سي فهد لآمّم الخياطة وبنتها في عمارة البشوات… عمرك ما كنتي تحلمي بيها لا إنتي ولا أمك…
بصت لها غرام بحدة: اسمعي يا حلوة أنا واحدة خلقي ضيق وأي حد بيعصبني مبكتش، أما الخياطة اللي بتتكلمي عليها أشرف منك مليون مرة….
وطلعت علي بيتهم… دخلت البيت لقت مامتها قعدت علي المكنة بتشتغل…
نور مامت غرام: نورتي البيت يا حبيبتي.
_منور بيكي يا ست الكل.. هاا عامله أكل إي….
نور بحب: عامله أكلتك المفضلة مكرونة بشاميل…
باست رأس مامتها وراحت أوضتها وغيرت هدومها، رجعت بعدها بشويه لقيت مامتها مجهزة السفرة ومستنياها…
اتكلمت نور: إلاهي قوليلي مشفتش فهد انهارده…
بصت لمامتها: أشوف ليه وأنا مالي…
نور بخيبة: جتك الغيبة بقي واحد زي فهد يترفض ده كفاية أنه بيحبك… انتي مش شايفه بنات الشارع كلهم ميتين عليه ازاي.. بيتمنوا نظرة واحدة بس منه…
غرام بمرح: أنا اللي بنتك مش هو..
نور بتمني: ياريته هو اللي ابني..
غرام: أموت وأعرف عملك السحر في انهي حتة….
نزلت غرام علشان تجيب حاجات من المكتبة، لسه هتفتح البواب حست بحد بيناديها…
_انت!
