قصص وروايات

رايحه فين بقلم سميه احمد

في بيت غرام طلعت علي صوت مامتها…
غرام: نعم يا ماما..
نور: بقولك يا حبيبي اطلعي قولي لخالتك أم فهد إن المقاسات مش مظبوطة فيها لخبطة…
غرام باستغراب: مقاسات إي…
نور: غرام بلاش غبائك دلوقتي يا حبيبتي، اطلعي قوليها كده وخلاص…
لبست غرام سدالها الأسود اللي عكس لون بشرتها البيضا وعيونها الصافية زي صفاء البحر….
خبطت غرام علي الباب، اتفتح الباب..
_إيه أول مرة تشوفي حد كده؟
قالها فهد لما غرام لفت بصت الناحية التانية.
غرام بضيق: ادخل أستر نفسك.. فهد ارجوك ادخل البس أي تيشرت مينفعش كده بجد..
صعبت عليه غرام لما شافها مكسوفة، قفل الباب في وشها علشان عارف أنها هتتعصب..
غرام بعصبية: واحد قليل الذوق محتاج إعادة تربية…
_مين ده اللي محتاج إعادة تربية…
قالها فهد وهو بيفتح الباب.. بصتله غرام لقيته لبس تيشرت أسود علي البنطلون الأسود..
غرام بنرفزة: بس يا أبو طول..
فهد: ليه كده يا حبي ده البنات دلوقتي هموت علي الطول ده…
غرام بعصبية: فهد بتوتر: فهد ابعد بقي…
فهد: طب مينفعش فهد يقرب…
رفعت وشها واتكلمت: بطل تلميح بقي…
فهد بحب: أيوه كده يا شيخة ارفعي وشك خليني أشبع من القمر ده والعيون الملونة دي…
بصت للأرض بكسوف: فهد بقي متبقاش رخم وابعد… عيب حد يشوفنا…
فهد: حد يشوفنا! دانا طارد كل الناس اللي هنا… محدش ساكن في العمارة غيرنا لو قصدك علي أمي فا أمي نايمة وندي بتذاكر.. مفيش غير أنا وانت يا جميل والشيطان تالتنا…
فركت إيديها بتوتر وقالت برقة: لو سمحت يا فهد….
فهد: يااالهووووي علي فهد…
برقت غرام بصدمة: مالك…
فهد: مالي! اقعدي قولي زفت فهد وسبيني…
غرام بعصبية: فهد بطل وسبني امشي…
قرب منها فهد وهمس: طب ولما إنتي تمشي فهد هيعمل إي.. إنتي دمرتي فهد وبصراحة مينفعش كده معاه….
زقت غرام فهد بسرعة لما شافت هدى جاية ناحية الباب…
هدى بهدوء: بتعملوا إي يا حبايبي…
فهد: كنت بنفخ في عيونها دخلت دباعة.. قصدي دخل طراب… يووووه بقي يا ماما سبييني في حالي…
ضحكت غرام وهدى على توتره…
اتكلمت غرام مع هدى بحب: ماما عايزكي يا طنط…
هدى بحب: حاضر يا حبيبتي اطلعي وأنا هحصلك..
طلعت غرام سلمة ورجعت تاني وقالت وهيا بتشاور علي فهد: أه صح يا طنط… متنسيش تربي ابنك ده…
قربت غرام من فهد واتكلمت: فهد ابعد أنا خايفة..
حضنها فهد واتكلم: يارب النور ما يجي..
غرام بعدم فهم: مصدق إي مش فاهمة…
فهد: مالكيش دعوة إنتي…
اتكلم فهد لما لقها بتترعش: غرام مالك يا حبيبتي إنتي كويسة..
غرام ببكاء: أنا بخاف من الضلمة قويي…
دور علي تلفونه في جيب بنطلونه بس للأسف كان ناسيه تحت، زعق بكل صوت علي أخته ومامته…
همس لغرام: هششش متخافيش يا حبيبتي أنا موجود.. دلوقتي هتطلع ندي ومعاها كشاف…
غرام بخوف: فهد متسبنيش..
فهد بعتاب: حد يسيب روحه! ياريت تحسي بيا بس أنا تعبت من المحاولة معاكي.. وإنتي عنيدة بطريقة…
قبل ما يكمل كلامه النور جه، بعدت غرام عن فهد بكسوف، زقته وجريت علي بيتهم..
فهد باستغراب: البت دي هبلة ولا إي.. ربنا يشفي…

دخلت غرام بيتهم وجريت علي أوضتها ومردتش علي مامتها وهيا بتناديها..
رمت نفسها علي السرير واتكلمت بعصبية من نفسها: مكنت أحضن السلم الحيطة أي حاجة….
ردت على نفسها: هو أنا عندي جفاف عاطفي علشان أحضن السلم إي التخلف ده… بس حضنه جميل قويي….
صرخت مرة واحدة وقالت: بقيت سافلة!
سمعت صوت حد مسمع العمارة كلها: بتصوتي ليه يا غرامي…
ضحكت غرام بكل صوتها علي فهد ومرحه.. فهد عموماً مش مرح مع أي حد معاها بس… فهد شخصية قوية وصارمة جداً وعصبي وشخصية صعبة بس معاها بيقدر يتخلى عن كل عيوبه علشانها، لأنه عارف غرام بتحب الأشخاص المرحة.. غرام حاجة تانية عند فهد، هيا روحه مش بس مجرد واحدة بيحبها…

في صباح اليوم التالي في محل فهد، كان قاعد علي المكتب وبيزعق في التلفون..
فهد بعصبية: يعني إي البضاعة تتسرق… عايز تقنعني أنها اتسرقت ولا أنا مشغل معايا شوية أغبية… لو معرفتش مين اللي سرق البضاعة وقتها هتقابل وجه كريم…
قفل التلفون ورزعه في الحيطة بعصبية..
زعق: أياااااد….
دخل أياد وهو خايف من حالة فهد واتكلم بهدوء: نعم يا فهددد…
وقف فهد وخبط علي المكتب بعصبية: دلوقتي حالا تعرفلي مين اللي سرق البضاعة اللي كانت جاية في الطريق، قدامك 24 ساعة صدقني يا أياد وقتها مش هرحمك لو عدت المدة….
طلع أياد بخوف لأنه عارف فهد وقت عصبيته مبيبقاش شايف حد…
قعد علي الكرسي ورجع رأسه بتعب، حط إيده علي رأسه واتكلم بإرهاق: مش عارف ألقيها من فين ولا فين ياارب…

في المساء رجعت غرام وهيا ومامتها بالليل حوالي الساعة اتناشر من بره…
طلعت علي السلم هيا ومامتها لقت فهد واقف قدامها..
فهد: كنتي فين كل ده…
غرام بعدم فهم: وانت بتسألني ليه…
فهد: مترديش السؤال بسؤال يا غرام، اتأخرتي بره ليه…
غرام بعصبية: وانت مالك، أتأخر براحتي فهد متنساش نفسك، أنت مش جوزي ولا أخويا أنت مجرد شخص صاحب العمارة اللي إحنا ساكنين فيها وبس وأخو صاحبتي…
نور: خلاص يا غرام اسكتي… فهد يا حبيبي غرام كانت معايا كنا بنجيب حاجات ورجعنا متأخر…
عض فهد علي شفايفه بغيظ: ماشي يا أمي ماشي….
دخلت نور بيتها وسابت غرام وفهد بره.
غرام بنرفزة: كاتم عصبيتك ليه، خرّجها…
قرب منها فهد واتكلم بغيظ: بت إنتي مستفزة كده ليه.. بجد أنا مشوفتش حد مستفز ورخم زيك…
غرام بعصبية: أهو انت….
قرب منها فهد…
_أنا كده يا شيخة، قولي حاجة أصدقها طيب.
ربعت إيديها وقالت: قصدك إني كدابة…
مسح علي وشه: ابتدينا بقي…
غرام: ستات! معني كده… إنك بتاع نسوان…
غرام بتوتر: هاا….
غمز فهد وقال: هاا.. إي دانا الظاهر شاغل دماغك وأنا مش واخد بالي… بس معلش حق الجميل يشغل بالي…
رفعت حاجبها وردت بغرور: والله… أنا محدش شغل بالي.. ده أصلا لو في حد .
قرب منها فهد وهيا بصت للأرض بكسوف.
فهد البحيري مش شاغل تفكيرك بس ده تقريبا واخد عقلك وقلبك وكل حاجة…
عدا من جنبها ولسه هينزل ردت بسخرية: أه بقي وانت حارق قلوب البنات وهيموتوا يعيني علي نظرة منك، واخد مقلب في نفسك…
فهد لما لقها اتعصبت حب ينكد عليها أكتر: تيك كير يا عمري مينفعش أتأخر أكتر من كده…
نزل فهد وسبها، ضربت رجلها في الأرض بعصبية ودخلت البيت ورزعت الباب..
سمع فهد رزعة الباب وضحك لما عصبها…

في صباح اليوم التاني اتفقت ندى وغرام أن غرام تيجي تذاكر عندها علشان الامتحانات، وأكدت غرام عليها إن فهد ميكنش موجود، وقالتلها إن فهد عنده ضغط شغل ومش هيرجع غير متأخر….
نزلت غرام وذاكرت هيا وندى.. اتكلمت ندى وقالت: غرام أنا جعانة ما تيجي نعمل أكل..
غرام: نعمل إي…
ندى: نعمل مكرونة بشاميل أنا بحبها وماما أصلا تلقيها هيا ومامتك قاعدين فوق..
ضربتها غرام برقة وقالت: بطلي الظن الوحش بتاعك..
ندى بضحكة: ظن وحش والنبي إنتي كيوت…
قلعت غرام طرحتها ودخلت المطبخ وبدأت تعملها هيا وندى، خلصوا وأكلوا وبعدها بشويه رجعوا يكملوا مذاكرة.. اتفتح باب الشقة..
_فهد يا ندى..
ردت ندى وهيا في الصالون: تعالي أنا هنا..
دخل فهد واصدم لما شاف غرام..
قعد علي الكنبة اللي قصادها وحط رجل علي رجل وفرد دراعه علي الكنبة: لو كنت أعرف إن الجميل هنا.. كنت سبت الدنيا تولع وقعدت هنا… أصل هنا في هوا وفي طراوة مشفتهاش في حياتي كلها..
غرام بسخرية: لا ياشيخ.
فهد: أه والله يا قلب الشيخ من جوه..
بصت غرام للأرض بكسوف.
ندى: جرا إي يلاا لولا العزول مكنتش شفتها في بيتنا أصلا..
رمى فهد عليها الوسادة بصلها فهد: عليا النعمة أوقات بقول خسارة فيكي الفلوس اللي دفعناها في المدارس الخاصة…. أهي غرام دخلت مدرسي حكومي وشوفي الرقة والهدوء..
ردت غرام بعصبية: انت متعرفش تقعد من غير كلامك ده…
فهد بحب: ميجعلش الجميل إن ده مش من طبعي بس كله علشان أجر شكل معاكي وأتخانق، بحبك وانت عصبي يا ابيضاني يا حلوو.
رمت غرام عليه مخدة الكنبة ومشيت…
مسكها فهد وقال: ارمي براحتك يا حبي.. بس المهم تلمنا شقة بدل الحيطة اللي زهقت..
ضحكت غرام ودخلت أوضة ندى لمت حاجتها ولسه هتخرج سمعت فهد وهو بيقول لندى: بنت عمتك دي مش ناوية تجيبها لبر..
ندى بعدم فهم: قصدك علي مين داليا..
فهد بضيق: أيوه ست زفت داليا..
ندى: مالها؟
فهد بإرهاق: عاملة مشكلة وعمتك جت المحل تنوح عندي وعايزاني أحل المشكلة.. ومطلوب مني أروح معاها حفلة علشان تعتذر من اللي عملت معاهم المشكلة.
ندي: طب وانت مالك بكل ده..
فهد: عمتك صعبت عليا جت وقعدت تعيط… ومتنسيش إن عمتك ملهاش غيري ومهما كان حتى لو بنتها مش كويسة فا دي وصية بابا اللي يرحمه…
طلعت غرام بعصبية.. ضحك فهد لما شافها، عموماً لما بيشوفها بيضحك مبيقدرش يكشر قدامها.. هيا روحه شايفها نجمة من السما كفاية لمعة عيونه لما يسمع سيرتها أو يشوفها، هو مش بيحبها هو بيعزها، صابر عليها لأنه عارف أنها مش بتحبه زي ما بيحبها…

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى