
جريت عليها ندى وقالتا: رايحة فين..
غرام بعصبية: همشي..
فهد: اسمها همشي، إي اللفظ ده؟
زعقت غرام: امشي أنا حرة موجهتلكش كلام..
قام فهد ووقف قدامها: غررااام اتكلمي عدل.
زعقت غرام: حد قالك إني بتكلم معوج..
فهد: ندى ادخلي جوه ومتطلعيش غير لما أقولك….
دخلت ندى وبصت غرام لفهد، هيا كانت قوية وقادرة تقاوح معاه علشان ندى موجودة… هيا عارفة فهد…
فهد بحنية: إي مضايقك، دخلتي تجيبي حاجتك وانتي تمام خرجتي وانتي متعصبة…
غرام بتوتر: فهد اللي إحنا بنعمله ده أكبر غلط…
فهد بتعب: وفكرك أني مبسوط بالغلط ده… الغلط مش غلطي، غلطك مش راضية.. ادينا فرصة نجرب ولو إني عارف إننا مش هنخسر حاجة، عارف إنك مش متأكدة من مشاعرك بس أنا ببقي ماسك نفسي بالعافية قدامك.. غرام تخيلي حاجة بتحبيها وقدامك مش قادر تقرب منها تخرج معاها وقت ما تحب…
زعقت غرام بخجل: فهد بقااا…
رد فهد: يا عيون فهد..
بصت للأرض بكسوف من رده..
رفع فهد راسها وسأل مرة تانية: إي مضايقك…
غرام بتلقائية: إي علاقتك مع داليا..
فهد: وانت مالك ومال داليا…
بصتله بعصبية وقالت: أءولع أنت وداليا.
فهد بحب: لا داليا ولا ستات الكون دول يملوا عيني زيي… أنا محبتش ولا هحب غيرك حتى لو حصل نصيب ومتجوزناش بس صدقيني وقتها هتبقي زعلتي فهد.. أنا لو ساكت فساكت علشان عارف غرام وعارف خوفها… أنا هسيبك براحتك ومش هجبرك علي حاجة معاكي في كل خطوة إلا خطوة إنك تبعدي ومتوافقيش علي جوازنا…
بعدت غرام عنه بهدوء معرفتش ترد تقوله إي.. طلعت علي بيتهم بسرعة..
اتكلم فهد بعد ما مشيت: صدقيني هعمل كل حاجة علشان تحبيني…
بصت لساعة الفون لقت الساعة دخلت علي 3 الفجر وكل شوية تبص من البلكونة متلقيش عربيتها تحت، عرفت أنه أتأخر بره… مش عارفة إي سهرها لحد دلوقتي بس الغيرة أعماتها لما قال أنه خارج مع داليا … فهد طول عمره بتمنالها الرضا ترضا بس وهيا كانت مش بتعبره لأنها عارفة أن فهد روحه فيها… كانت على طول تصده وتبعد عنه وتقوله أنها مش بتحبه بس هيا بتحبه وبتنكر كل ده… اللي مخليها واثقة إن فهد مش هيخونها أنه عمره ما عرف أي بنت من أول ما سكنت في العمارة معنى كده أنه بيحبها بجد…
سمعت صوت عربية بصت من البلكونة وقفلت النور، بصت علي فهد لقيته حاطط إيده علي جنبه ونزل وهو بيسند على سيارته.. شكت في الأول إن في حاجة.. بس بعد كده لقيته بيمشي بطريقة متعبة.. نزلت بسرعة…
غرام بخوف: فهددد
فهد بضعف: ششش متعتليش صوتك..
قربت غرام منه ووقفت قدامه: فهد انت كويس..
حاول علي قد ما يقدر يخفي تعبه لما لقاها خايفة كده محبش يخوفها وقال: أنا كويس مجرد جرح صغير وهبقى كويس.. بس ساعديني وطلعيني علي شقتي…
قربت غرام منه وسندت فهد ولف إيده حولين رقبتها وإيده التانية علي جرحه..
اتكلمت غرام وهيا بتمشي جنبه: تعالي اطلع علي طنط أحسنلك كده هتتعب أكتر.. شقتك في الدور الخامس..
اتكلم فهد بضعف: لا أنا حابب أقعد فيها.. طلعيني بس وانزلي…
غرام بجدية: ومين قالك إني هسيبك أصلاا…
فهد بتعب: دايما بتعترفي في أوقات غلط، هيحصل إي لو حبتيني، مش عايزك تحبيني نص حبي ليبي بس علي الأقل تحاولي عشاني.. مش عارف إي مكرهك فيا..
غرام بهدوء: مفيش حاجة تكرهني فيك بس إني خايفة يا فهد خايفة….
فهد بتعب: خايفة من إي…
مردتش عليه لأنهم وصلوا شقته، أخدت المفتاح من جيب بنطاله وفتحت الباب، دخل فهد ورمى نفسه علي الكنبة بتعب…
سألت غرام: فهد في علبة إسعافات هنا..
فهد بتعب: في أول أوضة علي إيدك الشمال في الحمام اللي جوه هتلاقي العلبة…
دخلت غرام وفتحت الأوضة واصدمت من اللي شافته وووو
برقت غرام بصدمة من اللي شافته، لفت في الأوضة كلها لقيت صورها مالية الأوضة من أول ما سكنت في العمارة لحد سنها دلوقتي..
ضحكت برقة، قلبها دق بسرعة وضربات قلبها زادت مكنتش متوقعة إن فهد بيحبها للدرجادي..
ضربت دماغها مرة واحدة وجريت علي الحمام وخدت علبة الإسعافات.. طلعت علي فهد لقيته بدأ يغمض عينه بتعب..
خبطت بخوف: فهد… فهد أنت كويس..
عيطت وقالت: فهد فوق.. فهد متخوفنيش..
حاول قدر المستطاع أن يحارب موجة التعب التي أصابته..
مسح علي وشها برقة: متخافيش أنا كويس… أهو قدامك…
قربت منه وساعدته وبدأت تفتح قميصه شافت الجرح…
حط فهد إيده علي عينها: لو خايفة أنا هعمله مكانك روحي اعملي عصير ليمون…
رفضت غرام وكملت، عقمت الجرح وحطت لزق للجرح خلصت ودخلت الأوضة تاني جابت تيشرت لفهد علشان القميص اتبهدل… رجعت وساعدته قربت منه..
شدها فهد وقعدت جنبه واتكلم: جيتي عندي وفي بيتي….
زقته غرام واتكلمت بعصبية: فهد متوصلناش لنقطة نخسر بعض فيها، أنا لو بحاول.. بحاول علشان مندمش بعدين علشان مش إديتك فرصة..
تحدث فهد بتعب: الجميل مش هيندم…
دخلت غرام وعملت عصير علشان يفوق شوية.. رجعت بعد شوية.. لقت فهد نام علي الكنبة بتعب، حطت إيدها علي رأسه لقيته سخن..
قعدت جنبه وبدأت تعمله كمادات.. نامت علي نفسها بتعب…
في صباح اليوم التاني صحي فهد وحس بحاجة ثقيلة علي جسمه، بص لقى غرام نايمة، برق من اللي شافه…
هزها بصدمة: غرام… غرام فوقي..
وقالت بنوم: نام بقي… متبقاش رخم…
حط فهد إيده واتكلم بصدمة: هو أنا بحلم.. ولا خرفت…
ورجع نام بتعب وكل ده مفكر نفسه في حلم…
بالليل الساعة 5:
نزلت نور بخوف عند أم فهد خبطت بسرعة فتحت هدى.
هدى: في إي يا أم غرام..
نور بخوف: غرام عندك…
هدى: غرام.. لا مش عندي في إي قلقتيني علي البنت…
نور: البنت مش لقياها كنت مفكرها نايمة بس قولت أشوفها ملقتهاش دورت عليها ورنيت عليها ناسيه فونها…
ضربت هدى علي خدها بصدمة: البت راحت فين…
نور بعياط: صحي فهد يشوفها..
دخلت هدى جري علي أوضة فهد وفتحتها ملقتش أي أثر لفهد..
هدى بشك: فهد مش موجود.. ممكن يكون في الشغل..
وقعت نور علي الكرسي بتعب: بنتي ضاعت يا أم فهد…
فتحت غرام عيناها بانزعاج من الأنفاس.. فتحت عيناها شافت فهد.. قفلت عينها مرة تانية كانت مفكرة نفسها في حلم.. لقت فهد قدامها زقته.. ووقعت علي الأرض.. صحي فهد وشاف غرام قدامه..
غرام بزعيق: أنت مقرب مني كده ليه وبتعمل إي..
وقف فهد واتكلم بهدوء: ممكن تهدي الأول.. إنتي مش امبارح بعد ما عقمتيلي الجرح مشيتي..
هزت راسها بنفي واتكلمت بعياط: لا ممشتش انت سخنت وخوفت عليك وفضلت قاعدة… نمت علي نفسي ومعرفش إي جابني هنا..
شدها فهد وقعدها علي الكنبة:
فهد: غرام حبيبتي أنا مكنتش في وعي ولا إنتي..
غرام بعصبية: أنت عارف إحنا عملنا إي.. عارف كمية الذنوب اللي أخدناها.. عارف عقاب ربنا إي…
حاول يتحكم في عصبيته واتكلم بهدوء: غرام ممكن تهدي… وتقعدي نتناقش في هدوء…
غرام بعياط: فهد إحنا كده بنغلط… فهد إحنا لازم نبعد عن بعض…
مسك إيديها وبص في عيناها واتكلم بحب: وليه منقربش ليه منتجوزش مثلا… ليه بتحطي قيود للموضوع ليه منحاولش علشان نفسنا… ليه…
غرام بعياط: فهد أنا مش مستعدة للخطوة دي…
فهد: أمآل مستعدة لإي مستعدة نعمل غلط ونكمل فيه… أنا تعبت منك تعبت من عقلك وتصرفاتك وتفكيرك.. إي اللي يخوف… خايفة من إي..
غرام بعياط عصبي: عصبيتك دي أكتر حاجة تخوف… طريقتك لما تبقي متضايق… فهد أنت شخصيتك صعبة.. مالكش كتالوج أوقات مش بفهمك بحس نفسي تايهة.. كل ما بقول خلاص فهمتك برجع ألقيك بقيت أكتر غموض.. فهد أنت محتاج حد يفك شفرات دماغك… عارف أن تعاملك معايا غير الكل بس أنا محتاجة أبقى عارفاك أكتر…
قرب منها فهد: غرام دي شخصيتي لو إنتي شايفاها مليانة عيوب ومش هتقدري تتقبليني فبلاش.. لو مش هتحبني فيا الحلو قبل الوحش يبقي ملوش لازمة حبنا ولا وجودنا مع بعض..
غرام: أنا محبتكش أصلا…
فهد: أمآل مين كان خايف عليا الصبح وقالي نام يا حبيبي…
برقت غرام بصدمة: أنت أكيد بتتخيل، أكيد من كتر تعبك بقيت بتتخيل…
فهد: وليه منقولش أن ده حصل…
لسه غرام هتعدي من جنبه، فتحت الباب وووو…
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”




