رواية صعيدي في قلبي بقلم حنين عبد الرحيم

بعد اذنك يا مستر احمد عايز اخد اجازة…..

ليه يا ميرا ….. قولتلك مليون مرة الشغل مينفعش من غيرك…..

بس يا مستر احمد… انا محتاجة اجازة شهر واحد بس اسافر اغير جو….. اروح بقي الغردقة او مطروح او حتي اتفسح هنا بس في اسكندرية…. عايزة ارتاح….

مينفعش يا ميرا…. قولت مينفعش ويلا بقي اتفضلي على شغلك….

ميرا في سرها: والله العظيم شخص رخم يا اخي، تبا لك… انت وشغلك…. يا بارد…..

بتقولي حاجة…..

بقول عن اذنك يا فندم…..

صح نسيت اعرفكم انا ميرا بشتغل صحفية وكمان مصورة لان التصوير هوايتي وواخدة فيه كورسات كتير اوي…..

وده بقي المدير بتاعنا، نفسي بقي اخد اجازة… بس مش راضي….

قال ايه….. اني اكفء موظفة هنا والشغل مينفعش من غيري…..

وانا عارفة اصلا اني جامدة والشغل ماينفعش من غيري….

سواء بقي في اللقاءات او المقالات او الصور، والحمد لله رب العالمين مبتكلمش عن نفسي كتير، عايلة مع بابا وماما ومعنديش اخوات.

المهم يوم الشغل خلص وروحت…..

ماما: حمد لله على السلامة يا ميرو…..

ميرا: الله يسلمك يا مامي….. امال فين حسام القمر بتاعي….

ماما: يا بت احترمي نفسك ده أبوكي…..

ميرا: يا ستي بت وبتعاكس والدها انتي مالك !!!

حسام: صح وانتي مالك !

ميرا طلعت تجري عليه وبحماس لطيف: عامل ايه يا بابي….

حسام: كويس يا قلب بابي من جوة….. انتي عاملة إيه….. واخبار شغلك ايه!!

ميرا: الحمد لله ماشي الحال…. امال ايه ده يا حسام. !…….. انت بتصغر كل يوم عن الي قبله كدة ليه !

حسام ضحك: شوف البت البكاشة……

ماما: لمي نفسك يا بت…. احترمي وجودي…..

ميرا: اوباااا….. شكلها بتغير عليك يا حسام…..

وهمست وقالت: شكلها بتحبك يا بوب…… بس يعني من بين كل الستات ملقتش غيرها يا بوب….

ماما: بتقولي ايه يا بت…..

ميرا احم… بقول يا زين ما اخترت يا بابا ست البنات….

ماما: طب يلا بطلي لماضة ويلا علشان نأكل……

ميرا: يلا هغير هدومي وهاجي فورا…….

على الغداء………..

حسام: صح !…… نسيت اقولك يا ميرا…. احنا هنفاسر الصعيد……

ميرا: يا ربي….. Are you kidding me…..لا يا بابي يعني انا لسه كنت بقول النهاردة نفسي اروح الغردقة… شرم….. نفسي اروح شاليه هنا في اسكندرية…. وحضرتك تقولي نروح الصعيد يا بابي……

حسام: وماله الصعيد يا ميرو…. احنا منه… وهناك اهلنا اهلي واهل مامتك، وحشونا اوي بقالي كتير مشوفتهمش معلش يا ميرو…. لازم نسافر…..

ميرا: مش هينفع اساسا لاني النهاردة لسه مفاتحة مستر احمد في الموضوع ده بتاع الاجازة وهو رافض أساسا……

حسام: خلي بالك مش حجة مقنعة وعلي احمد انا هبقي اكلمه….. احمد ده يبقي إبعادق حسام اللي هو والد ميرا…… قولي مش عايزة تروحي ليه !!!

ميرا: اصل بصراحة يا بابا…. ومن غير ضحك….. انا بقرا روايات كتير….. وفي كل رواية كل بنت بتبقي من اسكندرية كدة او من القاهرة مثلا…. تروح لابن عمها في الصعيد اللي مش هيعجبه طبعها وطريقتها وهيبقي بيكرهها وبعدين يحبها…. وهي تحبه ويتجوزا وهكذا….. وانا نو واي اتجوز من الصعيد وانا مش حمل حكايات الروايات دي.

حسام: ايه ايه…. حيلك….. حيلك…… مش كل حاجة في الروايات حقيقة…. وكمان هو انا قولتلك هنقعد سنة ده هو شهر ولا شهرين بالكتير……

ميرا في نفسها: ما هي الحكاية في الروايات بتبدأ بشهر او شهرين…….. وبعدين البطل يتعلق بالبطلة… وهوبا هي كمان تتعلق بيه….. ويعيشوا في تبات ونبات…. ويخلفوا عيال مشاكسة ………

وبعد كدة ردت: طيب يا بابا هشوف كدة مستر احمد…..

المهم دخلت قعدت شوية وبعدين نمت وصحيت……

اخدت شاور ولبست جينز اسود…. وبلوز أبيض….. وعملت شعري ديل حصان…… وراحت الشغل……

ميرا روحي بسرعة علشان مستر احمد عايزك….

خير يا رب…. الراجل ده مبيجيش من ورا خير…. كل ما يناديلي لازم يبقي فيه مشكلة عمل أو مهمة جديدة….

وراحت لمستر احمد…..

ميرا: مستر احمد ابشر يا تيمور…..

ميرا: مادام قولت ابشر يبقي شكلها مهمة جديدة وصعبة.. صح لو حضرتك هتتكلم عن الحادثة فانا روحت للموقع بنفسي وصورت وكتبت اللقاءات والمقال جاهز هبعته لحضرتك.

مستر احمد: برافو…. بس كنت عايزك في حاجة تانية…. مش انتي كنتي عايزة تاخدي اجازة….. هديكي اجازة شهر…..

ميرا: بتهزر يا فوزي …..احم…. إيه سبب التغيير المفاجئ ده يا فندم….

مستر احمد: هتسافري الصعيد !

ميرا: نعم الصعيد !!!…..اشمعني اكيد بابا كلم حضرتك…

مستر احمد: ايوة ومش علشان كدة بس…. كمان الدولة فتحت مشروع جديد في الصعيد…. فعايزك تروحي بقي تصوري وكدة ولقاءات….. ومقالات وتبعتيها على النت وقضي اجازتك بقي شهر انتي وعايلتك في الصعيد….. وصوري حياة الارياف ولما تيجي لو عايزة تكتبي مقال عن حياتهم تمام…….. كدة بقي عداني العيب !!

ميرا في نفسها: شكلي فعلا مكتوبلي اروح الصعيد….

وردت: تمام يا فندم شكرا…..

وخرجت…..

خلصت الشغل وروحت البيت سلمت على والدها ووالدتها وهما بتعشوا حكت ليهم اللي حصل في الشغل…..

حسام: شوفتي خلاص انتي مكتوبلك تسافري وبالمرة تشوفي شغلك….. ها قولتي ايه !!!!

ميرا: خلاص بقي أمري لله……

حسام: تمام جهزوا الشنط هنسافر بكرة بإذن الله. …..

جهزت شنطتي ونمت صحيت…. لبست ونزلت ركبنا العربية. …..وانا نمت وصحيت… ونمت كمان وصحيت……شكل الطريق مطول…. ونمت تاني وصحيت………لقيت حولين العربية زرع اخضر كتير وحيوانات. …….

وصوت بابا بيقول: يلا يا ميرا وصلنا……

ميرا: يلا……

ودخلنا بيت كدة كبير اوي وعلي الباب….. كان واقف راجل كبير في السن…… باين علي ملامحه الطيبة والحنية…….

سلم على بابا وماما….

ملحوظة بس انا معرفش اوي في لغة حبايب قلبي واهلنا الصعايدة فأعذروني بقي في اي كلمة.

وبعدين قال: هي دي بت والدي…. كيف الجمر…. ربنا يحميهالك يا بيت ولدي….. اتفضلوا…..

اول ما دخلنا لقيت ناس كتير كدة واقفين…. بدأ جدو يعرفنا عليهم

قال: ده عمك حامد…. ودي مرته….. وده عمك محمد….. ودي مرته….. وده محمود ابن عمك محمد….. ودي سارة بت عمك حامد…..

المهم سلمنا عليهم وقعدنا شوية…..

محمود: امال انتي في سنة كام يا بت عمي !

ميرا: انا بشتغل صحفية ومصورة واساسا عندي شغل هنا في الصعيد علشان المشروع الجديد ……