قصص وروايات

تغيرت حياتى ليله زفافى ٣

رانسي بدموع: أنا مش عايزاهم تاني، أنا تعبت هناك واتكسرت واتجرحت، كفاية مابقتش أتحمل أقعد معاهم تاني، وماما كمان مش بتقدر تتكلم، وحقي ومشاعري كل بيضيع تحت رجليهم، من واحد لاتاني، أنا عاوزة أطلق من إياد وأعيش أنا وماما في شقة بابا الله يرحمه، عايزة نعيش حياتنا زي أي حد وأكمل دراستي، مش عايزة حد يتحكم فيّ تاني يا أبية، أرجوك.

يحيى: اطمني، أنا موجود معاكي، ماتخفيش من حد، أنا ضهرك وسندك، ودة بيتك، هتفضلي هنا، وماحدش هيعرف بوجودك غير لما انتي تقرري، وأنا هكلم محامي أشوف نعمل إيه، مش عايزك تقلقي طول ما أنا عايش، فاهمة؟

رانسي بدموع: ربنا يخليك ليا، عشان كدة ماصدقت إنك جيت يا أبية.

بعد جولة بحث في المستشفيات لم يعلم أحد عنها شيئًا.

جاء اتصال إلى إياد.

إياد باستغراب.

الفصل التاسع عشر

تغيرت حياتي يوم زفافي.

صدح رنين هاتفه معلنًا عن اتصال من الطبيبة، نظر لشاشة الهاتف بقلق ثم همس: دكتورة منة، يارب خير.

إياد: ألو، إزيك يا دكتورة.

منة: إزيك يا بشمهندس، وإزاي رانسي، عاملة إيه دلوقتي؟

إياد: الحمد لله بخير.

منة: أنا اتصلت عشان الدكتورة النفسية عشان رانسي تتابع معاها، هي دلوقتي موجودة في مصر، وأنا هحدد ميعاد واتفق وأخبر حضرتك.

إياد: شكرًا يا دكتورة، مش عارف أقولك إيه.

منة: دة واجبي، مع السلامة.

إياد: مع السلامة.

إياد بشرود: هو أنا لاقيها عشان أخليها تتعالج؟ ربنا يستر.

في بيت يحيى.

ارتدت ملابسها وخرجت لزوجها.

سلمى: يحيى، أنا جاهزة، مش هتغير؟

يحيى: حاضر، رانسي، هوصل عند أهل سلمى ومش هتأخر، خلي بالك من نفسك ماشي يا حبيبتي.

رانسي بابتسامة: حاضر.

سلمى بملل: رانسي، معلش مش تطفل مني، بس انتي لسة عروسة، وغلط يا حبيبتي تسيبي بيتك وجوزك، دة ممكن يبص برة البيت وكدة هيكون غلط في حقك أوي، انتي جميلة، تقدري تكسبيه بكلمة حلوة، بنظرة حتى، الرجالة دول لازم تعرفي دماغهم إيه وتمشي أمورك على هذا الأساس.

رانسي بحزن: حاضر، هحاول أعمل بنصحتك، عن إذنك هدخل أوضتي.

سلمى: أوضتك دي؟ هتستولي على بيتي بقى؟ إيه الحياة المملة دي؟ بقى مش عارفة أعيش مع جوزي لحظات عشق ولا رومانسية؟ ودي موجودة، أعمل فيها إيه؟ دي مابتحسش.

سمعت رانسي صرير سلمى وشعرت بالنفور، فالجميع لا يريدها، وهي أصبحت عبئًا على الجميع.

تنهدت بألم وذهبت إلى الفراندة الخاصة بالغرفة.

وظلت تفكر في حياتها ومصيرها وتبكي على حالها.

أبدل يحيى ملابسه وخرج من غرفته.

يحيى: فين رانسي؟

سلمى: دخلت تكمل نوم، يلا احنا بقى.

يحيى: طب هدخل أشوفها محتاجة حاجة.

سلمى بكذب: لا، هي قالت هتكمل نوم، سبها يا حبيبي براحتها بقى، مش تقلقها.

يحيى: أوكيه، يلا بينا.

اصطحب زوجته إلى منزل عائلتها.

حاول خالد الاتصال والاستعانة بأصدقاء في وجود رانسي.

ظل إياد يقود سيارته ويبحث عنها.

يشعر بالضيق والقلق والحزن والأفكار تتخبط به.

أين ذهبت؟ وإلى من تلجأ؟

يشعر الاشمئزاز من نفسه، فهو السبب في ما هي وصلت إليه، ومعها كل الحق.

ولكن قلبه يعشقها ويرفض الاستسلام.

في فيلا العميري.

تبكي بقهر على فقدان ابنتها الوحيدة وتلوم نفسها.

وتعاتب الجميع.

ندى بانهيار: أنا السبب، أنا السبب، ضيعت بنتي، قولي يا عمرو، رانسي عملت فيك إيه؟ ولا أنا يا بني عملنا إيه عشان تجرحها؟ لم انت مش عايز تجوزها؟ ليه استنيت ليوم الفرح؟ عايزها تبقى فضيحة لبنت عمتك؟ وعمتك دي لحمك ودمك يا ابن أخويا، ليه حصل إيه؟ ليه تكسرها كدة يا بني؟ أنا سكت على حق بنتي، بس كنت هعمل إيه وأقول إيه؟ حسبي الله ونعم الوكيل.

عمرو بحزن: والله ماليش ذنب، ماما قالتلي اعمل كدة، اقرب من رانسي وارسم الحب والجواز وبعدين سيبها.

نجاة: اخرس يا ولد، انت بتخرف.

عمرو: لا مش بخرف، وأنا مش عارف السبب إيه، كرهك لعمتي ورانسي إيه؟ وأنا نفذت كلامك، والله أنا كنت شايف رانسي زي علا وملك وبحبهم كلهم، لكن ماما السبب، حاسبوها هي، وكانت عايزة توقع بين إياد ورانسي كمان عشان يطلقوا، ويمكن دي سبب إنها تسيب البيت كمان.

أحمد: انطقي، كل دة حصل يا نجاة؟

نجاة بتوتر: دة أكيد مش واعي.

أحمد: اخرسي، طول عمرك بتغاري من ندى، مش عارف ليه، ودايمًا كرهاها، دي كانت صاحبتك، وأنا حبيتك لما شوفتك مع أختى، ليه تعملي كدة؟ عملت فيكي إيه؟

نجاة بغل: عشان طول عمرها أحسن مني في كل حاجة، وكانت سبب إنك تأجل جوازنا أكتر من مرة، وكانت رافضة جوازنا كمان، لكن انت أصريت تجوزني، دايمًا ندى أحسن مني والكل يحبها وأنا لا، دايمًا كنت تقارن بينها وبيني، ولما اتجوزت قولت هرتاح منها، لكن بعد فترة رجعت قعدت في البيت على قلبي، وكانت هي الكل في الكل، والكل هنا بيعملها حساب وماحدش يزعلها ولا يزعل بنتها، خدت الحب والاهتمام من الكل وماحدش يدوسلها على طرف، وأنا وولادي ولا حاجة، الاهتمام كله عشان ندى وبنتها، وعلا وعمرو ولا حاجة، كنت انت نفسك يا أحمد تقرب من رانسي وندى أكتر من بيتك، وعمرو دايمًا ياخد الضرب والزعيق لو قرب بس لرانسي، ودايمًا فاشل، لكن إياد حبيب جدي والعيلة كلها، ولما فكرت أكسر ندى زي ما كسرتني زمان، وشككتك في جوازك من منى، وكانت رافضة تكمل وتجوزني، حبيت أردلها اللي عملته فيا زمان، وبترد ليها في بنتها، طلبت من عمرو مايكملش الجواز، لكن إياد بقى اتجوزها وخطتي باظت، وفضلت أحاول عشان يسيبوا بعض وهي تشوف كسرة قلب بنتها.

أحمد: انتي إيه؟ شيطان، أنا كنت قريب من أختي وبنتها عشان اتحرمت من جوزها وهي لسة في عز شبابها، كنا كلنا عايزين نحسسها إننا حوليها، ورانسي كنت بعوضها عن فقدان أبوها اللي سابها طفلة لسة صغيرة مش مدركة حاجة، لكن انتي غبية مابتحسيش، أنانية عاوزة تملكي كل حاجة، بتكبرك وأنانيتك كنت صابر وساكت عليكي عشان خاطر الأولاد، أهو قلب بنتك اللي تكسر وبيتها اتهد زي ما كنتي بتسعي لهدم بيت رانسي وإياد، أنا غلطان وندمان إني كملت حياتي معاكي، كان لازم أطلقك وتوفقي لنفسك من زمان، يمكن كان ابنك بقى أحسن من كدة انتي.

محمد: أحمد، اخرس، أوع تنطقها.

ندى بتعب: بنتي، آه.

أحمد ومحمود والكل جرى عليها.

منى: اهدي، اتنفسي.

محمد: اطلبوا دكتور، أي حاجة، اتصرفوا.

ندى لا تستطيع التنفس وأغمضت عينها فجأة.

صرخ بها الجميع ينادي باسمها.

كان واقفًا شاردًا يتابع الحديث بصدمة، وفاق على صراخ الجميع.

إياد بسرعة: اتصل بالإسعاف.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى