قصص وروايات

تغيرت حياتى ليله زفافى ٣

يحيى: نعم؟ تدايقي مين يا بت؟ دة انتي تقعدي مش كام يوم بس، اقعدي سنة، أكتر زي ما انتي عايزة، انتي واحشتيني أوي، سلمى ممكن تجهزي العشا أنا واقع.

سلمى بابتسامة: حاضر.

يحيى: مالك؟ لما كلمتك حسيت إنك زعلانة، وحسيت كمان من صوتك إنك متلهفة عشان أنزل مصر، مالك في إيه؟

رانسي بدموع: واحشتني ونفسي أشوف حد من عيلة بابا، وعمي دايمًا مسافر، بجد واحشتوني.

يحيى: وانت كمان، بس غيري، انطقي في إيه، لما اتصلتي بيا طلبتي العنوان وإنك عايزة تيجي تقعدي معايا ومش تعرفي حد، أنا بجد قلقت عليكي، في إيه؟ زعلانة مع مامتك ولا جوزك ولا إيه؟

رانسي: ينفع ماقولش حاجة دلوقتي؟ بس أنا بقالي فترة مانمتش، ممكن أنام وبس، وبعدين نتكلم، بس بلاش حد يعرف إني هنا.

يحيى: اطمني، ماحدش يعرف إن نزلت مصر غيرك، أنا لسة واصل امبارح.

رانسي: ولا عمي، عشان مايكلمش ماما وتعرف، بليز.

يحيى: حاضر يا بنتي، ادخلي الأوضة دي نامي وارتاحي، وهجبلك الأكل الأول.

رانسي: لا هنام، مش محتاجة غير إني أنام.

يحيى: تصبحي على خير يا غلبوية.

جلست على الفراش وتذكرت مكالمتها مع يحيى التي تفاجأت بوجوده بالقاهرة، وطلبت الذهاب إليه لتجلس معه فترة، وافق على طلبها وأعطاها العنوان، انتظرت عودة مروان والاطمئنان على جو البيت، وبعد ذلك تتركه، لم تتحمل الصبر والمكوث أكثر من ذلك، فهي تحس أنه مكان مغلق لها وليس منزلًا، وأصبحت تكره الجميع، والفضل يرجع إلى إياد.

وذهبت في سبات عميق من شدة التفكير، كانت مرهقة ولم يغفل لها جفن بعد عودتها من العين السخنة.

سلمى: هي بنت عمك هتقعد عندنا كتير؟

يحيى: براحتها يا سلمى، دي بيت أخوها وتقعد براحتها، فاهمة؟

سلمى: مش قصدي، يعني هي زعلانة مع جوزها؟ دول لسة عرسان جداد.

يحيى: ماعرفش، ممكن تقفلي على السيرة دي وبلاش تديقيها، رانسي حساسة وممكن تزعل وتسيب البيت ماشي، خلي بالك من كلامك معاها.

سلمى: شور طبعًا.

في الصباح في فيلا العميري.

جلس محمد العميري وبجانبه أولاده وأحفاده على مائدة الإفطار ولكن بدون رانسي.

محمد: فين رانسي؟

إياد: باتت مع علا امبارح، معقول لسة نايمة؟

علا: لا هي لعبت مع مروان وبعد كدة قالت هتروح تنام، بس ماباتش معانا.

إياد بقلق: إزاي؟ أنا هطلع أشوفها فين.

صعد إياد يبحث عنها في كل مكان بالفيلا ولم يجدها.

والجميع في حالة صدمة.

أين ذهبت؟

ندى بخوف: بنتي هتكون راحت فين؟

إياد: طب مين أصحابها؟

ندى: لينا، أنا هتصل بلينا.

علا: يمكن عند ملك.

إياد: هكلم ملك.

اتصل إياد بملك ولكن لم تذهب إلى هناك.

واتصلت ندى بصديقتها لينا وأيضًا لم تذهب.

ندى: مش عند حد، هي مالهاش حد هنا، وعمها وولاده مسافرين، يعني هتروح فين؟

محمد: حصل حاجة بينكم يا بني؟ هي مش طبيعية من ساعة ما رجعتوا من العين السخنة، حتى حاولت أتكلم معاها كانت بتصدني، وانشغلنا بموضوع علا، بس أنا لاحظت هي كانت متغيرة، مش حفيدتي اللي أنا أعرفها.

إياد: عادي، ماحصلش حاجة.

ندى بدموع: يارب نجيها يارب، ورجعها بالسلامة يارب، ماليش غيرها يارب.

إياد: أنا هقلب عليها الدنيا ومش راجع من غيرها.

أجرى بعد الاتصالات بالعمل وبلغ ماجد يدير الشغل، وقرر الذهاب إلى خالد ليساعده في البحث عن زوجته.

في منزل خالد.

تحدث إياد بقلق: اتصرف يا خالد، نوصلها إزاي؟

خالد: هو انت مزعلها أوي لدرجة دي؟

إياد بحزن: أيوة، جرحتها وظلمتها أوي، ومش عارف هتقدر تسامحني ولا إيه.

خالد: اطمن، هنحاول نوصل لرقم موبايلها ونحدد مكانها.

إياد: ماعتقدش إن رانسي غبية، دي أكيد مقررة تعمل إيه.

خالد: يبقى ندور في كل مكان ممكن تكون بتردد عليه، وندور في المستشفيات كمان، ولو مش وصلنا لحل نحاول نوصل لحد من شركة الموبايل ونعرف، بس دة بيكون محتاج إذن نيابة لو غابت أكتر من يوم، نقدر نتواصل من الشريحة حتى لو مغلق، اطمن.

إياد: يارب، أنا بتعبك معايا يا خالد وانت مش ناقص مشاكل، كفاية اللي انت فيه.

خالد: عيب، احنا أهل، مهم حصل، ورانسي دي اختي، وأنا قلقان عليها، وهنوصلها إن شاء الله.

في بيت يحيى السمري.

استيقظت بكسل وأبدلت ملابسها وخرجت من غرفتها.

يحيى: صحى النوم يا كسلانة.

رانسي بابتسامة: صباح الخير.

سلمى ببرود: صباح النور، أحضرلك فطار؟ أصل احنا فطرنا من بدري، متعودين نصحى بدري.

رانسي: لا ميرسي، هعمل نسكافيه، حد يشرب معايا؟

يحيى: حبيبة أخوها، اعمليلي معاكي.

رانسي: حاضر، وانتي يا سلمى أعملك؟

سلمى: لا مش عايزة، ميرسي.

دخلت رانسي المطبخ تحضر النسكافيه.

سلمى لنفسها: بتعزم عليا في بيتي كمان؟ حاجة تخنق.

سلمى: يحيى حبيبي، مش كنا ناوين نقضي اليوم عند بابا؟ أصلهم واحشوني أوي.

يحيى: آه طبعًا يا حبيبتي، بس مش هقدر أسيب رانسي كتير، هاجي معاكي بس مش أتأخر هناك عشان رانسي هتكون لوحدها.

سلمى بغيرة: هي رانسي صغيرة ولا إيه؟ وبعدين أنا اتخنقت هنا، كنت في إيطاليا أحسن من هنا.

يحيى: مش انتي اصريتي على النزول عشان تبدئي من هنا وتكبري اسمك في بلدك ولا إيه يا دكتورة؟

رانسي: النسكافيه وصل.

يحيى: تعالى هنا جنبي، احكيلي بقى كل حاجة.

سلمى بغيرة: أنا هدخل أجهز عشان نروح عند ماما.

يحيى: ها، احكيلي يا رينسو، فركشتي مع عمرو إزاي؟

رانسي بدموع: لا مش فركشت، هو اللي سبني وخلع يوم الفرح، اتخلى عني، وأبية إياد بقى الشهم اللي اتنازل واتجوزني عشان العيلة واسم العيلة وشرفها، وطبعًا سمعتي بقى.

يحيى بصدمة: إيه؟ كل دة حصل؟ وطنط ندى فين من دة كله؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى