
؟
ارتسمت على شفتيها ابتسامة أمل حتى أكمل بسخرية لاذعة قائلًا: الكره ده بيكون للناس اللي فارقين معانا بنكره على قد الحب.. بس انتي يا مريم ولا حاجة بالنسبة ليا.. انتي ماضي ومات والميت للأسف مبيصحاش تاني.
ورن هاتفه بنغمة هادئة فتركها بهدوء ووقار وهو يحارب نيران الماضي التي اشتعلت بداخله.. حتى سمع صوتها البائس قائلة: مبروك يا شريف!
التفت إليها وهو لا يعلم لماذا تهنئه حتى تابعت حديثها بألم قائلة: خالتو قالتلي إنك قريب هتعرفنا على حبيبتك وتتجوز.
ابتسم بهدوء قد اكتسبه بعد سنين من الألم: الله يبارك فيكي يا مريم.
وأكمل سيره وهو يتمتم بضيق: غبي هي فين أصلًا البنت اللي بحبها وهتجوزها!
ودلف لداخل القاعة بهدوء.. حتى وقعت عيناه على إحداهن فاقترب منه حازم وهو لا يصدق قائلًا: بشمهندس شريف حمدلله على السلامة.
فوقف شريف بابتسامته الهادئة وهو يتذكر ملامح من يخاطبه.. فتابع حازم بحديثه قائلًا: أكيد مش فاكرني.
رفع شريف بيده ليصافحه قائلًا: بشمهندس حازم!
وعاد لابتسامته الصافية قائلًا: هو أنا أقدر أنسى الناس اللي قضيت معاهم الخدمة العسكرية؟
ضحك حازم بلطافة وتأمل نظرات خطيبته وزهرة حتى تابع قائلًا: أسوأ سنة يا ابن الناس الطيبة.
وقعت عين زهرة بصدمة على ذلك الشخص الذي يقف يتحدث مع حازم وعيناه تتطلع عليها بمكر.. حتى ابتسم حازم قائلًا: جميلة بنت خالتي وخطيبتي. وديه زهرة أختها.
ليتذكر شريف قصص حازم عندما رافقه سنة كاملة في الخدمة العسكرية في محافظة الإسكندرية.. وكان كل حديثه عن حبيبته التي كانت في أول عام لها بالجامعة وانتهت القصة بخطوبتهم كما كان يحلم.
رحب بها شريف بلطافة وتأمل أعين تلك الواقفة بهدوء دون أن ينطق بكلمة.
حتى عاد حازم بالحديث قائلًا: انت بتعمل إيه هنا صحيح؟
ابتسم شريف قائلًا: فرح ابن خالتي.
فنطق حازم دون تصديق قائلًا: مش معقول بشمهندس فارس يبقى ابن خالتك؟ فعلًا الدنيا دي صغيرة.
لمعت عين شريف بحنين للدنيا التي قد تركها وسط أهله لكي يهرب لعالم آخر لا يوجد فيه سوى فقط طموحاته..
وانتبه لصوت تلك الهادئة وهي تتحدث مع أختها بهمس: جميلة حازم لحظة وراجعين معلش.
وسارت الأختان بعيدًا حتى تابع شريف حديثه قائلًا: ممكن رقم تليفونك يا حازم!
دلفت داخل شقتها الفاخمة في أرقى أحياء القاهرة حتى سمعته يصرخ قائلًا: اتفضلي ادخلي يا هانم ضيعتي عليا سهرة النهاردة.
اتجهت هي ناحية غرفة صغيرها لتضعه على فراشه حتى جاءت إليه وهي تصرخ به غاضبة: سهراتك اللي في الكباريهات صح.. حرام عليك أنا كرهت حياتي وعشتي معاك. طلقني وارحمني يا أشرف.
تعالت صوت ضحكاته وهو يتأمل تفاصيل من فستانها الضيق حتى أشاح ذلك الوشاح الذي تضعه على كتفيها وهمس في أذنيها قائلًا ببرود: مدام السهرة التانية ضاعت بسبب فرح أخوكي.. يبقى…
وكاد أن يكمل عباراته حتى وجدها تنفر من لمسة ذراعيه على كتفها ليطالعها بغضب قائلًا: يبقى زي كل يوم.
وحملها بجمود وهو يتمتم بوقاحة: برضاكي أو غصب عنك يا مريم.. حقي الشرعي. هاخده يعني هاخده.
ولم يكن منها سوى أنها ظلت تصرخ وهي تتمتم: حرام عليك ارحمني!
ارتسمت ابتسامة جميلة على شفتي تلك السيدة الطيبة وهي ترى أولادها أمام أعينها يضحكون.. فأكملت وضع الطعام مع خادمتها وهي تتحدث قائلة: يا نسرين سيبي أخوكي في حاله.
فوقفت نسرين ببطنها المنتفخة قائلة: يا ماما أصله كان وحشني أوي. ديه سنين طويلة. ده أنا خليت ممدوح يقطع إجازة عيد جوازنا وجيت جري.. ده أنا معملتهاش عشان فرح فارس بس عشان خاطر عيون الجميل اللي واحشني لازم أجيله لو كنت في آخر المريخ.
أزاحها شريف عن قدميه قائلًا وهو يضحك: بقيتي زي الباندا يا سوسو..
ضحكت أمها بسعادة من مداعبة بكرها لأخته قائلة: وأخوكي ليه منزلش معاكي؟ مش مشاكل القرية السياحية بتاعته اتحلت.. الواد ده واحشني أوي هو ومراته.
وجلسوا جميعهم على طاولة الطعام ليتنهد شريف قائلًا: ابنك هشام بقى بيزنس مان ناجح أوي يا جحه.
ابتسمت أمه بسعادة وهي تطعمه بيدها قائلة: الله يرحمك يا محمود كنت ديما تقولي ولادي هيكونوا رجالة ناجحين.. مش لازم أكنز ليهم الفلوس أهم حاجة أربيهم وأعلمهم وهما بعد كده اللي هيعملوا الفلوس.




