
تطعمه بيدها قائلة: الله يرحمك يا محمود كنت دايماً تقولي ولادي هيكونوا رجالة ناجحين.. مش لازم أكنز ليهم الفلوس أهم حاجة أربيهم وأعلمهم وهما بعد كده اللي هيعملوا الفلوس.
نظرت نسرين إلى أخيها بصمت حتى سمعوا صوتًا خلفهم: أجمل صباح لأجمل مرات عم وحما في الدنيا.
ثم نظر إلى زوجته بعشق وجلس بجانبها وهو يهمس قائلًا: وحشتيني يا حبيبتي.
رفع شريف رأسه عن طبقه قائلًا بنفاذ صبر: ماتتلموش، مش ملاحظين إني موجود؟
وعندما وضع ممدوح يده على بطن زوجته انفجروا جميعهم من الضحك.. وممدوح يحدث طفله قائلًا: خالك بيقولي اتلم عشان بعاكس أمك.. شكله نسي إن أخته خلاص بقت بح.
ابتسم شريف بحب وهو يتأمل خجل أخته الصغيرة وطفلته كما كان يسميها.. حتى قالت أمه بسعادة: شريف قرر يتجوز يا ممدوح.
لتقف نسرين قائلة بتهلل: بجد بجد يا شريف؟ أكيد شوفتها امبارح في فرح فارس.. قولي مين ها.. حد من قرايبنا صح؟
تابع زوجها بالحديث قائلًا وهو يغمز له: شكلها واحدة فرنسية.
تنهد بتأفف وهو يرى نتائج لحظة تهوره قد انسكبت عليه.. حتى ابتسمت أمه قائلة: ابني مش هتجوز من بنات أوروبا، بلا فرنسية بلا إنجليزية…
نظر هو إلى طبقه بضيق حتى تذكر ما كلفه به فارس بأن يتابع أخبار شركته الهندسية فنهض متحججًا قائلًا: متستعجلوش، قريب أوي هتعرفوا هي مين.
جلست بجانب والدها وهو يتفحص جريدته حتى قالت له بهمس: بابا أنا عايزة أقولك على حاجة.
لتسمع صوت أمها يناديها من المطبخ قائلة: يا زهرة يا بنتي تعالي ساعديني الله يخليكي.
نظر إليها والدها بتوجس حتى قال: سيبك منها، قولي عايزة إيه يا بنت أبوكي.
لمعت أعينها بسعادة قائلة: عايزة أشتغل زي جميلة.. أنا لقيت إعلان في جريدة امبارح وبفكر أقدم فيها.
نظر إليها أبوها بفرحة قائلًا: أخيرًا يا بنتي!
تأملت أعين أباها وهي تتذكر رغم شدة ذلك الرجل إلا أنه لم يهدم حلم أحد فيهم أبدًا سواها أو أختها.. ولم يجبرهم على شيء.. فحين تخرجت أختها جميلة وأرادت أن تخطو أول خطوة لها في البحث عن عمل قد شجعها.. وعندما هي تخرجت ولم ترغب في أن تعمل لم يفرض عليها رأيه ولكنها أحبت أن تجلس مع والديها ترعاهم وتساعد أمها في أعباء المنزل.
نطقت بسعادة وهو تقبل يدها قائلة: أحلى فنجان قهوة محوج هعملهولك يا عم منصور يا عسل انت!
أخذ يتابع سير العمل بهدوء حتى وجد هاتفه يرن لينتبه إلى اسم المتصل ليحادثه قائلًا: أهلاً بالعريس اللي دبسني في الشغل، يعني أنا نازل أجازة أطمن على خالتك وماشي تدبسني؟
ليضحك فارس وهو يحادثه قائلًا: جاي عشان خالتي ولا عشان الصفقة الجديدة اللي هتعملها هنا؟ وكمان يا عم شريف انت ناسي إن ليك نسبة في الشركة وبتاعتك زي ما هي بتاعتي.
تمتم شريف بضيق قائلًا: فارس قولتلك مليون مرة، ديه شركتك ومش معنى إني ساعدتك يبقى آخد تعبك ومجهودك.
ليأتيه صوت فارس قائلًا: مش عارف أقولك إيه يا شريف، انت فعلًا أخويا… وتابع بحديثه قائلًا: أخبار الشغل إيه صحيح؟
ليتأمل شريف إحدى الأوراق قائلًا: متقلقش كله تمام، روح انبسط مع مراتك.
وأغلق الهاتف في وجهه وهو يبتسم حتى وجد هاتفه يرن ثانية ولكن برقم أخيه هشام الذي هلل قائلًا: باركلي يا شريف.. نهي حامل!
مسحت دموعها بسبب ذلك البصل اللعين حتى وجدت أمها تضحك قائلة: عشان تبقي ست بيت شاطرة لازم تحاربي البصل.
تمتمت زهرة قائلة: ما أنا بسبب بصلك يا ست الكل قررت أسيب المطبخ كله ليكي وأدور على شغل، وحاربي انتي البصل يا نور عنيا.
طالعتها أمها قائلة: شغل إيه يا بنتي؟ مش كفاية أختك متبهدلة؟ أنا لولا إن معاها حازم مكنتش رضيت أبدًا.. ربنا يكرمك بأنسان يهنيكي ويسعدك بلا شغل بلا هم.. ما أنا اشتغلت في شبابي وسيبت الشغل عشان أربيكم بعد ما خسرت بسببه أخوكي.
ودمعت عين والدتها بالذكريات فاقتربت منها وهي تشفق عليها بسبب هذه الذكرى رغم أنها لا تذكره.
زهرة بحنان: يا ماما ده قضاء ربنا ومن سنين طويلة.. ادعي له.
نطقت والدتها بصعوبة قائلة: يا حبيبي الحمى كانت جاية جامدة عليه ومستحملهاش، كان طفل صغير لو كان عايش دلوقتي كان زمانه راجل كبير.
ابتسمت زهرة لأمها بحب قائلة: يا ماما يا حبيبتي، ربنا مش بيحرمنا من حاجة غير لما بيعوضنا بغيرها، وقبل ده كله لكل بلاء حكمة يصحبها الخير.
مسحت أمها دموعها وهي تتمتم قائلة: الحمد لله أنا راضية يا رب، سامحني..!
نظر حازم بدهشة لما سمعه منذ لحظات حتى تابع هو بحديثه قائلًا: مالك يا حازم؟ هو طلبي ضايقك؟
ابتسم حازم بسعادة قائلًا: بس انت مشوفتش زهرة غير مرة واحدة، إزاي عايز تتقدم ليها؟
تأمل شريف معالم الغرابة التي ارتسمت عليه حتى قال وهو يربت على أحد أكتافه: وهي المرة دي متكفيش إني أتقدم ليها؟ ها قولت إيه؟
لتلمع عين حازم بحب قائلًا: القرار مش بأيدي، أنا هكون مرسال بس أتمنى من كل قلبي إن زهرة تبقى ليك يا بشمهندس.
دلفت داخل شقتهم بتعب وهي تحمل أوراقها بخيبة أمل حتى وجدتهم جميعهم يجلسون ويتثامرون.
تأملها حازم وجميلة بسعادة وأيضًا والدها.
حتى وقفت والدتها واقتربت منها لتحتضنها قائلة: مبروك يا زهرة يا حبيبتي!
سقطت دمعة تلو الأخرى مع كل ذكرى تحيا بداخلها إلى الآن.. حتى مسحت دموعها سريعًا وهي تخاطب صديقتها قائلة: بس أنا يا ريم لسه منستش اللي حصلي، انتي عارفة يعني إيه أول إنسان يعلمك الحب هو اللي يخذلك؟
فنطقت صديقتها بأسف على حالها قائلة: زهرة لازم تفوقي من الماضي، هشام كان درس واتعلمتي منه وخلص خلاص.. هشام كان وهم ومات.



