رهف

فارس …ايه يا عم ماتقلقش هى يادوبك كام غرزة فى رأسها وكسر فى دراعها وبعض الكدمات .

حسام ….يا برودك يا اخى كل اللى انت بتقول عليه ده وتقولى بسيطه .

فارس ….اه يا ابنى احنا بنشوف حاجات اصعب من كده بكتير اطمن انت بس وان شاء الله هاتبقى كويسه ريح نفسك انت .

حسام … طيب هى فاقتولا لسه ؟؟

فارس …. شويه كده وهاتفوق علشان ادناها مسكنات علشان الالم والغرز اللى خدتها وطبعا الحدثه نفسها والوقعه كان شكلها جامد عليها . انت ازاى خبطها يا حسام بالشكل ده مع أن انت على طول سواقتك هاديه يا حسام .

حسام … يا ابنى والله انا كنت ماشى براحه وفجاه طلعت اودامى ازاى معرفش .

فارس … اكيد بقى كانت بتعدى الشارع وهى مش واخده بالها .

حسام…. طيب ممكن ادخل اطمن عليها.

فارس … اصبر شويه هاننقلها لأوضه عاديه وابقى شوفها براحتك يا عم.

حسام… ماشى يا فارس.

وقطع كلامهم جرس تليفون حسام وبص على رقم المتصل وقام بالرد عليه .

حسام…. ايوا يا بابا معلش اتأخرت على الاجتماع.

صفوان … اتأخرت كده ليه يا حسام انت مش عارف أن الاجتماع ده مهم اوى للشركه.

حسام .. معلش يا بابا غصب عنى اصل وانا جاى خبط بنت بالعربيه وجبتها على المستشفى بتاعه ابوا فارس.

صفوان … وهى حالتها ايه طمنى وازاى ده حصل ومتصلتش بيا ليه على طول كنت جتلك ولغيت الاجتماع .

حسام … اهدا بس يا بابا هى بخير وفارس طمنى عليها وانا هاطمن عليها لما تفوق واجى على طول.

صفوان … خلاص يا حسام خليك براحتك وانا كده كده لغيت الاجتماع لحد باليل لما لقيتك اتأخرت.

حسام .. ماشى يا بابا هاستأذن انا واروح اطمن على البنت اللى خبطها علشان نقلوها لاوضتها.

صفوان .. ماشى يا ابنى ابقى طمنى ولا تحب اجيلك واكون معاك بدل ما يكون فيها ( س و ج )

حسام … لا يا بابا ما تتعبش نفسك وانا شويه وهاجر على طول لنا تفوق البنت دى .

الاب …. ماشى يا ابنى ربنا معاك ولو عزت اى حاجه اتصل بيا على طول يا حسام فاهم يا ابنى .

حسام .. حاضر يا بابا سلام .

اغلق حسام الموبيل مع باباه وتوجه لغرفه رهف ودق بيده على الباب لكن لم يرد احد فعلم انها لم تفوق حتى الآن ودخل وتوجه نحو السرير التى ترقد عليه رهف.

ونظر إليها وإلى ملامحها والى وجهها الملائكى والى الملابس السوداء التى ترتاديها والى علامات الحزن التى على وجهها.

وبعد لحظات لاحظ عيونها التى بدأت أن تفتحها ونظر إليها وإلى عيونها الخضراء وشعر بإحساس غريب يتملكه ولم يشعر قبل ذلك به .

ونظرت له رهف باستغراب وقالت أنا فين وحضرتك مين.

حسام .. انا حسام صفوان . وانا اللى خبطك بالعربيه .انا اسف جدا ما كانش قصدى والله انا مش عارف ده حصل ازاى .

رهف … ولا اسف ولا حاجه انا اللى المفروض استنى الإشارة لما تقف انا اللى غلطانه.

حسام…. يعنى مش زعلانه منى.

رهف …ولا زعل ولا حاجه حصل خير ومتشكرة لحضرتك جدا اتفضل انسى انتى لو حبيت .

حسام … لا طبعا انا هافضل معاكى شويه لحد ما اطمن عليكى وتقومى بالسلامه .

رهف … مالوش لزمه خالص وانا هاتصل باخويا يجيلى على طول .

حسام … خلاص انا هاستنى لما اخوكى يجى وامشى بعدها على طول .

رهف… طيب ممكن موبيلى علشان اطمن ماما واخواتى علشان ما يقلقوش عليا.

حسام … اه طبعا اتفضلى .

واتصلت رهف باخوها عمر اللى ما كنش مصدق اللى حصل لأخته .

ورهف طمنته وطلبت من حسام أنه ينزل لأنها خافت من عمر لا يحصل مشكله بينهم .

وفعلا حسام لما رهف أسرت على كده وافق .

حسام … ماشى يا ستى وتسمحيلى أنى ارجع تانى باليل بعد لما اخلص اجتماع مهم فى الشركه واول لما اخلص الاجتماع هاجى واطمن عليكى يا……..

حسام…. انتى اسمك ايه ؟

رهف…انا اسمى رهف .

حسام… اهلا وسهلا بيكى يا رهف.

رهف….. متشكره اوى لحضرتك يا استاذ حسام.

حسام …. حضرتك واستاذ كمان بلاش كده انا حسام وبس .

____________________

ال4 🌹

بعد ما نزل حسام من المستشفى وركب عربيه وراح على الشركه وصل عمر على طول بعد ما بلغته رهف باللى حصل معاها ودخل من الباب الامامى للمستشفى وقام بالتوجه إلى الاستقبال وسأل على حجرة رهف حسن وتوجه مباشرا إليها واقترب منها وحضنها وملس على رأسها فى كل حنيه وحزن على أخته واللى جرا ليها .

رهف….. اطمن يا حبيبى انا كويسه ومتخفش .

عمر … بجد يا رهف انتى كويسه قولى الصراحه وطمأنينة عليكى يا حبيبتى .

رهف … والله يا عمر انا كويسه اطمن يا حبيبى.

عمر … الحمد لله يا حبيبتى .

شعر عمر بالراحه بعد أن أطمان على أخته وسألها من الحمار اللى عمل كده.

وقبل أن تجاوب رهف سمعوا حد بيخبط على باب الاوضه ودخل الدكتور فارس لكى يطمئن على رهف ومعه ممرضه .

فارس …..اخبارك ايه دلوقتى يا انسه .

رهف .. الحمد لله يا دكتور…. ؟؟؟؟؟

فارس.. انا الدكتور فارس وانا اللى كشفت عليكى فى الاستقبال لما حسام جابك.

عمر .. حسام مين يا رهف.؟

رهف… ده اللى خبطنى بالعربيه يا عمر.

عمر … هو راح فين أنا لازم اوريه ابن الايه ده مش يبقى يفتح وهو سايق.

فارس…. بابتسامه مكتومه.

حصل خير يا استاذ المهم انها عدت على خير وهى هاتكون كويسه .

رهف .. اهدى يا عمر انا اللى غلطانه انا اللى ما صبرتش لحد ما الإشارة تيجى كنت مستعجله علشان احضر المحاضرة.

عمر … برضوا يا رهف المفروض يا خد باله من طريقه.

فارس …..حصل خير يا جماعه والحمد لله انها جت على اد كده. انتى كويسه يا رهف وانشاء الله خلال كام يوم كده ممكن تخرجى.

رهف… كام يوم ايه يا دكتور انا مقدرش اقعد كل ده فى المستشفى علشان محضراتى.

فارس.. انتى فى كليه ايه يا رهف ؟

رهف …. انا فى اخر سنه فى كليه الطب.

فارس يعنى هانبقى زمايل على كده.

رهف انشاء الله يا دكتور.

فارس …. عن اذنكم هاروح اكمل شغلى ولو عزتى اى حاجه ابقى اطلبينى على طول.

رهف … حاضر يا دكتور .

فارس….. بلاش دكتور دى احنا هانبقى زمايل بقى.

رهف…. حاضر يا دكتور فارس .

فارس .. برضوا دكتور.

حسام كان راح على الشركه وحضر الاجتماع بس دماغه كانت مشغوله برهف طول الوقت .

واد ايه هى انسانه محترمه ومؤدبه واعترفت بغلطها ساعه الحدثه .

وحس بشىء غريب جواه تجاه رهف .

يا

الحلقه 5

بعد أن غادر فارس اتصل عمر بوالدته لكى يبلغها بما حدث لرهف وقامت الام بالرد عليه .

الام…. السلام عليكم ايوا يا حبيبى انت اتأخرت ليه ده انا لسه كنت هاتصل بيك . انت واختك رهف هى كمان اتأخرت وده مش عوايدها.

عمر …. انا بخير يا امى ما تخافيش حتى رهف معايا اهى اطمنى.

الام … انت ورهف مع بعض ليه خير يا عمر طمنى.فى ايه انطق ما توجعش قلبى يا ابنى.

عمر …. اهدى يا أمى احنا بخير والله هو بس…!!!

الام …. هو بس ايه اختك حصلها حاجه انطق يا عمر.

عمر…… والله يا امى هى بخير حتى خدى كلميها اهى .

رهف … ايوا يا ست الكل انا بخير وكويسه يا ماما ما تخافيش عليا اطمنى.

الام …. اومال انتم فين قولى يا رهف ما تقلقنيش عليكم يا بنتى.

رهف …. حكت لأمها على اللى حصل من ساعه ما نزلت الصبح على كليتها لحد ما اتصلت بيها.

الام…. طيب انتم فى مستشفى ايه انا هاجيب رغد واجيلكم بسرعه.

رهف.. قالت لامها على اسم المستشفى وخلال نصف ساعه كانوا وصلوا للمستشفى هى ورغد وجريت الام على رهف علشان تطمن عليها وفضلت تعيط على بنتها وعلى الحاله اللى هى شافتها عليها

عمر ….. اهدى يا ماما هى كويسه والدكتور طمنى وكلها كام يوم وترجع البيت انشاء الله.

قامت الام بمسح دموعها من على وجهها

وحمدت ربنا على كل ما حدث لابنتها وشكرته انها بخير وتوجهت رغد وحضنت اختها وضمتها إليها وبكت هى الأخرى من خوفها على رهف.

عمر….. اطمنوا يا جماعه خير انشاء الله وهى كويسه.

وفى المساء جلس الجميع بجوار رهف يتحدثون ويتذكرون ما حدث لها .

وبعد قليل دق باب الحجرة وفتح عمر الباب وقال له مين حضرتك ؟؟؟

حسام … انا المهندس حسام صفوان.

عمر… يعنى مين حضرتك ؟؟

رهف… اهلا وسهلا يا بشمهندس حسام اتفضل.

اقترب حسام من رهف وألقى التحيه على كل من فى الغرفه وتوجه نحو رهف واعطاها بوكيه ورد .

رهف … ده المهندس حسام يا ماما اللى خبطنى بالعربيه .

عمر …. هو انت مش تخلى بالك وانت سايق انت ايه ماكنتش شايف.

الام اهدى يا ابنى اختك بتقول هى اللى غلطانه وعدت من غير ما تاخد بالها .

حسام … سبيه يا حاجه هو عنده حق حتى لو اللى معدى مش واخد باله المفروض انا كمان اخد بالى.

عمر …. انا اسف بس فعلا لازم تاخد بالك من طريقك حتى لو هو اللى غلطان.

الام…. اتفضل يا ابنى اقعد.

قالها شكرا يا حاجه.

وقعدوا واتعرفوا على بعض اكتر وحسام عرفهم بنفسه وبشغله .

الحلقه 6

راح عمر الكافيتريا علشان يجيب حاجه لمامته واخواته والضيف اللى موجود وبعد شويه رجع ومعاه بعض العصاير والباتيه السخن وقام بتقديمه ليهم وقام بتقديم العصير والباتيه لحسام .

حسام….. شكرا يا عمر تعبت نفسك ليه

عمر … ولا تعب ولا حاجه.

الام….. اتفضل يا ابنى ما تتكسفش وشكرا على تعبك معانا .

شويه والدكتور فارس دخل وكشف واطمن على رهف وطمن عمر ووالدتها وسلم على حسام .

حسام….. وهو بيبص لرهف اللى لاحظت أنه عمال يبص لها من ساعه لما دخل ولما خد باله انها شفته احمر وشها الابيض وتغيرت ملامحها .

لاحظت أمها تغير ملامحها ولاحظت هى كمان نظرات حسام ليها.

وبعد فترة قام حسام وقالهم استاذن انا يا جماعه والف سلامه على الانسه رهف ولو عوزتوا اى حاجه اتمنى انكم تتصلوا بيا وادى رقمه لعمر وخد رقم عمر

وخرج معاه عمر ووصلوا لحد باب المستشفى لحد ما ركب عربيته.

الام ….. بسم الله ما شاء الله على المهندس حسام ده شكله ادب واخلاق وتربيه وشكله كمان ابن ناس محترمه ولاحظت يا رهف أنه عمال يبص عليكى جامد.

رغد …. اه يا ماما عندك حق طول ايه وعيون ايه وشعر ايه ولا غمازاته يا لهوووووى.

رهف …. وشها احمر من كلامهم وقالت اتلمى يا رغد عيب مالوش لازمه الكلام ده.

وقاطعهم صوت جرس تليفون رهف وعرفت أن المتصل سلمى زميلتها وقامت بالرد عليها.

رهف … اهلا سلمى .

سلمى …… ايه يا ست رهف مش قولتى انك جايه النهارده الكليه.

رهف… ازيك يا سلمى وازى ريهام. والله يا بنتى لبست وكنت جايه ويادوبك وصلت اودام الكليه وحصلى حادثه.

سلمى حادثه ايه يا رهف احكيلى بسرعه فى ايه ؟؟

رهف حكت لسلمى كل اللى حصل.

سلمى …..انشاء الله يا حبيبتى هاكون عندك الصبح انا وريهام وقفلت معاها.

ورجع عمر ليهم عند رهف وفضلوا قاعدين شويه مع بعض وبعد فترة اخد أخته رغد وروحوا على البيت وفضلت مامته مع رهف.

وفى منتصف الليل دخل الدكتور فارس الحجرة علشان يكشف على رهف وألقى التحيه على مامتها وقالها منورة يا حاجه .

الام…. تعيش يا ابنى ربنا يخليك.

فارس….. عامله ايه يا دكتورة رهف دلوقتى .

رهف…. الحمد لله يا دكتور فارس احسن شويه من الصبح وحسيت أن الالم بدأ يخف شويه بعد العلاج.

فارس …الحمد لله وقام بالكشف عليها وطمن مامتها عليها وقالهم لو عوزتم اى حاجه انا موجود وخد بعضه وخرج وقفل باب الاوضه وراه.

وقامت الام بدخول الحمام للوضوء وأخذت ركن من اركان الحجرة لكى تصلى .

وبعد انتهاء الصلاه توجهت نحو رهف ولاحظت انها نامت من كتر التعب واللى حصل معاها طول النهار وغطتها كويس .

وتوجهت للسرير المقابل لرهف وفتحت المصحف الشريف وقرأت به بعض السور القرآنية حتى غلبها النوم وأغلقت المصحف ووضعت راسها على المخده ونامت.

واشرقت شمس يوم جديد فى الصباح الباكر و صحيوا على صوت خبت على الباب وتوجهت الام نحو الباب وفتحت الباب لقت راجل ومعاه بوكيه ورد جميل اوى وخدته الام وقفلت الباب وشكرته.

رهف … ايه ده يا ماما مين جاب بوكيه الورد ده.

الام … مش عارفه يا رهف استنى كده اصل فى كارت جواه .

فتحت الام الكارت وقرأت الاسم اللى موجود وعرفت أنه المهندس حسام

واديته لرهف وقرأت رهف الكلام الموجود وهو.

صباح الخير .

يارب تكونى أفضل دلوقتى وربنا يقومك بالسلامه .

ووضعت الام بوكيه الورد وبعد فترة جه الدكتور فارس واطمن عليها وطمن مامتها وخرج

وجت ريهام وسلمى واطمنوا على رهف وفضلوا يضحكوا ويهزروا لحد ما باب الاوضه خبت وفتحته سلمى وطلع حسام .

حسام…. صباح الخير

الام صباح الخير يا ابنى اتفضل

ووقفت سلمى جمب ريهام وغمزت لها.

وتوجه حسام نحو رهف وسلم عليها وخد باله من وشها والاحمرار اللى ظهر عليه

وسلم على ريهام وسلمى .

حسام….. اخبارك ايه يا انسه رهف النهارده ؟؟؟

رهف… الحمد لله احسن دلوقتى بقيت افضل .

حسام …. الحمد الله يارب تقومى بالسلامه .

الام…. تعبت نفسك ليه يا ابنى وجيت .

حسام…. ولا تعب ولا حاجه يا حاجه تعبكوا راحه وقالها وهو بيبص على رهف .

ولاحظت ريهام وسلمى النظرات اللى بينهم و فضلوا يبتسموا لبعض

وبعد دقائق استأذن حسام وخرجت الام معاه لحد باب الاسانسير.

لكن ريهام وسلمى فضلوا يضحكوا ويقلدوا حسام ورهف وهما بيتكلموا وفضلوا يضحكوا.

وسلمى… قالت لرهف ايوا بقى شكله حصل يا ست هانم .

رهف….. بكسوف هو ايه اللى حصل يا بايخه انتى اتلمى .

ريهام …. ده حصل وحصل .وحصل

وفضلوا التلت بنات يضحكوا .

وبعد يومين رجعت رهف لبيتها بعد ما اطمن الدكتور فارس انها بقت كويسه وسمح لها بالخروج. رايكم ..

الحلقه 🌹 7 🌹

🌹

وخلال اليومين دول كان يوميا يرسل لها حسام بوكيه ورد كل صباح 💐💐

وفى فيلا صفوان… اتجمع أفراد الأسرة على السفرة ولاحظ الأب أن حسام بقاله كام يوم متغير.

وسأله خير يا حسام مالك بقالك كام يوم كده مش عاجبني .

الام… ماله يعنى يا حاج ما هو كويس اهو .

وكان حسام ليه اخ تانى وهو شريف وكان ضابط فى الشرطه بس كان مسافر فى ماموريه من كام يوم.

حسام ابدا يا بابا انا كويس بس الصراحه من ساعه الحادثه اللى قولتلك عليها وانا زعلان على البنت اوى .

الام…. يا خبر حادثه ايه يا حبيبى؟

حسام … ابدا يا ماما حادثه صغيرة وخبط بنت بالعربيه .

الام .. يا خبر وهى عامله ايه يا ابنى دلوقتى .

حسام.. الحمد لله وبقت كويسه وخرجت من المستشفى وروحت لبيتها .

صفوان… اياك تكون قومت بالواجب معاها يا ابنى انا عارف انك راجل.

حسام .. اه طبعا يا بابا. وقفلوا الموضوع وراح حسام وأبوه على الشركه وفضل كل يوم يتصل بعمر ويطمن على رهف وعمر يطمنه ويخبره انها بقت كويسه وخلاص يومين وتنزل كليتها واطمن حسام وكان طول الوقت بيفكر فيها ومش عاوزة تروح من باله خالص.لحد ما عدا اليومين وجه اخوه من المأموريه بتاعته.

واول ما دخل الفيلا.

شريف …. انا جيت يا بشر انا جيت محدش هنا ولا ايه سمعت الام صوت ابنها ونزلت بسرعه على الدور اللى تحت وخدته فى حضنها وهو كمان حضنها وباس ايدها وباس رأسها ونزل الاب وحسام ورحبوا بيه .

حسام .. ازيك يا حضرة الضابط ليك وحشه والله وحضنوا بعض وباسوا بعض والاب راح وسلم عليه وشريف بأس أيده وقاله واحشنى يا حاج صفوان والله وفضلوا على كده لحد ما الشغاله جهزت ليهم الاكل على السفرة .

الام… مش كنت تقول انك جاى كنت جهزتلك الاكل اللى بتحبه يا حبيبى .

شريف …. كل اللى يجى منك جميل يا قمر وفضلوا يضحكوا على كلام شريف اللى كان واحشهم اوى شريف هاروح اغير بقى واروح للعيال صحابى علشان واحشنى اوى.

ودول كانوا صحابه من الثانويه مع ان كل واحد دخل كليه غير التانى بس فضلوا على الصحوبيه دى لحد دلوقتى .

الام.. استنى يا ابنى شويه لما تستريح .

شريف …. استريح ايه يا حاجه انا زهقان وهما وحشنى اوى .

صفوان… خلى بالك على نفسك يا ابنى .

توقعاتكم ايه الحلقه الجايه .رايكم يهمنى 😘😍 !!

الحلقه 8