شريف بعصبية: ابن أخوك الحيلة اللي دايمًا مدلعو ومفضلو عني في كل حاجة، استكتر عليا فرحتي وبص للي في إيدي بس، وربنا محرحمو.
وهنا مروان افتكر لما شاف رامي في الأوضة.
قال بتركيز: أنت تقصد رامي؟
شريف بنرفزة: أيوه زفت، مفيش غيرو، بيكرهني وبغير من كل اللي في إيدي.
مروان بعصبية: إيه يا شريف؟ عمال تشتم في ابن عمك وناسي إنو ابن أخويا وإنك بتشتم في أخويا. وكمل: وبعدين إيه اللي مخليك متأكد كده؟ أنا بقى عارف إنو رامي مستحيل يعمل معايا أنا بذات كده. مروان كان بيقول كده وهو مش متأكد، خصوصًا لما عرف إنو هو اللي جابها المستشفى، وبيدعي يكون شريف غلطان.
بس شريف صدمه لما قال: لا يا عمي، هو أنا متأكد. البيه امبارح في الحفلة قعد يشرب وبقى منظرو غير، واتخانق معايا وكان حيضربني كمان، ومرضيش يخليني أوصلو، ومكنش معاه عربية، ودنيا راحت توصلو، وافتكرت إنها وصلتو وجتلك على البيت.
مروان كان مصدوم حرفيًا من اللي بيسمعو، مسك شريف بعصبية وقال له: أنت ازاي تسبها توصلو وهو بالحالة اللي بتحكيها دي يا متعجل؟
شريف لسه هيتكلم، سكت لما سمع الممرضة بتقول للدكتور وهي بتجري: المريضة فاقت وعمالة تصرخ ومش بتسكت يا دكتور.
شريف ومروان جريوا بسرعة على أوضة دنيا، بس وقفوا من المفاجأة.
شريف ومروان جريوا على أوضة دنيا، بس وقفوا مصدومين، شافوا دنيا بتصرخ بهستيريا وضامة رجليها وبتتكلم ببكا وصريخ، كلام مش مفهوم، مش راضية لحد يلمسها ولا حتى الدكتور اللي عايز يكشف عليها.
هنا والدها اتدخل يهديها قال: اهدي اهدي يا دنيا يا حبيبتي، احنا معاكي، أبوكي جنبك يا حبيبتي.
بس للأسف دنيا ولا كأنها سمعاه، بس بتصرخ ومسكا شعرها بقوة وبتقول: ابعد عني، ابعد، وانبي تبعدوه عني.
مروان لما سمعها قالت كده قال لها: هو مين يا دنيا؟ مين اللي نبعدو عنك يا حبيبتي؟
بس دنيا مش بتبص عليه ولا بترد، وبتصرخ وتبكي بس.
الدكتور هنا اتدخل وقال: يا جماعة مينفعش كده، استنوا بره لو سمحتم. وأشار للممرضات، مسكوها بالعافية وأدولها حقنة علاجية.
دنيا صوتها هدي بعد الحقنة وبدأت تهدا وتنام، ومروان دموعه نزلت على حالة بنته، وكان خارج من الأوضة هو وشريف، بس وقفوا لما سمعوها بتقول بصوت ضعيف:
دنيا بتعب شديد: اب… ابعد عني، حرام عليك، لا يا رامي، لا، ابوس إيدك.
مروان هنا تيقن إن رامي هو اللي عمل كده، كان بيصبر نفسه ويقول ممكن يكونوا جماعة طلعوا عليهم على الطريق، اتجمد مكانو وداخ جدًا.
مسك شريف وقال: أنت كويس يا عمي؟
مروان بتعب: لا، لا أنا مش كويس يا بني، مش كويس خالص.
ضم إيده بعصبية وتماسك بيحاول يظهره وقال: تعالى معايا يا شريف.
شريف: على فين يا عمي؟
مروان وعينيه بتطلع شرار: نشوف ابن عمك.
شريف: حنروح لرامي شقته ونسيب دنيا هنا لوحدها؟
مروان: لا، هو في الأوضة اللي جنبنا.
شريف باستغراب: إزاي؟ هو فين؟
مروان: تعالى بس وحفهمك بعدين.
وفعلًا راحوا أوضة رامي، بس مكانش موجود فيها، سألوا عليه الممرضة قالت: مشي من شوية، حاولت أمنعو لأن الحقنة مأسرة عليه ومش قادر يقف، بس مسمعنيش.
مروان بغضب وصوت عالي: طيب بصوا بقى اللي حصل. رامي فاق لقا نفسه في المستشفى، قام بسرعة وهو تعبان جدًا يطمن على دنيا.
كان حيدخل سمع صوت والدها وهو بيهديها، وسمع صريخها واللي بتقوله للأسف.
مسك قلبه وحس إن في ألم جواه ودموعه نزلت، ورجليه مش شايلاه.
مشي بسرعة قبل ما عمه يخرج، لأنه مش قادر يواجهه.
طلع الشارع ومشي وهو مخنوق وتعبان والحزن مالي قلبه، بعد شوية عن المستشفى وسمح لنفسه أخيرًا بالانهيار وقال لنفسه:
أنا أذيت اللي أكرمني وعاملني كأني ابنه، أذيتو في بنته، أنا دمرتهم، أنا مش عايز أعيش تاني، لا أنا ما أستاهلش أعيش تاني أصلًا.
عند دنيا كانت نامت فترة وصحيت هادية شوية، وكل اللي قالته إنها ترجع البيت لأنها مخنوقة في المستشفى. الدكتور سمح بالخروج ووصى والدها إنها ترتاح وتتغير جو وتعرضها على دكتور نفسي.
وصلوا القصر وبعد ما دخلوا، شريف قال: استأذن أنا يا عمي، ماما وبابا عايزين يطمنوا عليه، بس أنا قلتلهم إن حضرتك بتفضل يجوا يشوفوها هنا في القصر.
مروان اتنهد وقال: تمام، بس أنا عايزك قبل ما تمشي في موضوع لوحدنا.
دنيا هنا أخيرًا اتكلمت وقالت بتعب: لوحدكم ليه يا بابا؟ أنا مش صغيرة، عايز تسألو إذا كان حيتجوزني ولا لا، مش كده؟
مروان بتوتر: دنيا حبيبتي اهدي أنتي ومتفكريش في حاجة، أنا كل شيء حيتحل.
دنيا: لا يا بابا، مفيش حاجة حتتحل خلاص، وأنا عايزة أعرف رأي شريف إيه.
شريف بص الناحية التانية وقال: أنا مظنش أقدر بعد اللي حصل.
مروان بنرفزة: يعني إيه؟ أنتم كتب كتابكم انهارده بليل، عارف يعني إيه؟
شريف وهو بيبعد خطوات: عارف، يعني الناس تسأل وتقول ليه العريس سابها النهارده، وأكيد سمع حاجة، ومن الكلام ده، بس ده كلو ميتخلنيش أضيع مستقبلي وأتدبس.
