قصص وروايات

رواية عشق من قلب الألم كاملة بقلم زهرة الربيع

مروان اتجنن، خصوصًا لما شاف دنيا اللي كانت ساندة نفسها بالعافية وقال: أنت سامع نفسك بتقول إيه؟ وكان حيضربو.

بس دنيا قالت بسرعة: سيبو يا بابا، هو معاه حق أنا دلوقتي تدبيسة بنسبة ليه، وأولغيره؟ ضحكت ضحكات مرهقة ورا بعض وقالت: أنت صح يا شريف، أنت صح، أنا تدبيسة. وضحكتها فجأة انقلبت لبكا شديد ودموع مبتقفش.

جري عليها والدها وفضل يهديها: حبيبتي يا دنيا، اسمعيني، ده يا حبيبتي، متهميش، أنت أقوى من كده يا دنيا، وحتعديها، حنعديها مع بعض.

شريف هنا قال وهو بيتأفف: اسمعني يا عمي، خلينا في اللي يفيدك ويفدني. أنا علشان دموع دنيا غالية عندي، مستعد أكمل الجوازة وأكتب عليها النهارده كمان، بس بشرط.

مروان بغضب شديد: شرط؟ شرط إيه ده؟

شريف ودا وشه بعيد عنهم: الشركة الكبيرة بتاعت حضرتك تكتبها باسمي، وبعدين يا عمي أنت مش حتكتبها لحد غريب، أنا حبقى جوز بنتك والموضوع حيتلم ما بينا، والناس اللي معزومة بالليل تيجي تلاقي كل شيء تمام، ها، قولت إيه؟

مروان ودنيا طبعًا مصدومين ومش مصدقين إنه بيساومهم بالشكل غير المناسب ده.

دنيا كانت حتتكلم، بس سمعت باباها بيقول: وأنا موافق، حوافق أكتبلك الشركة باسمك، بس مش علشان بنتي ناقصها شيء، لا، ده بس علشان محدش يفكر يجيب سرتها على لسانو. أما أنت يا غير المناسب، فأنا ممنون للموقف ده، علشان بين حقيقتك، تتجوزها كام شهر بس، وحطلقها منك، أنت ما تستهلش ضفرها.

دنيا قالت بزهول: أنت بتقول إيه يا بابا؟ أنت ضيعت عمرك على الشركة دي، مستحيل أوافق، اللي معاه كلمة يقلها، ده مش حياخد جنيه منك.

مروان: اسمعيني يا بنتي، مفيش حل تاني، صدقيني.

وقفوا كلهم مصدومين لما سمعوا صوته بيقول:

رامي: لا، في حل تاني، أنا هتجوز دنيا يا عمي.

دنيا اتجمدت مكانها هي وشريف اللي كان باين عليه المفاجأة.

مروان اتقدم ناحية رامي ووقف قدامو بالظبط وقال:

مروان والدموع في عينيه: آخر واحد كنت أتوقع منه يعمل معايا كده، أنت آخر واحد أتوقع منه الأذى، أنت يا رامي.

رامي دموعه نزلت ومش قادر يرفع عينه، نزل راكع على رجليه ومسك إيد عمه وهو بيبكي بصوت وبيشهق وبيقول:

رامي ببكا شديد: إيدك، سامحني يا عمي، أنا مش عارف، مش عارف عملت كده إزاي، والله والله يا عمي ماكنت في وعيي، والله يا عمي أنا بحبك ومقدرش على زعلك، مقدرش أخسر بابا تاني، سامحني يا عمي، أرجوك.

كان رامي بيتكلم من قلبه وندمان جدًا وصوت بكا عالي ومسموع، حتى مروان للحظة قلبه رق ليه ومد إيده عايز يحطها على شعره، لكن شد إيده منه بنرفزة لما شاف الدموع في عين دنيا وحالتها اللي توجع القلب.

مروان بعصبية: لو كنت زي ما بتقول وبتعتبرني أبوك، استحاله كنت تأذيني في بنتي. وعلي صوته وقال: مستحيل كنت تدمرها وتزلها زي ده. رامي وقف، وعمه مسكو من قميصه وقال: بصلي، طبعًا مش قادر تبصلي، ارفع عينك، قلي إزاي جالك قلب، إزاي، إزاي؟

رامي مكانش بيرد وعينيه على الأرض ودموعه على خده، وهنا شريف أخيرًا اتكلم وقال وهو بيقرب من رامي وقال:

شريف بخبث: أنا أرد عليك يا عمي، أنا أقولك إزاي قدر يعمل كده. البيه كان مخطط لكل شيء من الأول، قال لنفسه: إزاي أسيب شريف يتجوز دنيا وكل أملاك ودابوها ترحلو؟ هو طبعًا ملقاش طريقة أوسخ من دي علشان يمنع الجوازة ويتجوزها ويكوش على كلو، مش كده ولا إيه؟

هنا رامي ضم إيديه بغضب شديد وبص لشريف اللي كان بيبصله بغل وقال وهو بيدوس على أسنانه بعصبية:

رامي: أظن أنت عارف كويس مين اللي محتاج يخطط علشان الفلوس ومين اللي محتاج لها. أنا عندي شغلي وشركتي كل يوم بتكبر، وكل الناس عارفة مين رامي الصاوي، الدور والباقي على اللي لسه بياخد مصروفه.

شريف بنرفزة: أنت تقصد إيه؟

رامي بسرعة: اللي سمعته.

وهنا شريف ضرب رامي بكس، ورامي مسكو كان حيضربه، بس وقفت إيده في الهوا لما سمع صوتها بيصرخ ويقول:

دنيا بصراخ: بس بس، أنت وهو، أنتم إيه؟ مستحيل تكونوا بشر، حرام حرام عليكم بقى، أنا تعبت، تعبت. وفضلت تبكي وداخت جدًا، كانت حتقع، بس رامي بسرعة جري وفي لحظة كان سندها بين إيديه.

دنيا دفعته بغل وغضب وهي بتشاور بصباعها قدام عينيه وبتقول:

دنيا: إياك تلمسني، إيدك غير المناسبة دي متتمدش عليا أبدًا، أنت فاهم؟

رامي بيحاول يتماسك، أومأ براسه بمعنى حاضر، وبعد عنها خطوات وقال بحزم:

رامي: اسمعني يا عمي، أنا خرجت من المستشفى قلت مستحيل أواجهك، وعزمت أنهي حياتي.

بس في آخر لحظة افتكرت دنيا، وأنا طبعًا مش حقدر أعوضها اللي خسرتو بسببي، ولا أقدر أطلب السماح، بس أقدر أصلح الموقف اللي احنا فيه، علشان كده جيت هنا الأول أطلب من حضرتك تديني فرصة أصحح اللي غلبت فيه، وأكتب على دنيا انهارده بالليل، ونعمل الفرح بكرة على معاده، إذا وافقت تمام، وإذا لا أنا همشي من هنا على القسم حسلم نفسي وأخدلكم حقكم.

مروان مش مصدوم من اللي بيسمعه، هو عارف رامي كويس وعارف إنو كان مستحيل يهرب.

شريف لما لقاهم سكتوا قلق وقال: لا يا حبيبي، انسا، أنا اتفقت مع عمي خلاص، مستغنيين عن خدماتك، أنا حتجوز دنيا، وأنت ورينا عرض كتافك.

رامي مبصلوش وكأنو مش سامعه وقال: ها، مردتش عليا يا عمي؟ قلت إيه؟

مروان اتنهد: قلت لا، واخرج من بيتي، وانسى إن ليك عم.

رامي نزلت دمعة من عينه وقال: حاضر يا عمي، اللي تؤمر بيه. ومشي ناحية الباب، بس اتجمد مكانو لما سمعها قالت:

دنيا بألم: بس أنا موافقة يا بابا.

كلهم بصوا عليها بصدمة، ومروان قال: أنتي بتقولي إيه يا بنتي؟

دنيا بضعف: زي ما سمعت يا بابا، حتجوزو، أنت مستحيل تخلي الناس تجيب في سرتي، وأنا مستحيل أخليك تخسر شقا عمرك بسببي، حنتجوز بشروطي.

رامي بلهفة: براحتك، اللي أنتي عيزاه حيكون.

دنيا: أول حاجة لازم تعرف إني بكرهك، وإنك عمرك ما حتبقي جوزي، وجوازنا حيبقي ورقة قدام الناس وبس.

رامي بألم من كلامها: موافق.

دنيا: ثانيًا، ٣ شهور وكل واحد يروح لحاله.

رامي: احم، حاضر.

دنيا: تمام، انهارده بالليل نكتب الكتاب.

مروان: أنتي متأكدة يا بنتي؟

دنيا بيأس: أيوه يا بابا، حضرتك شفت بنفسك، مفيش فرق ما بينو وبين اللي كنت حتجوزو، الاتنين زي بعض.

دنيا الدموع في عينيها بصت لرامي وقالت: واحد دمر حياتي. وبصت بعدها لشريف وقالت: والتاني بيساوم على اللي باقي منها، واحد خان والتاني باع.

طلعت دنيا أوضتها وباباها كان بيسندها.

رامي كان بيبص على أثرها بألم وحسرة.

شريف كان حيموت من الغضب ووقف قدام رامي وقال له:

شريف: عملت اللي في دماغك بس، وربنا محخليك تتهنى يا بن سماح ورحمتها في تربتها لأندمك.

رامي اتضايق جدًا لما جاب سيرة والدته، بس تماسك وقال وهو بيبصله من فوق لتحت باستهزاء:

رامي: أعلى ما في خيلك اركبو.

وسابو وركب عربيته وساق بسرعة وهو بيفكر في دموعها اللي بتدبحو، وصل شقته وقفل الباب بتعب، قعد مكانو اتسند على الباب، وكل اللي بيدور في دماغو اليوم المشؤوم واللي حصل فيه من بدايتو، بيسترجع ذكرياتو واحدة واحدة يمكن يعرف عمل كده إزاي.

رامي وصل شقته وقفل الباب وقعد مكانه ساند ضهره على الباب، وبيفتكر اليوم من أوله، بيقول لنفسه: معقولة اللي شفتها النهارده دي دنيا؟ اللي من يومين اتنين كانت ضحكتها مبتفارقهاش، معقول أنا كسرتها كده؟ وجيه في بالو لحظة نزوله من الطيارة.

فلاش باك

كان رامي نازل من الطيارة بهيئته اللي تخطف القلب قبل العين، بيبص شمال ويمين، وتستقر عينيه على حورية تجنن بلبسها البسيط وجمالها اللي يسحر، مش متكلفة كأنها مش محتاجة تثبت جمالها، كانت واقفة بتنفخ بملل وماسكة يافطة عليها اسمه.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى