قصه مثيره

اخوها كان تحت السرير اسبوعين من غير هدوم وهي بتنام عادي

وقبل ما نبدأ حكايتنا اعرفكم على بطلتنا اسمها بدرية عندها 25 سنة وعايشة هي و اخوها اللي اصغر منها وفي يوم قالت له

بقولك ايه يا خالد انا عايزة اروح بكرة ابيع الزرع ده في السوق البعيد اللي في البلد اللي جنبنا اصل بصراحة السوق في البلد هنا مش جايب همة

خالد

طيب خلاص رجلي على رجلك يا بدرية انا مش هسيبك تروحي لوحدك انتي عارفه اني بخاف عليكي

بدرية

والله كبرت ياواد يا خالد وبقيت راجل وبتخاف عليا ماشي انا موافقه انك تيجي معايا بس الوليه مرات ابوك دي انا مش عايزة اعرفها حاجة خالص

خالد

ماشي انا اصلا مش، بحب اعرفها حاجة انتي عارفه انها مبتسكتش وتفضل تقول انا عايزة فلوس وبتبقا عايزة تقاسمنا في رزقنا

بدرية

انتي هتقولي عليها دي وليه طماعه امتى بقا ربنا يتوب علينا منها ياخدها ويريحنا منها

خالد

ايوه يارب ان شاء الله انا مش، عارف أبوكي الله يرحمة وصانا عليها ليه مكان سابها تروح من هنا ماهي عايشة معانا ومش سيبانا في حالنا اهيه

وفجأة بتنادي عليهم فوزية مرات ابوهم وخالد يقول

يوووه هي بتنادي عليا ليه عايزة ايه دي

بدرية

معلش يا خالد روح شوفها عايزة ايه عشان هجهز حالي للسوق وزي ما قولت لك متعرفهاش اننا رايحين سوق تاني

وراح لها خالد وقال لها

نعم يا مرات ابويا عايزة ايه بتنادي عليا ليه هي مش بدرية اختي عملت لك اكلك عايزة ايه تاني بقا

فوزية

0را ايه ياواد ياخالد هو انت ياواد مخبي عليا ايه انت واختك اللي ماتتسمي دي انا حاسه انكم بتعملو حاجة من ورايا صح يا والا ولا ايه

خالد

يعني هنكون بنعمل ايه من وراكي يعني هو انت في حد بيعرف يعمل حاجة من و راكي ده انتي عامله زي العفريت اللي بيعرف كل حاجة

فوزية

والنبي لا افضل كده على قلبك انت واختك واعيش واعرف كل حاجة انت فاكرين انا هاروح واسيبك انت واختك لا يمكن ابدا وبعدين فين ايراد النهاردة ياواد اطلع بالفلوس

خالد

فلوس ايه مفيش فلوس وبعدين ايراد ايه ده اللي بتسالي عنه هو مش المفروض ان ده تعبي وشقايا انا واختي يعني انتي ملكيش فيه ومتساليش

فوزية

هو ايه ده يا واد اللي مسالش اومال مين اللي يسأل وبعدين هو انا مش في مقام امكم يعني ليا حق عليك7انت واختك فين الفلوس اطلع بالفلوس

خالد

قولت لك مفيش فلوس وخلاص من هنا ورايح انتي مش هتاخدي مننا حاجة ماشي

وفي اللحظة دي دخلت بدرية وقالت لها

جرا ايه يا وليه انتي مالك ومال الواد وبعدين انتي اي كلام عايزة تقوليه قوليه في وشي وملكيش دعوة بالعيل الصغير ده

خالد

على فكرة يا بدرية انا مش عيل انا عندي 17 سنة

بدرية

ياواد ده انت راجل وسيد الرجاله ياخالد بقولك ايه سبني انا هتكلم مع مرات ابوك وروح انت شوف وراك ايه واعمله يلا روح

ومشي خالد وفوزية قالت لها

انتي ايه حكاية يابت انتي مالك فاردة نفسك عليا كده ياختي هو انا يابت عدوتك ولا ايه

بدرية

هو حد كلمك يا وليه انتي ولا انتي بتقولي شكل للبيع انا مليش مزاج اتخانقت ماشي كبري دماغك من ناحيتي يافوزية انا مش فايقة لك خالص

فوزيه

هو ده اللي انا باخدة منك ياختي ماشي يابدرية انا وانتي والزمن طويل يابنت محروس

بدرية

مالو محروس ياوليه ايه مش محروس ده اللي ستتك وقعدك ست في البيت بدال ما كنتي بتبيعي السمك في السوق ولا نسيتي الله يرحمة اخدك ونضفك من ريحة السمك اللي كانت ماسكة فيكي

فوزية

انتي بتعايرني يابت ولا ايه والنبي لو سمعت لك حس تاني لاكون قايمة وجيباكي من شعرك

بدرية

انا هسيبك تكلمي نفسك وامشي من قدامك لأمي بجد زهقت منك ومن كلامك ده بلا هم

قالت كلامها وسبتها وخرجت من اوضتها وراحت لخالد اللي قالت له

انا هاروح اشتري البضاعه اللي هنطلع بيها الفجر من هنا ماشي اوعي تتكلم مع الوليه دي خالص ملكش دعوة بيها لو ندهت عليك اوعي ترد عليها

خالد

ماشي بس انتي متتاخريش يابدرية ولا اني كنت عايز اجي معاكي دلوقتي

بدرية

لا انا هاخدك معايا السوق ان شاء الله اومال انا هتحما في مين يا واد يلا ياحبيبي خليك انت هنا وانا هاروح

ومشيت بدرية واشترت كل الخضار اللي هاتروح تبيعة في السوق وفعلا راحت ورجعت في الفجر قالت لاخوها

يلا بينا ياخالد عشان نلحق نروح نبيع الخضار ونرجع على الضهر انا مش عايزة نتأخر في البلد الغريبة دي

خالد

ماشي يا بدرية يلا بينا نروح

ومشيت بدرية وخالد وراحو السوق وهناك راح لها واحد اسمه المعلم محمود وقال لهم

انت شكلكم جداد في السوق هنا مش كده ولا ايه

خالد

ايوه احنا جاين من بلد تانية عشان ناكل لقمة عيش هنا هو انت عندك مانع ولا حاجة ياحضرت انت

محمود

لا يابني انا لا عندي اعتراض ولا حاجة انا بس بسال اصل شكلكم غريب عن هنا وانا الصراحة لما بشوف وجوه جديدة بحب اسأل واستفسر وكده زي ما تقول كده انا عمده هنا في السوق

بدرية ردت عليه باعجاب وقالت

ونعم العمودية ياعمده خلاص بقا طالما انت عمدة هنا احنا هنا في حماك ولا ايه المفروض انك تحمينا من اي حد هنا اصل الناس ياخويا مابترحمش ولا بتسبب حد في حاله

محمود

من عنيا ياست الستات الا اسم الكريمة ايه بقا

خالد

وانت مالك ياجدع انت هو انت هتناسبنا ولا ايه

محمود

الله الله مالك يا اخ انت هو انا دوست لك على طرف انا بس بسأل وكده يعني هو السؤال حرم

كل ده كان بيتكلم وعينة منزلتش من على بدرية ولا هي كمان اللي كانت علطول باصه له باعجاب وقالت له

انا أسمي بدرية يا عمده اي خدمة تانية ياخويا سيبنا بقا ناكل عيش احنا ولا انت مش عايز الرزق يجي لنا

محمود

ازاى بقا ده انا اجيب لكم الزباين لحد عندكم على العموم انا هاخد منك كل الخضار ده ما أنا اصلي عندي مطعم وباخد الخضار للمطعم ده

بدرية

والنبي صحيح طيب ده انا هكرمك اوي في سعر الخضار هو انا افديك الساعه لما ابيع لك يامعلم هات ياخالد البضاعه وحملها على عربية المعلم مش عربيتك دي يامعلم

محمود

ايوه يا ست بدرية عربيتي حط عليها الخضار ياخالد وانتي ياست الكل خودي الحساب بتاعك اهو واي خدمة تانية انا تحت امرك قولي اللي انتي عايزاه

بدرية

انا عايزاك طيب ياسيد المعلمين يلا بالاذن احنا بقا يلا بينا ياخالد

ومشيت بدرية وهما في الطريق خالد قال لها

انا مش عارف الراجل ده انا مش مرتاح لنظراتة كده ه. كان بيبص لك كده ليه

بدرية

هيكون بيبص لي ازاى يعني ياخالد ده حتى الراجل محترم خالص انت بس اللي شكاك كده دايما

خالد

انتي اختي يا بدارة انا بغير عليكي من اي حد انتي عارفه عشان كده بقولك اي حد يعاكسك قولي لي بس وانا هعلم لك عليه

بدرية

ههههه لا لاياعم خليك بعيد ولا تعلم ولا حاجة انا مش عايزاك تعلم على حد كتر خيرك اوي كده انا خايفه عليك يا خالد ياحبيبي اوعي تتهور وتتخانق مع حد مش كفايه سبت التعليم عشان تساعدني مع اني كنت عايزاك تتعلم وتبقا دكتور

خالد

وانا لما اكمل علام وانتي تشتغلي وتصرفي عليا الناس بقا تقول عليا مش راجل لا يا بدرية انا كان لازم اسيب العلام واشتغل معاكي عشان انا راجل مش عيل واسيبك انتي اللي تصرفي

وفي الوقت ده مرات ابوهم قالت لهم

عملتو ايه في السوق انا شايفاكم يعني راجعين من غير حاجة خالص ايه يا بدريه انتي بعتي كل الخضار والفاكهة يابت

بدرية

خمسه وخميسة الله اكبر اه يامرات ابويا احنا الحمد لله بعنا كل الخضار والفاكهة انتي عايزة حاجة تكونيش عينك على القرشين اللي طلعو لنا ده تعبنا احنا وانتي ملكيش فيه

فوزية

اخس عليكي بت ناكرة للجميل ومش فاكرة اني كنت لكم ام في يوم من الايام ده انتي واطية بصحيح

سمعت بدرية منها الكلام وسبتها ودخلت اوضتها وفوزية فضلت تتكلم مع نفسها وعدت الايام ومحمود بقا يكلم بدرية علطول وفي يوم قال لها

انا كنت عايز اجي اقابل الحاج يا ست البنات

بدريه

حاج مين ده يا معلم محمود

محمود

الحاج ابوكي اصل الصراحة كده انتي عجباني اوي وداخله دماغي وانا قررت اتجوزك قولتي ايه

بدرية بفرحة

تتجوزني انا يا معلم محمود بس انا اااا ابويا راح من زمان ومليش حد غير اخويا خالد اللي اصغر مني ومرات ابونا اللي عايشة معانا

محمود

طيب انا ممكن اجي اتكلم مع مرات ابوكي دي واخطبك منها

بدرية

اه بس اسمع انا مكان هاروحة معاك انا مش هسيب اخويا انا استحاله اسيب اخويا اللي ربيتة

محمود

مش فاهم يعني انتي عايزة اخوكي يجي معاكي في البيت عندي والبلد بتاعتي خلاص اللي تشوفيه يا ست البنات انا تحت امرك

بدرية

خلاص يبقا تيجي وتطلب أيدي من فوزية مرات ابويا يوم الجمعة كويس يناسبك يعني وكده

محمود

طبعا يناسبني اوي ياست البنات يلا سلام

وفعلا محمود راح لفوزية وطلب ايد بدرية منها وفوزية فرحت اوي خصوصا لما عرفت ان محمود غني ومعاه فلوس كتيرة قالت لبدرية

ااه يا بنت المحظوظة كل العز اللي عندك الراجل ده هيبقا بتاعك ده بيقول هيجيب لك بيت بمنافعها

بدرية

انتي هتحسديني يا ولية هو انتي ايه مش بتبطلي كلامك ده ذه بدال ما تباركي لي وتدعي لي ده انتي ولية بومة بصحيح

فوزية

انا بومة يابت تصدقي اني انا غلطانة اني احط أيدي في ايد الراجل عشانك انتي اصلا متستاهليش اي حاجة وناكرة للجميل

خالد

متقوليش كده يا مرات ابويا ده الخير والبركة عندنا مش كده برضو يا بدرية

وغمز لها خالد عشان فوزية متبوظش الجوازة لبدرية وهي قالت

ماشي يا خالد عشان خاطرك انت بس ياحبيبي انا هسكت للوليه دي بس وربي لو اتدخلت في حاجة تانية ليكون اخر يوم في عمرها

خالد

خلاص بقا يا بدارة عشان خاطري انا كفايه بقا

وعلت صوتها بدرية وقالت لمرات ابوها

بس يكون في علمك ان خالد اخويا جاي معايا بيت جوزي ااه انا اتفقت معاه على كده

فوزية

انتي تقصدي انك هتاخدي اخوكي وتسبوني لوحدي ياختي بالسلامة هو انا اللي عايزة اشوف وشكم اوي ده انا نفسي ارتاح منكم النهاردة قبل بكرة

بدرية

خلاص هترتاحي مننا اسكتي بقا وخليكي كده حلوه معانا في اليومين اللي فاضلين لنا معاكي هنا ماشي يارب تتهدي بقا

وعدت الايام ومحمود اخد بدرية ومعاها خالد اخوها على بيت محمود في بلده في المنوفية وقال لها

اتفضلي يا عروسة ادخلي برجلك اليمين اتفضلي يا حبيبتي دي بقا شقتك الحلوه اللي هتزيد حلاوة بوجودك انتي طبعا مش كده ولا ايه

بدرية

ههههه يوه جاتك ايه يا محمود والنبي كلامك حلو زيك وبعدين قولت لك قبل كده انا بتكسف والله ياخويا بقا كفايه

محمود

يلهوي على القمر اللي بتكسف ده يا ناس اااا بقولك ايه يا خالد ماتروح انت بقا على اوضتك ولا انت ناوي تدخل معانا في الاوضة بتاعتنا ولا ايه الحكايه

خالد

لا طبعا هدخل اوضتي اهو انا بس عايز أوصيك على اختي تاخد بالك منها يامعلم محمود انا اختي معنديش أغلى منها ابدا

محمود

متقلقش ياخالد دي ست البنات انا هحطها في عنيا طبعا

وعدت الايام وفضلت بدرية في بيت محمود وبقت تتكلم مع الجيران واتعرفت على ناس كتيرة من بلده وفي يوم واحد شافها في السوق بتشتري حاجات وقال لها

تعرفي اني مكنتش اعرف ان الواد محمود ابن عم اسماعيل ده زوقة حلو اوي كده الا هو جاب القمر ده منين

بدرية

جرا ايه يا جدع انت انت بتعاكسني ولا ايه لا بقولك ايه ده انا مرات المعلم محمود يعني مش اي حد ااه

هو

ياستي هو انا يعني دوست لك على طرف انا بس بقول اعجابي بجمالك اصل الصراحة بلدنا مفيهاشواحدة في حلاوتك الواد محمود ده محظوظ اه والله

بدرية

طيب لم نفسك بقا بدال ماخليه يجي لك ويعرفك مقامك كويس انت سامع ولا لا بلا هم

قالت كلامها وسابته ومشيت بس الكلام كان عجبها وكانت بتفكر فيه كتير وعدت السنين وبدرية خلفت بنت وولد من محمود وقال لها في يوم

انا رايح الشغل يا حبيبتي انتي مش محتاجة اجيبها لك وانا راجع

بدرية

لا لا يا خويا انا عايزة سلامتك يا محمود وبعدين يا حبيبي ده انت مخلي البيت مش ناقصه حاجة ابدا ابدا

محمود

ياحبيبتي هو انا ليا بركة الا انتي يا بدارة يلا بقا انا ماشي لحسن هتأخر على الشغل

بدرية

صحيح هو خالد اخويا عامل معاك ايه في الشغل والنبي تخلي بالك منه يا محمود ومتقلش عليه في الشغل وكده

محمود

متقلقيش يا حبيبتي ده خالد ده اخويا الصغير اطمني انتي بس يلا مع السلامة

ومشي محمود وهي دخلت العيال اوضتهم وقفلت عليهم وندهت الشاب اللي هي تعرفه ودخل عندها وقال لها

ايه يا بدرية كل ده على ما يمشي ده بارد اوي انا كنت خلاص على اخري منه وهاين عليا ادخل واخلص عليه

بدرية

لا لا ياحبيبي متتهورش انا مش عايزة اخسرك يا علي انت عارف انت غالي عليا ازاى

على

ده انتي اللي غاليه عليا يا بدارة تعالي ندخل اوضتة النوم مش العيال مقفول عليهم الاوضة بتاعتهم

بدرية

ايوه قفلت عليهم عشان ميحسوش بحاجة يلا تعالي على جوه

وفضل يجي لها على كتير وبعد شوية زهقت منه واتعرفت على واحد تاني اسمه عبدالله وقالت له

انت عارف يا عبد الله انا عمري ماشوفت راجل زيك انت ياواد جبت الحلاوة دي منين كده دي بلدكم كلها مفيهاش واحد عدل

عبد الله

ليه بقا يابدرية ما أنا قدامك اهو احلى واحد في البلد ولا انتي شايفه ايه بقا

بدرية

هو انا شايفه حد غيرك يا عبده ده انت نسيتني جوزي وكل حاجة ده انا بنسى نفسي وانا معاك

وقعد معاها عبدالله وبعدها مشي وخالد رجع من بره وشاف وهو خارج من البيت وقالها

هو الجدع اللي كان خارج من البيت ده كان عند مين يا بدرية هو كان عندك هنا ولا ايه

بدرية عملت نفسها متعرفش حاجة وقالت له

جدع جدع مين ده ياخالد اااه انت تقصد اللي كان خارج قبل ما انت تيجي علطول ده الظاهر كده انه واحد كان جاي لمحمود

خالد

اااه طيب ماشي انا داخل اوضتي اصلي راجع من الشغل تعبان

ودخلت خالد اوضتة ورجع محمود من برة شايط ومخنوق وعمال يزعق ويقول

انتي يابدرية انتي ياهانم

خرجت له بدرية من المطبخ بسرعه وقالت له

في ايه يامحمود جرا ايه انت مالك داخل يذعابيبك كده ليه ياراجل الله

محمود

انتي كان عندك راجل هنا في البيت قبل ما اجي يا بدرية مش، كده ولا ايه

بدرية

يانهارك اسود راجل انا كان معايا راجل انت اتجننت يا محمود انت ازاى تتهمني اتهام زي ده ده انا هخرب بيتك

محمود

بقولك ايه يابت انتي هتعمليهم عليا ولا ايه انتي بتجيبي رجاله هنا في البيت بعد لما انا امشي انتي هتنكري ده الراجل اللي قدامنا مركب كاميرات في الشارع ووراني الرجاله اللي داخلة واللي خارجة من عندك يافاجرة

خرج خالد من اوضتة وطبعا صدق لانه هو كمان كان شاكك وقال لمحمود

طيب وانت عرفت منين الكلام ده يا محمود قبل ما تظلــ,,ـم اختي لازم اعرف انت عرفت منين وايه دليلك

محمود

انا في ناس قالو لي يا خالد علي اللي اختك بتعمله والبيت اللي في وشنا مركبين كاميرات مراقبة وشافو الرجاله واللي خارجة من هنا

خالد سمع الكلام راح عليها قام ضــ,,ـربها بالقلم على وشها وهي قالت له

انت بتصدق كلامة يا خالد ده كداب انت تصدق على اختك كده برضو

خالد

ايوه أصدق عليكي واخرسي خالص ومش عايز اسمع لك صوت انتي فاهمة وانت يامحمود شوف اللي يرضيك ايه واعمله وانا معاك فيه

محمود

أطلقها ومش عايزها على زمتي وتمشي انت وهي من البلد بحالها عشان الفضيحة والعار اللي صــ,,ـابني ده

خالد

وانا موافق يا محمود يلا بينا يابدرية نروح نشوف مكان تاني في بلد تانية

بدرية بتعيط

كده يا خالد كده خليتة يطلقني ياخويا ماشي ياخالد ماشي وانت يامحمود انا مش هسيبك انت فاهم

واخدت بدرية اخوها خالد وولادها ومشيت راحت بلد تانية مرضتش ترجع بلدها وكان معاها ذهب وقال لخالد

اسمع ياخالد انا معايا حتتين دهب انا هبيعهم ونشتري بيت هنا في البلد دي اهي محدش يعرفنا فيها وهنعيش هنا وخلاص

خالد بزهق وضيق

اللي تشوفيه اعمليه انا مش هاقولك لا على حاجة انتي دلوقتي واحده مطلقه بس يكون في علمك انا بعد الفضيحة اللي عملتيها لي دي انا مليش دعوة بيكي خالص بس اياكي تعملي الغلط تاني

بدرية

لا لا غلط ايه بقا ياخالد انا عمري ما عملت حاجة غلط ماشي

خالد

انتي ليكي كمان تتكلمي وتقولي انك معملتيش حاجة والله انا ماعارف اقولك ايه بس الله يسامحك يا بدرية يابنت ابويا وامي

وعدت الايام ورجعت بدرية تشتغل تاني في الخضار وفضلت توسع تجارتها لحد في يوم قالت لخالد

بقولك ايه انا قررت اجيب شباب اللي هما بيشتغلوا في المصنع اللي في البلد ده قررت اخليهم يجو ياحرو في البيت معانا اصلا

خالد

شباب ايه يا بدرية انتي عايزة تدخلي شباب غريب البيت انتي ايه عايزة ترجعي للايام الزبالة بتاعتك تاني اعقلي يابدرية مفيش حد هيدخل البيت ده ابدا

بدرية

يعني ايه يا خالد هو انت هتقولي مين يدخل هنا ومين لا لا ياحبيبي انت هنا تسمع الكلام وبس وملكيش دعوة بحاجة ابدا انت فاهم

خالد

لاااا انتي كده شكلك مش ناوية تجبيها لبر بقا يا بدرية انا هرجع البلد واروح لعمك وهو يجي بقا يشوف له صرفه معاكي ده انتي خليتها زفت خالص يا بدرية

بدرية

انت رايح فين يا خالد رايح فين بقا انت هتسبني وتروح لعمك اللي عمره ماسال علينا بكلمة واحده انت شكلك جرا في مخك حاجة ولا ايه

خالد

سبيني يا بدرية انا همشي يعني همشي انا اتخنقت منك على الآخر ومبقتش طايق تصرفاتك دي اوعي تكوني فاكراني نايم على وداني ومش عارف الرجاله والشباب اللي داخل عندك هنا ااد ايه لا ده انا مصحصح لك اوي

بدرية

برضو انا حره يا خالد ماشي وانت ملكش دعوة بيا خالص ويلا غور من وشي غووور

وبعدها خالد مشي يقول لعمة وفعلا قال لعمة على تصرفات اخته وقاله

اسمع ياخالد انا جاي معاك البت دي لازم تتربي من الاول وجديد عشان تعرف ان الله حق

وفعلا راح لها عمها واتخانق معاها وبرضو بدرية مبطلتش اللي بتعمله بالعكس زادت فيها وخالد سابها ومشي ومحدش يعرف هو فين وعمها قال لها

خالد اخوكي يا بدرية انا مش، شايفه بقالي فترة

بدرية

ماهو خالد راح لك ياعمي ومرجعش تاني من وقتها انا قولت اكيد قاعد عندك

العم

اخوكي من اللي عندي يا بدرية طيب اومال لما هو جالي معداش عليا ليه ولا شوفته لا لا اخوكي انا مش عارف راح فين بدرية

يعني ايه يعني هو انا هفضل اخمن واخويا مش عارفين عنه حاجة ابدا انا لازم اروح ابلغ القسم

العم

هتقولي لهم ايه بقا ياست بدرية انتي لازم تدوري على اخوكي وتعرفي هو فين اسألي الناس اللي كان بيشوفهم وبيقعد معاهم على قهوة في شغل في اي حاجة هيكون فين يابت

بدرية

حاضر يا عمي انا هسال عليه في كل مكان متقلقش انت ارجع البلد وملكش دعوة بحاجة

ومشي عمها وهي اتصلت بعبد الله اللي لسه معاه حتى بعد الطلا.ق وقالت له

تعالي ياحبيبي البيت فاضي عليا وانا مستنياك اوعي تتأخر عليا

وجه عندها عبد الله وقال لها

اومال الواد اخوكي فين مش باين ليه ده كان عامل زي العمل الردي جاته الهم رخم

بدرية

اخويا بقالو كام يوم واحنا منعرفش عنه حاجه ابدا بقولك ايه سيبك منه بقا هو كلها كام يوم ويضهر تاني يلا احنا بقا على السرير يا حبيبي ده انت واحشني اوي

وبعدها مشي عبد الله وعدت الايام وفي يوم عبد الله كان معاها وقال لها

ده ايه الريحة الوحشة اللي في الاوضة دي يا بدرية انا شامم ريحة وحشة اوي

بدرية

ريحة اااه اسكت اصل الأرانب اللي انا مربياها ما.تت وانا كنت ناوية ارميهم ونسيت خالص الصبح هرميهم المهم انت ركز بقا معايا الله

وعدت الايام وفي يوم كانت عندها جارتها وقالت لها

هي ايه الريحة اللي جايه من عندك دي يا بدرية دي ريحة وحشة اوي ياختي يلهوي دي زي مايكون حاجة م.يته

بدرية

ااه ده البط اللي انا كنت مربياه ما.ت كله يا ام إيهاب وانا ياختي كنت اصلا بربيهم عشان ابيعهم واكل فيهم لقمة عيش واهو كلهم راحو انتي متعرفيش انا حزينة اد ايه عليه

الجارة

طيب ياحتي نضفي بقا البيت و رشي حاجة فيه لحسن الريحة لا تطاق الصراحة انا مش عارفه انتي عايزة كده

وبعدها بكام يوم الناس بدأت تتكلم عن الريحة الوحشة اللي جايه من بيت بدرية وبلغوا الحكومة والشرطة جات وقالت لها

في بلاغ ان في ريحة وحشة جايه من بيتك والناس مش طيقاها انا عايزين نفتش البيت

بدرية

وتفتشو البيت ليه ياخويا ده بيتي وانا حره فيه

الظابط

احنا لازم نفتش البيت ونعرف في ايه بالظبط عشان الريحة دي بتاذي الناس اللي حواليكي وبعدها فعلا الظابط فضل يفتش وراحو تحت السرير واكتشفو المصيبة الكبيرة

الظابط لقى جــ,,ـثة متحلله تحت السرير في حفرة الجــ,,ـثة دي متعفنة وبدون ملابس تماما ولما سال بدرية مرضتش تجاوب ولا تقوله دي جــ,,ـثة مين وقالها

انتي الإنكار مش هيفيدك يا بدرية اعترفي وقولي جــ,,ـثة مين دي

بدرية بارتباك

م م معرفش يابيه يمكن تخص الناس اللي كانو قبلنا ولا حاجة

وقتها الظابط قال للعساكر يفتشو البيت كله تاني وفعلا لاقو هدوم عليها د.م وبدرية مخبياها في الدولاب الظابط قال لها

هدوم مين يابدرية طبعا أنكرت انها تعرفها فسال ابنها وقاله

تعالي يا حبيبي قولي الهدوم دي بتاعت مين

الولد بص لامة اللي برقت له الظابط لما اخد باله قاله

متخافش ياحبيبي وقولي الهدوم دي بتاعت مين قول

الولد

الهدوم دي بتاعت خالو خالد اصل ماما خبطتة على راسة وقالت لي لو قولت لحد هتعمل فيا ايه كده

الظابط

انتي قتـ,ــ,ـلتي اخوكي يا بدرية اعترفي قتـ,ــ,ـلتيه ازاى

وحكت بدرية وقالت له

كان كل شوية بيهددني انه يروح يقول لعمه على اني بعمل حاجات غلط في البيت فتخانقت معاه وغصب عني لما لقيته بيشد معايا رحت خبطاه بالفاس على دماغة بس مكنتش اقصد يابيه ده اخويا وانا اللي مربياه

الظابط

اخوكي وانتي اللي مربياة تقومي تقـ,ــ,ـتليه حسبي الله ونعم الوكيل فيكي ياشيخة هي الدنيا جرا فيها ايه ازاى تعملي كده

بدرية

والله يا بيه انا مكنتش اقصد يابيه صدقني انا بس كنت عايزة اسكته هو اللي راح من الخبطة انا مكنش قصدي اعمله حاجة انا بس لما خبطه وهو راح قلعته الهدوم وقولت ادفــ,,ـنة جنبي ده اخويا اللي انا بحبه يابيه

الظابط

خدوها على البوكس

وبعدها اتحكم على بدرية وولادها رجعو لابوهم وهو اللي رباهم وبدرية اخدت جزاءها بسبب اللي كانت بتعمله في حياتها لأنها ظلــ,,ـمت نفسها

وبكده تكون خلصت حكايتنا