تمام يا نور هكلمك بليل وابقي ردي هه سلام وسابهم وخرج
نورهان اتنهدت بحزن وراحت قعدت علي مكتبها وبصت لعبد الرحمن وقالت بهدوء
اقدر اساعدك في حاجة يا عبد الرحمن
نورهان بصتله بحزن وقالت بتعب
لو سمحت يا عبد الرحمن الزم حدودك وياريت متدخلش في حياتي و..
متختبريش صبري يا نورهان عشان انتي لسة مشوفتيش عصبيتي
نورهان اڼهارت وقالت بدموع وهيا بتقعد
ده معتز خطيبي اتخطبنا امبارح ارتحت كدة اخرج برة بقي وملكش دعوة بيا
عبد الرحمن وطي وقرب منها وهو بيشاور علي نفسه
طب وانا بالنسبالك ايه هه اتخطبتيله وانتي عارفة اني بحبك وكنت بشوف نظرة الحب في عنيكي انتي كمان . انتي ازاي قدرتي تعملي فيا كدة ازاي قدرتي تخدعيني بملامحك اللي زي الملاك انتي طلعتي شيطانة
قال كدة وسابها ومشي وهيا حطت وشها بين ايديها وبقت ټعيط باڼهيار
كانت هاجر حاضنة جميلة امها وبتعيط وهيا وبتقؤلها بندم
انا اسفة حقك عليا يا ماما انا بس كنت مصډومة ماما انتي هتتعالجي وهتكوني كويسة
طبطبت جميلة علي ضهرها بحنان وهيا بتقؤل
انا عارفة يا حبيبتي. تعرفي انا مكنتش عايزة اقؤلك عشان متنهاريش كدة بس قولت لا لازم تعرفي عشان تبقي مستعدة والصدمة متكونش كبيرة عليكي
هاجر ح.ضنتها اكتر پخوف
لا متقؤليش كدة هتبقي كويسة ان شاء الله انا عندي ثقة في ربنا كبيرة وان شاء الله هتخفي
جميلة بصتلها بحب وباستها من دماغها وقالتلها
ان شاء الله يا حبيبتي تعرفي انا مبسوطة انك هتتجوزي عمر وكدة هبقي مطمنة عليكي اكتر
خرجت هاجر من حضڼ جميلة بسرعة وهيا بتقؤل
بس انا مش هتجوز عمر يا ماما
جميلة بصتلها باستغراب وقالت
ليه ده انتي كنتي فرحانة وبعدين مش هنكدب علي بعض انا عارفة انك بتحبيه يا هاجر
هاجر ابتسمت وباست امها من دماغها وقالت بحزن
بس هو مبيحبنيش يا ماما وانتي برضه عارفة
جميلة اتنهدت بحيرة وقالت
مش هتفرق يا هاجر انتي بشطارتك بعد الجواز تخليه يحبك
هاجر قامت وقالت بحزن
وانتي يرضيكي ان بنتك كرامتها تتهان كدة لا يا ماما انا عمر هطلعه من قلبي وحياتي وهو خليه مع اللي بيحبها وعايزها لكن اتجوزه ڠصب عنه او يتجوزني شفقة لا مش هيحصل
جميلة بصتلها بحب وقالت وهيا بتفتح دراعتها
ماشي يا عندية بس تعرفي عندك حق
هاجر ابتسمت ود*فنت نفسها في حضڼ امها وهيا بتستمتع بيه و بتقؤل بغرور مصطنع
طبعا يا ام هاجر انا دايما عندي حق وضحكو هما الاتنين سوا بصوت عالي
تاني يوم كان الكل متجمع في بيت جميلة المرادي وكانه كلهم حواليها حتي عبد الرحمن مراحش جامعته وكذلك عمر مراحش المستشفي بس كلم رنا طمنها وكان الجو كله هزار وضحك وفرحة لحد ما سهير اتكلمت وهيا بتبص لهاجر اللي في حضڼ جميلة
ها يا جميلة مش هتحددو كتب الكتاب امتي ولاانتو بتتقلو علينا
هاجر رفعت راسها وهيا في حضڼ جميلة وبصتلها بحزن وجميلة برضه بصتلها وابتسمت وهيا بتحرك راسها وبعدين بصت لسهير وقالت بهدوء
هاجر مش عايزة تتجوز عمر يا سهير وانا مش هغصبها علي حاجة طول منا عايشة
عمر اټصدم وبص لهاجر اللي حاولت تتجنب نظراته وكانت باصة قدامها بشرود
سهير استغربت وقالت
ازاي ده مش كنتي موافقة يا هاجر ايه اللي غير رأيك
هاجر بصت لعمر ورجعت بصت لسهير وقالت بمرح
ايه يا سوسو انتي كنتي طمعانة فيا عشان امسحلك الشقة كل يوم مش كدة طب مش هيحصل بقي
ضحكت سهير وقالت بجدية
ليه بس يا هاجر انتي مش عايزة تطمني امك عليكي وبعدين هو عمر وحش ده قمر اهو
عمر بصلها پصدمة و……….. يتبع
احببت_صغيرتي
الجزء الرابع
عمر بصلها پصدمة ورفع حاجبة وهو بيقؤل
بقي انا عجوز مش كدة
هاجر بصتله وطلعت لسانها وقالت بغرور
ايوة عجوز ووحش كمان وشاورت علي عبد الرحمن وقالت لو لازم حد من عيالك يا سوسو جوزيني الواد الحليوة ابو غمازات ده
ضحك عبد الرحمن وهو بيبص لعمر اللي مصډوم من كلام هاجر وقال بتريقة
متزعلش يا عمر بس دي الحقيقة وبص لهاجر وقال ماشي يا جوجو وانا موافق
الكل كان بيضحك علي نقارهم بس عمر كان مستغرب ان هاجر رفضته وكمان بتعامله عادي وبتهزر معاه زي الاول وجه في باله الكلام اللي قالتهوله في البلكونة لما اعترفتله بحبها وكان محتار اوي وكان متابعها بعنيه وهيا داخلة المطبخ فقام بهدوء ودخل وراها وكانت متابعاه جميلة بحزن علي بنتها
دخل عمر وشاف