اسكربت
احببت صغيرتي
كانت واقفة بطلتنا هاجر قدام المراية و بتظبط طرحتها وبتبستم بسعادة عشان انهاردة اخيرا هتظهر نتيجة الثانوية العامة اينعم خاېفة ومتوترة بس حاولت متتوترش وكل تفكيرها في حلمها اللي اتمنته طول عمرها والدافع الحقيقي للحلم ده هو عمر اخو هبة صحبة عمرها واختها وفي نفس الوقت جيرانهم من زمان اوي يعتبر عمر اللي مربيهم هيا وهبه مع بعض ولما كبرت وقلبها عرف الحب محبتش غيره بس هو مش شايفها غير طفلته اللي رباها علي ايده اتنهدت بتوتر وخرجت من القوضة ولقت امها قاعدة عالكنبة بتعب حاولت تداريه لما شافتها جاية عليها فقربت منها وباست ايديها وهيا بتقؤل
صباح الخير يا ست الكل عاملة ايه انهاردة
جميلة لما شافتها دارت تعبها و ابتسمت وطبطبت عليها وبتقؤل
صباح الفل يا بكاشة صاحية بدري يعني ده الضهر اذن تتحسدي ده انتي مش بتقؤمي غير العصر من بعد ما خلصتي امتحانات
قعدت هاجر جمبها وهيا متوترة اوي
انهادرة النتيجة هتظهر يا ماما انا خاېفة اوي
جميلة ابتسمت وقالتلها بحنان
مټخافيش يا حبيبتي ربنا عارف انك تعبتي وان شاء الله مش هيضيع مجهودك ابدا
قامت هاجر وهيا بتقؤل
يا رب يا ماما انا هروح اشوف هبة بقي عشان منتأخرش اصل ابيه عمر هيودينا انهاردة نجيب النتيحة سوا
جميلة قامت وهيا بتقؤل بحب
ماشي يا حبيبتي وسلميلي علي خالتك ام عمر لحد ما ابقي اروحلها اما اخلص الاكل
خرجت هاجر من شقتها وراحت خبطت عالشقة اللي قدامها اللي فيها عيلة هبة و يعتبر هاجر متربية وسطهم وهما بيعتبرو هاجر وامها جزء منهم وانهم عيلة واحدة من بعد ما ابو هاجر ماټ وهيا لسة طفلة هاجر كانت بتخبط جامد عالباب وهيا بتقؤل بصوت عالي
يا قوم افتحو الباب انتو لسة نايمين
فتحت سميرة ام هبة وهيا بتقؤل بمرح
ايه يا بت هتك.سري الباب وهدفع امك حقه
دخلت هاجر بسرعة وباستها من خدها وهيا بتقؤل بمرح
كدة واهون عليكي يا سوسو يا قمر انتي تدفعيني حق الباب المكحكح بتاعكو ده
ضحكت سميرة علي كلامها
اه يا بكاشة مش هخلص من لسانك ده يلا خشي صحي البقرة اللي نايمة جوة دي عمالة اصحي فيها من بدري عشان تعدي عليكي وتروحو تجيبو نتيجتكم ومش راضية تقوم
هاجر شهقت پصدمة
بقي لسة نايمة كل ده طب انا هوريها وجريت علي جوة بسرعة
كان عمر قاعد في كافيه مع بنت جميلة اوي وماسك ايديها وبيقؤلها بحب
وحشتيني جدا بجد يا رنا انا مكنتش متخيل اني هقدر مشوفكيش المدة دي كلها
ابتسمت رنا بخجل
وانت كمان يا عمر وحشتني اوي بس ڠصب عني كان لازم اسافر بابا كان تعبان وانت عارف محدش ماسك المستشفي هناك غيره وكان لازم اكون معاه
عمر بتنهيدة وقلق
انا لازم بقي افاتح امي واخواتي في الموضوع عشان نرتبط بسرعة انا مش عايز نفضل كدة كتير كدة
رنا وهيا بتسحب ايديها منه
طيب وليه يا عمر سيب كل حاجة في وقتها انا لسة عندي طموح وانت عارف اني نفسي افتح قريب مستشفي بأسمي
عمر رجع بضهره لورا وقال باستغراب
مش فاهم ايه علاقة ارتباطنا بطموحك يا رنا ما انا كمان دكتور ورئيس قسم كمان يعني عارف احساس انك عايزة يبقي ليكي كيان وانا معترضتش يبقي فين المشكلة
رنا ردت بتوتر وهيا بتقرب منه و بتمسك ايده
حبيبي افهمني انا بس خاېفة انشغل بالجواز والمسئولية والولاد عرفت اكيد انت فاهمني يا عمر بليز متزعلش مني
عمر سحب ايده بهدوء وقالها
افهم من كدة ان طموحك اهم من بيتك وجوزك وكمان ولادك اللي مش عايزاهم اصلا يجو عشان خاېفة علي طموحاتك
رنا قالت بسرعة عشان تصلح الموقف
لا طبعا يا حبيبي مش قصدي كدة بص خلاص يا عمر بليز متزعلش انا موافقة كلم انت اهلك وانا هدي بابي خبر عشان يبقي عارف
عمر فرح من كلامها وابتسم وقالها بحب
ايوة كدة خوفتيني يا رنا كنت فاكر ان مستقبلك اهم مني ومن حياتنا سوا خلاص انتي متكلميش باباكي دلوقتي هظبط مع اهلي الاول وبعدين هكلمك تبلغيه بالمعاد
ابتسمت رنا بتوتر
اوكي بيبي زي ما تحب
عمر وهو بيقوم وبيطلع فلوس يحطها عالترابيزة
يلا بينا بقي عشان عندي مشوار مهم جدااا
رنا قامت وقالتله بموافقة
اوك وانا كمان عندي ميتنج شغل يلا بينا وفعلا خرجو من الكافيه سوا وكل واحد ركب عربيته ومشي
كانت قاعدة هبة عالسرير وبتنشف وشها وهاجر قاعدة قدامها متغاظة منها فقالت بغيظ
بقي انا متفقة معاكي من امبارح واجي الاقيكي نايمة طب حتي يا بعيدة مش قلقانة من النتيجة ازاي يجيلك نوم اصلا
هبة ردت وهيا بتتاوب بكسل
يا بنتي ماهو انا كنت ناوية بس بصراحة كان في فيلم حلو اوي الواد عبد الرحمن اخويا قالي انه جاي وقعدت اتفرجت عليه ده اللي سهرني
هاجر قامت وقالت بغيظ
ماشي يا عبد الرحمن اما وريتك ماشي وبصت لهبة وقالت پغضب وانتي لسة هتقعدي يلا غيري خلينا نروح نشوف عملنا ايه انا قلقانة اوي
وهما بيتكلمو سمعو صوت عمر برة فهاجر قلبها دق وفرحت اوي انه هنا وقالت بسرعة وهيا بتشد هبة
يلا بسرعة عمر شكله هو كمان صحي يلا عشان نقؤله يودينا زي ما وعدني
هبة قامت بسرعة وغيرت هدومها وخرجو واول ما عمر شافهم ابتسم وهبة جريت عليه و ح.ضنته وهيا بتقؤله
ابيه عمر انت كنت برة انا افتكرتك اصلا كنت نايم