41
بعد ساعه توجه الجميع الي غرفه سهي بعد ان اخبرتهم الممرضه بتحسنها فتوجه الجميع الي هناك و جلسوا يهنئون و يتحدثون الا آدم و الذي بدا عليه الحزن و الشرود لم يلحظ هذا غير سهي و احمد الذي قال للجميع:
احمد:طب يلا يا جماعه بقي نسيبهم لوحدهم
الجميع(وهم يخرجون):حمدلله علي السلامه يا سهي
سهي(بابتسامه):الله يسلمكوا (ثم استطردت قائله لادم)مالك؟
آدم(وقد لمعت عبره في عينه):مفيش
سهي(وهي تمسك يديه):مفيش ايه بس مش انت بتحكيلي كل حاجه و كده بقي ها قول
آدم(محاولا تغيير الموضوع):صحيح هنسمي بنوتتنا ايه؟
سهي(وهي تنظر له بحماس):صحيح شوفتها شبه مين؟
آدم(وهو يخفض رأسه):لا انا مشوفتهاش
سهي(بلهفه):ليه مالها فيها حاجه
آدم(وهو يهدئها):لا مفيهاش بس انا اللي مكنتش عايز
سهي:اه فهمت
آدم(باستغراب):فهمتي ايه؟
سهي(وهي تنظر له بعمق):لما انا كنت في العمليات و اتأخرت و بعدين طلعوا البنت انت كنت خايف ان يحصلي حاجه و مكنتش عايز تشوفها عشان كنت هتعتبرها هي السبب في اللي حصلي لو كنت مت يعني مش كده؟
آدم(بذهول):عرفتي ازاي؟
سهي(بخبث):عرفت و خلاص بقي (ثم استطردت سائله)بس لو انا كنت مت انت كنت هتعمل ايه
آدم(وهو ينظر لها بحزن):متخلينيش اتخيل ابوس اديكي
سهي(بابتسامه):طيب خلاص هسامحك بشرط
آدم(باهتمام):ايه هو؟
سهي:نروح نشوفها احنا الاتنين مع بعض
آدم(بحزم):لا يا سهي مينفعش انتي لازم تفضلي كده كتير و مينفعش تتحركي
سهي(وهي تدبدب بيدها علي السرير):يوووووه بقي يا آدم انا عايزه اشوفها(ثم اكملت قائله)طب خلاص روح هاتها و تعالي
آدم(باندهاش):نعم؟
سهي(وهي تنظر له باستغراب):ايه انا قلت حاجه غلط روح جيبها و تعالي؟
آدم:لأ لأ اخاف تقع مني و لا يحصل حاجه تلزقيها فيا
سهي:متخافش مش هيحصل حاجه جمد بس انت قلبك و روح هاتها
آدم(وهو يقوم من علي السرير):ماشي ربنا يستر
و بعد عده دقائق جاء آدم وهو يحمل الطفله الصغيره و يداعبها بين يديه فقالت له سهي:
سهي(وهي تمد له يديها):هاتها هاتها
آدم(وهو يداعب الطفله و يجلس علي كرسي قريب من السرير):لأ
سهي(بترجي):يا آدم بقي هاتها
آدم(بطفوليه):ما قلنا لا الله
سهي(و هي تلوي شفتيها):يوووه بقي انا زعلانه (ثم استطردت قائله)بعدين مش انت مكنتش عايز تشوفها اصلا هاتها بقي
آدم(و كأنه تذكر شيئا):صحيح هنسميها ايه؟
سهي(مفكره):امم بص انا كان في اسم عاجبني بس لو مش عاجبك ممكن نفكر في اسم تاني
آدم:ايه هو طيب
سهي:لوجين
آدم(مفكرا):هو حلو بس مش كبير شويه يعني تبقي في KG1 مثلا و اسمها لوجين بعدين يعني ايه لوجين اصلا
سهي:لوجين يعني ماء الفضه بعدين ما احنا ممكن نقولها لولو لوجي اي حاجه يعني مش دي المشكله
آدم(بابتسامه):موافق تمام (ثم قال وهو ينظر لابنته)لوجي آدم الشاذلي حلو و الله
سهي(وهي تمد كلتا يديها):هاتها بقي
آدم(وهو يناولها الطفله):اهيه بس سمي الاول
سهي(وهي تأخذ منه الطفله):بسم الله الرحمن الرحيم (ثم تابعت وهي تنظر لها)ايه ده كيوت اوي و شبهك علي فكره
آدم(وهو ينظر لابنته):انا قمر كده
سهي(ممازحه):و مين قالك انها كده حلوه دي وحشه جدا
آدم(مداعبا ابنته):شوفتي يا لولو مامي يتتريق علينا ازاي
سهي(مداعبه ابنتها هي الاخري):شوفتي يا لولو بابي مكنش عايز يشوفك ازاي عشان تعرفي انه مش بيحبك
آدم(وهو يقرص سهي في يدها):لا بحبها و متقوليش كده تاني
سهي(وهي تضع يدها مكان القرصه):اه شوفتي خليكي شاهده بابي بيقرص مامي شوفتي
آسر(وهو يدخل من باب الغرفه):ده انتي وقعتي في عيله مجانين يا بنتي
سهي:يا مرحبا يا مرحبا آسر ذات نفسه هنا
آسر:اه و بشحمه و لحمه
سهي(وهي ترفع يد صغيرتها):اعملي هاي لعمو يا لوجي
آسر:ايه ده الله سمتوها لوجي؟
آدم:اه حلو؟
آسر:اه اوي
سهي(بغرور):اختياري لازم يبقي تحفه
آسر(وهو يمد لها يديه):طب هاتيها اشوفها
سهي و آدم(في وقت واحد):لأ
آسر(ضاحكا): حافظين مش فاهمين هاخدها اشوفها يا اما هخطفها و مش هتشوفوها تاني
سهي(بتحدي):و لا تقدر اصلا ده انا امـ,ـوتك
آسر:بقيتي متوحشه يا سهي
آدم(وهو يضـ,ـرب اخاه بكتفه):ملكش فيه و هوينا بقي عشان محدش فينا طايقك
آسر(وهو يغادر):ماشي انا همشي بس جاي تاني و هشوفها يعني هشوفها
آدم:غور
•••••••••••••••••••••••••••••••••
في المساء عادت سهي مع آدم الي منزلهما و ما ان دخلا حتي قال لها آدم:
آدم:البيت نور
سهي:بيا طبعا
آدم(وهو يحمل عنها طفلته):لا طبعا بلوجي
سهي(بطفوليه):و انا كمان
آدم:هششش انتي مين اصلا
سهي(بطفوليه):كده؟طب انا سعلانه
آدم(وهو يقبل وجنتيها):لا متزعليش انتي الاصل بردو (ثم قال وهو يتوجه الي السلم حملا ابنته) بصي بقي يا لولو (ثم قال وهو يدخل احدي الغرف)دي اوضتك يا رب تعجبك انا نقيتها انا و مامي و اي حاجه مش حلوه في الاوضه اعرفي ان مامي هيا اللي منقياها
سهي(ضاحكه): انت مسخره علي فكره (ثم استطردت قائله)في واحد يقول لبنته كده
آدم:و انتي مالك؟ لا بصي بقولك ايه علاقتي ببنتي محدش يدخل فيها
سهي:براحتك يا باشا (ثم قالت وهي تتوجه خارج الغرفه)انا هنام بقي تعبت تصبح علي خير
آدم(وهو يداعب طفلته):و انتي من اهله
•••••••••••••••••••••••••••••••••
رواية كيف أنسى.
بقلم سهى محمود.