قصص وروايات

اسراء هانى ٣

سكتت قليلًا وهمست: شوف بقى..

////

منى: كل ده بتغيري يا زفتة؟

سارة: كنت تعبانة نمت، إنتي عاملة إيه؟

منى: اديني لسة عايشة.

سارة: طيب قومي نخرج.

منى: ما ليش نفس.

سارة: والنبي يا شيخة، والنبي يارب تعدميني إن ما خرجتي.

منى بعبوس: قايمة يا زنانة.

ارتدت فستانًا أبيض بودود بنفسجي وحذاء بنفسجي، كان جميلًا جدًا يظهر جمال جسدها، ووضعت مكياجًا خفيفًا يخفي أثر دموعها، وذهبوا إلى مطعم كان بطابق علوي، كان إضاءته وجماله يخطف القلوب لكنه فارغ.

منى: الله، ده حلو أوي.

سارة: فعلًا يجنن.

منى: عرفتي المكان النضيف ده ازاي؟

سارة: أنا آه، شوفتوا على الفيس.

جلسوا قليلًا منبهرين بجماله.

سارة: حاروح الحمام ثانية وحدة.

منى: ما تتأخريش.

اشتغلت أغنية جميلة جدًا:

أنا أزعلك حبيبي ده إنت نور عينيا
أنا أزعلك لا لا والله ما يهون عليا
أنا كلمة بحبك أقولها لحد تاني
طب إن شاء الله إن حصل حبيبي يتقطع لساني
طب إن شاء الله أعدم عينيا
لو أزعلك حبيبي لو أزعلك حبيبي

ادمعت عينيها من الأغنية وتخيلت سيف يغنيها لها، وبعد أن توقفت الأغنية اشتمت عطره، وضعت يدها على قلبها تحاول تهدئتها.

سيف: بحبك.

انتفضت فجأة ووقفت بسرعة وسارت ناحية الباب تريد الذهاب، أمسك يدها.

منى: لو سمحت سبني، عايزة أمشي.

سيف: أنا آسف.

منى: آسف؟ هه، سيب إيدي لو سمحت.

سيف: اعطيني فرصة أوضح.

منى: توضح لو كان يهمني، سيب إيدي خليني أمشي.

جذبها بقربه ووضع وجهها بين كفيه يتأمل عينيها والحزن الذي بداخلهما بسببه، أغمض عينيه بعنف وتنهد.

سيف: ما فيش حاجة ممكن تبرر اللي أنا عملته، بس أنا شوفت كتير وتعبت كتير.

منى: تعبت؟ تروح لدكتور وتسبني أمشي، إذا سامحت.

سيف: بحبك.

رجف جسدها بقوة وجلست على الكرسي لتنهمر دموعها بغزارة، جلس على ركبتيه وأمسك يدها وقبلها بقوة.

سيف وصوته يخرج بصعوبة: اعطيني فرصة وحدة بس وأنا أصلح كل حاجة، وبعد كدة.

منى: اللي تكسر مش حيتصلح، إنت شكيت فيا يعني حتتكرر؟

هز رأسه بالنفي: فرصة وحدة، بعدها أوعدك مش حتشوفي وشي.

منى: إنت جرحتني أوي.

سيف: بحبك.

منى: أنا قلبي وجعني أوي.

سيف: بحبك.

منى: ومش حاقدر أسامحك.

سيف: بحبك.

وقفت وذهبت ناحية الباب دون أن تتكلم، وتركته ينظر إلى الأرض وهو يقبض يده بقوة. أدارت ظهرها له.

منى: ودي رموشك ولا تركيب؟

ليقطع المسافة بينها بسرعة ويجذبها من خصرها لتصطدم بصدره، وضمها بقوة دافنًا وجهه بعنقها يكتم شهقاته وألم قلبه.

منى: الفرصة دي وبس، بعدها مش…

لتكمل كلمتها في فمه، قبلة متمكنة للغاية رومانسية لأبعد الحدود جعلتها تفقد قدرتها على النطق، تركها بعد فترة ليست بقليلة تأخذ نفسها ووضع جبهته على جبهتها يشتم عبيرها.

سيف: ما فيش بس، دلوقتي فرحة وحب وبس، نفسي أجرب شعور تكون مع حد بتعشقه.

منى: بتعشقه؟

سيف: أيوة، بعشقه. محمد قالي البوسة من اللي بتحبه حتخليك طاير، وأنا السعادة اللي في قلبي تتوزع على بلاد.

منى: بس بترجاك ما توجعني تاني، المرة دي حتكون القاضية.

سيف: مش حيحصل، أوعدك، أنا آسف عن أي وجع سببته ليكي.

وضمها بقوة مطمئنًا قلبه أنها بجانبه.

منى: صحيح، هيا سارة كانت متفقة معاك؟

هز رأسه بالإيجاب وتكلم بوجع: جميلها ده عمري ما حانساه، نورتني على حاجات كتير أوي كانت غايبة عني، دي بتحبك أوي فعلًا، صاحبة جدعة.

منى: حسابها معايا بعدين، أنا واقعة من الجوع.

سيف: يا قلبي، من عينيا، أنا خليت محمد يحجزلي المطعم ده كله عشانك، اختاري الأكل اللي نفسك فيه، أنا كمان جعان أوي، الأكل معاكي له طعم حلو أوي.

////

في مكان ما، انتهى أخيرًا من تشطيب شقته ليتقدم لخطبة فتاة لا يرى غيرها، عندما كان صغيرًا كان يقول لها سأتزوجك، والأهل يضحكون بشدة ويقولون فقط أجهز وسوف نوافق، ومع أنه كبر إلا أنه ما زال يعتبر كلامهم رسميًا.

بعد أن أصبح مهندس كمبيوتر وجهز شقة رائعة جدًا بها الألوان التي تحبها.

دينا: تجنن يا أدهم، ربنا يسعد قلبك يا ابني يارب.

أدهم: حبيبة قلبي يا أمي.

دينا: فاضل العفش وطقم النوم.

أدهم: لا طبعًا، هيا اللي حتختارهم، حقها.

دينا: تمام، أنا قولت لمرات عمك حنتقدم الليلة عشان نخطبها.

أدهم: حلو أوي، حاروح أشتري بدلة ليا وعباية حلوة تليق بأم العريس، أكدتي على بابا يا أمي؟

طارق: طبعًا، وأنا أقدر أتأخر؟ وجيت بدري كمان.

اقترب منه وقبل يده.

أدهم: خايف يا بابا يرفضوا.

دينا: ليه يرفضوا؟ هما يطولوا.

طارق: إن شاء الله حيوافقوا، عمك أبو أحمد عارف إنك بتحبها وبتجهز نفسك تتقدم ليها، استنينا يعمل العملية ويرجع، والحمد لله رجله بقت أحسن، ومنى من زمان وهي عارفة إنه عينك منها وبتحبها، وهي كمان شكلها كدة.

أدهم بابتسامة وضربات قلبه تزداد: هانت، كلها كام يوم وحلم حياتي يتحقق وتكوني ملكي يا أحلى منى.

يتبع… إسراء هاني.

بارت ١٤

بعد أن استسلمت له بكل كيانها، فاقت لنفسها تؤنب نفسها بشدة على فعلتها، كانت متأكدة أنه أتى ليغلق كل شيء، ماذا يريد منها بعد ذلك حتى لو كتب كتابهم؟

محمد: احم، عمي، احنا كنا على أساس الفرح كمان أسبوعين.

الأب أبو يوسف: أيوة، آخر الشهر.

محمد: بستأذن حضرتك نلغي المعاد.

شعرت كأنها تختنق، دموعها هبطت كالشلال.

أبو يوسف: نلغي ليه؟ حصل إيه؟

محمد: احم، لا مش قصدي، أنا كلمت القاعة وكان في فرح في نفس اليوم.

أبو يوسف: طيب نخلي يوم تاني.

محمد: ما هو أي معاد تاني حيكون مش أقل من ٣ شهور.

إسراء لنفسها: بعد ما كنت بتزق الأيام عشان نكون مع بعض، دلوقتي عايز تأجل ٣ شهور؟ وأكيد بعدها حتقول ما فيش نصيب.

أبو يوسف: ٣ شهور ومالو يا ابني؟

محمد: لا، إيه يا عمي؟ وماله؟ أنا الأسبوعين كانوا سنة عندي، حاستنى ٣ شهور.

أبو يوسف: مش فاهم حاجة، يعني حتعمل إيه؟

محمد: احم، بعد إذنك لقيت معاد قريب.

تسمع إليه وصدرها يعلو ويهبط وتكاد تموت من شدة خوفها.

أبو يوسف: امتى يعني؟

محمد: يعني لو تقدروا تضغطوا نفسكوا، لأني حجزت الفرح بعد بكرة.

أبو يوسف: بعد بكرة؟

لتفتح الباب مسرعة راكضة نحوه، وقف استقبلها بحضنه بترحاب شديد يضمها بين يديه كأنها أعظم انتصاراته.

إسراء: كنت فاكرة إنك…

محمد بهمس في أذنها: إني يا مجنونة؟ أنا بعد ما دوقت كل حاجة مش حاستنى ولا دقيقة تانية.

ليرتخي جسدها بين يديه فاقدة وعيها من شدة خوفها.

محمد برعب: إسراء، إسراء، نور عيني، مالك؟ فيكي إيه؟ إسراااااء، ردي عليا!

////

أبو أحمد: وطبعًا احنا مش حنلاقي زي أدهم لمنى، ده راجل ابن راجل.

طارق: حبيبي يا أخويا، أخيرًا حيصير نسب بينا.

أدهم بسعادة شديدة: طيب نقرأ الفاتحة يا عمي.

دينا: شوف الواد مستعجل ازاي.

ضحكوا بقوة عليه، وبدأوا يقرأوا الفاتحة بينما هي من شدة صدمتها لم تنطق بكلمة، ما زالت تحت تأثير الصدمة حتى أنها لا تشعر بما يدور حولها.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى