قصص وروايات

اسراء هانى ٣

أدهم: احنا يا عمي نخلي كتب الكتاب الخميس الجاي.

سارة: احم، خميس جاي إيه؟ منى بتقدم امتحانات ولازم تركز عشان تفضل الأولى، وحاجة زي كدة حتعطلها.

أدهم بغيظ: احنا حنكتب الكتاب والخطوبة بعد الامتحانات.

سارة وهي توجه الكلام لوالد منى: عمي، أرجوك، أي حاجة ممكن تأثر عليها أأجلها.

أدهم: هو أنا حعمل إيه لم نكتب الكتاب؟

أحمد: سارة معها حق، إنت استنيت كتير، استنى الشهر ده تخلص امتحاناتها بعدها نكتب.

أدهم وهو يود ضرب سارة: تمام، حاستنى الشهر ده.

منى: عن إذنكوا، عندي مذاكرة.

تركتهم وركضت لغرفتها، نزلت على ركبتيها تأخذ نفسها بصعوبة، شعرت أنها تختنق، أزالت الحجاب وحاولت أخذ نفسها.

لحقت بها سارة ضمتها بقوة، كانت تبكي بحرقة على صديقتها لكن منى ما زالت تحت تأثير الصدمة.

سارة: اهدي، كل حاجة حتكون كويسة صدقيني.

منى: أنا، أنا مش حاقدر أكون لحد غير سيف.

سارة: إن شاء الله حيكون من نصيبك، لسة شهر، اهدي وادعي وربنا يقدم الخير.

منى: سارة، أنا ما اقدرش أعيش من غير سيف يا سارة.

سارة: عارفة، والله عارفة، ما ينفعش تكوني كدة، فيه امتحانات وفيه مستقبل.

منى: هه، مستقبل؟ إنتي ما شوفتهوش قبل شوي عامل ازاي؟ ده كان مصمم يجي يتقدم، أنا اللي أجلت.

أمسكت هاتفها تتصل به حتى تطمئن قلبها.

سيف: لحقت أوحشك؟

منى بوجع: أوي، وحشتني أوي.

سيف: مال صوتك؟

منى: ما فيش، تعبانة شوية.

سيف بقلق: فيكي إيه يا قلبي؟ احكيلي، أنا سامعك.

منى: أنا نعسانة أوي، ينفع تخليك معايا عالخط لغاية ما أنام؟

سيف: بس كدة عيوني؟ وإذا حابة ممكن أجي أنيمك في حضني.

منى: يا ريت.

سيف: لهجة صوتك مش مطمناني.

منى: صدقني ما فيش حاجة يا حبيبي.

سيف: الللللاه، حبيبي؟ حلوة أوي منك يا منى.

منى: آه حبيبي وقلبي وروحي وكل حاجة بتمناه.

رغم سعادة قلبه بكلامها إلا أنه تأكد أنه يوجد شيء ما جعل لهجتها هكذا، قلبها غير مطمئن.

سيف: نامي يا منى حياتي، أنا معاكي اهو.

/////

يقبل يدها بقوة يلوم نفسه مئات المرات أنه السبب في خوفها بسبب غلطته.

محمد: كان لازم أكون أوعى من كدة، ليه نسيت نفسي كدة من حبي فيكي يا إسراء؟ أنا آسف والله آسف، بعد بكرة حتكوني في بيتي وملكي، وكل ده حيتصلح.

بدأت تفتح عينيها، رفع عينيه ينظر لها بعيون راجية أن تسامحه، مدت يدها تمسح دموعه.

إسراء: بحبك.

ليقبل يدها بجنون ودموعه ما زالت كالشلال.

محمد: جهزي نفسك بعد بكرة، مش مطلوب منك غير فستان الفرح والكوافير، الباقي عليا أنا.

هزت رأسها بالإيجاب ليقترب منها ويضع رأسه على كتفها، وضعت يدها على رأسه تملس عليه بحنان فهو بالنسبة لها أغلى ما في حياتها.

//////

جميلة: إنت تقوم تخف و تطلق بنتي بسرعة.

خالد: أطلقها؟!!! أنا كنت ميت اكتب عليها عشان أطلقها؟ ده أنا ما صدقت.

جميلة: اسمع يا د انت، أنا ما كنتش طايقاك من قبل ما تتقدم، لا إنت ولا أمك، تزيد الطين بلة، وتكون حياتك كلها خطر وضرب نار؟ ليه ملاقية بنتي؟ طلقها وحل عننا.

نظر خالد لجميلة ينتظر منها أن تتكلم، لكنها اخفضت عينها ولم تنطق بحرف.

خالد: مش حطلقها يا حماتي.

جميلة: مش لو كنت مت كنت ارتحت منك.

زينة: إنتي ما فيش حد مالي عينيك يا ولية؟ إنتي بعد الشر عنه إن شاء الله اللي بيكرهوا.

جميلة: قومي يا بت، مش خلاص مش حيموت؟ قومي، ما بقاش لينا لازمة هنا.

نظرت إليه وأكملت: إن مش عايز تطلقها بالذوق حارفع عليك قضية وأخلعك.

خالد بتحدٍ: ولا مليون قضية حيخلوني أطلقها يا أم مريم، الحاجة الوحيدة اللي كانت ممكن تحققلك اللي بتقولي إني كنت أموت، غير كدة طول ما أنا فيا نفس وحي أزرق، مريم مش حتكون لحد غيري، لو حاحرق بلاد.

لم تنكر أنها تكاد تطير من سعادتها لكن؟؟، هل تستطيع أن تخالف والدتها لأجله؟ فهي ليست أمها فحسب، بل صديقتها وحبيبتها وأختها، هي على قناعة دائمة أن كل شيء يعوض إلا الأم.

لكنها متأكدة أيضًا أن مئة عمر فوق عمرها لن يكون هناك أحد مثل خالد الذي يحبها حد الجنون.

سحبت يدها والدتها.

وهي تنظر للوراء هز رأسه بالإيجاب وهمس بشفتيه دون كلام: بحبك.

جميلة: إنتي تمشي معايا دلوقتي، نرفع قضية تخلعي.

مريم: يا أمي، إنتي ناسية الفيديو اللي مصوروا الناس؟ مش حترحمنا، احنا بعد الجواز بفترة نرفع القضية ونخلي يطلق.

جميلة: بحياة أمك تقنعيني إنك فعلًا عايزة تطلقي يا موكوسة؟ لكن ماشي، إنتي تتجوزي بعدين حلبسوا قضية يقضي حياته كلها في المساءلة ونخلص منه.

شعرت بانقباض قلبها فهي لا تستطيع بأي شكل من الأشكال أن تضره.

/////

سارة: إنتي ادخلي وأنا جاية وراكي.

منى بتعب: ماشي.

دخلت المحل تبحث عن أحمد لكنه ليس هنا.

كان هناك غرفة داخل محل، ذهبت تنظر بها لتجد فتاة بحضنه يقبلها بقوة.

شعرت بغصة في قلبها، رجعت للخلف لتُسقط شيئًا أصدر صوتًا، ترك أحمد الفتاة بفزع وركض يرى ماذا حدث، ليجد سارة تخرج راكضة من المحل.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى