
يدور في الجامعة كالمجنون باحثًا عنها بعد أن أنهى محاضرته التي لم تحضرها، يريد أن يجلب مايك وينادي باسمها. أين يجدها؟ لم يترك قاعة إلا دخلها.
وقف بسيارته أمام البوابة ينظر لكل فتاة تخرج، فهو لن يتحرك قبل أن يشرح لها سوء الفهم وأنه عمل ذلك لأجلها. حتى اشتم عبيرها أخبره قلبه أنها قريبة. خرج من السيارة يتأمل في كل وجه يخرج حتى لمحها.
ليتنفس الصعداء، نعم إنها هي، وأخيرًا. أسرع في خطوته كاد قلبه يخرج، ويركض يضمها بقوة. وقف أمامها لتتفاجئ به، نظرا لبعض طويلًا، ونظرتها عتاب أوجعه بشدة. اخفضت نظرها ومشت من أمامه، أمسك يدها ونظر إليها يحرك رأسه بالنفي ثم تركها.
سيف: احنا لازم نتكلم.
منى: ما فيش بينا كلام يا دكتور، والمواد اللي مسجلاها معاك أنا حاسحبها.
سيف: منى، اسمعيني، أرجوكي.
منى: عن إذنك يا دكتور.
أسرع بجوارها وهمس في أذنها.
سيف: إن ما سبقتنيش عالمكتب حشيلك قدام كل الجامعة، مجنون وأعملها.
نظرت إليه حرك رأسه بالإيجاب.
منى: وأنا مش حاروح عالمكتب.
سيف: يعني دي إشارة إني أشيلك؟ تصدقي ده من نفسي، أعرف تقيلة ولا خفيفة.
اقترب منها لتقول على عجل.
منى: خلاص خلاص، حاروح.
تركها تسبقه أمام عينيه حتى لا تذهب، يتأملها بعشق مدفون أخرجه فقط لأجلها. دخلت المكتب ليسرع ويدخل ويقفل الباب بسرعة.
منى بخوف: إنت قفلت الباب ليه؟ سيبو مفتوح.
اقترب منها وهو يهمس بصوت كاد يذيبها: خايفة مني؟
منى: لا، وحخاف من إيه؟ بس خلي مفتوح إذا سمحت.
قام بفتحه قليلًا ثم همس: هااا، كدة أحسن؟
منى: تمام، عايز إيه بقى؟ عشان حتأخر وعايزة أنام.
سيف: جعان وعايزك تعزميني على الغدا، إنتي مش سبق عزمتيني؟
منى: وإنت رفضت، وأنا عرضي مرة وحدة بس.
سيف: كنت مجنون ودلوقتي عقلت.
منى بنفاذ صبر: دكتور سيف، عايز إيه لو سمحت؟
سيف بحزن: أنا والله ما كان قصدي أطردك، أنا ما بقفلش الباب غير لما بتأكد إنك موجودة. يومها كنت متأكد إنك بأول الصفوف كالعادة، ودخل طالب قبل ما إنت تيجي طردته ومنعته يدخل، فلو سمحتلك تدخلي الكل كان حيتكلم عليكي، عشان كدة قولتلك ما تدخليش، مع إنه الوجع اللي في قلبي وأنا بقولك كدة كان أكتر من وجعك بكتير.
تنظر إليه بتفاجئ مما قال، شعرت بقلبها يهبط ورجفة لذيذة وقشعريرة صارت بجسدها لا تعلم سببها.
منى: احم، تمام، حصل خير.
سيف بصوت حنون جدًا: منى، أنا آسف.
نظرت إليه تتأمل بعينيه شديدتان السواد ورموشه الطويلة، فهو جميل وشخصيته جميلة جدًا.
منى: ورموشك دي حقيقية ولا تركيب؟
ضحك بقوة حتى ادمعت عينيه.
سيف: ده إنتي بتعاكسي بقى؟
منى: اممم، حاجة زي كدة، وليه أنا بس اللي لما تتأكد إنها جوة بتقفل الباب؟
سيف: مش عارف، حقيقي مش عارف، بس اللي أعرفه أن المحاضرة والجامعة والدنيا كلها مالهاش طعم وإنتي مش فيها.
توردت وجنتيها وكادت تنصهر وتفقد وعيها من تأثير كلماته ونظراته، بدأ صدرها يعلو ويهبط وأنفاسه تتسارع لتخرج مسرعة قبل أن تقوم بتقبيله.
سيف وهو يضحك بقوة: لذيذة أوي، الحمد لله إني وضحتلك، ارتحت.
/////
استيقظت لتجد نفسها في حضنه بلا غطاء تمامًا، نظرت إليه غير مصدقة.
هز رأسه بالإيجاب.
خالد: أيوة يا مريم.
يتبع… إسراء هاني.
بارت ٩
بارك الله لكما وبارك عليكما وجمع بينكما على خير.
كانت هذه الجملة هي التي نطق بها الشيخ، وقبل أن يكملها كان محمد قد جذبها لحضنه بيد واحدة يضمها بكل قوة، دافنًا وجهه في عنقها يشتم عبيرها حتى يصدق أنها أصبحت ملكه. يقبلها بنهم غير مهتم لمن حوله، فقد أصبحت له وحده ولن يبعدها عنه أيا كان الثمن.
أبو أحمد: احم احم، نحن هنا.
هالة: كل ده وما تعرفهاش ازاي؟ لو تعرفها…
محمد وهو يضمها بقوة أكبر: دلوقتي أقدر أقول إنها حبيبتي وقلبي وكل حياتي وملك قلبي، وما حدش حيقدر يبعدها عني لآخر يوم في عمري.
شعر في انتفاضة جسدها بين يديه، وجسدها أصبح مثل اللهيب. نظر إليها ثم غمز لها وهمس: جسمك زي النار بدون ما أعمل حاجة، كل ده من حضن؟
عض على شفتيه: اومال لو عملت حاجة تانية حيحصلك إيه؟
إسراء: بس يا محمد، أنا حسورق منك.
محمد بعشق: لا، عايزك فايقة، حنروح مشاوير كتير أوي.
إسراء: حنروح فين؟
أخرج من جيبه منديلًا ومسح المكياج عن وجهها، وهمس: ما استحملش أشوف حد يبصلك وإنتي حلوة، تعالي معايا وإنتي تشوفي حنروح فين يا قلب قلب محمد.
سحبها من يدها وخرج بها.



