
محمد: تصدق مش حينفع كدة.
إسراء: كدة ازاي؟
حملها لتشهق بخجل ودفنت وجهها بعنقه، وأنفاسها تسري في جسده جعلته يتنفض بقوة وقلبه كاد يخرج من مكانه من شدة تأثيرها عليه. أغمض عينيه ينهج بقوة وصدره يصعد ويهبط وأنفاسه تتعالى.
محمد: إنتي بتلعبي بالنار يا أسو، إنتي مش قدها.
إسراء: طيب نزلني.
محمد: حاكلك يا إسراء، صدقيني لاكلك.
خرج بها وضعها بالسيارة برفق، وربط الحزام قبلها قبلة حنونة بجانب شفتيها جعلتها تنصهر، ومشى ركب على الكرسي الآخر. نظر إليها طويلًا.
محمد بعشق: إسراء، أنا مش بحلم صح؟
إسراء: لا يا قلب إسراء، مش بتحلم.
محمد: مش مصدق.
اقتربت منه ببطء ووضعت كفها على وجهه وقبلته بجانب شفتيه من الخد الآخر. أغمض عينيه يستشعر قبلاتها وأنفاسها حتى كادت تذهب بعقله. نظر إليها يتأملها بعشق.
إسراء: وكدة لسة مش مصدق؟
محمد: أنا كدة تأكدت إني بحلم، أصل اللي بيحصل ده قلبي مش مستحمله.
إسراء: أنا معاك وفي حضنك يا روح قلبي.
محمد بصوت يرجف: إسراء، اوعديني عمرك ما تسبيني لأي سبب كان.
إسراء: أوعدك، بس إنت بقى اللي ما تسبنيش.
مستحيل، قالها محمد وهو يجذبها بحضنه بقوة حتى ألمها.
محمد: مستحيل أسيبك، ده لو على رقبتي يا قلب قلبي. يالا احنا نتغدى، أنا ميت جوع ونفسي مفتوحة عالدنيا كلها، بس نروح مشوار الأول.
إسراء: مشوار إيه؟
مشى بسيارته لتضع يدها بداخل يده وتنام على كتفه، فعلتها هذه جعلته يكاد يجن.
محمد: شكلي حخطفك يا أسو.
إسراء: أسو وكل حاجة فيها تحت أمرك يا قلب أسو.
وقف أمام محل مجوهرات وفتح لها الباب، هبطت منه بسعادة كبيرة. أمسك يدها بقوة.
إسراء: احنا جايين هنا ليه؟
محمد: شبكتك يا قلب محمد، هي ده حاجة تفوتني؟
إسراء: بس أنا مش عايزة غيرك.
محمد: والله عارف، وعارف إنك ما بتحبنيش عشان فلوسي، أنا متأكد، بس أنا بحبك وعايز أجيبلك الدنيا كلها.
دخل المحل وبدأ يضع أمامها أغلى وأجمل المجوهرات.
إسراء: محمد، مش عايزة غير دبلة عليها اسمك.
محمد: إسراء، ما تعبيش قلبي، اختاري كل اللي يعجبك.
اختارت سلسلة خفيفة وخاتم خطوبة ناعم جدًا.
محمد: بقى كدة؟
اختار لها طقمًا كاملًا واسنيال جميل جدًا، وغمز للبائع ليحضر علبة، وجدت بها سنسال عليه اسمه واسمها لتشهق بفرحة وتحتضنه بقوة.
إسراء: بس ده كتير عليا أوي.
محمد: كنوز الدنيا قليلة عليك يا قلب محمد.
جذبها من يدها وجلس بها مرة أخرى، ووقف بها أمام مطعم.
محمد: حناكل لاني ميت جوع، بس الأول لازم أحلي بيكي الأول.
نظر إلى شفتيها ابتلع ريقه بصعوبة والتهمهما يذيبهما بين شفتيه حتى كادت تفقد وعيها. للطرق ظابط فتح الشباك وهو يحاول التكلم لإيجاد صوته.
الضابط: طيب شوفلك ركنة أو شقة مفروشة.
محمد: احم، أنا مش فاهم.
الضابط: قوم معايا إنت والسنيورة وأنا أفهمك.
محمد: دي مراتي.
الضابط: أشوف اسمها في البطاقة وبطاقتها.
محمد: لا، منا اتجوزتها النهاردة فملحقتش أغير البطاقة.
الضابط: تبقى تقول ده في الاسم.
/////
دخل القاعة وقلبه يبحث عنها قبل عينه حتى شاهدها ليتنهد بارتياح، وبدأ بالشرح وهو ينظر إليها بلهفة يتمنى لو يجذبها لحضنه ليعرف طعمه وتأثيره.
سيف: وكدة احنا خلصنا المادة، و حنبدأ مراجعة المحاضرة اللي فاتت، حد عندو أي سؤال؟
رفعت طالبة يدها.
الطالبة بدلع: دكتور سيف، كلمنا عن نفسك، إنت حابين نتعرف عليك.
سيف وهو ينظر لمنى بعشق شديد: احم، اسمي سيف الخالدي، عندي ٣٢ سنة.
توقف وتنحنح بصوته ثم نظر إليها وأكمل: ومش متجوز.
طالبة أخرى: يعني حد زيك دكتور واحم وقمر كدة ليه ما تجوزش لحد دلوقتي؟
ضحك الجميع بقوة وأصبح وجهه شديد الاحمرار، تنظر إليه منى بشرار جعله يبتسم عندما شعر أنها تغار عليه.
سيف: عشان ما كنتش بفكر في الجواز وكنت عايز أحب الأول.
طالبة أخرى بدلع: وما فيش وحدة من كل اللي بتدرسهم خطفت قلبك؟
نظر إلى منى ثم هز رأسه بالإيجاب: انتهت المحاضرة، ياريت تذاكروا عشان نراجع المحاضرة اللي جاية.
طالبة بدلع: ليه بس يا دكتور؟ دي المحاضرة حلوة أوي أوي.
احم، يلا اخرجوا، عايز أخلص شغل، هتف بها سيف وهو يمثل انشغاله.
بدأ الطلاب بالخروج لتقترب منه منى وعينيها تقدح بالشرار. انتظرت حتى خرج الجميع، وقفت أمامه تنظر له بغيظ شديد.
منى: يعني حد زيك دكتور وقمر انننن مش متجوز؟ قالتها بغيظ وهي تقلد البنات.
سيف وهو يضحك بشدة على طريقتها: أنا ذنبي إيه؟ هي اللي قالت.
منى: وإنت كنت مبسوط وهما بيتكلموا بدلع وبيتغزلوا فيك.
اقترب منها حتى أصبح يتنفس أنفاسها.
سيف: وإنتي بقى اللي مزعلك؟ غيرانة؟
منى بتوتر: أزعل وأغير ليه؟ يعني إنت فاهم غلط على فكرة.
سيف: منى، أنا ميت جوع من امبارح، ما كلتش حاجة.
منى: طيب ما تروح تاكل، إيه اللي مانعك؟
سيف: ما بحبش آكل لوحدي.
منى: وإيه اللي مطلوب مني؟
سيف: تعزميني عالغدا.
منى بسعادة حاولت إخفاءها: إيه؟ ما خدتش المصروف من والدتك؟
سيف بابتسامة: تؤ، معقباني ونمت الليلة بفندق.
منى: صعبت عليا، حاعزمك على فول وطعمية.
سيف وهو يضحك بشدة: حد بيتغدا فول وطعمية؟
منى: إنت كمان حتتشرط.
سيف: خلاص حاكل أي حاجة، المهم تكوني معايا. أنا حسبقك بالعربية لقدام شوية عن الجامعة عشان مش حستحمل حد يبصلك بصة مش كويسة.
ابتسمت وهزت رأسها بالإيجاب. خرج هو في الأول لتتبعه بعدها بقليل، صارت أمام الجامعة لتجده ينتظرها، وبعد أن تأكدت من عدم وجود أحد صعدت إلى سيارته بسرعة.
سيف: دي تاني مرة تركبي في عربيتي، بس أول مرة صراحة ما كنتش طايقك.
منى: بقى كدة؟ ولا أنا صراحة؟
سيف: لا يا شيخة، ده إنتي من أول مرة وإنتي بتعاكسي فيا وكنت حتاكليني.
منى: إنت مغرور أوي ليه؟ من حلاوتك ولا من حلاوتك؟
اقترب إليها بشدة حتى أصبح أمام شفتيها مباشرة.
سيف وهو يتأمل خجلها بسعادة كبيرة: إيه؟ مش حلو؟
منى بصوت بالكاد يسمع: احم، يلا اطلع عشان نتغدى، مش عايزة أتأخر.
نظر إليها يتأمل ملامحها الهادئة الرقيقة ثم طبع قبلة على جبهتها اكتفى بها لأنه لا يريد أن يضايقها. نزل أمام مطعم على البحر هادئ وجميل جدًا.




