قصص وروايات

تغيرت حياتى ليله زفافى ٣

رانسي: حاضر، أنا هفضل هنا لما أطمن عليكي ونروح شقة بابا الله يرحمه، هي أفضل مكان لينا يا ماما.

ندى بتعب: زي ما تحبي.

خرجت من غرفة العناية وجلست بجانب الجد في صمت.

قرب إليها عمرو بأسف وندم ووقف أمامها.

عمرو: أنا آسف يا رانسي، حقك عليا، أنا غلطت في حقك كتير وجرحتك أكتر، أرجوكي سامحيني.

نظرت إليه نظرة عتاب ولوم ولم تتحدث، فضلت الصمت.

قرب إليها إياد وسحب يدها: تعالى عاوز أتكلم معاكي.

وذهبت معه ودخل غرفة ليتحدث معها.

إياد بحزن: كنتي فين اليومين دول؟ انتي مش عارفة كنت هموت من القلق عليكي، ماكنش لازم تسيبي البيت، اطلبي مني أي حاجة بس بلاش تبعدي، كنتي فين؟

رانسي: ودة شك ولا إيه؟

إياد: لا طبعًا، مش شك، أنا بثق فيكي ثقة عمياء، دة قلق وخوف عليكي.

رانسي ببرود: آه، واضح، أنا كويسة قدامك أهو، وانت عارف أنا عايزة إيه، بس انت رافض تنفذه، وأنا مش هفضل تحت رحمة حد، لأن ببساطة ماحدش في البيت يهمني، وأنا قولت قبل كدة بكرهكم كلكم.

إياد: مش صح، لو مش يهمك حد ماكنتيش استنيتي لما اطمنتي إن مروان رجع واطمنتي على علا وبعد كدة تمشي، وكمان عرفتي إن عمتي تعبت وجيتي المستشفى بسرعة تطمني عليها، مش انتي قولتي بتكرهي جدي وأمي وكلنا؟ صح ولا أنا غلطان؟ ولو كان حد فينا تعبان كنتي جيتي، عشان انتي جواكي بتحبي الكل، يمكن عمرو وأنا السبب، وبالأخص أنا اللي جرحتك، وأنا مستعد أعمل كل حاجة تطلبيها بس بلاش تبعدي، حتى لو طلبك ضد رغبتي، بس يكفيني إنك تكوني بخير وقدام عيني، مش تختفي تاني، بس بشرط.

رانسي بحزن: شرط إيه بقى يا أبية؟ ههههه.

الفصل العشرون

تغيرت حياتي يوم زفافي.

هتف إياد بعصبية: بلاش تقولي زفت تاني.

رانسي: قول شرطك وخلصني.

إياد: بما إن أنا السبب في تعبك، يبقى مش هطلق غير لو رجعتي رانسي زي الأول.

رانسي: يعني إيه؟ مش فاهمة.

إياد: يعني هنفصل عنك في هدوء وننفذ طلبك، بس تتعالجي وترجعي زي الأول، رانسي بتاعة زمان كدة، أكون مطمن عليكي، ها، قولتي إيه؟

رانسي بحزن: تفتكر كدة خلصت؟

إياد بحزن: أعملك إيه يا رانسي؟ عايزة تطلقي؟ أوكيه، بس كدة هتكوني أحسن، أرجوكي بلاش تحسسيني بالذنب أكتر من كدة، أقسم بالله بتقطع من جوايا عليكي، واللي حصل غصب عني، أنا آسف، أنا غلطت في حقك، أرجوكي سامحيني، تحبي أركع قدامك وأتذلل عشان تسمحيني وتنسي اللي حصل؟ أنا موافق، أنا عمري ما ترجيت حد ولا اتأسفت واتذللت لحد، لكن انتي غير أي حد، انتي.

رانسي بدموع: أنا إيه؟ سكت ليه؟

إياد بتنهيدة: مش هتفرق، اللي انتي عاوزاه هعمله، بس تبدئي جلسات العلاج النفسي، وأنا هحضر معاكي، وأطمن إنك بتتحسني، واللي هتقولي عليه هعمله، ماشي، اتفقنا؟

رانسي: أوكيه.

إياد: طب كنتي فين؟ طمنيني.

رانسي: كنت عند أبية يحيى.

إياد: أممم، طب كدة هترجعي البيت؟

رانسي: لا، مستحيل، مش هرجع المكان المغلق تاني، أنا ماصدقت أتنفس هوا نضيف مش يخنق، أنا وماما هنرجع بيت بابا اللي سابنا قبل كدة، أنا أخيرًا هعيش في بيتي من غير قيود ولا حد يعد عليا النفس اللي بتنفسه، وماما موافقة.

إياد بحزن: اللي تشوفيه، المهم تبقى مرتاحة ومبسوطة.

وصل يحيى المنزل وبحث عنها ووجد ورقة تركتها، وبعد قراءة محتوياتها علم بأنها في المشفى.

حاول الاتصال وجاء الرد.

رانسي: ألو، أيوة يا أبية، أنا فتحت الموبايل عشان أطمنك.

يحيى: طب طنط عاملة إيه؟ انتو في مستشفى إيه؟

رانسي بحزن: الحمد لله بخير، وبلاش تيجي، الجو هنا مش لطيف، أنا هفضل مع ماما وبعدين نخرج على شقة بابا، عارفها في المهندسين.

يحيى: أيوة طبعًا فاكرها، طب إيه رأيك تيجوا عندي كام يوم الأول؟

رانسي: لا يا حبيبي، مش هينفع، عاوزة أحس إن عندي بيت بقى، سبني أعيش الجو دة هههه، بس مفيش مانع تجيب مراتك وتيجي تزورنا بقى في بيتنا.

يحيى: أيوة يا عم الواثق، طب لازم نتكلم عشان موضوع إياد.

رانسي: لا اطمن، هو وافق على الطلاق، مفيش مشكلة دلوقتي، اشكرلي سلمى، وانت بقى تبقى تجبلي شنطة هدومي اللي عندك لما نوصل شقتنا ماشي.

يحيى: ماشي يا حبيبتي، خلي بالك من نفسك ومن طنط، ألف سلامة عليها.

رانسي: الله يسلمك، باي باي.

حضر خالد المشفى لزيارة ندى ورحب به الجميع.

انصدم من وجود علا التي أصبحت شاحبة الوجه وفقدت وزنها خلال الأيام الماضية، تلاقت العيون بندم وأسف من علا وعتاب ولوم من خالد.

فاق خالد من شروده على صوت إياد.

إياد: اتفضل يا خالد.

خالد بابتسامة: إزيك يا رانسي، حمد لله على سلامتك، وألف سلامة على ماما.

رانسي: الله يسلمك يا حظابط.

خالد: ههههه لسة مصرة على حظابط دي يا بنتي؟ أنا داخل على ترقية وانت تقولي حظابط ههههه.

رانسي: ههههه معلش بقى عديها آخر مرة.

خالد: طيب أنا اطمنت عليكم، معلش لازم أمشي، عندي شغل، ألف سلامة على طنط ندى.

محمد: الله يسلمك يا بني، شرفت ونورت.

رانسي: ممكن أوصلك؟

خالد بابتسامة: طبعًا.

سارت جانبه وطلبت منه التحدث في كافيه المشفى.

وذهب إلى هناك وجلس على تربيزة ليتحدثوا معًا.

خالد: عاوزة تقولي إيه بقى؟

رانسي: ههههه عاوزة أقولك حاجة مهمة، عارفة إن مش من حقي أدخل في حياتك، بس هدخل عشان أول لما ارتبطت بعلا أنا اعتبرت أخ كبير، وكنت ساعات كمان تنصحني في حاجات كتير، ممكن تديني فرصة أنصحك أنا المرة دي، رغم صغر سني، بس أنا شوفت كتير وعشت مشاكل كتير، يمكن مش تفهمني، بس مش طالبة منك غير حاجة واحدة بس تفكر فيها، وأوعدك مش هتكلم معاك تاني.

خالد: اتكلمي، مفيش داعي لمقدمة، أنا هتقبل منك أي كلام عشان انتي فعلًا اختي الصغيرة.

رانسي: هتستحمل ولادك حد غيرك يربيهم ويبعدو عنك يوم ورا التاني، وبعدين ينسوك وكانك مالكش وجود في حياتهم؟

هتقدر تعيش من غير شقوتهم في بيتك ولعبهم في حضنك وتشوف أحلى ابتسامة على وشهم؟ هتتحمل وتصبر قد إيه؟ فكر في كل دة، عاوزة أقولك أنا عشت في بيت جدي بس كنت زي المقيدة، مش عايزة يكون مصير مروان والنونو زيي، أنا الكل كان بيتحكم فيا، أنا جوايا مدمر، صدقني الولاد مش هيحسوا بالأمان والراحة غير في بيتهم في وجودك جنبهم.

خالد: رانسي، انتي فيكي إيه؟ اتكلمي.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى