قصص وروايات

تغيرت حياتى ليله زفافى ٣

رانسي بدموع: مفيش، أنا بقولك إحساسي بس، علا مهم حصل منها بس بتحبك، وآه غلطت، بس المفروض تحتويها بحبك وحنانك وطيبتك، التمس لها العذر وعوضها عن كل حاجة، مع الوقت هتنسى إنها جرحتك طول ما قلبك لسة بينبض لها، حاول وتعالى على نفسك شوية عشان تكمل حياتك مع حبك وولادك، بص، ممكن تعاقبها بس مش كتير، هي حامل في ابنك وتعبانة بردو، خليك حنين معاها هههه.

خالد: هههههه عشان خاطرك انتي بس هفكر.

رانسي بغمزة: عشان خاطر لولو هههههه.

خالد: لو احتجتي حاجة أنا موجود، كلميني ماشي.

رانسي: أكيد.

في غرفة العناية.

تحدث الجد مع ابنته وطلبت منة أن تذهب وتعيش في شقتها القديمة.

وعلم أنها رغبة حفيدته فوافق على قرارهم رغم حزنه على سير الأوضاع، ولكن اطمأن برجوع حفيدته.

وهو سوف يخضع لأي قرار ولن يغصب عليها في شيء بعد الآن.

علم الجميع بذهاب ندى وابنتها إلى شقتها القديمة وحزن على تركهم الفيلا.

ولكن هذه رغبتهم وحياتهم.

مر يومان في المشفى.

وكتب لها الطبيب على الخروج وأكد على عدم العصبية والتوتر والانفعال.

وجلبت جميع أغراضهم من بيت الجد وودعوا الجميع وذهبوا إلى بيتهم الحبيب.

الذي عاشوا فيه أجمل وأسعد لحظات حياتهم مع والدها الغالي.

شعرت بالراحة والأمان في بيتها.

دخلت غرفتها وجدت كل شيء كما كان في السابق.

سريرها الصغير وألعابها الخاصة وعروستها التي كانت تحتضنها وتنام بجوارها.

قذفت بكل طاقتها على الفراش.

وابتسمت بحب وأغمضت عيناها لتغوص في سبات عميق.

في فيلا العميري.

جلس بشرود في جنينة الفيلا.

وجده ماجد شاردًا وأراد التحدث معه.

ماجد: إياد، مالك؟

إياد بحزن: مش عارف، إن رانسي سابت البيت، أنا مخنوق.

ماجد: هون على نفسك يا صاحبي، وقولي حصل إيه في السخنة؟ أكيد حصل حاجة قوية تخليها تتغير وتسيب البيت وكل اللخبطة دي.

إياد: حصل كتير، أنا مخنوق ولازم أخرج الهم اللي جوايا.

ماجد: قلقتني، احكي حصل إيه.

إياد بحزن قص عليه كل ما حدث معه.

ماجد بصدمة: إيه؟ مش مصدق، ودانى انت تعمل كدة، وفي مين؟ رانسي يا إياد، رانسي.

إياد بحزن: والنبي أنا مش ناقص تقطيم، أنا بتقطع من جوايا على حالها وعلى اللي عملته.

الفصل الحادي والعشرون

تغيرت حياتي يوم زفافي.

إياد: قررت أبعد وأنفذ رغبتها في الانفصال، مش معقول هفضل جابرها على حياتها معايا، هطمن عليها بس الأول، وأرجع العين السخنة، هفضل هناك شهرين لما المشروع يخلص ويتسلم، وفي الوقت دة هعملها كل إجراءات الطلاق عشان هي تتحسن بقى وترجع زي الأول، عارف إنها صعب لأنها مكسورة، بس لازم أبعد وأديها مساحة الاختيار وتعيش حياتها زي ما هي عايزة.

ماجد بحزن: عارف إن صعب عليك، بس لازم فعلًا تبعد عن رانسي، ماحدش عارف نصيبه فين.

إياد بتنهيدة: خلي بالك منها في غيابي، وهبقى أطمن عليها منك.

ماجد: يبقى كدة مش ناوي تنسى؟

إياد: ماحدش بيقدر ينسى نفسه وحتة منه.

ماجد: ربنا معاك يا صاحبي.

تحدث إياد مع الدكتورة منة وطلب منها أن تخبر الدكتورة وتحدد موعدًا لكي تبدأ في علاج رانسي النفسي، وبعد عدة لحظات أبلغته بموافقة الدكتورة وأن تذهب إليها غدًا في العاشرة صباحًا في مشفى خاص بعملها، ووافق إياد على الذهاب إلى المشفى.

وقرر الاتصال وإخبار رانسي بموعد الطبيبة.

كانت نائمة لا تشعر بشيء وفجأة سمعت رنة هاتفها الذي أقلق نومها.

رانسي بكسل: يوة، عاوز إيه؟ دة أنا ماصدقت أنام بقى.

رانسي بنعاس: ألو.

إياد: شكلك كنتي نايمة، أنا آسف قلقت نومك.

رانسي: مش مهم، عادي، في حاجة حصلت؟

إياد: آه، الدكتورة منة لسة قافلة معايا، وعندنا ميعاد مع الدكتورة بكرة الساعة عشرة الصبح، لازم تكوني جاهزة وهعدي عليكي على الوقت نروحلها ماشي.

رانسي: بكرة؟ بكرة لازم يعني؟

إياد: لو عاوزة تخلصي مني بسرعة، إيه المانع؟ بكرة نخلص من كل حاجة.

رانسي: أوووف، ماشي، بكرة هستناك، في حاجة تانية؟

إياد: لا، خلي بالك من نفسك.

إياد: ومش معنى إن الطلاق هيبعدنا عن بعض، أنا هفضل ابن خالك، فاهمة؟ لو احتجتيلي في أي وقت هكون جنبك، ومش تترددي تطلبي مني أي طلب.

رانسي بتنهيدة ألم وتحدث نفسها: يا ريت كان ينفع ترجع أبية إياد اللي عرفته، وكان سندي وحمايتي وأماني، يا ريت فضلت كل حاجة بالنسبة لي زي زمان.

إياد: رانسي، انتي معايا؟ سكتي ليه؟

رانسي: آه، ماشي، تصبح على خير بقى.

إياد: وانتي من أهله.

بعد إغلاق الهاتف.

ظل يردد صدى صوتها في أذنه وحاول أن يغمض عينيه لكي يسترخي وينام.

بعد مكالمتها مع إياد جاف النوم عيناها وظلت شاردة تفكر في حياتها، وفجأة خطرت فكرة وقررت التنفيذ.

بحث في أغراضها عن كتبها الخاصة بالجامعة وأحضرت دفترًا وقلمًا وبدأت تخط بعض الخطوط العريضة والأحلام التي تريد تحقيقها في حياتها.

كتبت بأول صفحة:

أريد أن أجد هدفًا وأسعى لتحقيقه.

أريد أن أبحث عن عمل لتحقيق ذاتي، أريد أن أثبت وجودي في الحياة، لابد من العمل لكي أشعر بوجودي وكياني الخاص في هذه الحياة.
وأغلقت الدفتر وذهبت لتنام على أمل أن غدًا أفضل بإذن الله.

في الصباح استيقظت مع إشراقة الشمس، وجدت والدتها الحبيبة تداعب خصلات شعرها الأشقر.

فتحت عيونها بفرحة: صباح الخير يا نودى.

ندى: صباح الفل والياسمين يا قلب نودى، حضرتلك أحسن فطار.

رانسي: تسلم إيدك يا ست الحبايب، هصلي وأغير هدومي وجاية نفطر سوا.

ندى: أوعى تتأخري، الفول يبرد.

رانسي: الله، عاملة فول بجد؟ أيوة بقى.

ندى: لا وبيض عيون كمان عشان خاطر حبيبة قلب ماما.

رانسي: ربنا يخليك ليا يا ماما، جدو كمان بيحب الفول ومابيكلوش غير من إيدك صح؟

ندى: أيوة فعلًا.

رانسي: عارفة إنك زعلانة ومدايقة عشان بقينا بعاد عن جدو، ممكن تطلبي منه يجي يعيش معانا، لأنه هو محتاجك ومايقدرش يعيش من غيرك.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى