
رددت بعدم اهتمام:
اعمل انت اللي عليك وسيبني انا احل الأمور دي….ها قلت ايه؟
وافق الأخير على طلبها فهو يعبد المال وهي تعلم جيدًا أنه رمى شباكه عليها بسبب ثروة أبيها ولكن الأمر انتهى الآن وأصبح اللعب بينهما مكشوف ليتمم الزواج المزور ويظل الأمر حتى يعلم بحمل دارين فيذهب ليخبر زوجته حتى يفرحها ولكنها نظرت للأمر من منظور آخر.
جلست بهدوء ترتدي فستان أسود فلم يمر على وفاة أبيها الكثير ولا زالت حزينة عليه ولكن فور أن أبلغها أكرم بحمل دارين غضبت واحتقنت عيناها بالكره ورددت بحدة:
الحمل ده لازم ينتهي.
نظر لها بتعجب ودهشة وهو حقًا أصبح كالدمية بين يديها لمساومته على أسلوب معيشته الثري الذي اعتاد عليه.
قوس فمه بحدة وهتف بعصبية:
انتي ايه اللي بتقوليه ده؟ مش كنتي عايزة الولد يتكتب باسمك؟ ايه اللي اتغير؟
جلست بتريث واضعة قدم فوق الأخرى تهزها بعجرفة تردد بأسلوب متكبر:
فقدان بابي غير حاجات كتير….أولًا انت عارف انه كتب لي ثروته كلها وانا بصراحة مش عايزة حد مش من أصلي يورث فيا.
انحنى أمامها واستند على عجزتيه وهتف بتبرير:
الولد حيبقى ابنك و….
قاطعته بتأكيد:
لا طبعًا عمره ما حيكون ابني، وغير كده انت بنفسك قلت انها مستحيل تسكت وحتعمل شوشرة.
قاطعها بحدة:
مش قلتي حتتصرفي؟
أجابته ببرود:
اه قلت…وغيرت رأيي لان مش بعيد بعد ما يكبر يعرف الحقيقة وساعتها….
قاطعها:
انتي عايزة ايه بالظبط؟
ابتسمت بمكر ورددت:
حكتبلك نص ثروتي ليك بس بشرط.
زفر خانقًا وهتف:
شرط تاني؟
أومأت له ووجهها ينعكس عليه ضوء الشمس الساطعة من النافذة يظهر مدى مكرها ودهاءها فرددت:
ينتهي الحمل وتنهي اللعبة دي وبعدها بس حكتبلك نص ثروتي باسمك يا أكرم بس شرطي اللي حيكون موجود انك لا تتجوز عليا ولا يكون ليك ورثة يورثو في فلوس بابي وثروته….ها قلت ايه؟
صمت قليلًا يفكر في عرضها المغري له حتى اتخذ قراره وهتف بتأكيد:
موافق.
دلف منزله الآخر الذي تسكن به دارين وابتسم بتصنع وهو يجدها ترتدي لباس ليلي جذاب وتضيء الشموع وتضع أطباق الطعام على المائدة فقبلها برقة وجلس يتناول الطعام بصمت.
نظرت له بوجل وهتفت:
مالك؟
أجابها بزفرة خانقة:
ابدا…بفكر.
أسندت يدها على كفه وهتفت:
بحب.
بتفكر في ايه؟
ردد بصوت هادئ:
في الوقت المناسب عشان اقول لجيجي على الحمل.
أومأت بتفهم وهتفت بمهادنة:
استنى بعد الأربعين بتاع باباها، على الأقل تكون فاقت شوية.
أيدها موافقًا واحتضنها واتجه بها لغرفة نومهما حتى يبث لها أشواقه الزائفة وهي تشعر بانها داخل حلم جميل لا تريد أن تصحو منه ابدًا.
انتهى من حديثه معها فاتكأ بجوارها يسحب الهواء بداخله فأسندت رأسها على صدره الدافئ تداعب بيدها الشعيرات الصغيرة النابتة بصدره وتردد:
فرحت اوي انك حتبات معايا….بس انت قايل لها انك فين؟
أجابها:
هي أصلًا مش في البيت….سافرت عشان تحصر أملاك أبوها في البلد وتستلم ميراثها.
رددت بتعجب:
وليه مروحتش معاها؟ مش المفروض تكون جنبها في حاجة زي كده؟
قبلها من تجويف عنقها وردد بضيق:
جيهان مش محتاجة مني مساعدة…معاها المحامين والمحاسبين بتوع أبوها وغير كده انا محبش حد يتعامل معايا اني جوز الست، ولا ان حد يتهمني بالطمع.
قبلته قبلة عميقة وهتفت بحب:
انت طماع؟ دول ميفهموش حاجة…انا عمري ما قابلت راجل زيك يا أكرم.
احتضنها بقوة قاصدًا أن يدخلها داخل أضلعه وهتف:
كيرلي قلبي انتي.
أفاق صباحًا ودلف المطبخ ولا تزال دارين بسلطان النوم فجهز لها الإفطار ووضع ذلك القرص الذي أعطته له جيهان والذي من المفترض انه سيسهل من إنهاء الحمل.
دلف الغرفة حاملًا صينية الطعام وناداها برقة:
كيرلي….دارين.
استيقظت وهي تبتسم وتهتف بمرح:
الله….ريحة قهوة.
ضحك بتصنع وناولها كوب العصير الموضوع به قرص الدواء وردد:
مفيش قهوة يا أستاذة ولا نسيتي انك حامل في ابني…اشربي العصير افيد لك.
ارتشفت العصير بفرحة وأكملت تناول إفطارها وجلس هو بجوارها يرتشف القهوة وانظاره مسلطة عليها بتركيز حتى هتفت:
مالك بتبصلي كده ليه؟
قبلها من وجنتها وهتف:
بحبك.
بمرح طفولي رددت:
لا معلش انا متعودتش اخد حاجة ومردهاش.
فأقبلت عليه تقبله هي الأخرى وهي تردد بصوت ساحر:
انا بقى بعشقك يا أكرم.
غاب عن واقعه من تأثيرها المهلك عليه فأزاح صينية الطعام بيده وأراح جسدها ليسحبها معه في عالم الأحلام الكاذبة الذي يوهمها به.
خرج من المرحاض ليرتدي ملابسه بعجالة وهو يردد بلهفة:
انا اتأخرت اوي…..الله يسامحك يا كيرلي.
ضحكت ضحكة لعوب وبدأت بارتداء ملابسها هي الأخرى لتذهب معه للعمل ولكنها أوقفها:
ريحي انهارده، بلاش تروحي.
نظرت له بريبة وهتفت بتذمر:
آاااه….شكل الحمل ده حييجي على دماغي، من اولها حتقعدني من الشغل؟
أجابها وهو يطبع قبلة رقيقة على صدغها:
لا ابدا…بس عايزك ترتاحي عشان بالليل ناوي اخدك ونخرج شوية بما ان جيهان مش هنا.
وافقت بالطبع على أمره وظلت طوال اليوم بمنزلها حتى بدأت تشعر بألم حارق يقطع جوفها وبطنها حتى رأت قطرات الدموع فتخوفت بشدة.
هاتفته تخبره بالأمر فعاد سريعًا واصطحبها للطبيب ولكنها هتفت بضيق:
كنت عايزة الدكتورة اللي ناوية اتابع معاها يا أكرم.
زفر باختناق وردد بصورة هادرة:
أي دكتور والسلام يطمنا عليكي يا دارين….مش طالبة دلع الله يكرمك.




