كبرياء وفراق وحب:
فداء كانت بنت من شبرا عندها خمسة وعشرين سنة عايشة مع امها ياسمين في اوضة وصالة فوق السطوح بس مليانة رضا وحب الدنيا كلها امها ياسمين ست طيبة اوي كانت موظفة زمان في مملكة الاسد اللي هي اكبر شركة استيراد وتصدير في مصر كلها بتاعة يوسف السيوفي الملياردير اللي الكل بيخاف منه وبيعمل له الف حساب امها تعبت وجالها القلب وبقت محتاجة عملية غالية اوي وفداء كانت لسه متخرجة من تجارة وبتدور على شغل باي طريقة عشان تجيب فلوس العملية وفي يوم جالها تليفون من واحدة صاحبة امها اسمها ندى كانت بتشتغل لسه في مملكة الاسد قالت لها يا فداء فيه وظيفة سكرتيرة مؤقتة عند يوسف بيه نفسه البنت اللي كانت شغالة مشيت فجأة ومحتاجين حد بسرعة اسبوعين تلاتة بس المرتب كويس اوي فداء ما صدقتش وقالت لامها ياسمين ادعيلي يا ماما انا هنزل بكرة الصبح بدري اروح الشركة دي وربنا يسهل تاني يوم الصبح فداء لبست بلوزة بيضا بسيطة وجيبة سودا وربطت شعرها واخدت المترو لحد وسط البلد ودخلت برج الاسد اللي كان عالي اوي وكل حاجة فيه بتلمع من كتر الفلوس والفخامة طلعت الدور التلاتين وهناك قابلت فؤاد مدير الامن اللي كان راجل كبير وطيب قال لها انتي فداء الجديدة صح تعالي يا بنتي ده مكتب يوسف بيه جوه بس خلي بالك ده عصبي اوي ومش بيحب الغلط دخلت فداء المكتب لقت واحد قاعد على كرسي كبير لابس بدلة غالية وشكله حلو اوي بس وشه مكشر وعينه بتخوف كان هو يوسف السيوفي عنده تلاتين سنة وارث الشركة من ابوه ومكبرها اضعاف بس مغرور اوي وبيعامل الناس كأنهم شغالين عنده عبيد بص لها من فوق لتحت وقال انتي مين قالت له انا فداء السكرتيرة الجديدة المؤقتة قال لها مؤقتة اه ندى قالت لي بس شكلك جاية منين قالت له من شبرا قال لها اه باين عليكي على العموم اسمعي انا مواعيدي مهمة جدا ودقتي اهم حاجة عندي لو اتأخرتي دقيقة همشيكي فاهمة قالت له فاهمة يا فندم قال لها حطيلي القهوة بتاعتي بدون سكر وخليها سخنة مولعة واوعي تتلخبطي فداء خرجت بسرعة تعمل القهوة وكانت ايدها بتترعش من التوتر عملت القهوة ودخلت حطتها قدامه قال لها ايه ده انتي حاطة سكر ليه قالت له والله ما حطيت ده من غير سكر داقها لقى فيها سكر فعلا اصل السكر كان واقع في الكنكة وهي مش واخدة بالها اتعصب جدا وقال لها انتي غبية انتي مش نافعة في الشغل ده اطلعي بره انتي مطرودة فداء عيطت وخرجت تجري وروحها مكسورة بس وهي في المترو افتكرت امها ياسمين وتعبها وفلوس العملية اللي محتاجاها قالت لا انا مش هستسلم انا هرجع بكرة يعني هرجع تاني يوم الصباح بدري جدا الساعة سبعة ونص كانت واقفة قدام مكتب فؤاد قال لها ايهده انتي رجعتي تاني ده يوسف بيه لو شافك هيطردك تاني قالت له معلش يا عم فؤاد انا محتاجة الشغل ده اوي امي تعبانة ومحتاجة عملية وانا ما عنديش حل تاني فؤاد صعب عليه وقال لها طب ادخلي استخبي في اوضة الارشيف لحد ما ييجي سعيد المحامي بتاعه يمكن يقنعه بس يوسف دخل بدري وشافها واقفة قال لها انتي ايه اللي جابك هنا تاني مش انا طردتك امبارح قالت له اه طردتني بس انا محتاجة الشغل ده وامكانياتي كويسة وانت ما ادتنيش فرصة حتى قال لها انتي بتردي عليا قالت له ايوه برد عشان انا بني ادمة وليا كرامة مش جارية عندك الكل سكت في الدور كله لان ما حدش عمره رد على يوسف السيوفي كده بص لها بصة غريبة ما بين اعجاب وغضب وقال لها طيب عشان بجاحتك دي هديكي فرصة اخيرة بس لو غلطتي غلطة واحدة بس هطردك ومش هتاخدي مليم فداء فرحت وقالت له مش هغلط وعد ابتدت فداء تشتغل وكان شغلها صعب اوي يوسف كان بيطلب منها حاجات تعجيزية يقول لها اطبعيلي التقرير ده في عشر دقايق والتقرير كان خمسين صفحة وهي كانت بتطبعه بسرعة البرق وبتخلصه يقول لها الغي كل مواعيدي النهاردة فجأة تكلم ناس مهمة جدا وتعتذر لهم بطريقة شيك كانت بتتعلم بسرعة وكان عندها ذكاء مش طبيعي وفي يوم دخل عليها عمار صاحب يوسف الانتيم وده كان عكسه تماما طيب وبيضحك على طول قال لها انتي بقى فداء اللي مجننة يوسف ده اول مرة اشوف حد بيرد عليه وما بيخافش منه ضحكت فداء وقالت له هو اللي مستفز اوي عمار قال لها بس خلي بالك يوسف من جواه طيب اوي بس هو اتربى من صغره على القسوة ابوه كان شديد عليه ومات وسابه بدري وهو شال حمل كبير اوي فبقى فاكر ان القسوة هي اللي بتحميه فداء ابتدت تشوف يوسف بنظرة تانية مرة لقت سعيد المحامي بيقول ليوسف يا يوسف يا ابني حرام عليك البنت دي شاطرة وبتساعد امها المريضة ياسمين دي كانت زميلتنا زمان وكانت ست محترمة اوي يوسف سكت وما ردش بس من ساعتها بقى يعامل فداء اهدى شوية يبص لها كتير وهي مش واخدة بالها وفي مرة فداء تعبت في الشغل واغمى عليها من قلة الاكل عشان كانت بتوفر فلوسها لامها يوسف اتخض جدا وشالها بنفسه وداها المستشفى وفضل قاعد جنبها لحد ما فاقت لما فاقت لقت ياسمين امها قاعدة بتعيط وندى صاحبتها ويوسف واقف بعيد قال لها انتي مجنونة مش بتاكلي ليه قالت له وانا هاكل منين ما انا لازم اوفر لعلاج ماما قال لها وانا مش موجود ليه ما طلبتيش مني قالت له اطلب منك انت انت اللي كنت بتذلني كل يوم قال لها انا عمري ما ذليتك انا كنت بحاول اخليكي قوية زيي فداء عيطت وقالت له انا مش عايزة ابقى قوية انا عايزة ابقى مرتاحة بس يوسف قرب منها وقال لها انا اسف اول مرة في حياتي اقولها لحد بعد الموقف ده يوسف اتغير خالص بقى يجيب لها فطار كل يوم الصبح ويوصلها لحد شبرا بالعربية بتاعته رغم انها كانت بترفض في الاول ويقول لها يا فداء يا عنيدة بطلي عند بقى ابتدت قصة حب تتولد بينهم من غير ما يحسوا كانوا بيتخانقوا الصبح ويتصالحوا اخر النهار وكان فؤاد وندى وسعيد وعمار بيتفرجوا عليهم ويضحكوا ويقولوا دول زي القط والفار بس بيحبوا بعض اوي وفي يوم يوسف قرر يعمل مفاجأة لفداء خدها معاه حفلة كبيرة فيها كل رجال الاعمال وقدمها للناس كلها وقال دي فداء مديرة مكتبي واهم واحدة في الشركة كلها فداء كانت طايرة من الفرح ولبست فستان جميل جابته لها ندى وفي الحفلة شافتهم بنت كانت بتحب يوسف زمان راحت قالت لفداء بقولك ايه انتي فاكرة يوسف بيحبك بجد ده بيتسلى بيكي شوية وهيرميكي زي ما رمى غيرك فداء وشها اتقلب ودموعها نزلت وجريت بره الحفلة يوسف جري وراها قال لها مالك يا فداء قالت له انت بتتسلى بيا صح زي ما هي قالت قال لها مين دي قالت له واحدة هناك قالت لي انك عمرك ما هتحب واحدة فقيرة من شبرا يوسف اتعصب وراح للبنت وطردها من الحفلة قدام الناس كلها ورجع لفداء وقال لها اسمعي يا فداء انا يوسف السيوفي اللي عمري ما حبيت حد في حياتي ولا عمري احتاجت حد بس من ساعة ما دخلتي حياتي وانا مش عارف انام ولا عارف اشتغل بفكر فيكي طول الوقت بفكر في عندك وضحكتك اللي بتنور الشركة كلها انا بحبك يا فداء فداء اتصدمت وقالت له بتحبني انا قال لها ايوه بحبك وعايز اتجوزك فداء قالت له تتجوزني انا ده انت ملياردير وانا بنت بسيطة من شبرا الناس هتقول ايه قال لها الناس تقول اللي تقوله انا ما يهمنيش غيرك انتي بس فداء
