قصص وروايات

رواية عشق من قلب الألم كاملة بقلم زهرة الربيع

دنيا بصت فيه شويه وبعدين قالت بمرح: وصلنا، يلا بقى انزل، وأنا راجعة عند أنكل كامل، لو احتجت توصيلة لأي مكان أوكيه.

رامي بضحكة: لا مش ححتاج، وصيت على عربية بكره الصبح حتكون هنا، وبعدين ليه حترجعي تاني؟ الوقت اتأخر، عمي ممكن يقلق عليكي.

دنيا: لا مانا قولت لبابا إني هبات مع عبير انهارده.

رامي حس بألم جواه لفكرة إنها حترجع عند شريف وحتفضل الليل كلو هناك، بس نفض الفكرة من دماغو بسرعة وقال لنفسه: هي ليلة واحدة، دي حتتجوزو بكره ويفضلو على طول مع بعض، فوق لنفسك يا رامي.

دنيا لقتو سارح قالت: إيه؟ روحت فين؟

رامي: لا أبدًا، شكرًا على التوصيلة.

كانت حترد، لكن اتفاجئت برامي داخل وهو نازل وكان حيقع.

دنيا بخضة جريت عليه وسندتو وقالت: مالك يا رامي؟ فيك إيه؟

رامي: لا أبد، بس مش عارف، فجأة كده حسيت بتعب.

دنيا: طب اتسند عليا وأنا حفتح الباب.

فتحت دنيا الباب والنور وقعدتو على كرسي وجابتلو ميه.

دنيا: ها، إيه؟ أحسن دلوقتي؟

رامي: …

لقا عمه وبعض المعازيم جم ومستنيين المأزون، ودنيا كانت فوق بتجهز.

شويه المأزون جيه وباقي المعازيم، ومن ضمنهم شريف وعيلتو. عدي يوم كتب الكتاب والفرح على دنيا كأنهم زمن، كانت بتصتنع الفرحة قدام الناس وهي بتموت من جواها، خصوصًا إنه اضطرت إنو يمسك إديها ويرقصو ويتصورو، ومجبورة تبتسملو، هي جواها كره ليه ميتوصفش، وده كلو تحت أنظار الناس، منهم اللي فرحان واللي بيتسائل: هو مش كان شريف العريس؟ ازاي بقى رامي؟ بالنسبة لرامي حالو ميفرقش عنها كتير، هو كمان كانت نظرات الكره اللي في عينيها كفيلة تقتلو. عدو اليومين على خير، ورامي خد دنيا ومشيو.

رامي: احم، وصلنا، اتفضلي.

دنيا صرخت بصدمة: أنت جايبني هنا ليه؟ ووو.

دنيا بصدمة: إن أنت جايبني هنا ليه؟

رامي: بصي يا دنيا، هو أنا عندي فيلا هنا في مصر، بس ناقصها تشطيب كتير، وكل حاجة جت بسرعة وو.

كان حيكمل، لكن قاطعتو دنيا بصريخ وزعيق قالت: أنت مجنون ولا إيه؟ أنا مالي بالكلام ده؟ أنا يستحيل أفضل هنا، أنت فاهم؟

رامي رد بسرعة: لا، احنا مش هنفضل هنا، احنا هنبات بس، وبكره إن شاء الله طالعين الغردقة، هنفضل أسبوع تكون الفيلا خلصت.

دنيا ضحكت بألم وبصتلو بزهول وقالت: أنت إيه الثقة اللي عندك دي؟ احنا هنطلع الغردقة؟ نطلع نعمل إيه؟ ها؟ يمكن طالعين نعمل شهر عسل أنا وأنت؟ سكتت شويه وقالت بنفاذ صبر: بص يا جدع أنت، أنا مش هروح معاك في حتة، واتفضل مشيني من هنا على أي داهية، لأني اتخنقت، فاهم ولا أعيد؟

رامي بيحاول يتمالك نفسه وميتعصبش، قال: هنروح فين يعني دلوقتي يا دنيا؟

دنيا بسرعة: رجعني القصر عند بابا.

هنا رامي اتنرفز وقال: مش هنرجع القصر يا دنيا، وأظن إني وضحت الحكاية دي مع عمي، وأكيد قلك مستحيل طول ما أنتي على ذمتي تفضلي عند باباكي، هما ٣ شهور استحمليهم.

دنيا باستهزاء: على ذمتك؟ لا يا شيخ، هو نت عندك ذمة زينا كده؟

رامي اتعصب ومقدرش يمسك نفسه، ضرب برجله العربية وقال: وبعدين بقى؟ مش حنخلص؟

دنيا هنا انهارت أخيرًا، دموعها نزلت وقالت وهي بتبكي وبتشهق: أنا مستحيل أبات هنا، أنا مرعوبة من المكان ده، ولا أنت نسيت عملت فيا إيه هنا؟ إن أنت من يومين بس. وبكت كتير وقالت بصعوبة: أنت دبحتني هنا، أنا قرفانة من الشقة دي من قبل ما أدخلها، هبات فيها إزاي؟ أنا لو هنام هنا في العربية، مش داخلة. وزاد بكاها وبقت تترعش وتشهق بشده.

رامي زعل من نفسه جدًا وحس بغبائو، فعلًا مكنش ينفع يجيبها ومكانش صح يتعصب عليها، بالنهاية هو اللي وصلها لكده. هنا نزلت الدموع من عينه، غمض عينه بألم وحاول يتماسك، اتنهد وقال: طيب يا دنيا متعيطيش، أنا بجد أسف، مكنش ينفع أجيبك هنا أصلًا. اتنهد وقال: إيه رأيك نروح أوتيل نبات فيه النهارده على ما نتصرف؟

دنيا مكانتش قادرة تتكلم وحست إن مفيش حل تاني، أومأت براسها بمعنى ماشي.

رامي قال لها: طب هجيب حاجة من جوه وأجي بسرعة. دنيا مردتش، ورامي دخل شويه وطلع ماسك قزازتين من قزايز المشروب الخاص اللي بيشربه.

دنيا بصتلو بقرف وقالت: أنت جايب الزفت ده معاك ليه؟

رامي قال: علشان هنطلع من الأوتيل على الغردقة وهناخد أسبوع و.

قاطعتو دنيا للمرة الألف: أنا مش رايحة معاك مكان، والقرف اللي في إيدك ده تبطلو، ولا أنت ناسي عملت إيه بسببو؟

رامي بان عليه الضيق وقال: بصي يا دنيا، بالنسبة للسفر هنتكلم في الموضوع ده في الأوتيل، وبالنسبة للقرف ده أنا متعود عليه وعمري ما هبطلو، ويا ريت متربطيش اللي حصل بيه، لأني بشربو من سنين وبروح بيه الشغل، ونسبة المشروب فيه مش عالية لدرجة إنو يغيبني عن الوعي.

دنيا بسخرية: لا والله؟ أمال ال؟

رامي قاطعها بزعيق وقال: معرفش، معنديش تفسير للي حصل، وأرجوكي نكمل كلامنا بعدين.

دنيا بحزم: احنا مفيش ما بينا كلام أصلًا، يا ريت توديني أي داهية أنام فيها علشان صدعت.

رامي سكت وركب العربية وطلع على الأوتيل.

في الأوتيل رحبوا بيهم بطريقة حلوة لأنهم عرسان.

ودولهم مفتاح الغرفة، وهنا دنيا قالت بدون تفكير: احنا عايزين أوضتين.

الراجل اللي بيدلهم المفتاح بان عليه الزهول والاستغراب.

رامي بص لدنيا ورجع بص للراجل وقال بضحكة: بتهزر. وبص لدنيا بتحذير وقال: المدام بتحب تهزر. وأخذ المفتاح وشدها من إيدها وطلع.

دنيا أول ما دخلوا قالت بزعيق: أنت عبيط ولا إيه؟ أنا مش هبات معاك في نفس الأوضة.

رامي مسح على وشو بغضب وقال: أنا اللي عبيط؟ مش شايفة نفسك لسه بفستان الفرح ولسه بيزفونا تحت ونورتو يا عرسان، شرفتو يا نيله، وأنتي تقولي لراجل عايزين أوضتين؟ إيه هبل والسلام.

دنيا: أنت إزاي بتكلمني كده أصلًا؟ أنا حرة، مش هبات معاك في أوضة واحدة.

رامي اتضايق جدًا واخد هدوم ودخل الحمام قبل ما يتنرفز.

دنيا قالت بزعيق: استنا هنا، أنا مش بكلمك.

رامي مردش عليها وفتح الميه عليه وهو مغمض عيونه بتعب وبياخد نفسه بعمق، حاسس إنو مخنوق، وكل اللي بيدور في دماغو إزاي حيقنعها تسافر معاه الغردقة، لأن عمه هو اللي طلب منه كده بعد كتب الكتاب وقلو دي تعليمات الدكتور إنها تغير جو، وقلو أنت المسؤول ولازم تقنعها بأي طريقة. فاق من شروده وطلع بره الحمام لقاها قاعدة مكانها على.

رامي: احم، قومي خدي دش وغيري فستانك علشان تلحقي تنامي، هنقوم الصبح بدري.

دنيا بغيظ: الواضح إن الأخ عندو مشاكل كتير، يعني متعجل والسمع تقيل كمان، بقلك مش رايحة معاك في حتة.

رامي بتنهيدة: طيب يا دنيا، ده طلب من والدك، أبوكي حاسس بالذنب إنك اتجوزتيني علشان ميتأذيش، والدكتورة قالتلو إنك لازم تغيري جو، وهو حاسس إنو مش قادر يعملك حاجة، وكده صحتو ممكن تتأثر، أنتي عارفة إن ضغطو مش مظبوط، فلو بتحبيه لازم تكوني قوية علشانو، ونفذيلو رغبتو وسافري معايا، ولو مش الغردقة اختاري المكان اللي يريحك.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى