
دنيا بألم شديد: يريحني؟ طمن بالك يا أستاذ، طول ما أنا معاك وشايفة وشك قدامي مفيش حاجة حتريحني.
رامي اتألم من كلمها ودموعها، بس كان لازم يخليها تسافر بأي طريقة، قال: خلاص يا دنيا، اللي يريحك، أنا هتصل بيه وأقولو إنك رفضتي تسافري، وبعدها أتصل بدكتور بتاعو يرحلو أحسن يتعب لا قدر الله.
رامي كان بيضغط عليها بباها لأنه عارف إن دي الطريقة الوحيدة اللي حتخليها تسافر. بعد شويه واداها ضهره ومسك التلفون وابتسم بمكر لما قالت: استنا. واتنهدت وقالت: موافقة، هنسافر.
دنيا خدت هدومها ودخلت الحمام، ورامي خد مفرش من الدولاب وحطو على الأرض ونام.
دنيا خرجت من الحمام وشافتو نايم على الأرض، سرحت شويه في ملامحو البريئة وإنو إزاي عمل فيها كده، نفضت الأفكار من دماغها بتنهيدة واتوجهت للسرير ونامت.
في الصبح دنيا ورامي طلعوا من الأوتيل وركبوا عربيتهم وهما شبه مش بيتكلموا، خصوصًا دنيا.
بس في الطريق فجأة دنيا ابتسمت بخبث وقالت: هو احنا فضلنا كتير على منلاقي محلات وكده؟
رامي ابتسم وفرح في نفسه إنها أخيرًا تكلمت معاه، ورد بلهفة: آه آه، قربنا، كلها ربع ساعة ونقطع الصحراوي وحتبقى في محلات كتير. أنتي عايزة تشتري حاجة؟ لو محتاجة أي حاجة قولي.
دنيا لما شافت لهفتو فرحت وابتسمت بخبث أكثر وقالت: كنت عايزة حاجة من الصيدلية.
رامي افتكر إنها عايزة حاجة خصوصية، قال: احم، أيوه، في صيدلية قريبة، أول ما نوصل حنزلك تشتري اللي عيزاه.
دنيا: لا، وأنزل أنا ليه؟ أنت انزل هاتلي.
رامي استغرب، بس مرضاش يسألها وقال: حاضر، براحتك، أنا هجبلك.
وصلوا عند صيدلية ورامي وقف العربية وقال: أهيه الصيدلية، ها، كنتي عايزة إيه؟
بقلم زهرة الربيع
دنيا: ادخل عند الدكتور وقلو عايزة بخاخ إسبراي يكون قوي.
رامي بدهشة: قصدك معطر مش كده؟
دنيا ابتسمت وقالت: لا، اللي سمعته مو خا دير، اللي بتشيله البنات في شنطتها وبدافع بيه عن نفسها.
رامي رد من غير ميفكر: بس أنا معاكي، محدش يقدر يقربلك.
دنيا: م أنا عارفة إنك معايه، وعلشان كده عيزاه، أنت ناسي إني مضطرة أفضل معاك لوحدي أسبوع في أوضة واحدة؟ وكملت باستفزاز: هفضل أسبوع مع واحد لوحدنا، إيه؟ ممكن يخوفني أكتر من كده؟
رامي اتضايق جدًا واتنهد بخنقة وقال: دنيا، مفيش داعي للكلام ده، لو بتقولي كده علشان تنبهيني، مفيش داعي، عمري مهأذيكي تاني، واللي حصل صدقيني مش هيتكرر، حتى لو نمنا في سرير واحد، مش في أوضة واحدة.
دنيا: تؤ تؤ، أنا مش بنبهك ولا بحذرك، أنا عايزة البخاخ بجد، أنا تعلمت إن اللي بيفضل مع الحيوانات يضطر بيشيل سلاح، هتنزل تجبلي ولا أنزل أنا؟
رامي اتنهد بيأس، وكلامها كان جارح بالنسبة له مع إنو عارف إنها على حق بعد اللي حصل منو، قال: حاضر يا دنيا.
نزل جاب لها خمس علب وقال: كفاية كده ولا محتاجة تاني؟
دنيا بتفكير بتستفزو أكتر: امم، مش عارفة بصراحة، بيتهيألي كفاية، ولا نت؟ إيه رأيك؟
اتنهد رامي بغضب وفتح باب العربية بقوة وساق بسرعة شديدة، وكلامها كأنو سكين بتدبحو.
بعد فترة وصلوا الفندق اللي باباها كان حاجز فيه على أساس إنها تقضي فيه شهر العسل هي وشريف.
بس كانت منتظراهم مفاجأة من العيار التقيل.
أول ما رامي نزل من العربية لقا شريف قدامو وبيقول: حبيبي يا رامي، حمد لله على السلامة يا بن عمي.
رامي بغضب: أنت إيه اللي جابك هنا؟
شريف باستفزاز: اخص عليك، ده كلام برضو؟ دانت حتي نازل هنا على شرفي، وبعدين أنا قولت أعملك مفاجأة، شوف جبتلك الشلة كلها، طبعًا ميعرفوش إنك جاي هنا، لو عرفو مكنوش هيجو، كانو هيقولو نسبهم براحتهم. وبص لدنيا وقال بغمز: عرسان وكده بقى.
دنيا واقفة متضايقة جدًا منو من كلامو، بصت بعيد لقت صحابها وعبير أخت شريف وصحاب رامي ورائد، كلهم بينزلو الميه وبيضحكو، ولأنهم ميعرفوش إن ده الأوتيل اللي حاجزين فيه دنيا ورامي، مكنوش أصلًا شايفينهم.
رامي بتحذير قال: أنت عايز إيه دلوقتي؟ ابعد من وشي، أنا مش طايق نفسي.
شريف: استنا بس، مانا عارف إنك مش طايق نفسك، علشان كده جبتلك معايا كادو هيروقك. ونادى بصوت عالي: يا نودا، هنودا.
جت من بعيد بنت جميلة وطويلة وكلها أنوثة زي عارضات الأزياء يا جماعة.
جريت على رامي بشدة وقالت: اخس عليك يا رامي، كل ده متردش على تلفوناتي؟ دانا كنت هتجنن عليك، حد يطنش خطيبتو كل ده؟
دنيا بصدمة: خطيبتو؟ وو ووو.
دنيا بصدمة: خطيبتو؟ وبصت لرامي بزهول وقالت: الكلام ده بجد؟ أنت خاطب؟
هند بصت لدنيا من فوق لتحت وقالت: مين دي يا روميو؟
دنيا لكمت رامي في كتفو وقالت: مترد، قلها مين دي يا روميو.
رامي بص لهند وقال: أنتي إيه اللي جابك يا هند؟ ومقولتيليش ليه إنك جايه؟
هند: حبيت أعملك مفاجأة، أنت مش مبسوط إنك شوفتني ولا إيه؟
رامي لسه هيرد، قاطعتو دنيا بزعيق وقالت: أنتين لمون هنا للعشاق لو سمحت.
هند اتغاظت وقالت: مردتش عليا يعني؟ مين دي؟
رامي: دي دنيا مراتي.
هند بصدمة: إيه؟ مراتك؟ مراتك إزاي؟ اتجوزتها امتى؟ واتجوزتها ليه أصلًا؟
دنيا بسرعة: أيوا، قلها اتجوزتني ليه، ولا أقولها أنا؟
رامي اتأفف بغضب وقال: اطلعي يا دنيا استنيني في الأوضة. وبص لهند وقال: وأنتي ارجعي من مكان ما جيتي، هطلع أريح شويه، أنزل ملقكيش، فاهمة؟
دنيا كانت واقفة، اتنفضت لما شخط فيها وقال: أنتي لسه واقفة؟ مش قلت اطلعي؟
دنيا اترعبت من صوتو، ضربت الأرض بغيظ وطلعت.
رامي اتقدم على شريف واتكلم بين أسنانه بغضب وقال: أنت تقدر تلحق نفسك وتاخد اللي جبتهم معاك وتمشي، وإلا أنت عارفني لما بتدايق، واضح؟
بقلمي زهرة الربيع
شريف افتكر لما خنقو في الحفلة، حط إيدو على رقبتو وبلع ريقه بخوف، ورامي سابو وطلع أوضتو بسرعة.
رائد كان واقف بيبص على عبير ومنبهر بجمالها، وقرر أخيرًا يكلمها.
رائد: احم، أنا رائد صاحب شريف، أنتي عبير أخته مش كده؟
عبير بصت لرائد بتركيز وقالت: إيه ده؟ وشك ده؟
رائد حط إيدو على وشو يشوف مالو وقال: مالو وشي؟ فيه حاجة؟
عبير: فيه حاجة؟ ده فيه حجات، إيه يا بني الجمال ده؟ يخربيتك، هو أنتي أمك روسية؟
رائد برق بزهول من كلامها وقال: أمك؟ احم، لا، مصرية.
عبير: ولما هي مصرية مخلفاك بالحلاوة دي إزاي؟
رائد قال بصوت واطي زي ميكون بيكلم نفسه: دي مجنونة، يا حرام، يا خسارة جميلة.
عبير: أنت بتكلم نفسك؟ أنت مجنون؟ يا عيني عليك، الحلو ميكملش.
رائد: أنا اللي مجنون؟ وكمل بابتسام: أيوه، معاكي حق، أنا مجنون. عن إذنك بقى.
فضل يمشي.
وعبير وراه بتقلو: استنا.




