قصص وروايات

اسراء هانى ٣

منى: يا ريتها بالسهولة دي، بابا وعمي روحهم في بعض، وبابا مش مستعد يخسر عمي لأي سبب، وخصوصًا إنه أدهم مش شاب صايع أو مش كويس إني أرميه ليه، وخصوصًا…

سيف بغيظ: وخصوصًا إيه؟

منى: إنه… إنه…

سيف: بيحبك صح؟

هزت رأسها بالإيجاب ليهزها ويتكلم من بين أسنانه: أنا بس اللي بحبكككككككك، إنتي اللي فاهمة.

احضنته بقوة لتمتص غضبه.

منى: بعد الامتحانات قولتهم حفكر في الموضوع.

سيف: وأنا مش حاستنى بعد الامتحانات، استنى ألاقيكي متجوزة.

منى: اهدى يا حبيبي اهدى، لو في عمري يوم واحد مش حكون لغيرك يا سيف، وده وعد مني.

سيف بدموع: عمري ما حد خطفني كدة، أنا فعلًا حموت لو روحي مني يا منى حياتي.

منى تمسح دموعه بيدها يقبلهم بجنون: منى لسيف وسيف لمنى.

سيف: طيب تنسى بقى الموضوع وتركزي في الدراسة وبس، مش أقل من الأولى عشان تصيري زميلتي في الشغل وأقعد معك براحتي بعد ما أتجوزك طبعًا.

منى: إن شاء الله، لازم لازم الأولى.

ذهبت ناحية الباب تريد الذهاب، ليقطع المسافة بينها بخطوة واحدة وينتشلها بحضنه يريد إدخالها داخل قلبه.

سيف: أنا خايف أوي يا منى، خايف أوي، يا ريت ينفع أفتح قلبي وأحطك فيه، يا ريت.

منى بنحيب: عشان خاطري هونها على قلبي بدال ما تصعبها.

/////

أضواء وموسيقى وعاشق لا يصدق أنها أصبحت ملكه، لكن خوفه من أن تعرف أنه متزوج لم يفارقه.

يضم يدها، سعادته لا توصف، مجنون بها.

محمد: ما تيجي نروح؟

إسراء: بس بقى.

محمد: الفرح شكله حيطول، وأنا بنام بدري.

إسراء: يعني حتنام بجد؟

محمد: آه آه طبعًا أكيد.

إسراء: خليك عند كلمتك.

محمد: منا حانام، بس مش عارف فوق تحت.

إسراء: إنت قليل الأدب.

محمد وهو يكز على أسنانه: قليل الأدب بتقولي لجوزك؟ طيب حتشوفي الليلة قلة الأدب اللي عنجد.

إسراء: احم، بهزر.

يرقص ويقفز كالمجنون يهز بخصره كالراقصة.

الأب بضحك: هو جوزك ماله يا بنتي؟

إسراء: مش عارفة يا بابا، تجنن، ربنا يعوض عليا، تدبست.

محمد: سمعتك على فكرة، وحتشوفي التدبيسة يا حلوة.

دخل خالد وفي يده قلبه على هيئة فتاة، أما سيف فدخل وكانت منى خلفه لأنها خافت أن يراها أحد.

خالد: كفارة يا راجل.

محمد: ألفاظك يا أخي، إيه كفارة دي؟ قولي تأبيدة، لا قولي سجن مدى الحياة.

سيف: ده صاحبك واقع واقع.

خالد: أوي، انتم السابقون ونحن اللاحقون.

محمد بهمس وهو يشير لمريم: بس تصدق ذوقك يجنن.

خالد وهو يعدل بدلته بفخر: مش قولتلك أنا ما أوقعش اللي واقف؟ لم نفسك، دي مراتي.

سيف: إيه؟ ما فيش رقص؟ حنقضيها حكي؟

محمد: يلا بقى.

سيف: خليني أقرصك في ركبتك عشان أحصلك في جمعتك.

ضحكوا عليه بقوة حتى ادمعت أعينهم.

خالد: ليه خايف تعنس ولا إيه؟

سيف: ما إنت يا ابن المحظوظة شبكت، أما أنا حظي الهباب خلى ابن عمها يتقدملها، يعني انتم الاتنين تتجوزوا اللي قلبكم حبها وأنا أقعد كدة؟

فتحوا إيديهم بإشارة خمسة يخمسون في وجهه.

خالد: الله أكبر عليك، كبة في عينيك يا أخي، تمرمط زيي؟ ده أنا تمرمط اللي جابوا أهلي لما خطبتها.

محمد وهو يشير بعينه: ما اهي جاية معاك والحياة لوز.

سيف: آه عشان كدة هيا بواد وأنا بواد، أنا عايز أمسك فيها وأحضنها وأرقص معها.

محمد: يا عيني، ده محروم، طيب تعالا أرقص معايا أنا اعتبرني هيا.

سيف: اعتبرك هيا؟ إنت مش شايف نفسك؟ يعني معقول تكون شبهك وأعشقها كدة؟

إسراء بغيظ: ليه إن شاء الله؟ ما هو قمر.

محمد: احم، أيوة، وإنتي من أول ما شوفتيني قولتي إيه؟ الواد المز ده وعملتيلي عمل.

إسراء: عملتلك عمل؟

محمد: أيوة، أومال تكفيت على وشي أوام كدة ازاي؟ ودوبت وهويت ازاي؟

إسراء: خلاص، ممكن أجبلك شيخ يفكها لك.

محمد: فال الله ولا فالك، ده أحلى عمل في حياتي.

غمز خالد لسيف ففهم سيف أن يجاريه في الكلام.

خالد: وأخبار سعاد إيه؟

إسراء: سعاد مين؟

سيف: إنت ما قولتلهاش؟

تيبس مكانه وكان سيعملها على نفسه من شدة خوفه.

خالد: لا، بجد ما قولتلهاش؟ أغص عليك يا محمد.

سيف: ما هي لازم تعرف.

إسراء بعصبية: سعاد مين؟

محمد بتوتر: ما فيش، بيهزروا صح؟

خالد: لا، ما بنهزرش.

سيف: سعاد البت اللي كانت تجري وراك في كل مكان.

خالد: ههههههه.

تنهد بارتياح حتى كاد يفقد عقله.

محمد بهمس: بقى كدة يا أولاد الـ…؟ ده انتم خلتوني لا أصلح، مش كتر الخوف.

خالد: تؤ تؤ، عيب عيب، الكلمة دي عايز أي؟ منشطات أي حاجة في الأمر؟

يرقصوا بفرحة وسعادة كبيرة، وأخيرًا تزوج محمد، ظن أنه هكذا قد امتلكها، لكنه لا يعلم أنه أخطأ غلطة ستدفعه الكثير والكثير، ستدمر حياته كلها.

انتهى الفرح وذهب بها إلى شقة أحلامهم، حملها وذهب بها إلى غرفته، وبعد الكثير من كلام الحب قضى ليلة يقسم أنها أجمل أيام حياته، ولو مات بعد ذلك لا يهتم.

نعم فحبيبة قلبه بين يديه، وفي الصباح استيقظت لتجده مجهزًا لها الفطور.

إسراء: يا حبيبي، ده شغلي أنا.

محمد: إنتي ملكة وأنا تحت أمرك يا روح قلبي.

إسراء: بحبك أوي أوي.

محمد: مش قد ربع حبي، يلا افطري عشان بكرة حنسافر ونلف العالم كله.

إسراء: طول ما إنت معايا بالنسبة ليا جنة.

شعرت بنعاس شديد بعد أن شربت العصير الذي وضع به محمد مهدئًا.

محمد: إيه مالك؟

إسراء: نعسانة أوي.

محمد: خلاص نامي شوية.

وضعها بالسرير ودثرها جيدًا بالغطاء وهو يقبل رأسها ويهمس بدموع: آسف أوي يا روح قلبي، قلبي.

ذهب إلى منزله الأول الذي لا يعترف به من الأساس.

سعاد: يا مرحبا، ما هي لوكندة؟ تيجي وقت ما تحب وتمشي وقت ما تحب.

محمد: ما فيش كلمة حلوة ممكن تطلع منك أبدًا؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى