قصص وروايات

اسراء هانى ٢

دخلت المحاضرة، عينيها على الباب تنتظر دخوله ليدخل بهيئته وحضوره الطاغي. لم يقفل الباب، عينيها تبحث عنها في كل اتجاه حتى شاهدها، تنهد بارتياح وقفل الباب.

سيف بابتسامة: السلام عليكم، ازيكم، يلا نبدأ المحاضرة، القاعة النهاردة منورة أوي.

اخفضت رأسها بخجل، ثم عادت تنظر له وهو يشرح، وكلما تتلاقى عينهما يتلعثم بالكلام، فتضع يدها على فمها تكتم ضحكتها. أمسكت هاتفها لترسل شيئًا ما.

سيف: البنت اللي ماسكة تلفونها.

منى بتوتر: أيوة يا دكتور.

سيف: إنتي عارفة إنه ممنوع التلفون ولا لا؟

منى: آسفة، بس كنت بشوف الساعة.

سيف: طيب، كنت بقول إيه؟

لتقول له ماذا قال بالحرف وشرحته أيضًا، تحت ذهوله من شدة تركيزها.

سيف: احم، تمام، اقعدي، وياريت ما تكررهاش.

لقد تعمد أن يوقفها حتى يراها ويسمع صوتها. جلست وغمزت له ليرتبك ارتباكًا واضحًا، أدار ظهره ليستعيد أعصابه.

سيف: مش حينفع كدة، بتتعمدي تشتتيني يا منى، بس كوني قدها بقى.

انتهت المحاضرة وبدأ الطلاب بالخروج، بدأ يجمع أغراضه ويرفع عينيه ينظر لها من حين لآخر. تركتها سارة وذهبت في الكافتريا بعد أن فهمت أنها تريد أن تتكلم معه. تظاهرت بأنها تكتب شيئًا ما ليمشي في الممر باتجاهها وقلبه يخفق بقوة، شعرت باقترابه وبرائحته التي زادت، وبدأت تتوتر بشدة.

سيف: شوفتي آخرة اللي ما بسمع الكلام.

منى: مش فاهمة.

سيف: مش لو جيتي ركبتي معايا من الأول ما كنتيش مرضتي.

منى: الحمد لله نصيبي.

سيف: وإنتي عاملة إيه دلوقتي؟

منى: الحمد لله أحسن.

سيف: الحمد لله على سلامتك.

منى: الله يسلمك.

سيف: لو عايزة شرح أي حاجة من اللي فاتك، أنا في الخدمة وجاهز لأي حاجة.

منى: إن شاء الله، متشكرة أوي.

أدار ظهره ليذهب.

منى: سيف، قصدي دكتور سيف.

سيف: أيوة؟

منى: إنت جتلي المستشفى؟

سيف بابتسامة: شوفي إنتي بقى.

منى: تبقى جيت.

تركها وذهب، وجسدها يرتعش من شدة فرحتها، ولأنها تأكدت أنه يكن لها شيئًا ستكتشفه لاحقًا.

/////

المتصل: أيوة يا باشا، فعلًا راحلهم، وعرفت إنهم اتفقوا على كتب الكتاب آخر الأسبوع.

ليغلق الخط ويبدأ بتكسير كل ما يراه أمامه، ويتذكر كيف عرف أنها ابنة إبراهيم زوج أمه.

فلاش باك

ينتظرها أمام مدرستها فهي في الثانوية العامة كل يوم بدون كلل أو ملل، كانت سعيدة جدًا، لكنها كانت تعامله بأسوأ معاملة.

مريم: جرى إيه يا باشا؟ هو أنا كل يوم لازم أعملك فضيحة عشان تحل عني؟

سيف: بتعملي فيا كدة ليه؟ حني عليا يا شيخة، ما صعبتش عليكي وأنا مترمط وراكي.

مريم: ومين جبرك تمرمط يا حلو إنت؟ يلا يا باشا، قال ما صعبتش عليكي، أكرمشلك عشرة جنيه في إيدك ولا أعمل إيه؟

سيف: طيب اعطيني فرصة، مش يمكن؟

مريم: ما يمكنش، واتكل على الله، لاعملك فضيحة، احسبك فيها النهاردة.

وتركته يضرب نفسه من شدة غيظه منها، ليأمر في اليوم التالي بجلبها إلى قسم الشرطة حتى يتكلم معها.

مريم: خير يا باشا؟

خالد: اتكلمي عدل.

مريم: مش عيب تستغل نفوذك وتجيبني هنا بدون أي تهمة؟

خالد: مين قالك بدون أي تهمة؟ تهمة السرقة.

مريم: وسرقة إيه إن شاء الله؟

خالد: سرقتي قلبي.

مريم: وحياة أمك، ما تبطل محن يا باشا، وتقولي عايز إيه؟

خالد بصدمة: محن؟ أنا يتقالي محن؟ ده إنتي حتتعلقي النهاردة.

مريم: وديني إن قربت مني لانفخك.

خالد بتمثيل الحزن: أنا تناقلت يا مريم، وحاسافر آخر الشهر.

مريم بصوت بدأ بالبكاء: ليه؟

خالد: طلع الأمر امبارح ولازم أنفذه، وكمان المكان خطر جدًا، جبتك أسلم عليكي وأودعك، عشان المكان خطر أوي ويمكن أستشهد أو…

لتقفز تتعلق برقبته تقبله بقوة، عندها شعرت أنا قلبها خاف عليه جدًا. يبادلها القبلة بجنون وعشق أكبر غير مصدق أنها بين يديه وشفايفها ملاصقة شفتاه. وضعت جبهته على جبهتها.

مريم: ما تسافرش يا خالد، ما تسافرش.

خالد وهو ينهج بقوة من تأثير قبلتها: ليه؟

مريم: أنا، أنا بحب…

لتكملها في جوفه بعد أن فقد عقله من قوة تأثير كلمتها عليها.

خالد: بعشقك، بعشقك كل حاجة فيكي من أول لحظة شوفتك فيها وأنا عشقتك.

مريم: يعني مش حتسافر؟

خالد: أسافر وأسيبك؟ ده أنا استقيل من شغلي ولا أسيبك.

مريم: بجد؟ وحتعمل إيه؟

خالد: حاتظلم وأفضل هنا بحمايتك.

مريم: أنا قولت لماما عليك، ما بخبيش عنها حاجة.

خالد: بجد؟ وقالتلك إيه؟

مريم: قالتلي بعد ما أخلص الثانوية إن حنفكر بحاجة، وكمان عايزة تشوفك.

خالد: لسة حاستنى؟ ده فاضل ٤ شهور. طيب أنا حشوفها ازاي؟ أجي البيت؟

مريم: حاقولها ونتفق على موعد.

خالد: قشطة يا قشطة.

مر شهرين والعشق يزداد حتى كاد يذيب الحديد، واتفقت مريم مع خالد أن يقابل والدتها حتى يتفقا على كل شيء لأنه أصبح لا يستطيع العيش بدونها، لقد أصبحت تمتلك روحه وقلبه، ينتظر اليوم الذي تكون بحضنه.

خالد: أيوة، أنا بستنى في المطعم.

مريم: دقايق وجايين.

دخلت المطعم مريم، وكانت ترتدي ولأول مرة فستان نهدي قصير، وتركت لشعرها العنان، وضعت مكياج خفيف حتى أصبحت كالأميرة. كاد قلبه يخرج من مكانه، هل كل هذا الجمال سيصبح لي؟

خالد: جاية في القصير والمكياج ده كدة عادي؟ طيب بس نخلص مع ماما حفرجيكي.

مريم بخوف: أنا لبسته ليك عشان أعجبك.

سيف: إنتي ده تلبسي ليا وإنتي في بيتي ليا لوحدي، ومين قالك إنك مش عجباني؟ ده إنتي قمررر.

كانت أمها تركن بسيارتها لتدخل وتشاهد ابنتها مع آخر شخص تتوقعه، فقد كانت تعرفه جيدًا، حتى هو يعرفها عن ظهر قلب.

مريم: مامي، احنا هنا.

رفع رأسه ليراها ل…

يتبع… إسراء هاني.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى