
رنا: إنت إزاي جتلك الجراءة إنك تعمل كده؟ وقسمًا بالله…
أدهم: هشش، اسكتي، أنا اللي هتكلم وإنتي تسمعي وبس، ومش عاوز مقاطعة. واضح إنك فاكرة إن زواجي بيك هزار. بصي، أنا هتجوزك، والجواز الشهر الجاي، ووالدك موافق، وأنا مفيش حاجة عوزتها إلا ما خدتها.
رنا: بس أنا مرتبطة وبحبه أوي، لو سمحت افهم.
ابتعد أدهم عنها وجلس على كرسي قريب، ووضع قدمًا فوق الأخرى، وأشعل سيجارة وكان ينفخ دخانها وهو ينظر لها من فوق إلى أسفل.
أدهم بهدوء: أولًا، دي مشكلتك مش مشكلتي، وثانيًا، إنتي ملكي أنا وبس، وشغل الحب والكلام الفارغ ده أنا ماليش فيه، وياريت تبلغي حبيب القلب إنك هتجوزي.
وقفت رنا وقالت بصوت عالٍ:
— طلبك مرفوض يا أدهم بيه، وده آخر كلام، وأعلى ما في خيلك اركبه.
وتركته وصعدت مسرعة إلى غرفتها تشعر بغضب كبير، وجدت هاتفها يرن برقم حبيبها حاتم.
رنا: ألو حاتم حبيبي، وحشتني.
حاتم: وإنتي كمان يا قلبي، عاملة إيه يا بنوتي الصغيرة؟
رنا: كويسة.
حاتم: مالك يا رنا؟ في إيه؟
رنا: مفيش حاجة، أنا عاوزه أخرج.
حاتم: ههههههه، كل ده علشان تخرجي؟ حاضر، إنتي تأمري يا كبير، نحن في خدمتك.
رنا: هههههههه، بكاش أوي.
حاتم: خلاص اجهزي، وبالليل الساعة 7 هعدي عليكي.
رنا: أوك، سلام.
أغلقت رنا الهاتف مع حاتم، ورجع لها الغضب مرة أخرى. كيف يجرؤ هذا الشخص الغبي أن يعاملني هكذا؟ وفجأة سمعت رنا صراخ زوجة والدها العالي، فتحت رنا الباب وتوجهت مسرعة إلى غرفة والدها، فتحت الباب ووجدت والدها ملقى على الأرض ونانسي تصرخ بشدة. جريت مسرعة إلى الهاتف واتصلت بالإسعاف التي حضرت بسرعة وأخذت والدي إلى المشفى. كنت أنتظر بالخارج، أنتظر الطبيب أن يخرج ويقول إنه قد نجا. لماذا لا أبكي؟ لا أعرف، كل ما أعرفه أنه منذ وفاة والدتي وأنا لم أبكِ نهائيًا. انتظرت في الخارج أنا ونانسي وهي تبكي بجانبي. خرج الطبيب بعد مرور بعض الوقت ليخبرنا بتحسن حالة والدي، وأنه تعرض لأزمة قلبية، وحذرنا بقوة من الزعل الذي قد يؤثر عليه سلبًا.
جلست رنا على أقرب كرسي، اقتربت منها نانسي بغضب وصوت عالٍ نسبيًا.
نانسي: إنتي السبب في اللي أبوكي فيه دلوقتي، لو حصله حاجة إنتي السبب.
رنا: أنا ليه؟ عملت إيه؟
نانسي: اللي إنتي عملتيه إنتي عارفه. إن أدهم ده يقدر يدخل أبوكي في مشاكل كبيرة، ولا وكمان هيلعن إفلاسه ويحجز على كل شركاته، وإنتي بغبائك هتخليه يشردنا. احنا مصدقنا إنه أعجب بيكي وقال إنه عاوز يتجوزك ومش هيطالب بأي حاجة له مقابل كده.
رنا: إيه؟ تخليص حق؟ عاوز يتجوزني تخليص حق؟ وبابا وافق؟
نانسي: مكنش موافق، بس أنا أقنعته.
رنا: مستحيل، أنا مش مصدقة اللي بيحصل.
نانسي: لا صدقي، ولو حصل لأبوكي حاجة إنتي السبب.
ابتعدت نانسي وتركت رنا في أحزانها وتفكيرها المشتت، ولكن اتخذت القرار.



