روايات

هالة والادهم القسم ال2 هدي زايد

نظرت هالة لأخيها و قالت:
– متقلقش يا هيما سرك في بير، أنا حافظة لكل أسرارك.
نظرت والدتها و قالت بتساؤل:
– ليالي مين؟ قصدك الدكتورة اللي كانت بتابع حالتي في المستشفى؟!
أومأت هالة برأسها علامة الإيجاب، بينما ردت والدته و قالت بابتسامة واسعة:
– طب و هي دي بردو حاجة تستخبى؟ أخس عليك يا هيما دي بنت زي السكر، مبروك يا حبيبي.
– مبروك على إيه يا ماما؟ دي بنتك لما بتحط عينها في حاجة بتعمر، أهي خربت و اللي كان كان.
ردت والدته و قالت بابتسامة واسعة:
– متقلقش يا حبيبي، طالما في تفاهم و الدنيا بينكم كويسة يبقى إن شاء الله خير، و إن كان على لولو فهي بتحبك و بتسعى للخير دايمًا، مش معقول يعني هتيجي على أخوها و تمنع الخير دا.
ردت هالة ببراءة و قالت بنبرة طفولية:
– اه و الله العظيم.

بعد مرور أسبوع كامل
في محاولات عديدة من هالة للصلح بين ليالي وإبراهيم، نجحت أخيرًا، و عادت المياه لمجاريها الطبيعية. كانت تلك التي جمعتهما هي أفضل صدفة عرفها إبراهيم، قرر أن يذهب إلى أخيها و يطلب منه الزواج بشكل رسمي كخطوة جديدة تضاف لحياته الشخصية. جلس و التوتر يسود قلبه، بينما جلس الدكتور أدهم الشرقاوي العم الأكبر لليالي وأدهم أخيها يتناقش معه في بعض الأمور. انتهى كل شيء على خير، حتى أتت هالة من المطبخ و قالت بهدوء:
– كدا نحدد معاد كتب الكتاب و الفرح.

رد أدهم و قال:
– مستعجلين ليه؟! سيبوا الأمور تاخد مجراها الطبيعي، أنا مبيحبش الاستعجال.
رد العم و قال مؤيدًا:
– أنا كمان رأيي من رأي أدهم، و بعدين إحنا لسه بنتعرف على بعض، ليه الاستعجال؟!
ابتسم إبراهيم و قال بهدوء:
– مش استعجال و لا حاجة، بس هالة أختي و كان نفسها تفرح بيا مش أكتر، و بعدين أنا جاهز و الحمد لله، يعني أنا بس كان عندي طلب يا ريت ليالي و حضراتكم طبعا توافقوا عليه.
سأله أخيها و قال:
– طلب إيه؟!
رد إبراهيم و قال:
– في الحقيقة أنا أمي و أختي ملهومش غيري، فكان طلبي إنهم يعيشوا معايا بعد الجواز و لـ…
رد العم و قال بنبرة معارضة:
– مستحيل طبعا، بنت أخويا تعيش في نفس الشقة مع أختك؟! أنت بتكلم في إيه؟!

تابع حديثه بغطرسة قائلًا:
– متزعلش مني يا إبراهيم، بس أختك اتطلقت مرتين بسبب مشاكل بيت العيلة، و اللي عرفته إن أختك كانت هي اللي بتخلق المشاكل دي، و إن أي مكان بتتواجد فيه هي بتعمل المشاكل دي، فإحنا لينا شرط، و لو وافقنا عليك أختك متدخلش بيت بنتنا، إحنا مش حابين نخرب عليها زي ما بنسمع إن أختك بتدخل البيت بيبقى هادي و بعده يقوم حريقة، أنا آسف دا شرطي عشان الجوازة تمشي.
وقف إبراهيم عن مقعده و قال بنبرة لا تقبل النقاش:
– لا تتشرط عليا و لا أتشرط عليك، بنتك عندك متلزمنيش، اللي يمنع أهلي من دخول بيتي ميلزمنيش لا هو و لا بنته.
نظر إبراهيم لأدهم أخيها الذي التزم الصمت طوال هذه الجلسة و قال:
– فرصة سعيدة يا دكتور أدهم، و ربنا يوفق الدكتورة مع حد تاني.

خرج إبراهيم بعد أن أمر أخته بالذهاب دون أن تعقب على حديث عم ليالي، بينما نظر أدهم له و قال بهدوء:
– أنا التزمت الصمت احترامًا لحضرتك، بس اللي حضرتك عملته دا أنا مش راضي عنه يا عمي.
رد العم و قال بنبرة متغطرسة:
– أنت بتغلطني يا أدهم؟!

خرجت ليالي من حجرتها و قالت بضيق:
– أدهم مش قصده يا عمي، بس بردو حضرتك مكنش ينفع تقول كدا لإبراهيم و أخته، وبعديـ…
قاطعها بنبرة حادة و صوت مرتفع:
– أنت بتقولي إيه يا بنت؟! و بعدين مين دا اللي أنت بتدافعي عنه؟! دا حتة محامي لا راح و لا جا، بصي لنفسك و لمركزك، شوفي أنت مين و عمك يبقى مين؟!

وقف أدهم عن مقعده ليُنهي الجدال و قال بنبرة هادئة على النقيض لما يحدث داخله:
– هي ليالي أحمد الشرقاوي، بنت أحمد الشرقاوي الموظف البسيط اللي كان شغال في مصلحة الضرايب، و أمها الست نوارة الخياطة اللي ظهرها انقطم لحد ما علمتنا و بقينا دكاترة.
نظر له و قال بابتسامة واسعة:
– عمنا بقى الدكتور أدهم الشرقاوي، الدكتور العظيم الرجل العصامي اللي بدأها من الصفر و دلوقت بقى عنده أكبر مستشفى في مصر و اسمه من أكبر و أهم دكاترة مصر.
ختم حديثه قائلًا:
– أختي لو هي اللي موافقة على العريس فأنا هعمل دا و أنا راضي، و لو قابلة تعيش معاه في أوضة تحت السلم و هي راضية أنا كمان راضي.
– أنت بتتحداني يا ولد؟!
– أنا بعمل اللي يريح أختي، أنا لو عشت لها النهاردا مش هاغيش لها بكرا.

“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى