روايات

هالة والادهم القسم ال2 هدي زايد

ردت هالة بجدية مصطنعة و قالت :
– بقيت دلوقتي أنا بايخة الله يسامحك
– هــالة خلصي بقى !
– طب يا سيدي هي مجتش عشان تعبانة واخدة دور برد شديد بقalها كام يوم و النهاردا الموضوع زاد و اغمى عليها
سألها إبراهيم بلهفة و قال:
– و أنتِ عرفتي كل دا منين ؟!
رفعت كتفيها و قالت بجدية:
– ابدًا مافيش دا أنا كنت بكلمها النهاردا و اخوها أدهم رد عليا و طلبت منه اطمن عليها قالي مش هتقدر ترد و إنها واخدة الدوا و نايمة دلوقت
– و بعدين ؟!
ردت ببلاهة قائلة:
– و بعدين إيه ؟
– هالة هو أنتِ بتيجي لحد عندي و تديني كلامك بالقطارة خلصي بعدين إيه اللي حصل ؟!
رد بهدوء قائلة:
– مافيش حاجة قلت له يقولها إنها اتصلت عليها و إنها هكلمها تاني تكون حالتها اتحسنت بس كدا !
– هتكلميها إمتى ؟!
– مش عارفة بس ممكن بكرا مثلا بليل
رد إبراهيم برجاء و قال:
– طب ما تخليها النهاردا بليل عشان خاطري
نظرت هالة لأناملها و قالت بجدية مصطنعة:
– كان على عيني يا هيما و الله بس مش معايا رصيد
– هاشحن لك
ردت بذات النبرة و قالت:
– السماعة بايظة !
تنهد بقوة و قال من بين أسنانه
– هاجيب لك غيرها
داعبت ياقة قميصه و قالت بإبتسامة ماكرة
– حلو قميصك دا
ابتسم لها و قال بكل ما أوتي من هدوء أعصاب:
– بقى قميصنا؟

كادت أن تتحدث لكنه رفع سبابته و قال بنبرة محذرة:
– قسمًا بالله العلي العظيم لو فتحتي بوقك دا تاني لأحسب كلامي و أتصرف بطريقتي.
ختم حديثه مداعبًا خديها قائلًا:
– و شوفي طريقتي و لا طريقتك يا هالة، والخسارة اللي هتتعرضي لها يا لولو.
ردت هالة بنبرة مغتاظة قائلة:
– خلاص يا خويا هو الواحد ميعرفش يطلب منك طلبين؟

في المساء
كانت تجوب الغرفة ذهابًا وإيابًا تسرد ما حدث لأخيها في الفترة الماضية، لم تكن تعلم أن ما تفعله سوف يؤثر بالسلب عليه، ظلت تتحدث عن تلك الفتاة التي نصحته بأن يغادر مكتب زميله كي لا يقع في الفخ المنصوب له، وأن تسوء سمعته المهنية، تأججت نيران الغيرة داخل ليالي دون أن تشعر، وظنته بأنه له ماضٍ مع الفتيات. أشارت هالة بيدها تجاه أخيها و قالت بابتسامة واسعة:
– تعال يا هيما بسرعة.

وضعت الهاتف في يده و قالت بنبرة هامسة:
– خد و اتكلم يكش تسمي بنتك على اسمي في الآخر، اديني مهدت لك الموضوع.
ختمت حديثها قائلة:
– أنا هروح أعمل لك قهوة و متنساش تدعي لي.

ما إن ذهبت هالة حتى رفع إبراهيم الهاتف على أذنه و قال بابتسامة واسعة:
– آلو ازيـ… طب اهدي طب اصبري هافهمك والله أنا مش بتاع بنات أنا بس ليالي…
نظر للهاتف و قال بنبرة مغتاظة:
– دي قفلت السكة!! منك لله يا هالة.
على الجانب الآخر من نفس المكان
كانت هالة تبتسم بين الفينة والأخرى على أخيها الذي وقع أخيرًا في العشق، ولج و هو لا يرى أمامه أي شيء، جلس جوارها، نظرت له و قالت بابتسامة واسعة:
– نقول مبروك؟!
رد عليها و قال بوعيد:
– و الله ما هسيبك و رجعي بقى كل اللي خدتيه مني بدل و الله العظيم شغل المحاميين عليكي لتكوني فاكرني أهبل.
سألته ببلاهة قائلة:
– يعني مش هتسمي بنتك على اسمي!!
وثبت من مقعدها قبل أن ينال منها، احتمت بوالدتها و جلست خلفها، رفعت والدته يدها و قالت بضيق:
– إنتوا رجعتوا عيال من تاني و لا إيه؟
– إسألي بنتك.
نظرت والدتها لها و قالت بفضول:
– هو في إيه يا هالة؟
قلبت هالة شفتها و قالت ببراءة:
– معرفش و الله يا ماما مع إني كنت ماشية في الخير! صحيح خيرًا تعمل شرًا تلاقي إبراهيم في وشك.
أجبرته والدته على الجلوس و قالت بجدية:
– مالك و مالها في إيه؟
– مافيش يا ماما خير، حضرتك عاوزاني ليه؟

ردت هالة و قالت:
– جايبة لك صور عشان تختار لك منهم عروسة يا هيما.
رد إبراهيم و قال بنبرة مغتاظة:
– خليها تخرس مش طايق صوتها.
– بس يا هالة.
ردت ببراءة و قالت بحزن مصطنع:
– حاضر يا ماما خرست اهو.
تابعت والدته و هي تضع صورة فتاة عشرينية لإحدى الجيران و قالت بابتسامة واسعة:
– دي دنيا بنت عمك مسعد، بنت زي الورد و خريجة حقوق زيك و شاطرة في البيت و شغلها يعني مش هتعبك.
رد إبراهيم و قال بابتسامة واسعة:
– دنيا مين يا ماما اللي أتجوزها؟ دنيا دي لحد السنة اللي فاتت كانت بتقولي يا عمو هيما، أجي السنة دي و أتجوزها؟!

ردت هالة بجدية مصطنعة ساخرة منه قائلة:
– أتجوزها و خليها تقلك يا هيما من غير عمو.
– قلت لك اخرسي.
– حاضر.
ردت والدته لتفض النزاع و قالت بنبرة مغتاظة:
– بلاش دنيا، إيه رايك في أمنية بنت عمك حسن؟ أهي بقى مافيهاش عيب و قريبة منك في السن و دكتورة قلب و شاطرة.

ردت هالة مشاكسة قائلة بخبث:
– لا يا ماما بلاش دكاترة، أصل إبراهيم مبيحبش الدكاترة و بيقول عليهم دمهم تقيل.
رد إبراهيم بنبرة محذرة و هو ينظر لوالدته و قال:
– هاضربها لك، خليها تسكت عشان مش طايقها دلوقتي و قفلي على سيرة الجواز دي دلوقت، وبصراحة مافي واحدة فيهم عجباني.
ردت والدته و قالت بنبرة مغتاظة:
– وبعدين يعني يا هيما؟ دي عاشر عروسة أجيبها لك و تقولي لأ! تعبتني يا ابني، كل ما أجيب لك عروسة تقولي مش حلوة!!
– يعني أكدب يا ماما؟ ما هي فعلًا مش حلوة، أنا عاوز واحدة حلوة كدا تنسيني كل الحالات اللي بتورد عليا في المكتب.
– أقولك يا ماما هو أنا عاوز مين؟
– قولي يا هالة.
– لا متقوليش يا هالة عشان كلامك وحش.
اقتربت هالة من إبراهيم و قالت بنبرة هامسة:
– هاتديني الجاكت الجديد بتاعك و لا؟
– اه بس استري عليا الله يستر عليك.
ردت والدته قائلة:
– ما تقولي يا هالة، هيما عاوز مين؟
ردت هالة بكذب:
– مش عارفة، بس واحدة كدا شقناها في المستشفى بس مش فاكرة اسمها.
سألته والدته بفضول:
– طب و أنت مش عاوزني أعرف ليه يا حبيبي؟ هو أنا هاكره لك الخير؟
ردت هالة قائلة بسرعة:
– لا يا ماما، أصلا ليالي بهدلته في التليفون و قالت له لو شفت وشك تاني هابلغ عنك.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى