
يوسف ببرود: أننا بنحب بعض ومتجوزين عن الحب والكلام الفارغ ده.
زهره بصدمة: أنت بتقول ايه؟ أنا مش فاهمة حاجة.
يوسف ببرود أكبر: بصي يا بنت الناس، أنا متجوزك عشان خاطر عمي مش أكتر ولانه اللي مربيني ومقدرش أرفض ليه طلب، هنتجوز بس زينا زي الأخوات، متستنيش مني أي حاجة تانية، في بنت تانيه في قلبي بحبها وأنا متجوز مغصوب، لولا عمي أنا عمري ما كنت فكرت أبص في وشك أصلاً!
زهره بتسمع كلامه ووشها شحب بصدمة وهي بتتبصله بعدم تصديق ودموعها بتنزل بحزن وبتقول بصوت مرتجف: أنت أكيد بتهزر صح؟ دا مش حقيقي، بطل هزارك البايخ ده بقي!
يوسف بجمود: أنا مش بهزر.
زهره وهي بتصرخ فيه بانفعال: ليه علقتني بيك؟ ليه؟ ليه كنت مهتم بيا طالما م بتحبنيش؟
يوسف ببرود وهو ببص لدموعها باستمتاع: والله أنت اللي كنت رخيصة وبتقعي بسهولة، فقلت أتسلّي شوية يعني، معقول ألاقي تسلية ومتسلاش؟!
زهره بدموع وصدمة وهي بتضربه بانهار: أنت حقير!
لوي دراعها ورا ظهرها وهو بيقول بصوت كفحيح الأفاعي: لو إيدك اتمدت عليا تاني أو صوتك على هزعلك مني جامد!
ثم أكمل ببرود: وبعدين مالك منهارة كده ليه؟ أنت ليكي الشرف أصلاً إنك عبرتك وبقيتي حرم يوسف محمد إبراهيم اللي البنات كلها هتموت عليه وأنت واحدة منهم وتنازل واتجوزك!
قالها وهو ببصلها باحتقار كأنها شئ بلا قيمة، وأكمل باستمتاع وهو يرى دموعها وكسرتها.
دخلت بخطوات مرتعشة الأوضة وهي مش مصدقة أن أجمل يوم في حياة أي بنت تحول لكابوس، كابوس كبير مش قادرة تصدق لغاية دلوقتي الكلام اللي قاله وكسرة نفسها في أجمل يوم، إنه مبيحبهاش ولا عمره هيحبها. عند هذه الفكرة انهارت على الأرض وهي ضامة نفسها بقوة وبتعيط بكسره وصعبة عليها نفسها أوي. قامت بعد فترة بخطوات مرتعشة ناحية الدولاب وطلعت منامة ليها وبدأت تغير بإنكسار وحزن كبير.
ميرنا بهدوء: المفروض أصدقك أنا كده؟ أنت اتجوزت خلاص ربنا يوفقك، وأنا مش هفضل…
يوسف بطمع: ٤ مليون.
ميرنا وعينيها لمعت بطمع هي الأخرى: تمام يا حبيبي، هديك مهلة ٦ شهور بس مش أكتر.
يوسف بحب: حاضر والله، أنت أصلاً متعرفيش الست شهور دول هيعدوا عليا ازاي، أنا مش طايقها، لو عليا مش هقعد معاها دقيقة واحدة بس لازم نستحمل عشان نبقى مع بعض.
ميرنا بخبث وطمع: ماشي يا حبيبي ربنا معاك، أنا هقفل بقي عشان ميصحش أكلمك في الوقت ده، مراتك تقول إيه عني؟
يوسف بعصبية: قطع لسان اللي يقول عليكي كلمة دا! أنا أقطعلها لسانها وأطلقها وأرميها برا البيت… لو فكرت بس تكلمك بطريقة متعجبنيش!
ميرنا بضحكة مايعه: دا العشم برضو يا روحي، تصبح على خير يا حبيبي.
يوسف بحب: وأنت من أهله يا حبيبتي، ياريتك كنتي مكانها.
ميرنا بخبث: كله يهون عشان خاطر الفلوس يا روحي، يلا باي.
يوسف: باي.
زهره كانت قاعدة حاطة إيديها على بقها بصدمة وهي مش مصدقة اللي بتسمع ودموعها بتنزل، لكمية الصدمات اللي اتعرضتلها من أكتر شخص كانت بتثق فيه. متعرفش قد ايه هو حقير أوي كده! حاولت تتمالك نفسها عشان ميشكش أنها سمعت حاجة ويأذيها، خرجت وهي بتتصنع الهدوء وخدت المخدة والبطانية وفردت جسمها على الكنبة بهدوء ونامت…
(End flash back)
فاقت من شرودها وهي بتفتكر ضربه ليها وإهانته وهي بتعيط بكسرة. مسحت دموعها بقوة وقالت لنفسها بقوة: “معدش ينفع تعيطي خلاص، هو الخسران! وعد مني لاشيلك من قلبي يا يوسف بحق كل دمعة نزلت مني لواحد ميستهلش زيك، لهشيل حبك من قلبي، أنا كل مشاعري ليك اتحولت لكرة، معدش ينفع أقعد على ذمتك دقيقة واحدة، كفاية إهانة لحد كده!”
أما عند يوسف كان قاعد في الشغل مضايق من رفضها ليه، دي أول مرة ترفضه.
باسم بنفس الخبث: عملت إيه المرادي؟
يوسف بضيق: بترفضني أقرب منها.
باسم بخبث أكبر وهو بيضحك: مش كفاية انك متجوزها غصب، كمان بتتشرط!
يوسف وقد زاد ضيقه وغضبه بعد كلمة صديقه تلك التي اشعلت النيران والحقد بداخله أكبر اتجاهها: مش عارف في إيه!
تدخل صديقهم ياسين: ما تستهدوا بالله يا جماعة، في إيه؟
باسم بخبث وهو ينظر لصديقه يوسف وقد قص عليه كل شي: بدايه من سبب زواجها منه و…
يوسف بضيق من ياسين: جرى إيه يا شيخ ياسين؟ عامل نفسك فيها محترم أوي يعني؟
ياسين بهدوء: أنا مش قصدي أقلل منك ولا أضايقك، أنا بقولك العادات اللي اتربينا عليها دي بنت ناس، حرام تتكلم عليها كده، اتقي الله فيها! وبعدين المفروض الأسرار اللي بينكوا متخرجش برا حد ثالث، اتقي الله فيها عشان ربنا يبارك لك، ربنا عمره ما هيبارك لك طول ما أنت بتتكلم على أهل بيتك بالشكل ده.
يوسف بضيق أكبر: ملكش دعوة أنت ومتدخلش نفسك في اللي ملكش فيه!
ياسين بهدوء: أنت حر، بس افتكر انك هترجع تندم على كل كلمة قولتها، ربنا سبحانه وتعالى بيقول (ما يلفظ من قول إلا لديه رقيب عتيد)، وعلى العموم أنت حر.
ولف ضهره ليه وهو بيكمل شغله ببرود. ويوسف بيبص ليه بغيظ كبير.
أكمل باسم بخبث: يا عم فكك منه، دا عامل نفسه فيها الشيخ ياسين! اسمع مني بقي المرادي، أنت مش مجبر تتحمل أكتر من كده، طلقها يا عم واخلص منها ونقدر نزور شهادة عمك، دا كلها شهر وتأخذ الورث عادي وتتجوز ميرنا!
ثم أكمل بصوت كفحيح الأفاعي وهو يرى ملامح يوسف المستجيبة لما يقوله وكأنه اقتنع بما يقلوله: وبعدين مش كفاية ضاغط على نفسك ومتجوزها وكمان بتتشرط عليك؟ هي ناقصة قرف يا عم؟ طلقها واخلص من قرفها دا بقي، وكده كده هترجعلك تاني لو عازت زي ما رجعتلك كتير قبل كده، هي ملهاش حد غيرك أصلاً يعني لو عوزتها في أي وقت هتلاقيها تحت رجلك، فإيه اللي يجبرك على كده؟
ثم أكمل وهو يبدأ بمباشرة عمله بعد تأكده بأقتناع يوسف التام بكلامه: على العموم براحتك يا صحبي، أنا بنصحك مش أكتر وشايفت ان أنت كده هتبقي مبسوط أكتر، أنت حر بقي في قرارك.
رجع يوسف من العمل وهو كالبركان الذي سوف ينفجر في أي لحظة. دخل المنزل وهو ينوي على افتعال مشكلة. قابلته زهره وهي تقول بجمود: يوسف، أنا عايزه أطلق.
قاطعها يوسف بجمود قبل أن تكتمل كلامها: كويس أنها جت منك، أنت متعرفيش أنا كنت مستني اللحظة دي بقالي قد ايه! زهره… أنت طالق.
زهره قاعدة في البلكونة في إسكندرية وفي إيديها كوباية النسكافيه بتاعتها بعد انتقالها لإسكندرية بيومين، وهي بتبص للبحر بشرود وبتفتكر الحوار اللي دار بينها وبين يوسف بعد ما طلقها وهي بتقوله:
(Flash back)
زهره باستحقار: يا خسارة يا ابن عمي، أبويا وثق فيك واعتبرك راجل وأنت للأسف مفكش ريحة الرجولة!
زهره بسخرية: أوي بصراحة.
ثم أكملت بجمود: شكراً أوي يا ابن عمي لأن دي الحاجة الوحيدة اللي مش هعرف أغيرها، انك ابن عمي! غير كده كل حاجة ممكن تتغير، بس قبل ما امشي والله لهتندم!
وخدت الشنط اللي كانت مجهزاها وركبت عربيتها وهي بتستعد لحياتها الجديدة اللي مش هيبقى فيها غير زهره القوية وبس. وفي الخلفية صوت الأغنية وهي بتقول:
إديتك من عمري كتير ومحستش…
قيدت صوابعي العشرة شمع وممرضتش…
عملت إيه علشانك تاني قول بأمانة…




