واحد جارنا تركي وأخو صاحب جو.زي إتجوز على مراته ست عربية…
الراجل من وجهة نظره مش سعيد مع مراته لأسباب تخصه ومش عاوز يهد البيت عشان جه مرة عبر لمراته عن ر.غبته في الانفصال جابت سك.ين.ة وكانت هتمو.ت نفسها…فطبعا اتخ,ض على ولاده…
المهم انه اتج.وز الست التانية دي من ورة مر,اته بقاله أكتر من سنة وحكى لجو.زي بس لأن جو.زي معروف عنه إنه صندوق أسود ودي حاجة بتر.عبني أنا شخصيا
المهم الراجل دا من حوالي كام شهر قال لجو.زي إنه نفسه مراته التانية تتعرف عليا لأن هي مالهاش أصحاب واحنا عرب زي بعضينا (أنا وهي)..طبعا انتو عارفين حبي للزو.جة التانية وفكرة الزوا.ج التاني …جو.زي طبعا عارف أفكاري فيما يخص الموضوع دا وهو الحقيقة متبني نفس الأفكار لكنه جه قال لي : تحبي تقابليها؟
وأنا عشان الفضول بياكولني وافقت على الفور…
لما قابلتها حاولت أتحلى بضبط النفس وأفهم الأبعاد …الست لطيفة بأمانة ولكنها متواضعة الجمال جدا ووفقا لرواية جو.زي فالراجل دا كان له علا.قات تانية مع ستات حرفيا ملكات جمال…ولكن الراجل كان طول القعدة متيم بيها وماسك إيدها وجو.زي قاعد باصص زي ما اللمبي كان بيبص للست اللي لبست طرحة في المحكمة مش مصدق..لدرجة إنه شك للحظة انه معموله عمل
اللي استشفيته انها موفراله فقط: الراحة النفسية…
المهم أنا اتكلمت معاها وعرفت انها موافقة على الوضع دا وفقا لروايتها لأنه أنسب وضع..هي مط-لقة ومعاها اولاد ومش هتتحمل لو ط-لق وجالها بعياله…(تمام زي عندينا)
المهم امبارح لقيت جو,زي راجع من الشغل وبيقولي مش هتصدقي إيه اللي حصل مع فلان..
خير يا عم الناس؟
مراته قفشت الحوار لأن واحدة صاحبتها شافته مع الز.وجة التانية في الشارع..فعشان تتأكد اشترت جهاز جي بي إس وحطته في العربية بتاعته وعرفت هو فين بالظبط والعنوان وكله…
راحت ركنت عربيتها تحت العمارة وشافتهم وهمه نازلين مع بعض…وعرفت شكلها…
تاني يوم راحت أودام العمارة شافتها نازله …راحت نط.ت علبها اد.يتها علقة عمرها…وقالتلها:
انتي مفكراني تركية؟..دا انا ..
راحت الزو.جة التانية متصلة بيه الحق.ني…راح جري بيحو.ش راحت نط.ت عليه هو كمان وقالتله يا تط-لقها وقتشي(بصوت أم سجدة) يا هترجع في يوم هتلاقيني ممو-تة نفسي انا والعيال…
طبعا هو عارف انها مجنو.نة وتعملها راح مطل-ق التانية وقتي..
وضحى بيها زي أي راجل في مجتمعنا(في الغالب) ما بيضحي بالتانية وقتي لو الموضوع هيهد.د أمن ولاده واستقرارهم…
امبارح اتر.مى في ح.ضن جو.زي وهو منها.ر وبيقوله أنه هيدور على واحدة تانية عربية لأن مافيش زي الست العربية مهما نقول ولا حد ريحه زي الست العربية…أنا خس.رت يا مصطفى..عااااااا…
جو.زي رد عليه قال له: آه طبعا وماله انت كدا كدا الشرع محلل اربعة…
راح رد وهو بيقول لجو.زي: آه صح…
راح جو.زي ش.تمه بهزار وراح قايله: والله العظيم انت بقيت زي الرجالة العرب!!!!
الفايدة من القصة:
١-ريحي طيرك ليلوف على غيرك..(لو طيرك مش من النوع اللي بيلوف طبعا)
٢-المرأة العربية تحتل الصدارة..
٣-عادي بشر زينا وبيعكوا…
٤-اني صريحة معاكم وبنقل الحلو والو.حش
اللهم صلي وسلم وبارك على سيدنا محمد وعلى ال سيدنا محمد كما صليت على سيدنا إبراهيم وعلى ال سيدنا إبراهيم وبارك على سيدنا محمد وعلى ال سيدنا محمد كما باركت على سيدنا إبراهيم وعلى ال سيدنا إبراهيم في العالمين إنك حميد مجيد
