اسكريبت بقلمي إيمان شلبي
يابني احبها اي دي كانت رهان
معقوله !
ولع سجاره وابتسم بسخـ,ـريه
اصل الكل قال عليها محترمه ومفيش حد قادر يكلمها
وبعدين!
وبعدين انا راهنتهم أن اخليها تكلمني ومش بس كده اخليها كمان تحبني
وبصله وابتسم بأنتصار
وكسبت الرهان
بصله بأحتقار وقام شده من هدومه وهو بيجز علي أسنانه
هي بنات الناس لعبه عشان تعمل فيها كده
رد بعصبيه
بنات ناس اي احنا هنضحك علي بعض
عامله فيها الخضره الشريفه واول ما كلمتها ما صدقت !
زقه بغضب وهو بيبصله بأحتقار
ربنا مش بيرضي بالظلـ,,ــــم أبدا ..شووف كام واحده راهنت عليها ووجعت قلبها هيقفوا قدامك يوم القيامه ويطلبوا من ربنا حقهم
حسبي الله ونعم الوكيل فيك انت مش بني آدم يا اخي
قال كلامه ومشي من قدامه ….
اما عن التاني قعد علي الكرسي وكأن الكلام كان بمثابه إناء من المايه البارده ووقع فوق رأسه !
هو ليه عمره ما فكر قبل كده في عقاب ربنا
ليه ماشي ومكمل في سكه غلط
سكه كلها شر وآذي
وك*سر لقلوب الناس
ليه مفكرش في اللي ربنا سبحانه وتعالي قاله
وتسحبونه هين وهو عند الله عظيما
معقوله الشـ,ـيطان قادر يسيطر عليه بالشكل ده
معقوله هو ضعيف اوي كده
معقوله هو عايش بيستلذ بعذاب الناس ومش عامل حساب الأذي النفسي اللي بيتسبب فيه لاي بنت قلبها حبه
ده لو شاف أو حس قد اي ك*سره النفس صعبه هيعرف قد اي هو شـ,ـيطان !
في بيت بسيط جدا وخاصه في اوضه من اوض البيت ده
كانت في بنت قاعده علي السرير
ضامه ركبتها الاتنين وسانده رأسها عليهم
كانت بتبص في الفراغ
عيونها جفت من كتر الدموع !
كان بهتانه
ملامحها حزينه
عيونها دبلانه
اللي يشوف الصوره اللي علي الحيطه فوق السرير بتاعها ويشوفها حاليا ميقولش أن دي هي دي!
اللي كانت في الصوره شخص تاني خالص
ملامح تانيه ضحكه مرسومه علي وشها
عيون بتخرج قلوب
قلب بالرغم من عدم ظهوره لكن كان فرحان ومتطمن
قلب مرتاح
كانت قاعده بتفتكر كل حرف وكل كلمه كانت خارجه من الشخص الوحيد اللي قلبها بدون اراده حبه
فلاش باك
كانت قاعده مستنياه في الكافيه اللي قابلته فيه مرتين أو تلاته بالتقريب من وقت ما عرفوا بعض
كانت بتفرك في ايديها بتوتر وقلبها بيدق بأقصي سرعه عنده من الخوف والتوتر
وفجأة دخل من باب الكافيه
اول ما شافته ابتسمت لا اراديا وعيونها لمعت بحب
اما عنه كانت ملامحه عاديه تكاد تقسم انها شافت نظره انتصار وـ,,ــــسخـ,ـريه اول ما عيونها اتقابلت في عيونه
مكانتش فاهمه سببها ايه
قعد وهو بيبصلها ببرود
عامله ايه
بلعت ريقها بتوتر
ا الحمد لله
تشربي ايه
مانجا
طلب مانجا وطلب ليه قهوه من غير ما ينطق حرف زياده
انت كويس
كان ماسك الفون بتاعه بيقلب فيه بملل ورد من غير ما يرفع رأسه
اه
احمد هو فيه حاجه
رد بضيق
فيه ايه يا حلا مانا كويس اهو
لا فيه انت بقالك يومين متغير معايا
لا بتكلمني ولا بتتطمن عليا ولا بترد علي الماسدجات بتاعتي فيه ايه
انا عايزه افهم!
قفل الفون بتاعه وحطه علي الطربيزه وهو بيبصلها ببرود
في اني مش عايز اكمل
قلبها اتنفض ووشها شحب وهي بترد بصوت مبحـ,ـوح
م م مش عايز تكمل في ايه
رفع حاجبه بسخـ,ـريه
لا انا كلامي واضح
انا مش عايز اكمل في علاقتنا دي!
ردت بهمس ونبره مكـ,ـسوره
طب ليه ا انا عملت ايه
بصي ياحلا من غير لف ولا دوران
انتي بالنسبالي كنتي رهان الكل قال مش هكسبه
وضحك بسخريه
بس الظاهر كانوا غلطانين !.
بصراحه انا كسبته من غير اي مجهود
وقرب وشه من وشها وهو بيبصلها باحتقار
متحاوليش تعملي محترمه بعد كده
اصل خلاص الكليه كلها عرفت انك بتكلميني وبتحبيني وصورك كلها معايا
يبقي ملهاش لازمه بقي جو الخضره الشريفه ده لانه قدم !
طلع فلوس وحطها علي الطربيزه واخد الفون بتاعه وسابها بعد ما حدف رصاص اخترق قلبها بكل قسوه ….
كان احساسها وقتها عباره عن كام جمله شافتها في شعر زمان وآثرت فيها
كانت كل كلمه مكتوبه بتوصفها بالحرف !
قابلته في مره قولت احكي
قولت علاقتي انا وانت
رد مش هكملها
لوهلة العقل فجأة إتخض
و قلبي حقيقي وقف نبض
و الصورة لقيتها مش ثابتة
نزيف من عيني متتالي
بقيت إنسانه معرفهاش
و تايهة وسط أحوالي
إزاي الدنيا تتشقلب
كنت حقيقي منتظره
يضحك يومها و يقوللي
دا كان فاصل و كان مقلب
أكيد مش همشي و هسيبك
لكن سابني !
وفي الحقيقه كانت تتمني لو كان ده مقلب لكن سابها ومشي بكل القسوه اللي في العالم
سابها بعد ما قال كلام ك*سر نفسها وقلبها
عمرها ما كانت تتوقع لما تفتح قلبها للمره الاولي بعد ما كان مقفول بميه ترباس
أنه يتك*سر بالشكل ده
عمرها ما كانت تتخيل أنها تكون رهان
مشاعرها قلبها دموعها روحها تصبح رهان !
هو للدرجادي مشاعر الناس لعبه
وقتها اتمنت لو فضلت قافله علي قلبها للأبد
بنت عندها ٢٢ سنه عمرها ما حبت
عمرها ما كلمت شاب
او حتي قابلت شاب!
كان لما حد من أصحابها يعرف ميصدقهاش
ازاي يعني ده كل البنات بتتكلم وبتحب وتتحب
ازاي ده البنات اللي في اعدادي دلوقتي مرتبطين !
انتي من النوع اللي عايز يتجوز صالونات
يابنتي جواز الصالونات ده فاشل
جربي تدخلي حد حياتك مش هتخسري
متقفشيش يابنتي مش كل ما حد يكلمك ياخد بلوك
مفيش شاب دلوقتي بيتجوز صالونات
بطلي عقد بقي مفيش بنت في سنك مش مرتبطه
كان كل ده كلام بيتقالها من أصحابها …
كانت تسمع كلامهم وتفضل تفكر فيه طول اليوم !
صحيح هي ليه لحد دلوقتي مش مرتبطه
هي ليه مش بتحب حد
معقوله عمر قلبها ما دق
دي تبقي كارثه !
هو صحيح قلبها مش شغال
اصل هي متفتكرش أنه دق في مره لشخص معين أو انشغل بيه
طبيعي جدا لما اي بنت تسمع الكلام ده من أصدقائها هيبقي نفسها تجرب احساس الحب اللي دايما بتسمع عنه
هي عارفه أنه حرام
عارفه أن ربنا مش بيبارك في علاقه زي دي وبيك*سر قلب صاحبها
لكن اوقات بنخاف من كلام الناس !
اوقات الشيطان بيفضل يلعب في دماغنا لحد ما يوصل لهدفه
هي كانت خايفه يتقدملها شخص صالونات ترتاحله وتوافق عليه ومن غير مقدمـ,,ــات تلاقي نفسها بفستان فرح
الموضوع مريب …
علي قد ما هي عارفه أن في جوازات صالونات بتكمل وبيجي الحب بعد الجواز
لكن عارفه برضو أن معظمها بيفشل وان اوقات كتير البنت بتضطر تكمل في جوازه هي مش حباها ولا مرتاحه فيها
خوـ,,ــــفا من الناس ومن لقب مطلقه اللي في مجتمعنا عار !
في الوقت ده دخل احمد حياتها
قررت تديله فرصه جايز يكون انسان كويس ….
مكانتش قادره تحدد ليه !
ليه هو من بين الكل وافقت ترتبط بيه
يمكن عشان حست أن قلبها ارتاحله
لكن للاسف ياريتها فضلت قافله علي قلبها
باااك
فاقت من شرودها لما باب الأوضه اتفتح ودخلت اختها وهي بتقولها بلهفه
حلا في عريس برا قاعد مع بابا بيتقدملك
يتبع
رهان
إيمان_شلبي
٣٠١٠ ١٢٣٥ ص Emy الجزء الثاني بقلمي إيمان شلبي
كم هو مؤلم ..أن يأتيك ما تتمني وقد تأخر الوقت وتغيرت انت وتغيرت الامنيات
كانت واقفه علي باب الاوضه وهي بتبص علي الصالون
مكانتش قادره تستوعب أن اللي قاعد هو احمد!
من غير ما تحس دموعها نزلت علي خدها بعد ما كانت جفت
قلبها دق تكاد تقسم أن لو حد واقف جنبها هيسمع دقاته
قربت من الصالون وهي بتترعش وبتتنفس بسرعه
باباها اول ما شافها ابتسم
—
بفرحه وهو بيقولها
تعالي ياحبيبتي سلمي علي احمد
اتجاهلت كلامه وبصت ل احمد وهي بتسأله
انت ايه اللي جابك هنا
اتحرج وقام وقف وهو بيفرك أيده بتوتر
ا ا انا
شاورت علي الباب بعصبيه
برا
باباها وهو بيتنفض من مكانه
انتي اتجننتي ايه اللي بتعمليه ده
قربت من باباها وهي بعيط
ارجوك يابابا ا ارجوك خليه يمشي خليه يمشي انا مش عايزاه اشوفه ا ارجوك
قرب منهم بحزن
حلا انا جاي اتقدملك
لفت ووهي بترد بصدمه
تتقدملي
باباها باستغراب وعصبيه
هو في ايه حد يفهمني
احمد باحترام
بعد اذنك يا عمي ممكن أنا وحلا نتكلم شويه
اتنهد وهو بيبصلهم بنظرات ن*اريه وكلها غضب
هما خمس دقائق وبعد كده هتفهموني كل حاجه
حاضر ياعمي وعد
خرج باباها وهي واقفه مكانها بتبص في الأرض بشرود وصدمه احتلت كياني
حلا
رفعت راسها وهي بتهزها بسخريه
خير جاي تكمل اللعبه!
حلا انا اسف
اسف
لا حصل خير عادي ولا كأن حاجه حصلت
ولا كأنك دوست علي قلبي
ولا كأنك هينت كرامتي
عادي خالص
غمض عينه جامد وهو بيتنهد بحزن
كنت غبي وحقير
كنت شخص أناني ومؤذي
كنت فيا كل الصفات الوحشه اللي بتقولي عليها بس انا حبيتك بجد
ضحكت بسخرية
هه حبتني ههههههههههههه هههههههههه لا نكته جميله ومضحكه
مش هكذب عليكي واقولك أن الموضوع من البدايه كان مجرد رهان
بس للاسف وانا براهن عليكي حبيبتك صدقيني انا جاي وكلي إيمان انك تسامحيني وتوافقي علي جوازنا
مسحت دموعي بكل قوتي وانا ببتسم بأنتصار
موافقه
رد بصدمه
ده بجد
هزيت راسي
اكيد
انت عارف اني حبيتك
ابتسم بفرحه وهو بيهز رأسه
تمام انا دلوقتي هطلبك من باباكي
لا
لا ايه!
وهو اللي بيتقدم لواحده بيتقدم لوحده من غير أهله !
هه ل لا اكيد ا انا يعني حاليا هفتح الموضوع مع باباكي
وبإذن الله لو في قبول منه هجيب اهلي
تمام ياحبيبي
بحبك
ابتسمت بشحوب
وانا كمان بحبك اوي
وبالفعل اتقدم لباباها بعد ما فهمه أن هو زميلها في الكليه وقدر يقنعه أنه هيجي يتقدملها بكره مع أهله
وفي الحقيقه باباها مكانش قادر يقتنع بيه ولا كان عنده قبول من نحيته
حاول يسألها كتير عن سبب عياطها وطردها ليه في البدايه لكن هي رفضت تقوله
فسرت تصرفاتها بأنها تعبانه شويه ..
يمكن اقتنع لكن اختها ومامتها مقدروش يقتنعوا أبدا لكن محبوش يضغطوا عليها !
بليل كانت قاعده في أوضتها بتعيط بصمت …
نفسها لو تصرخ بأعلى صوتها وتخرج كل اللي جواها
في حقيقه الامر اللي يشوف موافقتها بعد اللي عمله احمد يقول قد ايه هي بني ادمه ساذجه غبيه
هانت كبريائها ورخصت بنفسها تحت مسمي الحب !
لكن مين فينا يقدر ينسي الآذي اللي اتعرضله من اقرب الناس ليه
مين يقدر يتخطاه ويسامح بكل سهوله ولا كأن اللي اتك*سر مج أو كوبايه ممكن تشتري غيرها
اللي اتك*سر قلب انسان
قلب عمره ما يرجع ابدا زي زمان مهما حاول الطرف التاني يصلح اللي اتكـ,ـسر
اللي اتكسـ,ـر عمره ما يتصلح
وان كان حد قدر يصلحه هيفضل برضو من اقل خبطه معرض للك*سر مره تانيه ومن بعدها استحاله يرجع تاني مهما حاولنا ومهما عافرنا !
مسكت الفون بتاعها وطلعت رقم وضغطت عليه بعد تفكييير طويل جدا استغرق اكتر من ساعتين
ثواني وجالها الرد
الو
ردت بتوتر
نوح ازيك
حلا
ردت بصوت مبحوح
ا ايوه ا انا حلا بنت خالتك
ازيك ياحلا عامله ايه
نوح
رد باستغراب
نعم
نوح انت لسه عايزني
مش فاهم
