سحر
خلاص بقا يا ابراهيم اللي حصل حصل انا دلوقتي عايزاك تتكلم معاه في حكايه الطلاق مع هو انا مش راجعه له تاني خلاص بعد المنظر اللي انا شوفته
ابراهيم
خلاص يا سحر أنا هتكلم معاه واعرف ايه الحكايه بالظبط اهدي انتي كده وقومي غيري هدومك يلا
وفعلا قومت وغيرت هدومي وجيت علي بالليل لقيت اتصال جاي لي من إيمان بنتي لقيت نفسي فرحت اوي وقولت
سحر
الو يا ايمان انتي فين يا حبيبتي هو انتي فعلا بتكلميني يعني انا مش بحلم وصاحيه صح يا إيمان
إيمان
يا ماما انا بكلمك وبطمنك عليا انا بخير وزي ما قولت لك انا في مكان احسن بكتير أوي انتي بس اطمني بس انا زعلانه منك اوي هو انتي عايزة تطلقي من بابا
سحر باستغراب
انتي عرفتي منين يا إيمان الكلام ده
إيمان
انا بحس بيكم يا ماما وعارفه انكم اتخانقتوا وعارفه كمان سبب الخناقة بس انا حاسه ان بابا برئ يا ماما ارجوكي ادي له فرصة تانيه
سحر
لا يا إيمان انا لا يمكن ايدا أرجع له تاني انا خلاص هطلق منه يا إيمان ايمان يا إيمان انتي رحتي تاني انا مصدقت لقيتك يا حبيبتي انا عايزة اطمن عليكي يا إيمان كلميني تاني
وكانت قفلت الخط وابراهيم كان سامع صوتي من برة وخبط علي الباب وقالي
ابراهيم
سحر يا سحر افتحي انتي بتتكلمي مع مين يا سحر
سحر
كنت بكلم إيمان يا ابراهيم ايمان بتتصل بيا كل يوم وبتطمن عليا علطول دي حتي كانت بتكلمني دلوقتي
ابراهيم
بسم الله الرحمن الرحيم هو ايه الكلام اللي انتي بتقوليه ده يا سحر ازاي يعني إيمان هتتصل بيكي مش فاهم انا انتي الظاهر عليكي اعصابك تعبانه اوي الأيام دي
سحر
ليك حق متصدقنيش يا ابراهيم انا عارفه بس انا والله ايمان بنتي بتتصل بيا وبلاقيها عارفه اللي بيحصل
ابراهيم
لا حول ولا قوة الا بالله بقولك ايه انا ممكن اجيب لك مهدئ عشان تهدي نفسك وتنامي لانك شكاك كده مش بتنامي خالص استهدي بالله ونامي يا سحر
وسابني ابراهيم وانا عارفه ان هو مش مصدق كلامي ولا اقتنع بيه حتي وتاني يوم انا رحت الشغل وقولت للمدير
سحر
صباح الخير يا فندم انا كنت جايه لحضرتك وطالبة منك خدمه كده والله يخليك بس تنفذ لي طلبي ده
المدير
خير طلب ايه ده يا سحر قولي وانا لو في ايدي هعمله مش هتاخر طبعا
سحر
ربنا يخليك يا فندم انا كنت عايزة اتنقل من مكتبي اروح مكتب تاني بس ياريت في اسرع وقت لو تسمح يعني
المدير
ايوه يا سحر انا معنديش مانع بس انتي ليه عايزة تنقلي مع اني شايفك حابه زمايلك اللي معاكي في نفس المكتب
سحر
معلش يا فندم حضرتك نفذ لي طلبي ده واوعد حضرتك اني مش هطلب اي طلبات تاني واتقل عليك
المدير
متقوليش كده يا سحر انا هنفذ لك طلبك حاضر بس انتي مترجعيش تقولي انك مرتاحتيش في مكتب تاني
سحر
لا يا فندم انا مش هاقول لك اني عايزة ارجع
وعند احمد راح له ابراهيم اللي بيمشي علي عجاز من بعد الحادـ,,ــــثه اللي حصلت له وأحمد قاله
احمد
اهلا يا ابراهيم انت لسه رجلك مخفاتش من بعد الغيبوبة اللي كنت فيها دي
ابراهيم
والله يا احمد انا لسه زي ما انا بس اديني مستحمل هعمل ايه يعني المهم انت عامل ايه وبعدين ايه اللي انت عملته في اختي ده
احمد
انا معملتش حاجه يا ابراهيم واختك هي اللي فهمت غلط اصلا اللي إسمها رقيه دي هي اللي بترمي بلاها عليا يا ابراهيم انا مش بطيقها اصلا
ابراهيم
يعني هو في واحده هترمي بلاها علي واحد من الباب للطاق كده يا أحمد اكيد شافت منك اي اكشن خلاها تتعلق بيك
احمد
ياعم ده هما كام مرة كده عملت لها خدمه قبل ما أسافر بس ولا هو يعني علي المثل خيرا تعمل شرا تلقي
ابراهيم
خلاص يا أحمد انا هشرح لسحر الوضع واخليها تبقي تتفهم الموضوع اكتر يلا انا همشي بقا انا مش محتاج مني حاجه انا يا احمد
احمد
انا عايز سلامتك يا ابراهيم مع السلامه
ومشي ابراهيم رجع البيت وكانت سحر موجودة وقالت له
سحر
انت كنت فين يا ابراهيم انا رجعت من الشغل ملقتكش عملت الغدا وقولت استناك انت نزلت كده إزاي
ابراهيم
كنت عند أحمد يا سحر انا شايف انك تدي له فرصة تانيه
سحر
هو قدر يأثر عليك بالكلام يا ابراهيم وراجع عايزني أرجع له انا عارفه ان ده اللي هيحصل
ابراهيم
اهدي يا سحر في ايه بس يا حبيبتي انا عايز مصلحتك والراجل قال ان هي البت دي هي اللي كانت بتشاغله يعني هو معملش حاجه صدقي جوزك يا سحر
سحر
بقولك ايه يا ابراهيم انا عايزة ابعد شويه انا نفسياً تعبانه اوي ومش فايقه لحد وبعدين انا بستني ايمان تكلمني بالليل
ابراهيم بص لي باستغراب اوي وانا قولت له