وعد :- الله يسلمك
جذب مقعد لجوار فراشها ومن ثم جلس مقابلاً لها وعيناه لازالت متعلقه بها وأردف :- إنتي كويسه
أمأت رأسها إيجاباً مردفه :- أيوه الحمدلله
سيف :- طب ممكن تحكيلي أي اللي حصل
وعد :- كل اللي فكراه إني وأنا خارجه من المستشفي وقفت تاكسي ، وفي نص الطريق في ست كبيره في السن شاورت لسواق ،هو رفض أنها تركب غير لو أنا وافقت ، وهي صعبت عليه ووافقت إنها تركب وبعدها بشويه حسيت بدوخه والرؤيا مش واضحه قدامي ، وبس مش فاكره حاجه تاني لحد فتحت عنيه لقيتني هنا
سيف :- إنتي ما تعرفيش إنك كنتي مخطوفه
وعد بصدمه :- أي مخطوفه ، طبب وانت عرفت إزاي ومين اللي كان خاطفني
سيف :- إنتي ناسيه إني ضابط ولا أي أهم حاجه هى سلامتك ومتشغليش بالك بأي حاجه
وعد :- أنا هخرج إمته
سيف :- كلها ساعه ونخرج من هنا
أمأت برأسها دون حديث
تذكرت هاتفها مردفه :- فين تليفوني تلاقي عايزه أكلم رحمه
سيف :- للأسف تليفونك مش موجوده ، اول ما نخرج هيكون عندك واحد جديد
وعد :- شكراً
سيف :- تاني ، أنا قولتلك قبل كدا مفيش شكر بينا إنتي مراتي ولا ناسيه
وعد :- حاضر
بعد فتره غادروا المشفي
♧♧♧♧♧♤♤♤♤
عند رحمه
حدثت رحمه نفسها :- يووووووه راحت فين البت دي روحت من بدري ولا عبرتني وكمان تليفونها مقفول ، طب أعمل أي خلاص هتصل علي تليفون البيت بس يارب هي اللي ترد
♧♧♧♧♧♡♤♤♤
بالشقه عند وعد
رن جرس الهاتف مع دلوفهم الشقه
سيف :- ياتري مين اللي بيتصل دلوقت ، إدخلي إنتي أوضك إرتاحي ، دلفت إلي الغرفه المقابله لوجهتها وذهب ليجيب علي الفور
سيف :- السلام عليكم
رحمه :’ وعليكم السلام ورحمة الله وبركاته ، أستاذ سيف انا رحمه ممكن أكلم وعد
سيف :- إزيك يأنسه رحمه
رحمه :- الحمدلله
أبعد الهاتف عن أذنه ومن ثم إتجه به إليها
سيف :- أي دا إنتي داخلتي أوضتي علي فكره
إلتفت إليه مردفه :- أسفه يظهر إن تركيزي مش مظبوط
سيف :- ولا يهمك ، إتفضلي رحمه عايزه تكلمك ومد يده بالهاتف إليها
أخذته وخرجت مردفه :- الوووو ايوه يارحمه
رحمه :- اي يابنتي فينك من ساعة ما مشيتي لا حس ولا خبر ، أومال لو مش موصياكي تكلميني اول ما توصلي علشان أطمن عليكي وقونك مقفول ليه
وعد :- معلش يارحمه أصل حصل حاجات غريبه جداً سيف بيقولي إني كنت مخطوفه
رحمه بفزع :- ياخبر إسود مخطوفه ، مخطوفه إزاي يعني
قصت عليها ما حدث وما أخبرها به سيف
رحمه :- ياقلبي إحمدي ربنا إنك متجوزه ضابط وأنقذك طب هو لقاكي فين
وعد :- مش عارفه وهو رافض يقولي مش عاوزني أشغل بالي
رحمه :- خلاص ياحبيبتي حمدالله علي سلامتك أنا هعملك بكره أجازه تريحي أعصابك وأنا هبقي أعدي عليكي بعد الشعل علشان أطمن عليكي
وعد :- اوك
رحمه :- خلي بالك من نفسك
وعد :- وإنتي كمان
أنهت المكالمه ومن ثم دلفت إلي الغرفه التي أشار إليها سيف
بعد ربع ساعه طرق باب غرفتها فأذنت له بالدخول
وقف علي الباب مردفاً :- أنا حضرتلك الحمام
وعد :- بنفسك
سيف :- ياله بلاش رغي المياه هتبرد وعلي ما تخلصي هيكون الأكل جه وإوعي تقولي شكراً
وعد :- اوك مش هقول
♧♧♧♧♤♤♤♤
باليوم التالي
إستيقظ سيف وإستعد للذهاب إلي عمله بعد أن إطمئن عليها ، فهي لاتزال نائمه علي غير عادتها
سيف في نفسه :- هي اللي مرت بيه شويه الحمدلله إنها كانت متخدره وإلا كان زمانها عندها إنهيار عصبي من اللي حصل ، ورحمة الغالين عندي لإجبلك حقك ياوعد
جهز لها الفطور ومن ثم تناول القليل منه وغادر إلي عمله